貴記荳品 (已結業)

哈哈，我不嬲其實都住響貴記附近既~~~咁不時都已經成日食貴記既聰油餅、生煎包同鍋貼。三蚊件，又平又好味。仲有，食面時必落佢\個辣椒醬，好好味~不過，成日都唔明點解呢間野叫貴記豆品。因為佢\除左豆漿之外，都唔覺有其他豆品。呢排，阿媽成日都話佢\響貴記隔離果條街，即係鴻褔街，有一間野d豆腐好滑，係自己整既，即整既。今日放學無聊，打算去搵下，睇下有無豆花。去到，先發現，呢間野都係貴記，望落去，好似係同食麵果間係通既，即係應該係連住的。個豆花五蚊，普通價錢，唔係太大碗，不過，食落去，超滑，係我食過最好味既豆花。我覺得好味過我平時響旺角街市食果間好多，佢\加左少少姜汁落我碗豆花度，好少人既豆花有姜味，好正。平時我都唔係好食姜，但都覺得好正~~~係我食過最好味既豆花~附上地圖，希望你地都搵到呢間我覺得超好味既豆花啦~

等極都無巴士, 決定由紅磡en route 土瓜灣行路返屋企... 路經阿爸提過0既呢度(「土瓜灣有間貴記, 有得食鍋貼飲豆漿的.. 如果冬天有呢d 早餐食就正喇!」), 入0黎飲杯熱豆漿($3), 食件鍋貼($3) 加個菜肉包($3).熱豆類係滾熱的, 絕對要龜速飲先唔會燙傷嘴唇@_@ 唔係咁甜, 滑滑的, 豆味幾香, 飲完個身暖笠笠, 係絕佳winter warmer! 鍋貼唔係咁熱, 層皮幾厚, 底部一般脆, 豬肉味道可以, 無乜特別; 菜肉包size 澎湃, 成個tennis ball 咁! 餡料原來係無菜的, 食落味道同鍋貼餡一樣, 個包就極厚, 整體麻麻, 不過$3 一個, 真係平得無得再平, 算啦.環境懷舊又殘舊, 衛生情況幾唔得(見阿叔0係後面刨蘿白, 跌0左落地0個件照放入大筲箕, 當無事發生0既... 好在無叫麵食!), 不過招呼唔錯, 作為生客的我都覺得呢隻好有人情味, 笑面照俾啦!第一次食0野$10 有找, 平到笑, 0黎開呢頭的話會再0黎飲豆漿.

食完郁香園後,行到過嚟貴記,梗要入嚟食啲野啦!先嚟一碟牛腩,再嚟一碟豬皮拼蘿蔔,之後又嚟豆腐拼豬紅,加多杯豆漿.冇要麵食同包點,因實在仲好飽.牛腩係類似清湯腩,我嫌比較韌.豬皮爽,蘿蔔甜.豆腐記得點豆辦醬食,因太似臭豆腐的味道.豬紅唔散,豆漿唔太甜.最後又駛$26,今次真係飽到爆肚.

呢間咁舊的豆品店平時搭車經過都知道有d料到, 食過後就知道果然掂呀, 男友對佢的担担面讚口不絕, 因為花生醬唔太多, 而價錢又抵食!! 我試過後都仍然覺得係"詠黎園"(黃大仙)好食d, 不過佢的油餅就好正, 唔會好厚同埋好多油係最欣賞的, 另外生煎包都值得試一下. $3/件真係抵食.我地有日下晏去食, 食食仲無啦啦停電, 超級好氣氛...哈哈...2-3分鐘後便回復正常.

原來"呢間咁既野"係土瓜灣no.1-.-食完上openrice先知...住左係附近好多年啦!但係從未食過, 應該係冇諗過會食!因為太唔起眼,地方"太乾淨"+舊...但係勝在夠平+老店鋪~今日經過見到D飽出哂煙~ 又有人排隊買~所以忍唔住試下~買左菜肉飽x1, 鍋貼x2...好大隻ar XD, 仲係3蚊1件個菜肉飽應該叫肉飽lor-.-1d菜都冇...不過味道好, 肉大粒, 皮都好食但鍋貼真係好厚@@而且煎都唔好...可能凍左姐~會再比機會試下!總結係: 3蚊ja wor! 唔通你要求好似老飯店既質數咩?所以以3蚊來說, 好食!

聽講包點唔錯一於試下啦叫左窩貼$3蔥餅$3牛肉煎包$3窩貼幾好吃,有好多肉汁,又大隻.牛肉煎包D 牛肉麻麻地,而且個包好似厚左D蔥餅算大塊,聞到好香芝麻味,但D鹽落得唔雲,邊咸邊淡呢個價錢黎講真係好扺..但舖內睇落去真係唔太衛生lo好似好污"joe"同埋比我印象最深既係服務態度既問題事源我吃緊野時,有兩個OL入左黎好聲好氣噤問個伙記有無卡位但果陣卡位坐曬人..果兩個OL咪坐大檯lo但轉頭果陣我聽到個伙記好不屑噤細聲講" XX ,有位你就坐la "人地都係想坐得舒服d o姐.又唔嫌你卡位坐曬而唔入黎吃.雖然果兩位姐仔就唔會聽到但我就睇到曬lo打開門做生意都唔係噤做啦果個肥佬好似仲要係老闆唔係伙記今時今日噤既服務態度點得啊!!

見forum有人推介,所以去吃擔擔面窩貼豆漿擔擔面$10,雖然平,但得菜圃,無肉,d湯好似漿噤而且好細碗,1碗吃唔飽將價就貨得有d離譜同樣$10 ,大家食果麵好過佢好多窩貼味道唔錯,皮薄肉多,$3扺吃豆漿$3,係就係算ok,但$3得果杯仔,唔抵都係果句,衛生差擔擔面,窩貼各送頭髮一條擔擔面仲離譜,加送1粒綱絲刷碎,好在發現先真係好想出聲,但見d伙記黑口黑面,都係算數雖然d窩貼幾好吃,但經過今次,肯定唔會有下次都唔明點解會有噤多頭髮,都唔止得我個吃到..唔同頭髮真係材料之一??好心舖頭做好d la , 吃壞人就大件事啦再平再好吃都無用如果衛生好既話,我一定會成日去吃

先前食過上海飽餃既煎餃,今次輪到貴記.帶埋個fd去食,我食雲吞麵($13),鍋貼($3),豆漿($3),老友食擔擔麵($10),蘿蔔豆腐($6),豆漿($3).無加價,正正正.我食嘅食物味道依舊,仍然好味,美中不足係鍋貼上多咗條頭髮.老友初時都怕擔擔麵會好辣所以將d辣油"畢"走咗,佢食落先知係完全唔辣又讚d麵質好.特別加插停電環節,個總掣居然就响我頭頂個櫃度.

早咗起床，見時間有早，就緩緩散步到呢度食早餐...次次嚟都食牛肉包及窩貼，今次轉一轉食窩貼加菜肉包及豆漿...皮依然厚過枕頭；餡依然唔多，而且基本上窩貼及菜肉包嘅餡都係差唔多一模一樣嘅，"菜"肉包嘅餡入面一條菜嘅痕跡都冇....只係吃情懷，僅此而已...食完一定夠飽...

係平... 但"形"住d 野好烏糟...食左豆腐麵($10) + 鍋貼($3) + 凍豆漿($3)...鍋貼個皮好厚... 豆腐麵加料附送頭髮+紙條... 食完野再飲杯豆漿... 杯野好似怪左..

好鍾意食佢地D 蔥油餅生煎包鍋貼...由細食到大~大件又抵食~~!

近排忙攪搬屋事宜，一頭煙..吊頸都要透吓氣la...跟太座嚟嘆杯豆漿，食件窩貼...响度由細食到大，size依然係咁巨，皮依然係成呎厚...太座未試過，亦唔太欣賞...但對我呢亭老顧客嚟講，味道有時真係唔太重要...

又係放學同同學黎食。一入到去叫我地身水身汗即刻問我地係咪要凍豆漿!! 叫左個$13菜肉雲吞麵, 好多肉冇乜菜, d皮真係好薄, d麵好好咬口好鍾意!! d湯都好好味。嘩d窩貼勁大隻!! $3真係好抵, d皮真係幾厚, 有d乾乾地。食左同學既豆腐, 好好味, 入味得黎唔會好鹹。菜肉包又係勁大個, 但我凍左d先食覺得普通, 真係好多肉。豆漿都ok, 但我覺得對面豆漿王呀媽果d豆味濃d。serve我地既婆婆都好友善, 會問下我地學校係邊答下deh咁。overall我係覺得佢d麵好好咬加埋d湯好好食, 窩貼同豆漿都係對面王呀媽好味d。

本人唔多鐘意食鍋貼so....無食過....但我好鐘意佢d蔥油餅..真係超正......

星期六晚玩得夜，星期日起身又嚟搵brunch食。兩個人先叫咗一碟豬皮豆腐同一碗擔擔麵走辣。麵質唔錯，麻醬味夠。豬皮實在滷得太好食，食完一碟叫多碟豬皮魚蛋。六蚊一碟兩味，街邊小販都做唔到呢個價。加多兩杯豆漿，都係廿二蚊。原本想買多個饅頭返屋企做下午茶，不過見到有小強喺個架到爬過，眼不見為乾淨，咁眼見就梗係咪搞喇。