貴香園 (昌安大廈) (已結業)

#荃灣搵食地圖 #貴香園穿過一個又一個嘅小商場，大排長龍嘅餃子屋隔離，有呢間好味又多選擇嘅米線🍜..............................雲南小鍋酸辣米線 $25配料有韮菜、新鮮肉碎、芽菜同蔥花，自選辣度🌶 湯底好惹味，忍唔住飲左幾大啖🤭好彩唔會勁口渴特別推介🉐 豬扒$10用心炸過超香口，而且偏厚有咬口😍 魚蛋$6雖然得3粒，不過係脆皮魚皮，唔會死實實豬潤 $7爽口彈牙，不過可能唔係超吸味嘅食材🤔 同酸辣湯底不是最佳拍檔😂              

🔅🔅🔅繼上次第一次食過之後有點心掛掛想食多次呢日陪朋友去荃灣跟她說想食米線即刻上網搵搵原來它有分店就食呢間啦～🔸餐廳空間好細檯與檯之間較窄剛繁忙時間人好多感覺有點壓迫同辛苦🔹由於我倆都係米線控分別叫湯和撈兩款🔸<沙爹雞絲豆卜湯米線>沙爹湯米線係好少見賣相吸引香氣撲鼻湯底香濃而不鹹雞絲鮮甜嫩滑👍🏻豆卜吸收了湯汁米線偏幼細口感軟綿🔹<雞翼豬紅熱拌米線> 雖然係無湯撈米線但有酸菜炸醬和花生再有些是油和麻油撈起鹵水雞翼煮得不算好入味原本以為豬紅味道不錯因係本店推薦必食的不過一咬落去好腥真的好失望！😑😑🔸<總結>沙爹湯確實不錯豬紅質素有待改善！🔅🔅🔅

平時經過未必會留意到呢間店，因為門面睇落比較舊，加上呢個商場好多餐廳選擇，就變得唔起眼，如果唔係家姐話好味都唔會特登去試。呢間店面底都多選擇，除左薯粉、米線，仲有米粉同上海麵，同埋平時好少見到嘅沙嗲湯底。至於餸，加$6至$10有唔同選擇，仲有好多款小菜式，都好吸引。沙嗲蘿蔔金菇米粉$37湯底： 唔辣，好濃味，唔會溝左好多水變到好淡蘿蔔：多，有四舊，唔會太淋，較硬身金菇：多，有拆開細細束，唔會好難咬開總結：抵食，濃味，份量多

次次幫襯呢間貴香園，都不期然諗起幾年前開張不久，我岩岩幫襯佢時，佢事頭婆一句：「唯一有咩咁巴閉呀？只不過係係荃灣咁多年，儲埋一大班長情客而已！我旺角間舖，夠排埋長龍啦！假以時日，呢間夠可以做到啦！」的確，幾年過去，呢間貴香園真係人氣不絕。我諗，除左有事頭婆既魄力（雖然好耐唔見佢出現係舖頭），仲有兩位好做得野既店員。成日做到爆，又逼，座位又凹陷，但勝在店員夠親和力。呢樣野，唔係間間做到！腩肉唔少得，今次加埋豬潤我覺得佢係四坡坊唯一與路德圍既中庸之道。入味，但不至於如前者油膩。湯底出色！但其實我鍾意大腸多過豬潤，只不過試左幾次後，每次唔係凍凍地，就係太稔，所以就將之剔除在外。有時經過，見到佢生意好到開埋橋邊枱櫈，真係替佢開心。我諗只要堅持出品質素，加埋店員咁既服務水平/方式，生意只會越做越好。

本身今日一心想去吃餃子的，但被長長的人龍嚇怕，畢竟時間與金錢是同等寶貴的。移師到隔鄰的貴香園用餐，店舖是小小的，舖前舖後都加了桌椅，用盡每一寸空間做生意，頗有香港地痞特色。店內已有不少客人，略嫌擠逼，光線不足，餐牌破舊，令人覺得衛生欠佳。點了一碗腩肉雲南酸辣小鍋米線，可能生意太好的關係，等了十分鐘才能上菜。饑腸轆轆，食物終於上枱，滿滿的一大碗米線。腩肉偏瘦，没有甚麼調味，吃到的便是猪肉本身的味道，份量也很合理。米線够韌又不會過軟，份量頗多。配料，如芽菜，葱，香茜，酸菜，韮菜及肉碎都不吝嗇，份量足够。湯底，够酸但辣味稍嫌不足。埋單三十二蚊，在米線間中取價合理。總括來說這不是一碗難吃的米線，如果鬆手地評論，甚至可以說是好吃，而且又很飽肚。但是這是一碗没有甚麼特色的米線，就如同一個略有姿色但没有靈魂的女子，難以令人驚艷，過目即忘。如果你剛巧地去到附近，又碰着肚子餓，不妨來吃一碗。但特地前來一試，則不必了。

又到每日都要諗食咩既lunch hour突然想食酸辣野，又唔想行太遠就揀左呢間食由於荃灣米線眾多，淨係食過呢間1-2次，冇咩特別深刻印象。雖然人多，但一枝公特別易揾位唔使等就有位坐叫左『酸辣小鍋米線加豬潤蘿蔔』黎到即刻飲啖湯先！以雲南酸辣米線黎講，佢湯底偏甜唔夠酸但都ok既配料份量幾多蘿蔔4舊，豬潤都有6-7塊蘿蔔炆得夠腍，但煮個陣應該落糖比較多，over 左少少豬潤大大塊，處理得幾好，冇個陣腥苦味其中一塊有少少筋so far黎講性價比幾高，但唔夠正宗雲南米線feel

普遍荃灣友 相信對荃昌中心唔陌生 商場似oldschool 旺中 🙆🏻‍♀️但裏面有唔少好野食 呢間就係我係小學 中學時期成日幫襯既一間拉😋酸辣米線 明明嗌左走辣點解仲有d辣味既😭好😞酸菜芫茜等等配料冇乜咁濟 fine~但點解可以後尾加料都咁小😓 豬大腸感覺似燙過下咁 冇乜味 明明之前細個幫襯係好有好正滷水味 估唔到隔左幾年就變到咁 完全失望🙍成碗得d米線🍜多 而小編食到既係味精味重既酸辣湯底唉 完全揾唔到翻兜既理由😂

黎荃灣行街，咁啱想食野，咁就入去荃昌「貴香園」食麻辣豬扒米線啦，今次叫個中辣試下，個湯底有小辣多麻的口感，好味道。米線屬於偏幼細，配菜份量足夠。豬扒都好有驚喜，肉身偏厚而好Juicy，幾有咬口。再叫咗杯凍啡，不過不失啦，埋單都只係$36。

男朋友最鍾意食嘅米線，其實荃灣嘅咪先選擇好多，點解佢特別鍾意食呢間呢？今日同佢哋食過，覺得品質都OK ,同區來講尚算合格。。皮蛋小食覺得好特別，因為個皮蛋成隻係青透明嘅顏色，仲有少許流心狀態，辣味適中，覺得好惹味呀。。黑木耳食店好細心，將木耳設成幼絲，有別於一般嘅食店。但係呢個黑木耳真係好辣，見到碟上滿滿嘅辣椒，輕視左佢嘅辣味，點知越食真係好辣。。腩肉幼紅薯粉腩肉覺得比唯一稍為遜色，紅薯粉嘅味道不過不失，整體感覺都係普通啦，冇特別嘅失望，亦都冇特別驚喜。如果下次可以再食，我都係會食返唯一。

係附近捉完神獸，一心諗住去食餃子，但7点幾先去攞飛，要等成15個號碼，個肚又打緊鼓，唉!算啦!就求其入咗隔離間貴香園食薯粉，反正都好耐冇食。手拍青瓜好重蒜，而且個汁似醬油多過醋，好味勁like!不過食完成囗蒜味，哈哈!麻辣牛柏葉(少辣)呢個麻麻地，d牛柏葉入唔到味!熱拌幼薯粉配豬大腸第一次食撈薯粉，味道唔錯!酸菜，肉碎同花生，無湯咁食無咁脹肚。豬大腸就夠淋唔夠味!雲南酸辣薯粉配雞絲豬潤湯底唔錯，份量都好大碗!一碗粉加錢可配飲品，抵食!

今晚搵食之際，突然被貴香園的雞煲poster吸引住。好，就試吓啦！$118（半隻），最初還擔心半隻不夠食，好彩份量好足，而且味道香濃，雞非常入味，最後雖然一直嚷著說好飽，但竟連配菜都俾我哋食清。辣幼薯粉，湯底夠濃，豬紅亦尚算滑，個人略嫌酸菜偏酸⋯麻辣米線一樣好味，豬腸不及豬扒好食，這裡的豬扒入味又軟淋👍🏻至於小食，黃金墨魚丸，炸完撒點椒鹽，很惹味，但墨丸本身唔得，成粒都只係粉⋯下次試吓其他炸物先⋯而滷水豬耳就相當不俗，爽脆又入味，不錯！食飽埋單都不超過三百元，抵食！食物及服務態度亦很好，下次一定會再幫襯！

專登由如心廣場行過黎食，因為太掛住呢度個炸豬扒！其實由地鐵站過黎由唔算太遠的。好彩晚飯時間唔算人多，以往下午同下午茶時間都成日要等位，坐低發現菜單加多左幾款餸，有豬紅，秀珍菇等等雖然侍應熱心推介新餸，不過我都係揀返炸豬扒，山根同冬菇跟麻辣小辣小鍋米線！呢度係即叫即煲，米線份量好多，如果細食可以叫少米線，我見隔離枱次兩個男生叫了多米線，也唔使加錢！豬扒炸得岩岩好又夠冧！次次黎都保持到水準山根勁索汁！真係好好食！冬菇都一樣好入味！嗌多枝黑豆漿送餐！侍應依舊好笑容又nice，真係抵讚！

荃灣米線店多多，有陣時想簡單食一碗米線，但係都會有選擇困難症，唔知揀邊間雲貴香，川味，譚仔，大牌子嘅米線舖都已經食到唔想再食。本身諗住去荃豐果堆商場入邊搵嘢食，結果經過一間從未試過嘅雲南米線，而上網見到食評都好似不錯，所以決定最後入去試吓不過其實我都心大心細，因為行前兩步就有一間好好食嘅川味第一時間梗係想叫豬紅，但係睇晒成張菜單都唔見有，最後就揀咗食腩肉而紅薯粉都有我想食嗰隻粗身既小辣，一點都食不到辣，最後自己加左幾匙嘅花椒都唔食唔到有辣味，腩肉好"hi"身，湯底不夠香濃，薯粉太過較身，唔夠彈牙，成碗粉真的麻麻，好失望而另一位就叫左熱拌米線，初到上桌既時候都聞到香香的辣辣味，但一食落口，都是沒有味道，反而呢碗值得讚嘅係，佢嘅雞絲係雞肉，都還可以的但係下次都係行前兩位，去返食川味

腩肉麻辣米線…… 分量好夠，配菜唔多，腩肉有啲失望，肉質偏un+硬，但係湯底好好味！ 中辣大約係譚仔嘅小辣。餐牌上有沙爹湯底唔知咩味！小食有椒鹽腐皮角，今次一條友食吾到，下次試下

第一次來荃昌中心搵食，長長的走廊兩邊滿是小店，仲有好多小食店，睇得眼花繚亂。原本想食餃子，但係好多人排隊，立即放棄，轉咗旁邊一家米線店。入內坐下後立即睇單呢度價錢唔貴，薯粉、米粉、米線可以自選配搭配料。我地兩大一小點咗兩碗主食加配料，一個小食先來川椒皮蛋，共2個切小塊，估唔道有流心蛋黃一碗云南小鍋酸辣米粉，加蘿卜豬潤，酸酸甜甜一點點辣，好開胃，特別豬潤嫩嫩的冇異味一碗沙嗲米粉加生菜大腸豆卜，鮮味無窮，大腸入口易嚼，生菜生鮮買單95，好平！