貴花甜糖水甜品專門店 (已結業)

大約9點鬆少少就去到哩哩店舖但已經有好多人等位 但好快就有位了 可能是2人的關係吧.店員好有禮貌好nice地sell幾款甜品咁我地2人就試左哩個 富士綠茶火焰雪山.感覺都好似幾正 應該唔會好差吧等哩個甜品都等左幾耐下 可能制作需時吧.這個甜品只是外表靚 但食落就唔係咁掂富士綠茶火焰雪山有幾個puff伴碟外層係有蛋白忌廉 有少少被燒烘過的入面係Haagen Dazs綠茶雪糕最底層係綠茶蛋糕 仲有超級OVER的LUM酒嘩 一食到哩到已經想嘔返出黎 完全唔掂喎!!!!!唉 成個甜品 最好食都係Haagen Dazs綠茶雪糕好唔開心啊 食左個好睇但好難食的甜品

食完餐好差既金水之後，決定再週圍掃街，行下行下見到貴花甜張甜品海報，好似幾吸引喎! 一於過去坐低食甜品。佢地今期新甜品係綠茶系列，聽完佢介紹個"富士綠茶火焰雪山"好正咁，就試下啦!最底個層係綠茶蛋糕，香軟有綠茶味。跟著一球haagen dazs綠茶雪糕，包無失禮啦! 外層係紅豆加蛋白忌廉，有少少被燒烘過既，再係雪山面淋椰子酒點火，幾激! 仲有幾隻綠茶cream puff伴碟添，puff都好好味喎，入面係綠茶吉士cream, 尤其朱古力皮果個最好味! 我地切開一半兩個人share食，一叉落去幾層一起吃就係最正啦! 跟住要等20分鐘既朱古力心太軟就黎喇，本來佢地都sell綠茶心太軟，不過我地想試兩款唔同味道，所以叫朱古力味試下先。一上枱，輕輕地係下面叉一下就流d朱力漿出黎，好流心呀! 個皮就焗得有少少脆，質感有啲似曲奇，入面就係好軟既純朱古力漿，好濃朱古力味好正呀! 心太軟就係配Dreyer’s Vanilla雪糕，都好軟滑。

曾經我都去過呢間甜品舖，好中意，所以今次再度一訪。😙  啲員工比我嘅感覺係熱情同親切，會同客人有交流，比起連鎖式甜品舖更有人情味，呢個亦係我再黎嘅原因之一。😊 佢遞左個menu比我，好多選擇得黎，甜品創意亦爆燈！資料亦詳細，圖文並茂寫明有咩料👍。雪糕布甸胚芽好立克冰露，第二次黎又再點過😍。顧名思義，最上係Dreyer's香草雪糕，下面係胚芽好立克沙冰，配上粒粒焦糖同牛奶布甸點綴。我本身唔係特別中意好立克，但呢個沙冰有淡淡嘅清香，甜度恰到好處。雪糕沙冰布甸，三種口感，十份滿足🍨😋。男女老少都啱食！新推出綠茶心太軟，啱哂我呢個綠茶愛好者😝👍👍！未上枱就開始聞到綠茶味，上枱唔夠10分鐘就食哂😂。一篤開個蛋糕，一陣濃烈嘅綠茶香溢出，綠茶醬湧現。沾上綠茶醬嘅綠茶蛋糕，令蛋糕不到於太乾。脆脆嘅表面，軟熟嘅內心，蕩熱嘅熔岩，滿食道嘅綠茶味，滿足😌。雪糕紅豆同蛋糕一齊食亦另有味道，用糖水煮嘅紅豆果依舊保存並散發獨有嘅味道。士多啤梨甜甜酸酸，難得唔似出面果啲酸到面容扭曲😚。    品嘗完甜品，佢地都會鼓勵客人填寫意見表，重會送張會員卡。佢地力求完美嘅態度的確埋下我再一次黎貴花甜嘅衝動。🏃

這个下午我和一班 " 舞" 林高手去 high tea, —行九男女，我們九男女剛站在門口，熱情的侍應已招呼我們入內，這裹裝修的色調是田園的绿，襯着温暖的橙和黃，我感到很舒適，也很温暖。為了要試更多口味，我們便互相分享各款美食，我們試了:意式蕃茄莎莎多士、法式芝士蒜茸飽、香蒜欖油虎蝦、蛋黃忌廉汁煙肉意大利麵、蒜片欖油意大利麵、吞拿魚鮮忌廉長通粉、鮮茄香草意大利飯、黑椒吞拿魚伴青瓜沙律甜品：火焰雪山雪糕、朱古力心太軟、薑汁梳乎厘、粉紅兵團、紅荳香竽涼粉冰我最喜愛的是鮮茄香草意大利飯和黑椒吞拿魚伴青瓜沙律 ，不但味道濃郁，還很驚喜，很棒！ 更不要錯過" 火焰雪山雪糕" ! 吃這個甜品是指定動作啊！否則就是损失了！我和九男女相约再試晚飯，但我很想完完全全地擁有一份晚餐，不和他們分享，因為太美味了，假使不能擁有全部，我怕會失眠，會失落呢！

食完飯, 友人話想食甜品, 咁就去左依間鋪頭啦. 去到人唔多, 好快就有位啦. 一坐低, 店員會主動介紹, 講解特色甜品, 超過詳細, 幾nice, 好少鋪頭會做到咁!左邊芒果冰, 右邊黑糖冰材料豐富, 價錢又平, 略嫌上面芒果唔當做, 唔太甜

吾使等位，因為時間尚早。同老婆行完街就黎左間野。店員招呼幾好，野食又快黎！我地點左爆珠樂園同朱古力綿花糖沙𣲙，不過d餐具就麻麻囉，見到格離個客用緊成枝湯殼黎食雪糕我真係o晒-.-好彩我起唔係姐，但味道ok既份量都夠食！ 老婆好鐘意食我點既爆珠樂園裡面個青檸啫哩，但我覺得麻麻姐，相反我反宜鐘意食老婆本身點既朱古力綿花糖沙𣲙，我覺得個朱古力沙𣲙同綿花糖好好食但就覺得個青檸啫哩麻麻囉，我地應該調轉個甜品黎食先岩。Ps:我老婆之後見到個湯殻既＂正確用法＂係拎黎裝住火焰雪山d酒...但點解d店員拎黎比人客食雪糕呢？吾通佢地真係傳說中既＂冇更用＂？

一天走進廟街搵食, 沿途有一食店不停拉客. 不單只我接過傳單, 連朋友由另一方向來都收到同一張宣傳單. 見此店如此賣力, 一行3人決定吃過晚飯來捧個場.約晚上10時正, 下著毛毛細雨, 我們三人看著二拉架指示, 不用30秒已經到達貴花甜. 門口招呼的是一位年青人, 他極為友善叫我們在門外等等...一等已經20分鐘.進店後來了兩份差不多的餐牌, 即時應該是老闆的年青人就開始推介他的得獎作品: 特級雙重酒香火焰雪山雪糕有幾巴閉?? 貼到成間店都係就知幾巴閉!請注意, 餐牌的名稱有點不符, 價錢以貴的作準. 這個真的會讓消費者誤會!....餐牌上都說明了雪糕的結合圖表, 即是有橙酒, 有曲奇雪糕, 有棉花糖...等等. 沒有太理會就點了一個試. 特級雙重酒香火焰雪山雪糕主角到場, 不覺得很特別, 同吃開的火焰雪山不論size同形狀都差唔幾.火槍一噴~嘩, 香濃的橙酒味就跑出來, 好香呀!!用叉一拮, 香滑忌廉加上剛噴過的橙香酒味, 有點暈眩~~是有點醉.像空氣般的忌廉之後吃到一粒粒松子, 感覺特別, 是第一次吃類似甜品會加入松子.曲奇雪糕球有兩個, 如果可以揀兩個不同口味, 應該會更好吃~底

碰上這間別樹一格的甜品店，實在是很驚喜，而且服務貼心，年青人的衝勁真的令我拜服，誰說 80 後沒有人生目標，呢度比你嘅感覺簡直係充滿希望，都唔知要試幾多次先可以試哂所有口味啊。。。由餐牌開始，保證你睇十分鐘都未揀到食乜，單看餐牌的解說，己經感覺到那種美味湧出來，睇到 lam lam 利，保證睇完樣樣都想試。雪糕咖啡意式涼粉 　＊＊＊＊～～賣相吸引，配搭很花心思，沙冰、啫喱、涼粉、雪糕，層次豐富，時而濃濃的咖啡味，時而咬到煙煙＂Un＂＂Un＂的啫喱粒粒。雖說這裡的價錢是貴了一點，但他們的用料都選擇上盛的，份量也很大，相對其實也是值得的。雪耳燉木瓜 　＊＊＊＊＊～～別以為他們只著重為潮流而做的甜品，連傳統的熱食也很用心，你可以吃得出它是原瓦盅燉出來的，真的香甜得要命。而其他熱食也有從傳統中再延伸變化，的確很突出。

我對去過既食店好少會再去的要試既會一次過哂想食既菜色除非係覺得好出色先會黎過再黎貴花甜就係其中一間由佢新開業比個冰露吸引左我之後我都黎過幾次係因為佢個皇牌冰露真係好正佢有好多款比你簡唔同味道唔同配料好有心思ｍｅｎｕ仲會寫得好清楚層層有咩唔同個賣相又好，黎到大大杯真係超吸引又解渴最重要係水準高，好好味道唔似刨冰一味得個甜字又冇味道服務都係由始至終咁殷勤店員會係你一坐低就係咁介紹佢地有咩主打的確係幾難簡因為佢地都幾多元化架ｄ甜品睇到樣樣都想試我食左個香芋紅豆脆脆冰露個賣相好得有十勝紅豆，粒粒大大粒又香又軟又甜又有咬口脆脆係ｄ蜜糖星星，加強左口感香芋味道都好出，成杯冰露紫色好得人鐘意夾埋好香奶味既雲呢拿雪糕食真係好味道一次過滿足哂咁多種享受又透心涼又唔會太甜又有野食又解渴正！！同場加映朋友食的甜品，因為我一杯冰露已經好飽冇試佢地果ｄ但睇落都覺得應該唔錯的

好鐘意既一間甜品店, 一次無意中經過, 佢仲要俾左張9折card我, 之後就經過既話都會幫襯... 好欣賞佢年輕"老闆"(唔知係米)既social 手法, 令人好親切, 不過而家佢主要打理Jordan新店為主, 比較少係甜品店出現.店入面好幾款甜品都幾好食, 幾特別, 包括各款有酒係上面既雪山, 心太軟等等雪山曾經得過獎, 入面比較甜, 有雪糕, 出面用燒緊既燈酒冧落去, 好特別之餘仲係燒既過程中揮發左D酒精, 而留底左燈酒少少苦既味道, 顯得洽到好處... i hereby declare that this is not 餐廳店主、員工或其代理人或其競爭對手利用食家身份提交食評if openrice still reject the publication of this article i reserve the right of fiing a complain to the equal opportunity council. thanks.

朋友帶我去呢間食心太軟，帶位的員工同我地講坐外面(街)唔駛等，當時門口也有其他人在等位，我地坐外面都得…職員話等一等，之後呢句的時間，就見到有幾對黎食嘅人被帶位的問左幾句就帶入了舖內食，我好奇坐外面反而要等，坐入面可以即入…但又無問仲等緊嘅人坐唔坐入面…!? 朋友後來見很多剛黎嘅人都可即入舖內坐，就問帶位個員工又話外面即有位…，原來係要等另一個員工抽空去外面開枱，仲要唔問個帶位的他亦不會跟進!! 最後呆等完一輪終於有得坐，亦很好地介紹新出食品，我食了酒心心太軟，朋友食士多啤梨火焰雪山; 個火焰雪山好怏就黎了，但個橙酒+火就遲遲未黎，又催左兩次…個雪山都溶溶地了，最後終於黎點火，個火好快就熄，所以d酒未燒晒好重酒味，而雪山上的士多啤梨醬又好藥水味，朋友最終無食晒. 咁心太軟等就正常，等待時有另一個員工拿住碗甜品逐枱問，之後入去check完再問一次，到問我第二次時話係我張枱，我話我叫的是心太軟，之後個員工拿了去隔離枱問，人地問係咩黎，個職員望一望碗嘢答涼粉…擾攘一輪最終在隔離枱放下; 個心太軟黎到時已經唔係熱辣辣…, 但酒心ok哦，苦苦甜甜的!總括甜品我覺得ok, 只是員工唔夠，在繁忙時

在廟街行完，兼食左餐略帶不滿的煲仔飯晚餐後，決定食返d甜品平伏一吓心情。帶位0既服務員安排坐位後，叫我地坐低等一等。原來服務員在送上menu時會好詳細咁介紹，講解俾你聽有咩新推介同店舖得獎甜品超讚的服務態度！最後點左好立克冰露同蘋果金寶配雪糕好立克冰露，佢D冰類似沙冰，D冰細滑而且重好立克味，而沙冰配以Dreyers 雪糕，雲呢拿0既味道令好立克味道更突出，正！蘋果金寶好熱好香，蘋果餡唔算太甜，配Dreyers 曲奇雪糕食，一冷一熱在口中0既沖擊。感覺非常特別。雖然兩個人share食，但食完都覺得有d滯同漏 埋單時，服務員遞上一張意見書，填妥後免費給了一張會員咭。以後幫襯有9折優惠，記住填寫哦！

此店算是區內名店，曾獲食神獎，多次三過而不入，終於有機會。 好彩我地入得早，如果唔係都會排得好勁。侍應一開始的時候好有耐性咁同你解釋有咩甜品，例如：焗爐代表要等二十分鐘亦有註明係一人定係二人份　以及所含的材料 我地食左１粉紅兵團　（士多啤梨。士多啤梨冰。爆爆珠。椰果）食起來酸酸甜甜，有種出奇不意咁喚醒你的神經。份量好足，五個人都食到好多：）(我仲有好多想試，因為有好多唔同顏色） ２。火焰橙酒雪山雪糕佢會係你面前點著個山，好ＨＩＧＨ哈哈哈。ＭＩＮＴ雪糕配蛋白有冰火的感覺，雪糕用上Ｄｒｅｙｅｒ’ｓ　，而個底係ｍｕｆｆｉｎ，一次有三種滋味，有Ｄ　醉ｔｉｍ　：Ｐ ３。翡翠珍珠意式涼粉我地形容為一樣唔係好甜的甜品。綠茶jelly 配上涼粉意粉。感覺好似食主菜一樣非常有咬口、suggest 大家可以先分開食再一齊食帶來唔同的層次

昨晚和朋友晚飯後又心思思到貴花甜吃甜品，見他們推出了三款新的栗子甜品就當然要一試。由於我們只有兩個人，猶豫了很久之後終於決定了點栗子金竇配雪糕和甘栗雪糕火山 (另一款甘栗梳乎厘就唯有下次再試)。熱辣甘甜的栗子加上冰凍的 Dreyers 雪糕這個配搭真的是太美妙了。一冷一熱，一軟一硬的口感的實在令人齒頰留香。

去完百老匯睇戲，最佳節目緊係去貴花甜食甜品啦，今晚就食左佢地既新出Halloween甜品，紅桑子心太軟，同爆趣藍精靈，個紅桑子心太軟應係新出味道的心太軟，酸酸甜甜，同朱古力好襯。心太軟依然信心保證，好流心。 而個爆趣趣藍精靈，樣子好靚，味道亦幾清新，有少少雜莓味，但味道淡左Ｄ，食到底有少少淡口，同開始覺得好冰好凍，但面上的爆爆珠真係好好味，有的益力多汁係裏面，仲會係口裏面爆，正！Overall, 都OK,但藍精靈可能適合夏天多Ｄ。