貴記荳品 (已結業)

簡直係平靚正!!d雲吞大大粒，d豆漿好好飲好香豆味..所有食物都好足料。。

住係土瓜灣, 幾年前有去開呢度買大餅,窩貼,牛肉包食,後來冇再食呢排見好多人都話好食,又去返呢度食幾次始終係大餅,牛肉包最好食, 又平. 佢的麵都唔錯.我男友都好中意食,又平又好味. 但係!我發覺食完5次會有3次肚痛, 我男友都有肚痛.於是試多幾次後,都唔敢再買黎食,就算有時真係好想食,都唔敢!始終肚痛果陣係好辛苦,又要頻頻上廁所. 而且我記返起,幾年前之所以停左唔食都係因為我食完肚痛.見到下面的食家見到有老鼠,更肯定呢間店既衛生唔係咁得, 可能家族式經營既店, 成員又有老一輩的人, 衛生觀念都比較差啦. (記得以前個阿伯同埋d店員係用手拎d野食的,而家好少少用個夾)我覺得雖然佢既野係平同埋好味, 但衛生太差既話,又食到人肚痛, 就真係唔係咁好, 希望佢可以改善一下啦.否則有一日出事, 比食環處黎查就好可惜唔知有冇人試過一樣食完有肚痛呢?好想知道

24/6 3:30pm放工後到土瓜灣做facial,特意提早下車到紅磡區搵食.可能因炎熱天氣原故,胃口不大.加上烈日當空,於是進了此荳品老店稍作歇息.點了凍豆漿$3及滷水豆腐拼炸魚蛋$6,豆漿細細杯,甜度恰好且豆味濃無豆渣.滷水豆腐拼炸魚蛋,份量不少,豆腐滷得恰到好處不過鹹,炸魚蛋4大粒,製作認真!爽口彈牙!以這價錢是物超所值!看著天花上古舊既吊扇,不修邊幅的廚房,再看看熙來攘往的街道,又有一番滋味!

今日專登揸車去食,叫咗2杯豆漿,1碟豬皮,豆腐,1個蔥油餅,1個鍋貼.Total $18　抵食（味道一般，蔥油餅好salty）．但係都唔會再去．原因只得一個．因為食食吓有隻大老鼠走出來，嚇到我同個friend 走都走唔切啊！

見咁多人讚，早兩日特登入來試，但係真係幾失望。我叫o左好多人讚的牛肉包，鍋貼同擔擔面，仲有豆漿。不過，可能我來時唔係剛出爐(有幾多人真係咁o岩可以就到佢剛出先來呢)，d窩貼真係一般，皮好厚，入面d料只係ok，唔覺特別好味。而牛肉包都熱，皮都有少少脆，d料就亦只係ok，有d汁。到最出名的面啦，我叫了多醬，食落d面真係ok，幾好，唔林，但佢d配料只有少少菜圃，其他咩都無，齋面，雖然有麻醬，但食食下都幾「寡」，所以都無食晒。最後豆漿，幾好味，但飲到最尾好似有d「炸」，而且我真係飲唔出佢同我屋企樓下間面鋪果d有咩分別。總括來說，唔覺特別好味，所以應該唔會再來。附帶一提，雖然我都知呢間係老店，唔慌乾淨，但竟然好不幸咁係我食食o下o野時，隔離牆出現o左隻小強，嚇到我即時搬位，都算我唔好彩啦。

想講返上一篇“搵黎緊係食啦”食友的食評。陽春麵($8)同担担麵($10)係唔同的，陽春麵即係淨上海麵，而担担麵係只有花生醬同埋菜圃，係冇肉碎的。今日lunch先同媽子來食完，估唔到成接近下午兩點都好多人，雖然服務麻麻地，但勝在又平又好食，而担担麵係我必叫的食物，好大碗但我都食晒成碗呀！今次兩個人叫左一碗担担麵、一碗豬紅麵、一個牛肉煎包、一碟豆腐都係二十七元，好平！下次會再來！

10-12-2005 1345咸豐年期間，曾經在這裡說過最想幫襯的食店唔係乜好high class、好有水準或一世人要去一次(e.g.: Chesa、Sa記或「周仔」某幾間餐廳)，而只是upup dupdup (比較簡陋環境) 的貴記荳品。天變地變人都變，唯一的堅持依然沒變，當然係要付出代價。今朝考完試後，附近冇乜好食，腦海一閃就諗到呢度，搭該幾個站都唔會好耐，亦無須係度等位就有得入。煎熬左成4個鐘，點都要補一補，咁就叫了兩舊鍋貼、一碗陽春麵及一杯凍豆漿。豆漿比一般的有豆既香味，不是開粉，也只係3蚊一大杯，如果囉的黃豆渣同豆腐及少少肉碎一切蒸，可以變成另一美食兼係發達秘笈。陽春麵其實只是擔擔麵，當然唔可以同其他有水準的店子相比，麵身做得幾好，配料例如炸菜及肉碎都有，辣度都不算好勁，咁收10蚊都算係咁；該舊鍋貼先至重量級，雖則係厚皮，肉汁及皮的配合，可以當飯食。如果在其他地區包括在我屋企附近的東大街，及有基本的水準，一定要廿蚊以上，尤其係杯豆漿，買3蚊真係過份既平，還有一樣特色，就係唔駛寫單都可以講出食左幾多錢，人流如此強勁都可以咁，就算有顏色辨認頭都暈。一定會再番黎幫襯，一來感受一下老

睇佢有咁多好評,所以專誠尼試下.叫左凍豆漿,鍋貼同牛肉煎飽.凍豆漿有豆味,有小小渣,真材實料.鍋貼皮較厚,但好香口,原來係D肉汁滲入D皮度,好食.牛肉煎飽又係正野,好大個,食完勁飽.而D野真係好平,$3,$3,$3.邊度食到?

無論價錢，裝修，營運方式，服務態度都同幾十年一樣, 你可以話佢懷舊又得, 一成不變又得, 不思進取都得。永遠都係人頭湧湧, 叫極都無人理架; 因為每次同伙記點完野, 佢都會好大聲同廚房講, 廚房整好後伙記扲出黎會一路行一路問邊個客人既, 都幾晒時間架。擔擔麵–面頭係菜圃加上海麵, 麵質好滑加上香濃既花生麻醬, 好好味包類& 鍋貼–大大件略厚皮, 如果岩岩整好就最好味, 過左就會覺得皮好硬豆漿–夠滑但太細柸唔夠喉, 要叫夠2柸就差唔多總括來講, 咁抵既價錢食到咁好既食物絕對係”值回票價”啦

好多人等住買外賣，我最喜歡是葱油餅，好多芝麻，又香脆，等一陣都值得o架﹗

貴記開業於五十年代，至今從未搬遷，粉飾翻新也少。雖然佢無「公和」咁老，但個樣同「公和」總店不遠矣。佢既荳漿依舊堅持$5 有找，有荳香兼少甜；各包款油器$3 件，抵食夾大件。今日食過蔥油大餅：多蔥、多芝麻o係面，煙軔；睇住師傅用大油鑊炸油炸鬼，睇住D 油炸鬼發大，零舍開心...油炸鬼當然零舍新鮮啦。

返學前成日黎呢度買鍋貼做早餐...又大隻又多餡..好正..$3 x1 係出面整鍋貼果d野果個伯伯態度好好^^

見到咁多笑臉食評, 一於去試下星期六放左工晏晝兩點幾去食,都full house架. 一心諗住淨係食饅頭同熱豆漿.咁男友order左多一個煎餃我梗係食啦. 第一輪我地二人叫左陽春麵x1, 煎餃x2,饅頭x1, 冷熱豆漿各一杯. 煎餃黎先, 都好大個不過唔夠熱. 跟住我既饅頭黎啦, 哇, 好大個呀!! 就咁食乜都唔點好味道. 男友既陽春麵, 好大碗, 我試左一啖, D麵好彈牙又冇味精, 8蚊大大碗去邊度搵?? 今日都幾熱架, 但我都要左熱豆漿, 佢絕對唔係出面其他鋪豆漿粉加水,唔太甜又好味, 我飲完後全身慶烚烚! 其他食完都好飽架啦, 但男友想試牛肉煎包所以又黎第二輪...牛肉包x2. 冷熱豆漿又各一杯. 牛肉包裏面好多汁, 不過係油左少少啦(咁煎野就一定有油架啦,呢層我都好明白). 而豆漿真係有層腐皮晌上面架!!食完第二輪後, 真係食唔落其他野啦...但我又怕食得太多會肥, 所以決定由土瓜灣行路去九龍灣返屋企.點解我會話自己係熒化爐? 因為臨走前我仲外賣左兩個豆油沙蒸包同兩個饅頭做晚餐(當然係同男友share), 你話我地係咪癲呢? 環境方面就真係唔太就腳, 但店舖既叔叔同嬸嬸都好好人

今天趕頭趕命攞左件野去修理, 我就好叻咁介紹傻鬼去貴記食午餐. 我地2個人叫左一件煎餃($3) - 件野都好大件, 底部煎到好脆, 不過係凍左少少啦.一碟蘿白+豬紅($6) - 都幾多下, d食物都好入味, 應該有加味精架.豆腐面($10) - 嘩有成6-7件好大件既鹵水豆腐, 都幾正, 不過最值得讚係佢d面好彈牙. 一杯凍豆漿($3) - 有豆味, 又唔太甜啦.傻鬼話下次要試下佢地既擔擔面, 因為同場好多人都叫.

咁o既價錢, 咁o既質素==> 抵食+ 好食, 不過地方就真係污糟左少少.第一次光顧(下午三點幾鐘) :窩貼($3) : 好大隻, 豬肉餡好鮮, 但唔夠熱, 稍嫌皮厚蔥油餅($3) : 好大塊, 但唔夠熱, 如果熱辣辣仲好. 熱豆漿($3) : 豆味香濃一個人==> $9第二次光顧(下午五點幾鐘) :窩貼x 2 (@$3) : 好大隻, 豬肉餡好鮮, 熱辣辣, 稍嫌皮厚蔥油餅($3) : 熱辣辣, 唔係油淋淋, 好好食牛腩麵($13) : 勁大碗, 好食又夠飽, 牛腩夠腍, 肉味不錯熱豆漿x 2 (@$3) - 豆味香濃, 唔會太甜兩個人==> total $28第三次光顧(晚上七點幾鐘) :豬肉包($3) : 好大個, 豬肉餡好鮮, 但稍嫌皮厚蘿蔔拼豆腐($6) - 蘿白鮮甜無渣, 豆腐好食好滑, 但唔太重鹵水味豆沙包($3) : 好大個, 皮厚味普通蔥油餅($3) : 好大塊, 唔夠熱但好香脆豬皮麵($10) : 勁大碗, 但豬皮普通熱豆漿x 2 (@$3) - 豆味香濃, 唔會太甜兩個人==> total $31