賀喜 (美孚新邨) (已結業)

之前因為工作關係已經試過lunch set 真係好好味，所以今晚特別到來試下dinner。見到當日推介牌寫左幾條刺身魚，法國生蠔。有條叫“魴 魚弗”咪諗住試下點知一早已經賣晒，唯有叫左池魚同埋生蠔做前菜。法國生蠔真係好香甜，味淡而清而且肉厚，咩sauce 都唔駛，好新鮮。池魚刺身雖然等得耐左的（個個客都叫刺身魚，刺身及壽司。。。係甘切切切）肉甜實厚，新鮮。魚骨仲可以選擇炸食還是魚湯上，不過煮魚湯就要加少少錢。其間送左2個小食比我地，一份係鱈魚片，一份係炸魚仔。好食。叫左一個當日優惠串燒。有甜薯，雞翼同牛腩。壽司係必食環節。吞拿魚，馬糞海膽，三文魚腩，三文魚子，劍魚腩，油甘魚。真係新鮮到唔駛講野，五星級推介，難怪全場都不斷order啦。

咁岩朋友在美孚新邨居住，就隨便係open rice 搵個地方聚下👭呢間餐廳要準時去，唔好遲，book左留枱5分鐘🙊-星期四晚，成間餐廳都好多人full曬，人多夠旺，野食會新鮮啲呢個道理應該冇錯☺️😋😋-三文魚海膽丼 ($108)超高性價比，三文魚同海膽都好新鮮好鮮甜👍🏼👍🏼😋刺身同飯既比例岩岩好，唔會太多或者太少。仲有個味曾湯附送-刺身- 吞拿魚，油甘魚🍣講左油甘魚先，超超超正，好肥美好新鮮，呢個價錢食到，簡直係cp值極高吞拿魚就一般般，有啲腥，同油甘魚比，相差左少少-串燒- 燒冬菇，燒牛舌燒得幾香，唔會太乾，仲鎖住到個水份😋

呀媽生日, 想食日本野.  懶得出街本身又食過賀喜唔錯就近近地去食啦兩個人叫左3 set lunch, 放題由佢叫叫左兩set sushi set同一set魚生飯好似唔記得average每set都係一舊水左右, 我敢講佢質素拍得住出邊TST CWB D中價日本野, 係美孚咋喎大佬其實佢好似仲有烏冬定拉面果D lunch set, 好似都係六十幾蚊不過我無叫, 最怕係黎到會係金太郎咁嘅樣我真係搞唔掂有水蛋同埋好似少少side dish跟好新鮮好decent. 你feel到佢係有heart去做, 環境乾淨, 份量合理, 我叫三個set係我大食所以佢唔係細碟食日本野最討厭就係污糟而佢無,  環境okay泊車就要小心喇, 出邊係有一排位你可以亂泊, 但D_成日黎炒牌第一, 亦都唔好泊左係美孚內街, 鎖車就多謝$320. 即時變左the One價錢

去朋友屋企打完麻雀 係附近搵一間醫肚 美孚食尼講叫多選擇 日本野 香港野 中菜 etc 都有 行過見尼間有位就入去唔大間舖 相對選擇唔叫少 不過最後都係㨂左個二人餐 埋單$460 叫好豐富 魚生，沙律，他他，天婦羅，4件壽司， 燒魚腩, 蕎麥面 重有水果 魚生，壽司同沙律都好新鮮同fresh 天婦羅亦有水準 我最怕林pet pet既 可惜蕎麥面太咸 面就幾滑口 但係太咸最後真係食唔落哂值得讚 D野尼得好快 服務好 我地食完係到吹水 都冇趕我哋 even 個場都full 哂重有人排隊 當然我哋都好識做 吹左一陣都走 比佢哋做多D生意

說真，不是第一次來。父母經常來，老人家常說：「這個價錢，食物水準，令人滿意呢！」我贊成的！👍🏻它與其他日本餐廳相比，魚生、壽司、炒飯、烏冬等價錢不算貴，也不算特別便宜，但勝在公道、合理，而食物質素（與類近價格的餐廳），甚至令人驚喜。三個多月没有前來，這晚我們三人，點了一個普通版2人前餐，額外再加鰻魚炒飯、軟殼蟹卷、啤酒汽水等，份量剛好，而且每道菜式也如舊讓人滿意，抵讚。👍🏻👍🏻👍🏻今次特地留低食評是因為「服務態度」，店員態度有禮，服務周到，上菜加茶都顯得小心，不會因忙、因擠迫而表現敷衍、匆忙......全晚觀察，她們說得最多的是「不好意思，（菜名）到，小心」、「不好意思，加茶，小心」，這貼心的舉動，值得一讚！

話說呢排大部份時間都響屋企工作，宅左一排終於頂唔順，去咗屋企附近食日本餐🤪話說呢間日本餐廳喺美孚開業了一段時間，火速成為區內人氣日本居酒屋🔥今次就同朋友特登過嚟試一試午餐Menu，睇下係咪真係咁把炮先～今次早到，叫咗一份西村時令雜錦壽司（九本）（$135），配日式黑松露蒸蛋同自家製𩶘魚湯，每日只係限定十份！店員先上𩶘魚湯，色澤呈奶白色，全是𩶘魚的鮮味，非常鮮甜，必試！而黑松露蒸蛋亦好滑，但黑松露味道唔算好濃，少少失望～但壽司刺身相當厚切，絕無偷工減料，壽司飯亦都做得紮實，唔易鬆散，水準十分高！朋友就叫咗北海道火炙魚生丼（$128），配黑松露蒸蛋同味增湯～刺身包括海膽、松葉蟹、帶子同埋吞拿魚；不過飯嘅份量相對少，對於女士來講就啱啱好啱，男士就可能未必夠🧐由於朋友唔食生蝦，餐廳幫佢換咗火炙吞拿魚，朋友對於呢個安排，當然相當滿意！小食方面，我哋叫咗一份南瓜餅（$12），炸得香口，外脆內軟，不錯👍🏻提一提大家，呢間星期六日同公眾假期先至收取加一服務費，平日免收加一，抵喎！總括來講，呢度服務唔錯，不過環境比較狹窄，坐得有少少迫，呢度就扣左少少分

中午同老公想去食個日本飯，諗到附近有間小區隱世餐廳，即刻去試下！去到有lunch set, 老公叫左個豐州刺身定食，我叫咗明太子牛鍋飯！ 2個set都包左味噌湯，黑松露蒸蛋！ 真係可以食得好飽！刺身定食三文魚好肥美，仲有大大件嘅帶子估唔到小店都有鮮味刺身！我個窩飯侍應好細心上菜時叫我小心熱！ 滿滿都係肥牛明太子， 個鍋仲係熱住，有小小飯焦，超香！真係可以再黎食，不錯既選擇！

呢間係位於美孚新邨入邊嘅一間小店 發覺原來呢度有幾多唔同國家菜式嘅餐廳仔而且聽朋友講質素都唔差🌝其實呢間嘅午市套餐抵食好多 不過午飯時間暫時未黎到😂所以唯有晚飯時間朋友帶我嚟哩度試下🙃-✏️雜錦刺身丼 ($128)揀咗呢個因為貪佢每一樣嘢都可以試下🤩不過嚟到嘅賣相俾menu就差左啲 冇相咁吸引🤣刺身質素屬於中等 但係又未話去到好出色😗較為覺得比較出色係三文魚 幾厚切得黎充滿魚油香 食落唔會有筋!不過成個丼飯而言唔算好特別〰️✏️藍鰭吞拿魚刺身 ($100/4片)對比起佢嘅主食 就咁刺身反而令到我有驚喜🌝佢嘅藍鯨吞拿魚刺身非常厚切 油脂較多 食落係做到有少少入口即溶嘅感覺😌而且完全冇筋🙃魚油香濃郁 不過食多兩片就好容易滯 但係真心幾滿足幾好食🌝〰️✏️油甘魚刺身 ($88/4片)油甘刺身都唔錯 但係吞拿魚個個更加正🤣都係幾厚切下 但呢個個邊位食到有少少筋 不過對比吞拿魚嘅話佢食落感覺就清新啲 油份少啲冇咁易滯😂味道都唔錯幾新鮮〰️✏️鹽燒雞軟骨($18/串)除咗淨刺身 呢個小食都幾好食啊 出面好多餐廳嘅鹽燒雞軟骨都做到好油 而且好多時食落其實都係皮比較多 但呢串真係每一粒都係好實在嘅軟骨位置 咬落口感

之前喺美孚返咗幾個月學 賀喜係我當時嘅favourite今日難得重臨舊地 就緊係要再嚟回味下啦午餐時段係非常full嘅 穩陣起見建議大家訂枱同朋友兩個人 等咗一陣就有位喇午餐選擇都幾多 刺身定食係筆者當時嘅最愛今次就試下平啲嘅雜錦魚生丼✨黑松露蒸蛋&麵豉湯蒸蛋上面嗰堆黑色就係黑松露 不過份量唔多所以得面嘅蛋有黑松露味撇開個松露味嚟講 個蒸蛋水準其實正常嘅麵豉湯就都無特別 啲豆腐粒係滑嘅✨時令櫻花雜錦魚生丼 $80賣相幾靚 而且食下食下發現魚生量都幾多總共有7款魚生：蟹籽 三文魚 油甘魚 醋鯖魚 八爪魚 北寄貝同堆一隻蝦魚生新鮮量多 呢個價嚟講的確幾抵食80蚊食到個新鮮嘅魚生飯其實真係幾抵 午市仲要唔駛加一 喺開附近嘅推薦嚟試下

呢間居酒屋開喺一個幾隱蔽嘅位，如果唔刻意去搵都未必留意到🙈不過好在佢離地鐵站好近～行三分鐘就到👣真係估唔到美孚會有高cp日本料理食🤩-今次叫左西村時令雜錦壽司定食🍣同埋加$15叫左三隻日式餃子🥟定食會配埋黑松露燉蛋&𩶘魚湯🍥-西村時令雜錦壽司定食🍣壽司全部都係即刻整，上面嘅刺身都好新鮮🤤舊飯唔會太酸或者冇味！份量都啱啱好😋刺身嘅鮮甜味配埋飯嘅酸甜味真係好正🥰個魚湯同埋燉蛋都好足料😝燉蛋面頭有少少黑松露醬，入面有蟹柳、🍄同埋🍥不過全部都係得一舊🙈但係燉蛋嘅蛋味就好香濃🥚💛奶白色嘅魚湯真係好吸引🤍入面會有啲魚片同埋海帶，魚味好濃郁！自家製係唔同啲❣️-日式餃子🥟餃子就麻麻地，唔建議加錢要三隻☹️佢係好普通喺supermarket都買到嘅餃子再拎去炸🙈係好脆好香口不過都幾油🤨

唔知道呢間d店員係咪好唔夠錢洗。每次黎食飯找錢都要找得好散。話說我幫襯佐$80，俾$100佢唔係找張$20返黎，而係找$10、$5、$2、$2、$1。如果係偶然我還理解，但次次都咁散，好難令我唔覺得佢刻意。店員服務其實一般，想坐另一個位都唔happy，而且每次埋單都係信用卡機壞佐，只可以現金俾錢。出黎食飯都係想開心，但呢間咁trap d客人令我原本覺得俾唔俾服務費都無所謂，到到埋單既時候勁唔想俾佢屈！不過呢間係美孚比較平既日本餐廳，睇在錢份上，遲d先再幫襯啦

一個中午， 與朋友聚聚聚， 食想食得清清地， 試下美孚賀喜食個午餐兩人分別點了C餐（東京手握雜錦壽司）及M 餐（九洲雜錦拉麵）C 餐配了一份日式蒸蛋及稻庭烏冬。 M 餐配兩件鰻魚壽司及沙和風沙律本人覺得兩個分量都好豐滿， 已經好餓，如果唔夠額外加小食都唔貴。 小店可改善地方：壽司同芥末要分開, 因為放係碟邊， 會有點奇怪

附近做完野，之前聽朋友推薦過呢間餐廳，特登過嚟試試來到係lunch time時間，有set餐價錢又幾抵，$100左右就有一份定食😁配搭好豐富，有湯，蒸蛋，接近10件壽司🍣估唔到件件壽司上面既刺身都好新鮮，正！完全無推介錯，下次會特登搭車過來食！

呢日和一班朋友聚會，6個人開心食，在賀喜留左張大枱。雖然早左成兩個星期訂枱，但只係得返7:45pm的時段可以訂。餐廳太好，我們早到大約45分鐘都仍然安排到枱畀我地，實在太開心！餐廳安排左一張大枱畀我地，其實都坐得幾舒服！6個人叫左好多野食，包括一個4人餐，再加好多林林種種唔同的小食：有天婦羅、燒雪魚、豆腐、燒三文魚佼、炸生蠔等，4人餐亦包了唔少食物！呢一餐食得好豐富，但埋單人均都係$200多，而且職員仲不厭其煩的係咁幫我地加茶，服務實在太貼心了！不過餐廳的位置就座落在比較偏僻的角落頭，要問多幾個人先至搵到佢的位置....但整體晚餐的服務和質素是很滿意的！

今日一放工同時就約我去美孚食飯我哋不約而同都喺美孚返工所以就一齊約去美孚食日本嘢 我哋去咗美孚蘭秀道一間日本舖叫賀喜裏面好簡單好舒服入到去我哋叫咗一個刺身拼盤名叫東京雜錦魚生盛亦都叫了一個賀喜蛋包飯及賀喜招牌卷三本！魚生好新鮮點起他配上的醬汁及 wasabi 簡直完美無窮我之前都去過好多壽司店食壽司這間嘅壽司咁新鮮 好似置身於日本當中而蛋包飯裏面好豐富蛋好juicy包住裏面嘅餡料簡直回味無窮 至於這個 賀喜招牌卷更是令人垂涎欲滴鰻魚非常之鮮甜包上一捲捲的飯裏面有牛油果將牛油果的鮮鰻魚的甜包在一起點上少少 wasabi 最後最令我驚喜的是糖水這個南瓜甜品簡直回味無窮朋友讚嘆不絕