貴香園 (昌安大廈) (已結業)

次次幫襯呢間貴香園，都不期然諗起幾年前開張不久，我岩岩幫襯佢時，佢事頭婆一句：「唯一有咩咁巴閉呀？只不過係係荃灣咁多年，儲埋一大班長情客而已！我旺角間舖，夠排埋長龍啦！假以時日，呢間夠可以做到啦！」的確，幾年過去，呢間貴香園真係人氣不絕。我諗，除左有事頭婆既魄力（雖然好耐唔見佢出現係舖頭），仲有兩位好做得野既店員。成日做到爆，又逼，座位又凹陷，但勝在店員夠親和力。呢樣野，唔係間間做到！腩肉唔少得，今次加埋豬潤我覺得佢係四坡坊唯一與路德圍既中庸之道。入味，但不至於如前者油膩。湯底出色！但其實我鍾意大腸多過豬潤，只不過試左幾次後，每次唔係凍凍地，就係太稔，所以就將之剔除在外。有時經過，見到佢生意好到開埋橋邊枱櫈，真係替佢開心。我諗只要堅持出品質素，加埋店員咁既服務水平/方式，生意只會越做越好。