影片
以上資料只供參考, 請與餐廳確認詳情
有一期在米線關注組見到好多谷友介紹「貴緣小鍋米線」 ，但因為分店遠在北角，一直未有覓食。最近意外發現半年多前總店搬到了大角咀，今晚即刻拉上好友來試吓！「貴緣小鍋米線」大角咀店位於西九匯2樓，店內還有招牌寫著十年米線。大癲的份量，其實即是2人餐份量。米線幾有口感，不會煮至太軟太碎。湯底選擇了招牌酸辣湯，濃濃的酸香味頗為醒胃。配餸是固定的，分別有雞絲、魚肉春卷、冬菇、響鈴、紫菜、蘿蔔等逾10款，非常豐富。雞絲份量很多，堆在中間有如一座小山丘。冬菇厚肉，魚肉春卷帶少許彈牙感。蘿蔔燉得很腍很入味。當中響鈴、紫菜、螺旋藻都十分索湯，味道變得更香口惹味。另一款是有酒作成份的湯底，入口有微微酒香，也會夾雜着雞肉鹹香味，幾香幾特別。醉雞份量都多，肉質相當嫩滑。加配了滷水大腸，滷水汁帶甜口，配上酒香湯底又幾夾！麵底選了紅薯粉，扭紋薯粉更能掛湯。餐廳有手工糕點供應，點了一客椰汁斑孄千層糕作餐後甜品。糕點質感軟腍，帶陣陣斑斕葉的清香。餐廳強調採用低糖減甜的配方，甜度果然恰到其分，食得健康。
繼續閱讀
係大角咀塭完朋友順便食個晚餐行過商場見到有間食米線唔洗點等位 入去試下先🙈有六款湯底可以揀😆湯底都算多選擇👍🏻配料方面有@44款第一次見可以揀特特辣🫢小食方面有15款可以揀座位方面枱有d多 坐得有d逼😥食物方面:米線一般般 有d少米線同送有d生味道有d淡店員態度方面麻麻地餐廳衛生麻麻地呢兩方面有待改善🙈🌟餐廳收支付寶,現金/八達通📍地址: 大角咀櫻桃街38號西九匯2樓205號🗳️整體評分: 5.5/10
繼續閱讀
聽講係一間好出名嘅米線～之前紅磡元祖店搬到大角嘴～即刻去食下依間人氣店🤩🍲 招牌酸辣湯米線湯頭酸辣適中仲會有小小甜依碗配左豬軟骨、蘿蔔和同豆卜豬軟骨入口即化同好入味軟骨位都係好易咬蘿蔔超級清甜唔係假甜、浸糖水嗰種大家記得要叫！🍲 元祖金酸濃湯米線湯頭濃郁～比招牌會鹹小小但酸辣味依然十足米線質地小小淋又有彈性配左豬軟骨、滷水大腸和魚皮餃滷水大腸超大舊🤩好入味魚皮餃係自家製～冇味精🐔 蒜泥雞絲山超大堆雞絲😍蒜泥麻辣汁同雞絲山分開上蒜泥好香得嚟唔會好臭個汁好麻又唔會太辣超易入口～🐖 蒜泥白肉肉豬肉片薄得嚟唔會易夾爛蒜泥汁比頭先嘅會多左辣油食落會更香口～🥧 期間限定甜品糕點醇黑芝麻糕濃濃的芝麻好香～質地細膩滑順甜度適中幾好食椰汁斑斕千層糕椰汁好香斑斕味都好清香食落好清新清香椰汁紫米糕紫米搭配椰汁食落香甜紫米份量適中食落好有口感傳統馬豆糕口感扎實豆香濃郁～店鋪店員服務態度都好好價格好親民～而且味道都好好😌性價比好高大家可以去試試！
繼續閱讀
已經心心念念咗幾個月嘅米線，終於食到✌🏻一如既往都係點酸辣湯，不過今次叫左湯係7分濃，味道夠哂出，真係好爽！🤣🌋 貴緣雞絲火山雞絲堆到成座山咁高，份量超多，雞絲唔嚡，拌埋榨菜，咸香微辣，口感豐富，難怪咁多人推介，真係招牌之選！🍜 第1碗招牌酸辣湯紅薯粉酸辣湯底夠開胃，紅薯粉煙韌彈牙，秘製豚肉鹹香入味，手打魚腐滑溜，冬菇皇厚身多汁，螺旋藻帶少少海味，配搭有層次，食落唔會膩，啱晒鍾意重口味嘅朋友！🍗 第2碗招牌酸辣湯紅薯粉加埋滷水雞翼，雞翼滷得入味，肉質嫩滑，配埋秘製豚肉、魚腐、冬菇皇，份量十足，啖啖都好滿足，酸辣湯底令成碗粉更惹味，食完有幸福感！🥬 菜心爽口翠綠，清新解膩，食完辣野嚟返啖菜心就啱晒，簡單但唔失水準。
繼續閱讀
終於暫時完成手頭上排山倒海嘅工作，我呢個愚公費盡九牛二虎之力終於移走咗座大山。老公見我做嘢咁辛苦，話要慰勞吓我請我食大餐喎，但我為咗幫佢慳荷包，就揀咗公司附近嘅西九匯食返個米線大餐就okay啦。我哋首先點咗兩碗兩餸米線，再加兩個菜，兩個小食，同埋一個飯後甜品同飲品，都只係每人一百蚊鬆啲，真係好經濟實惠呀！呢間鋪頭有卡位，坐得好舒服，而且店員又好nice, 啲嘢食話咁快就送到。啲車仔餸款式又多，對於有選擇困難嘅我都諗咗一陣間呢。最後都係揀返車仔餸必定出現嘅清甜蘿蔔。米線嘅湯底又可以自訂濃啲定淡啲，非常之人性化。另外，仲有期間限定養生低糖手工糕點，幾種口味可供選擇，例如芝麻，桂花等等，我就揀咗紫米，清清哋又唔太甜，完全滿足咗我好奇嘅味蕾食到我哋兩個肚仔漲卜卜，咪就係嗰句，打破TJ財團壟斷，全力支持小店！
繼續閱讀
您可能會有興趣的...