影片
營業時間
今日營業
11:30 - 20:45
星期一至日
11:30 - 20:45
以上資料只供參考, 請與餐廳確認詳情
媽媽嘅嘅喪禮。之後，就再晌附近搵食，上網搵搵，赫然發現「貴緣小鍋米線」，多年前曾光顧過佢哋嘅紅磡店，原來靜悄悄搬咗嚟大角咀，咁摘日不如撞日啦。對比紅磡舊店，呢度大好多，又新淨好好，加上有唔少卡位，自然坐得更舒服。雖然都成8點過後非開飯高峰時段，但依然客來客往，枕住都有8、9乘坐滿。嚟得呢類鋪頭食嘢，相信好多人都知點嗌嘢，以二維碼落單都好方便：選湯底（$30-$35），選麵底，選辣度，再選特別要求 / 自由喜好，再揀餸（分4個價位：$9、$10、$11、$12）。此外，仲有兩款新品：酒煮醉香同金湯系列，仲有就喺店家提供勁多特色小食，大部份都喺廿零、三十蚊有交易，並有豆漿、綠茶、汽水……等供應。仲有佢哋嘅服務好人性化，講到明你掃二維碼落單搞唔掂，可以叫店員手寫落單，又可以向店員借手機架方便睇片，就連叉電服務都提供埋，真喺今時今日嘅服務，佢哋已經走多幾步，而啲店員亦好友善，好好禮貌。酒香醉雞翼 $39之前就試過佢哋嘅蒜香醬油雞翼同榨菜豬肚絲，今次見到呢一款新品，當然要試一試啦，雞翼送到上嚟已經聞到少少酒香，入口確喺滲出陣陣酒香，有一份醇厚感，不過，肉質就無預期之中咁嫩滑，但整體味道確喺唔錯。元祖金酸魚片濃湯米線 + 秘製腩肉 $81老友本身都幾鍾意食酸菜魚嘅，所以，一眼就相中呢一款米線，再加一份秘製腩肉，成碗米線真喺勁大碗。單睇外觀就知道，魚片同腩肉絕對俾得慷慨，本身有包埋芽菜、韭菜，而底下嘅米線真喺好似食極都有咁。雖然我哋各有各叫，但都會試少少對方嘅餸料，啲魚片果然超滑溜，又有魚鮮味，而啲腩炆炆得入味，微微辣有啲刺激感，咬落非常之鬆化，老友就話佢個湯底好鮮甜，又有一份酸香嘅感覺。特濃新鮮蕃茄湯配米線 + 魚肉春卷、生根 $56小弟不嗜辣，特濃新鮮蕃茄湯底啱我多啲，而揀呢個湯底，本身已包咗鮮蕃茄、韭菜、芽菜、蔥，只揀魚肉春卷同生根已經覺得好夠食，同樣大大碗到不得了。先飲啖湯，的確，蕃茄味真喺勁濃郁，酸香鮮活，加埋有啲蕃茄咬吓，越食越醒胃，最後差啲飲晒成碗湯！魚肉春卷食得出唔喺啲平價貨，軟滑有彈性，而魚鮮味十足，啲生根吸滿晒蕃茄湯，又變得零捨不同，而米線好滑漏，質感又唔會過腍。黑芝麻豆漿 $10、蜂蜜雪梨茶 $8飲品雖然喺要散點，但唔會開天殺價，跟你出面超市、七仔買嘅差唔多，出面有啲餐廳一罐汽水都收你廿蚊都敢死。老友嘅蜂蜜雪梨茶就唔講喇，而我所揀嘅豆漿豆味夠濃，甜度啱啱好，又滲出淡淡芝麻味。再嚟到「貴緣」，啲嘢食都無令人失望，既大碗，份量足，又好味，無hea做，怪唔之得咁晏都仲咁多人幫襯。
繼續閱讀
貴緣雲南米線係米線關注組都好出名，不過由於比較少去紅磡，所以一直都試唔到。之後發現佢係奧運開番開左，身為米線Fans，就二話不說即刻要試一下。地方都近奧運站，店舖都幾大，所以去食都方便。見到呢度㨂米線幾特別，估唔到好似拉麵咁有得揀濃度，咁我今次揀左一碗10分濃麻辣同5分濃招牌酸辣比較一下，另外仲叫左小食！10分濃米線一上枱見到湯底顏色夠晒深，試左一啖味道同質感夠濃稠，岩晒重口味的我，配料如芽菜、韮菜同埋肉碎都唔吝嗇。米線相對比較幼細，煮得入味但唔會過淋，做得唔錯。至於酸辣就有小窩的味道，5分濃其實都夠味，仲可以好舒服飲晒啲湯。至於餸料方面，貴緣選擇都幾多，我就叫左出名的雞絲山、羅白、紅腸、墨魚丸同魚腐。雞絲山份量好多，撕得夠幼，所以浸完湯就好入味。羅白大舊無渣，食落仲滲到陣陣甜味。至於紅腸、墨魚丸同魚腐就正常發揮！之後就要試小食，叫左米線店比較少有的酸齋同埋獨有的巴蜀狂惹雞翼。酸齋份量好多，甜酸度適中，幾好食。至於雞翼係有濕潤的感覺，烤得香口，加左蜜糖甜甜地的味道，最正係雞翼面加左唔少黑椒，增強刺激的辣味。#米線 #米線關注組 #貴緣雲南米線 #米線控 #奧運美食 #米線關注群組 #hkfood #hkfoodieblogger #hkfoodie #食好西 #尋找世一米線 #tastefoodtastelife
繼續閱讀
「一間米線，湯頭就系佢既靈魂」今次小編就帶大家黎到大角咀，同大家介紹一間米線關注組大推既人氣雲南小鍋米線 一 貴緣小鍋米線貴緣小鍋米線素來以招牌無味精湯頭著稱，而店家稱湯頭既秘訣就系每日以大量豬骨新鮮肴製，小編亦覺得從佢地既湯頭飲得出誠意，非常值得支持🌟蒜泥白肉 $28蒜香十足之餘帶一絲絲辣味🤤👍🏻🌟巴蜀狂惹雞翼 $28雞翼入味甜甜地，肉質嫩滑🤤👍🏻👍🏻🌟招牌酸辣湯紅薯粉 $32豬軟骨+$12 秘製腩肉+$11招牌酸辣湯呈橙紅色，以酸味為主，酸中帶一絲香辣，紅薯粉非常好掛湯🤤👍🏻👍🏻🌟酒煮醉香鮮雞豬軟骨湯米線 $80酒煮醉香鮮雞豬軟骨湯頭呈金黃色，飲得出雞味之餘帶一絲酒香甘甜，豬軟骨燘得夠腍入味，而雞肉非常嫩滑🤤👍🏻👍🏻📍貴緣小鍋米線地址：櫻桃街38號西九匯2樓205號舖#大角咀 #貴緣小鍋米線 #貴緣 #米線 #豬軟骨 #蒜泥白肉 #雲南米線 #留港消費 #支持小店 #小鍋米線 #米線關注組 #為食關注組 #覓食大角咀 #食在大角咀 #香港美食地圖 #大角咀食乜好 #巴蜀狂惹雞翼 #招牌酸辣湯紅薯粉 #九十後行到邊食到邊 #酒煮醉香鮮雞豬軟骨湯米線#HKIG #HKIGER #HONGKONGFOODIE
繼續閱讀
今日帶大家嚟到奧運站，呢度有三個商場，食肆林立，大家千祈唔好錯過我推介啦😍========================Food list📌😋黑芝麻豆漿：甜度啱啱好，豆漿味好濃😊😋蜂蜜檸檬茶：味道清甜，蜂蜜好潤，配搭好😚！！絕對唔可以錯過一定要試😋肥牛米線：簡簡單單一個米線，不過肥牛份量十足，絕對唔可以錯過🥳！😋巴蜀狂惹雞翼：份量十足，肉質鮮嫩，加埋少少黑椒，絕對係一份招牌菜🤩
繼續閱讀
紅磡名物, 貴緣小窩米線, 開咗奧運新店! 呢間真係誠意小店, 唔貴又好食, 同埋喺譚仔以外多一個選擇❤️貴緣必點嘅一定係滷水雞翼, 冬菇王, 豬軟骨, 秘製腩肉, 魚肉春卷😋 今次叫咗個魚香米線配蕃茄湯底+配豬軟骨, 冬菇皇先講魚片嘅份量真係好足, 魚片掛汁好好味😀 冬菇王有好多人都稱讚, 我覺得最大原因係佢好大個所以裏面好多汁☺️另一個就叫咗酸辣湯米線配滷水雞翼, 魚肉春卷! 個人推介滷水雞翼係必叫, 我覺得拍得住深水埗文記, 好入味☺️雞翼控我仲嗌咗個巴蜀雞翼, 要注意係有少少辣, 都好味, 不過可以同滷水雞翼二揀一😉加左娃娃菜配蠔油, 新鮮又可以平衡下, 健康啲😊今次去全場都好full, 有水準既自然多人認識☺️
繼續閱讀