貴緣小鍋米線 (崇潔街) (已結業)

一路支持開，但係今次等左成個鐘都拎唔到外賣，只係一路出黃色外賣app同堂食，成村人要企係門口等個外賣，如果做唔到不如唔好接單啦落單時都唔會提醒客人要等，同時間入去嘅堂食客人食完走都未到我拎外賣，花錢真係買難受，尊重你地小店逐碗出需要等待，但你地都冇尊重你地客人，叫左雞絲9個字之後先同我講冇，下？咩事呀，煮左9個字你先知冇果樣食材？唔早啲講？ 錢就你搵，我就企係到白等？你有冇諗過咁既天氣你既客人等到身水身汗，奉勸見字既各位有時間先好落單，永久blacklist

 之前係荃灣食一間小鍋米綫都好好食，呢閒係表妹推薦既，門口牌牌擺著堅持多年手藝，絕不取巧，走心，自選湯底，湯底會有固定配菜，面底、辣度、喜好都可以揀，然之後揀自己中意既肉或者菜，價錢不一，分量都幾大，湯底好正，唔係濃到好膩，麻辣湯底好香少少痲，好味~係，豆漿都唔錯，解辣

一句講哂，難食過譚仔點左個酸辣米線中辣多酸，雞絲，腩肉，魚片頭一黎到，試左個湯先，個湯底同清湯一樣，辣同酸完完全全分開既再試下個雞絲，又醒又臭，腩肉個味又怪，魚片品同譚仔無分別碗野我食左一啖，比錢走左，完全垃圾，請勿再吹奏

紅磡食米線，來到呢間超爆場既貴緣小鍋米線🍜試試，新嘗試新口味，也帶來新驚喜。小店雖然不大，但真係超爆場，滿場full, 拿到位後就拿拿臨點野食。呢度出名米線🍜，我們都點左自己鍾意食的米線款式，仲有D小食喔。1. 鮮茄小鍋米線🍜，加了扎肉，炸響鈴，甜酸齋，豬紅 加了這麼多菜 超級豐富才$692. 麻辣小鍋米線🍜，我喜歡吃辣，小小辣試試水溫，還好不算太辣，也加了秘制腩肉，肥牛，炸醬和豬紅 也是$69搞定小食： 蒜香🧄醬油雞翅$27 雞翅是單骨雞翅，味道👅不錯喔娃娃菜油菜$13 新鮮健康，吃點蔬菜🥬可解辣喔。另外也有不同飲品，來罐特別的可樂leom coke ，還有出名的豆漿，也不錯喔

呢間米線位於土瓜環崇潔街嘅小巷～主打唔同湯底嘅米線～用電話掃qrcode落單 可以揀辣度同要求多蔥等等 非常客製化！———————————————🍜招牌酸辣湯米線 （$31）+豬軟骨/秘製腩肉/滷水大腸（+@$10）酸辣湯原本有炸醬、酸菜、韭菜、芽菜、香蔥可以係app要求走原定配料湯底可揀辣度 今次揀左小辣酸辣味道頗濃郁 所以食落都好開胃😋豬軟骨同大腸都好入味 腩肉係薄切 冇乜肥肉 食落清爽！三款配料都同酸辣湯好夾！🍜豬骨鮮濃湯紅薯粉（$29）+螺旋藻/冬菇皇/肥牛 （$9/9/10）螺旋藻份量十足 軟硬度適中有口感紅薯粉份量都好多～冬菇皇大粒而入味！🧄蒜香醬油雞翼（$27）雞翼係冷盤 蒜香味真係非常重 十分惹味 而且拆左做單骨 食落好方便！🥢孜然涼皮條（$27）孜然味啱啱好涼皮條係硬而帶點煙韌係口感幾特別嘅小食！🥛杯裝豆漿（$9）/雀巢檸檬茶（$8）———————————————☺︎ 環境: 7/10 ☺︎ 服務: 8/10☺︎ 會想再食：8.5/10———————————————店家資訊✎ 店名: 貴緣小鍋米線 ✎ 地址: 紅磡崇潔街20號地舖✎ 其他分店：北角—————————————

❤️《土瓜灣隱世足料抵食米線》— 貴緣小鍋米線🍲平時唔會行開呢頭既我，見到呢間係隱世小店而且材料十足，所以一於專登過嚟食！😛🍲麻辣小窩米線 (小小辣、金菇、螺旋藻、炸響鈴、手打魚腐）湯底好好味，麻同辣味道適中，本身睇落好似好辣咁，但食落小小辣比譚仔三哥10小辣辣少少😋所有材料都好吸味，份量又多，最鍾意食螺旋藻同炸響鈴😙💛🌶️麻辣小窩紅薯粉 (小辣、滷水雞翼、金菇）個紅薯粉好煙靭彈牙好qq😍😍似五小辣🙌🏻金針菇好入味、滷水雞翼出色！🐥貴緣雞絲火山入面加咗榨菜片，口感豐富🙈🐤重慶口水雞翼夠晒麻辣，充滿麻麻辣辣嘅雞翼🫶🏻我哋仲嗌咗兩支豆漿，一邊飲一邊食，一流💛☻味道：8.5/10☻環境：7/10☻服務：7.5/10☻價錢：9/10☻回頭率：80%☻人均消費：$100內📍貴緣小鍋米線 (紅磡) 紅磡崇潔街20號地舖📍貴緣小鍋米線 (北角)北角和富道21-53號和富B樓B15-16號舖

用大量豬骨熬出嚟嘅湯底，飲落真係幾鮮甜。加埋麻辣/酸辣，層次感即刻提升不少。值得一讚，飲完都唔會好口乾👍🏻湯底辣度由小小辣至到特特辣，好貼心！麻辣小窩米線-小辣 雞翼、雞肉絲、滷水大腸、蟹柳、芝士腸、豬肚絲辣味後勁強，麻香味亦好突出。食得辣嘅建議揀中辣或以上，因為落嘅辣度唔夠重手。雞絲份量超級多，好滿足！滷水大腸好乾淨夠哂肥美。酸辣小鍋紅薯粉-中辣多酸秘製腩肉、豬軟骨、手打魚腐、紅腸呢度嘅秘製腩肉瘦肉較多，但食落爽嫩唔柴口。豬軟骨味道酸酸甜甜，炆得夠軟糯好入味！手打魚腐要必點！！！皮薄起皺，索湯一流。魚腐鬆軟嫩滑，我好鐘意！！小食方面兩款都係煮完之後雪過嘅！甜酸齋 呢個酸甜味道夠開胃，如果覺得碗米線/薯粉辣嘅朋友呢個用嚟解辣一流。貴緣雞絲火山 好香沙薑汁味道，加埋榨菜片，爽脆得黎調和雞絲嘅單一口味。表面更灑上辣椒粉，少少辣勁惹味。

我冇諗過最好食嘅米線都可以有第二集😂想知第一間係邊間歡迎去我profile搵吓🤣朋友不約而同都覺得佢哋兩間並列第一！可能本身冇乜期望，點知出乎意料地好食，令佢係我地眼中更好食左！🤩不過我覺得呢間都好睇個人口味，例如我哋都覺得自己個碗會好食啲，如果我哋食對方個碗嘅話未必會有咁高評價～🤣唔講太多，即刻揭曉佢攞第一嘅秘密！⭐️秘密在於其湯底！✨ 招牌酸辣湯 $31👍🏻👍🏻👍🏻👍🏻呢一個酸辣湯係我食過咁多間米線舖最好食嘅！好鍾意佢個湯底夠濃味，偏酸小小，好香😍✨青花椒麻濃湯 $33👍🏻👍🏻👍🏻👍🏻呢個比較特別！出面都少有，如果鍾意食麻香嘅朋友，唔太鍾意酸，一定要試下！🥰⭐️麵底我地一個揀咗米線，一個揀咗紅薯粉，都好食！😋⭐️餸 ($8-$10/款）✨鹵水雞翼 👍🏻👍🏻👍🏻👍🏻超級推薦，滷水汁好入味！🤤✨ 蘿蔔 👍🏻👍🏻👍🏻👍🏻咬落去夠晒甜😋✨ 豬軟骨👍🏻👍🏻👍🏻✨ 豬紅 👍🏻👍🏻👍🏻✨ 腩肉👍🏻👍🏻⭐️小食✨ 蒜泥白肉肉 $27 👍🏻👍🏻佢唔係大家平時譚仔食開嗰隻蒜蓉，比較特別～同埋唔會好多油！可以試吓，同埋佢嘅白肉都唔算好肥膩！☺️✨ 皮蛋豆腐 $25 👍🏻我食開尖椒皮蛋豆腐🤣唔係好習慣佢呢種，佢係同

米線關注組推介嘅米線，梗係要試下，呢間最近仲喺北角開埋分店，所以應該幾受歡迎今次試佢紅磡總店，星期六晚去到好多熱門配料都已經售罄，好彩都仲試到唔少推薦菜。我同朋友每人叫咗碗米線同小食，share試下多啲嘢🌟酸辣小鍋米線- 秘製腩肉- 雞翼- 爽口魚片頭- 蘿蔔酸辣米線有酸菜、韭菜、芽菜、炸醬、香葱，辣度我揀咗小小辣，好易入口，而酸味好濃，但帶有後勁嘅甜味，有啲似蘿蔔嘅清甜味，未食過咁嘅味道，幾特別。配料方面，我幾推薦蘿蔔同腩肉，因為蘿蔔冇渣兼炆得好淋好甜，而腩肉好入味而且唔肥🌟麻辣小鍋米線- 豬軟骨- 鮮製魚皮餃- 蘿蔔- 豬紅麻辣米線有韭菜、芽菜、炸醬、香蔥，而湯底除咗有蘿蔔果種清甜味，仲有好香嘅麻辣醬味，非常惹味！我個人覺得麻辣比酸辣更出色🌟雞絲山呢碟好多人叫黎打卡，因為碟仔裝住滿到瀉嘅雞絲，望落好澎湃，點少少醬油當做多個米線配料都唔錯🌟皮蛋豆腐呢個係預期嘅味道，但佢個汁做得幾好，唔太鹹，連埋汁一啖咁食係幾好味整體黎講，呢間米線嘅湯底同配料都幾出色，如果未食過呢間嘅就千祈唔好錯過

​見到好多人提及呢間位於係小巷入面嘅小鍋米線，第一次黎個陣咁啱遇到佢day off，第二次黎都見唔少人叫外賣同堂食，記得早啲黎會比較好，太夜好多小食都賣曬🙈🔸青花椒麻小鍋米線（HK$87）湯超滿，呢個湯底最出名，食落有少少嘅麻味，小辣都唔算太辣，麻味比較重。配料叫左冬菇皇、魚片、螺旋藻、墨魚丸、豬軟骨、炸魚皮～墨魚丸都幾有咬口，炸魚皮熱辣辣好香脆，咁多料食完都好飽～🔸濃湯小鍋米線（HK$81）朋友唔想食辣，就叫左呢個清湯，食落味道清淡少少，配料叫左蟹柳、魚蛋、紅腸、腩肉、肥牛、墨魚丸，秘製腩肉幾惹味～🔸娃娃菜（HK$13）清清地加個菜，啱曬返工人士想食菜嘅願望😄

【土瓜灣捐窿捐罅｜🍜大推青花椒麻濃湯米線】🐨青花椒麻濃湯米線 $33推薦度：⭐️⭐️⭐️⭐⭐️青花椒麻濃湯一啖飲落去，飲到少少辣青椒味，但就唔辣口只有少少麻嘅餘韻～ 清香得黎有平時麻辣湯嘅後勁👍🏻呢幾日凍冰冰，淨係飲啖湯都覺得好暖胃～米線係小編鍾意比較腍身嘅款式，吸晒湯底嘅滋味！.🐨豬軟骨 滷水雞翼 各$10推薦度：⭐️⭐️⭐️⭐⭐️兩款都勁好食，好襯青花湯底。兩款配料都滷得好入味、好淋身～豬軟骨骨髓位都唔會好硬，滿滿骨膠原嘅感覺☺️滷水汁甜甜地，滷到連軟骨都可以食埋，襯落湯底度甜甜辣辣咁好特別～.🐨雞絲 $10推薦度：⭐️⭐️⭐️⭐雞絲份量非常之多鋪滿咗大半兜嘅米線面，好嫩滑啖啖肉好滿足！略為乾身不過浸埋湯食反而吸返湯底湯味，俾米線更加掛汁，大大提升咗口感同味道！.🐨紫菜 $8推薦度：⭐️⭐️⭐️⭐⭐️同樣份量超級多，小編平時食米線好少會加紫菜，係朋友推介嘅～真係一試難忘！吸盡晒湯底嘅花椒麻味，夾住米線一齊食，口感豐富滋味～.🐨蒜泥白肉 $27推薦度：⭐️⭐️⭐️⭐一兜小食，大約有15、6片，每片都唔算薄，肉質係偏硬身，有口感，夾埋蒜泥食，好有韓式燒肉感受，兩個人share食都覺得好飽... 而且佢哋係用特色嘅紅色蒜泥，

今天下班後，我和朋友約好一起去土瓜灣品嚐米線。我們每人點了一碗小辣米線，還點了三個配菜，再加上一份甜酸齋和一碟油菜。蘿蔔金菇腩肉紅薯粉配酸辣湯底😋😋😋先試了一口酸辣湯，喝下去感覺比較甜，酸味不夠，不過當加上酸菜一起吃時就剛剛好。金菇的味道很正常，而蘿蔔則非常清甜且口感軟嫩，沒有渣滓。腩肉相對來說比較瘦，但也很好吃。紅薯粉的口感細膩，足夠彈牙。豆腐卜貢丸豬軟骨配麻辣湯底😋😋😋當上菜時，就已經聞到濃郁的麻辣香味。喝一口湯，麻辣味道夠濃郁，但有點偏鹹。最好加上一些配菜，如芽菜一起食用，可以中和鹹味，也使口感沒那麼油膩。豆腐卜吸滿了湯汁，咬下去有一種爆湯的感覺，而貢丸則口感彈牙。豬軟骨炆得很軟嫩，口感和味道都很好，而米線則比較細緻，入口滑順。甜酸齋個人認為可以再多一點酸味，但以24元的價格來說，份量稍微有點少。菜心份量相對來說比較多，以13元的價格來說算是比較划算，不過盛載的碟子太小，有些菜葉會觸碰到桌面。吃完辣的東西後，我們又點了一杯豆漿來緩解辣感。豆漿有濃郁的豆味，不過似乎不是自家製的，應該是外購的。總的來說，米線的份量相當大，性價比高，我們支持這家小店。

今次有人介紹我去試下紅磡呢間貴緣小鍋米線☺️其實都幾隱蔽，入到去巷仔先見到佢😏入到去係手機點餐，果陣客人都唔算多，但都等左好耐先有野食😂我哋叫左麻辣湯，味道都幾好，食落都幾過引😝叫左小辣都夠晒辣….啲餸就不過不失☺️主要就係食佢個湯底….我哋叫左個蒜泥白肉，不過就有啲失望，啲肉好厚，而且有啲韌，同譚仔完全唔同感覺，個人就唔太鐘意😝不過湯底真係唔錯，下次可以試埋佢其他口味🤓#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食 #love #followback #instagramers #tweegram

🍊 餐廳名稱：貴緣小鍋米線 (紅磡)🐝 味道：7.5/10環境：7/10整體分數：7.5/10💰人均：$50~80———————————————————天氣凍左食啲熱湯類既食物就最好啦！今次終於食到講左好耐既平民高質米線！鮮茄小鍋米線(連餸) 💰63呢到最特別係佢地既米線可以轉做芽菜底，所以我地膽粗粗就叫左黎試下。果然無令人失望，首先芽菜比米線更加容易掛到湯，所以食落去每一啖都充滿着蕃茄味。其次相比起米線，芽菜食落無負擔，健康好多。配菜方面揀咗佢地既signature雞絲，螺旋藻同埋肥牛，個份量係多到食極都仲有。呢一碗簡直係另類既健康食物，充滿着蛋白質同埋膳食纖維！我覺得減肥人士都可以去食！酸辣小鍋米線(連餸) 💰60咁食米線當然要試吓酸辣啦，叫左小小辣，秘製腩肉，滷水肥腸同鮑魚片。都係好足料，成個湯底都偏酸，但個口感唔會話好乸喉，容易入口的。而且我都幾鍾意呢個腩肉，唔會話太肥或者太瘦，味道上都好正！皮蛋豆腐 💰24最特別應該係個汁，充滿着蒜蓉味道，而且唔會話好辣，相信大部份人都會接受到。🗺️ 紅磡崇潔街20號地舖 🔍#FlavorforToday紅磡🚆土瓜灣站D1出口，步行約8分鐘

今日繼續食米線，今次去呢間米線咪喺土瓜灣嗰邊嘅米線依家米線其實都幾好食。特別推介佢嘅小食 。包括蒜泥白肉，白肉切得薄薄嫩嫩，肉質鮮嫩多汁，蒜泥味道濃郁，令人食指大動。每一口都帶有蒜香味，非常開胃。另外，佢地嘅重慶口水雞翼同蒜香醬油雞翼都值得一試，配上特製醬汁，味道鮮美。重慶口水雞翼微辣帶點麻辣味道，而蒜香醬油雞翼則帶有濃郁的蒜香味，兩款口味各有特色，都好好食。由於我哋兩個人食，所以我哋叫咗一個特濃新鮮番茄湯麵加底，湯底好濃郁，番茄味濃厚。米線有彈牙嘅口感，加埋湯底一齊食，真係好開胃。