影片
營業時間
今日營業
11:30 - 20:45
星期一至日
11:30 - 20:45
以上資料只供參考, 請與餐廳確認詳情
媽媽嘅嘅喪禮。之後，就再晌附近搵食，上網搵搵，赫然發現「貴緣小鍋米線」，多年前曾光顧過佢哋嘅紅磡店，原來靜悄悄搬咗嚟大角咀，咁摘日不如撞日啦。對比紅磡舊店，呢度大好多，又新淨好好，加上有唔少卡位，自然坐得更舒服。雖然都成8點過後非開飯高峰時段，但依然客來客往，枕住都有8、9乘坐滿。嚟得呢類鋪頭食嘢，相信好多人都知點嗌嘢，以二維碼落單都好方便：選湯底（$30-$35），選麵底，選辣度，再選特別要求 / 自由喜好，再揀餸（分4個價位：$9、$10、$11、$12）。此外，仲有兩款新品：酒煮醉香同金湯系列，仲有就喺店家提供勁多特色小食，大部份都喺廿零、三十蚊有交易，並有豆漿、綠茶、汽水……等供應。仲有佢哋嘅服務好人性化，講到明你掃二維碼落單搞唔掂，可以叫店員手寫落單，又可以向店員借手機架方便睇片，就連叉電服務都提供埋，真喺今時今日嘅服務，佢哋已經走多幾步，而啲店員亦好友善，好好禮貌。酒香醉雞翼 $39之前就試過佢哋嘅蒜香醬油雞翼同榨菜豬肚絲，今次見到呢一款新品，當然要試一試啦，雞翼送到上嚟已經聞到少少酒香，入口確喺滲出陣陣酒香，有一份醇厚感，不過，肉質就無預期之中咁嫩滑，但整體味道確喺唔錯。元祖金酸魚片濃湯米線 + 秘製腩肉 $81老友本身都幾鍾意食酸菜魚嘅，所以，一眼就相中呢一款米線，再加一份秘製腩肉，成碗米線真喺勁大碗。單睇外觀就知道，魚片同腩肉絕對俾得慷慨，本身有包埋芽菜、韭菜，而底下嘅米線真喺好似食極都有咁。雖然我哋各有各叫，但都會試少少對方嘅餸料，啲魚片果然超滑溜，又有魚鮮味，而啲腩炆炆得入味，微微辣有啲刺激感，咬落非常之鬆化，老友就話佢個湯底好鮮甜，又有一份酸香嘅感覺。特濃新鮮蕃茄湯配米線 + 魚肉春卷、生根 $56小弟不嗜辣，特濃新鮮蕃茄湯底啱我多啲，而揀呢個湯底，本身已包咗鮮蕃茄、韭菜、芽菜、蔥，只揀魚肉春卷同生根已經覺得好夠食，同樣大大碗到不得了。先飲啖湯，的確，蕃茄味真喺勁濃郁，酸香鮮活，加埋有啲蕃茄咬吓，越食越醒胃，最後差啲飲晒成碗湯！魚肉春卷食得出唔喺啲平價貨，軟滑有彈性，而魚鮮味十足，啲生根吸滿晒蕃茄湯，又變得零捨不同，而米線好滑漏，質感又唔會過腍。黑芝麻豆漿 $10、蜂蜜雪梨茶 $8飲品雖然喺要散點，但唔會開天殺價，跟你出面超市、七仔買嘅差唔多，出面有啲餐廳一罐汽水都收你廿蚊都敢死。老友嘅蜂蜜雪梨茶就唔講喇，而我所揀嘅豆漿豆味夠濃，甜度啱啱好，又滲出淡淡芝麻味。再嚟到「貴緣」，啲嘢食都無令人失望，既大碗，份量足，又好味，無hea做，怪唔之得咁晏都仲咁多人幫襯。
繼續閱讀
紅磡名物, 貴緣小窩米線, 開咗奧運新店! 呢間真係誠意小店, 唔貴又好食, 同埋喺譚仔以外多一個選擇❤️貴緣必點嘅一定係滷水雞翼, 冬菇王, 豬軟骨, 秘製腩肉, 魚肉春卷😋 今次叫咗個魚香米線配蕃茄湯底+配豬軟骨, 冬菇皇先講魚片嘅份量真係好足, 魚片掛汁好好味😀 冬菇王有好多人都稱讚, 我覺得最大原因係佢好大個所以裏面好多汁☺️另一個就叫咗酸辣湯米線配滷水雞翼, 魚肉春卷! 個人推介滷水雞翼係必叫, 我覺得拍得住深水埗文記, 好入味☺️雞翼控我仲嗌咗個巴蜀雞翼, 要注意係有少少辣, 都好味, 不過可以同滷水雞翼二揀一😉加左娃娃菜配蠔油, 新鮮又可以平衡下, 健康啲😊今次去全場都好full, 有水準既自然多人認識☺️
繼續閱讀
原來奧運站除了奧海城之外，還有一個商場連接叫西九匯，一入去除了地產舖就是這間米線店。.見到外牆貼滿的圖片十分吸引，而且天氣又開始凍，就決定吃碗米線暖暖身。之後才發現這間原來是網紅店。.叫了一碗酸辣薯粉、一碗麻辣米線，份量都非常充足，而且配料也必有用心；這個冬菇的厚度是我吃過這麼多當車仔麵以來最好的，雞翼也煮得很入味！即使是單餸叫肥牛，份量也足夠支撐一碗米線。.見到這裏也有網紅美食- 雞肉絲火山，雞肉是佔一點香蒜汁，乾得來又大少少濕潤，非常特別呢！而且一大碗，真的要與朋友分享才行。.酒煮醉鄉雞也十分入味，一個小食的份量媲美一個例牌呢！.食到中後段已經非常多人，的確口味很不不錯，配料也用心，是可以經常來的米線店。
繼續閱讀
呢間餐廳主打正宗雲南風味米線🍜湯底標榜每日用豬骨熬製，有酸辣、麻辣、蕃茄、青花椒等7款湯底選擇，啱哂唔同口味嘅你地😉💗招牌酸辣湯+秘製腩肉+冬菇皇（$53）酸辣湯底揀咗bb辣，雖然明顯飲到酸味同辣味，但味道冇乜層次而唔夠香，做唔到酸辣醒胃嘅效果😟米線就正常發揮，爽滑唔會太腍；配料反而係中上水準，腩肉炆得軟腍入味🐷；冬菇厚肉而且吸湯力十足🍄🟫💗 酒煮醉香鮮雞湯底+蟹柳+娃娃菜（$88）醉香雞湯雖然明顯飲到雞味，但湯底唔夠鮮，又冇酒香味，扣哂分☹️不過d雞件就幾滑唔錯嘅🐓💗蒜泥白肉（$28）呢個蒜泥白肉真係好失望，首先腩肉唔係薄薄地完整一片、肥瘦相間個隻，而係一堆碎肉咁🙄再者食落只有普通嘅辣油味，完全係「零蒜味」！賣相同味道完全唔合格👎🏼
繼續閱讀
不嬲都好鍾意食呢間米線舖，但係土瓜灣嗰間唔喺度之後，好耐冇食過啦。咁啱知道原來大角咀都開咗，咁就一於嚟試吓啦。呢間米線舖最好嘅地方，就係叫勁辣佢真係會好辣，啱晒鍾意食好辣嘅朋友。一上枱佢嘅湯底果然又香又辣，食落非常開胃，而且佢嘅餸菜份量都好多，一定會夠飽啊。另外呢個雞絲火山都係好值得試嘅，因為佢嘅份量好多，一上枱朋友已經忍唔住打卡。佢將雞絲砌到好似火山咁，不過呢個雞絲火山就唔算太辣，大人小朋友都食得。朋友就叫咗個酸菜魚米線，佢就話呢個米線唔係太辣，又酸又辣咁好開胃，啱晒唔食得辣嘅朋友。我試咗一舊酸菜魚，果然酸菜魚嘅肉質好嫩，佢係脆肉鯇嗰種，食落又脆又嫩。另外我哋仲叫咗個蒜泥白肉，佢嘅蒜泥白肉非常高質，比連鎖米線鋪嘅好好多。而且份量好足夠，蒜泥味好香，非常值得一試。呢間米線又平又抵食，而且搬咗之後環境靚咗又衛生咗，下次都一定會再嚟食呀。
繼續閱讀