賀記 (已搬遷) 新店位置

遲咗幾個月至出 post ...上網搜一下原來店家已搬遷 ...大家記得去新舖呀 ...【2024 年 4 月】食完晚飯梗係去食返個甜品 ~~點了個招牌蛋白杏仁茶 ~~招牌生磨蛋白杏仁茶 HK$48可以揀凍或熱，好養生嘅儍媽梗係點個熱嘅杏仁茶即叫即整，請耐心等候喔 ~~ 有別於一般中式糖水店使用富時尚感嘅西式餐具中間仲有朵食用花點綴，賣相又靚又精緻 ~~入口甘甜溫潤，口感順滑，帶有杏仁清香甜度剛剛好，加上綿密細塊嘅蛋白，增加口感 ~~** 以上分享是以我的口味、體質和情況作出分享及感受，一試 / 合用與否請自行決定

一睇d 細節位就知老闆喺酒店打滾完出來，食物出色，招呼親切，用料擺盤完全見到份心意係想個客食得開心，好有信心完全open kitchen, 可以話係平民糖水店既fine dine 享受

第一次接觸「賀記」是 2023年5月。 「賀記」 隱身在西貢碼頭對開一個小食街內。小食街開設有腸粉店、車仔麵店、川菜小店、小吃店和不少的泰國菜，口味選擇多元化，令人眼花撩亂！可是「賀記」似乎擁有不太一樣的氣質，為小食街加添了一家甜品店！「賀記」  地方雖少，假日晚飯時間後經常擠滿客人。客人一般都很安靜，也許大家也聚精匯神在品嚐「賀記」的甜品！除了寧靜，「賀記」令我驚艷的是他的美學，圥不提別樹一格的中式甜品配襯西式餐具和食用花的創意，面前的芝麻杏仁茶仿如一幅水墨畫，實在叫人不忍破壞它的美！有姿勢，不能沒有實際。 「賀記」以招牌生磨蛋白杏仁茶作主打，自然的杏香、順滑的口感，俘虜了從來不喜歡杏味甜品的老公！有了「賀記」的芝麻杏仁茶，老公甘願放棄慣常至愛的楊枝金露，從不沾至愛上，可以說是一個奇蹟！合桃露一向是我所愛，可是坊間已難以找到滿意的，舊有愛吃的店又停做，感謝 「賀記」給我一個解救。「賀記」 的香滑合桃露，除香氣無容置疑外，將往常稠密的質感，變成了一份無添加的流暢感，香氣濃厚、幼滑微甜，非常可口！ 「賀記」稱合桃露不放奶、不加漿粉，成份純粹是烘焗過的合桃和磨碎的米，真的讚！其實「賀記」 

今日難得去西貢入camp😎到步見時間尚早去左西貢新開一年自稱係杏仁茶專門店既賀記試試佢個招牌先，點左個招牌生磨蛋白杏仁茶（$48），老闆係即叫即做既，等左十分鐘就食得，估唔到既係中式糖水杏仁茶會整到個賣相好似食緊西餐咁，見到都開心🥳味道👅有勁濃既杏仁味同入口香滑，確係唔錯👍🏻係舖面坐緊既時候keep 住有客人入黎點外賣，佢地多數叫楊枝甘露同榴槤布甸，似乎都係必點既甜品，不過一陣要食大餐，唯有下次過黎再試下啦😊😊🏠環境：7/10 🌟味道：8/10💰性價比：7/10🙇🏻服務：9/10 #hkfood#hkfoodie#HKSK#杏仁茶#中式糖水舖#中式糖水#apricotkerneldrink#chinesedessertshop#相機食先📷

又來吃糖水。每次吃完都心掛掛一有機會入西貢又再來吃甜品。以往都是一個人吃蛋白杏仁茶今次介紹家人來, 一行十人選了多款不同的甜品,樣樣都好味。杏计燉原個木瓜, 又香又糯, 燉蘋果清香不太甜, 榴槤布甸香到隔離位都聞到, 合桃露夠濃香, 楊枝甘露靚靚仲要跟個豬腰芒。 人人都吃得開心, 個個話我好介紹😁

嗰晚經過西貢巷仔諗住去買碗仔翅無意間發現呢間中式糖水舖佢主打杏仁茶但係我同同行朋友都係本身唔太鍾意杏仁味於是打算買個外賣畀屋企人就走點知老闆好好傾煮緊外賣嘅同時好積極地要我哋兩個試下佢嘅杏仁茶佢話最鍾意遇到一啲唔鍾意食杏仁茶嘅客人😂因為佢對自己嘅杏仁茶好有信心同出面嘅唔一樣好出奇地我同朋友都認為幾好食老闆解釋因為出面好多用咗杏仁精令到味道唔好食傾傾下我決定買多個芝麻露畀爸爸試老闆又畀我哋試食下佢個黑芝麻真心香問返屋企人食後感都覺得好好食決定下次再嚟試下佢個合桃露另外佢每個甜品都係落完order之後先逐個煮熱同加冰糖所以甜品嘅甜度係可以根據客人嘅喜好調配我覺得咁樣幾好因為本身唔鍾意食太甜係絕對值得推介嘅小店👍🏻👍🏻👍🏻

蛋白杏仁茶，精緻、不太甜、有好香杏仁味。楊枝甘露芒果肉，柚子甜，仲有新鮮菠蘿伴碟，好味又精緻。下午茶時間不是太多人，坐位不多。再買咗合桃露，雪耳燉蘋果外買＇今晚試吓。

好一段時間無來過西貢，飽餐一頓後，打算夜遊西貢，可惜好多店舖經已關門休息，惟小巷內一家甜品舖，燈火依然。和朋友在門口研究餐牌之際，正好有街坊遛狗，可能見我們猶豫不決，經過時，拋下一句，這間店的榴槤布甸十分好吃，然後便絲絲然離去。老實說，甜品標價的確不算便宜，惟以遊客心態，一場來到，加上有街坊讚許，何不給一次機會。店舖面積不算大，只夠放幾張枱，地方整齊，簡潔明亮我和朋友都是榴槤控，不約而同各自叫了一客榴槤布甸。布甸外型其實平凡不過，老板在器皿上花了點心思，並放上一朵新鮮食用花，整體觀感馬上升格。榴槤布甸味道十分澎湃，質地軟熟，口感香滑，吃到絲絲榴槤肉。 個人覺得，無論味道、甜度、質感、香氣各方面 ，真係好似食緊一嚿D24榴槤入口，不同的只是用匙羹而非落手食用，足料程度可見一斑說到這裏提提大家，其實店家的招牌甜品是生磨蛋白杏仁茶，所以朋友另外又打包了兩客杏仁茶，打算讓屋企人品嚐，老闆見還餘下少許杏仁茶，索性又送我門兩小碗 。即場翻熱的杏仁茶，奶白香甜，質地細滑濃稠，杏仁香味撲鼻，清甜可口，溫熱暖胃 ，這種傳統的中式糖水，坊間越來越少見，要講得上真材實料而又好吃的，更是難得。後記 : 從媒體

西貢終於有新開嘅甜品舖，menu款式唔多，但睇得出樣樣都係難度高，個老闆應該都向高難度挑戰💪🏻唔係仙草加球雪糕果d簡單嘢貨色主打中式糖水，有蛋白杏仁茶、合桃露、芝麻露、陳皮紅豆沙…….先嚟試吓個合桃露嘩！擺上枱已經聞到合桃香味！仲要擺盤好高檔✨上面有食用花添🌸除咗好睇仲好好食😋合桃味濃但無果陣假味👍🏻稠度適中👍🏻微甜啱我👍🏻而家好少鮮磨合桃露，食得出好有心！可以多啲嚟，試埋其他款式

Fu Gor鍾意杏仁茶所以我帶佢去賀記，西貢早前睇 米紙 介紹佢係新開幾個月的小店小店只有一人打理由店主用心精製甜品主打生磨杏仁茶仲要幾款其他糖水紅豆沙 芝麻糊都不少人嚟買外賣我哋心無旁騖Fu Gor食招牌生磨蛋白杏仁茶我就食杏汁燉原個木瓜店主一絲不苟每個甜品都係即叫即加工所以需要少少等候時間但呢啲時間絕對值得花突顯出店主對食物的誠意和尊重一上枱眼前一亮黃色的食用花為素白的杏仁茶添上一份活潑嬌美Fu Gor愛食杏仁茶他的食評說了算數佢話好正好香好滑好好味肯定係生磨的杏仁茶最後食到一滴不留我不是杏仁茶狂熱份子這個燉木瓜滿足我滋潤的要求杏汁香淳不會死甜加埋熟木瓜蓉又添清新店主好好人禮貌友善一人密密做又會同食客傾下計這是一次愉快的用餐經驗小店就在西貢碼頭小巴總站對正果條食街小巷內喜歡杏仁茶的不容錯過#小店#杏仁茶#西貢#賀記杏仁茶專門店#裙姐西貢推介#裙姐的生活良消

同男朋友難得入一次西貢，嚟之前就發現咗哩間新開無耐嘅小店。哩間鋪仔最出名都係杏仁茶 杏仁露，所以一定要試吓啦😎認真 佢就鋪仔細細位唔多，2個人嚟拍下拖食碗甜品都蘇是Vet!老闆係一腳踢做曬樓面 廚房同清潔，所以食嘅朋友仔都要有啲耐性，因為甜品都係即叫即整，超新鮮！講返個杏仁露先，中式甜品西式表現.有埋朵食用花花擺面，其實都幾靚。杏仁露本身味道唔算超濃，但有杏仁本身嘅清香，配埋蛋白就滑一滑🥳男朋友個芝麻露就比想像中薄身，但食得出足料嘅芝麻香，仲話食完個腎都健康啲喎🤔總結，入得嚟西貢就try try佢啦，下次嚟我都會再食😋利申本人對杏仁茶唔抗拒嘅😎

我平時唔係好鍾意食傳統甜品，見到屋企人外買佢嘅蛋白杏仁露，偷食咗一啖，覺得非常好味，朝思夢想，第二個禮拜日，再自己入去堂食，賣相更加美麗！好有心機機嘅老闆，即叫即煮，值得支持。佢仲有幾個招牌糖水，例如黑芝麻糊，合桃糊，紅豆沙，蘋果雪耳，建議一一都可以試吓，其實唔係好多款式，好快都可以試晒。心思思就會想入去再食！要支持的一個小店，讓傳統嘅美食有新嘅味道，值得一讚。希望佢可以keep住個水準，咁就可以成日幫襯。

夜晚同朋友行過見到，店主自己一個人即叫即做，杏仁茶好滑真材實料👍🏻 10分推薦喺西貢好食嘅糖水已經買少見少，賀記價錢便宜店主好好傾，一定會叫朋友多啲嚟幫襯，良心小店

西貢全港最伏楊枝甘露 見堂食要$48 外賣只需$28就試試落單後 老細直接雪櫃連外賣盒拎出黎 前後唔駛30秒🤔味道得甜味 甜味遮蓋芒果味同柚子味🤮最伏係啲芒果放到發黑 唔知係雪櫃放咗幾耐👎🏻西米雖然大粒 但係口感死死實實🤔仲有 有冇人話俾我知白色粒粒係咩嚟？.以身試伏 又多一員猛將..#賀記 (西貢)地址：西貢福民路58-72號高富樓地下27號舖.⭐️評分：味道：-/5 芒果發黑比唔到分環境：-/5服務：-/5抵食：1/5 其實$28算平 如果撞岩新鮮 會高分d 但可惜今次唔係.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.

一間營業了才四個月的杏汁專門店。在西貢著名的食街發現了這新開的甜品店。咦? 招牌蛋白杏仁茶? 本杏汁控的眼球馬上被搶奪過去。嘩！竟夠膽賣$48大元一碗? 我曾住西貢, 對在西貢做生意的生態略知一二。估算在這食街開設唯一的甜品店, 並以此價錢大展拳腳的, 必定有些功力。好奇心驅使下, 我只外買了一個招牌蛋白杏仁茶。杏仁茶是即叫即煮的, 老闆客氣地邀請我坐下等, 煮好後更慷慨地給了我一小碗作試食。杏仁茶清香、濃滑、甜度適中, 完全不帶半點杏仁精油味。老闆強調杏汁乃全天然生磨的👍👍果然不令我失望。所以我當然要馬上feedback老闆, 我相信讚美比批評更有鼓勵性。這款高質素的杏仁茶令我心情好了半天, 下次來到必要再試其他甜品。