賞茶 (已結業)

🇭🇰 賞茶 ·真·白桃烏龍$30呢個係我哋行完山去左超級城嗰邊 見到佢出咗呢個期間限定嘅白桃烏龍 好想飲 所以嗌嘅😌我自己其實勁鍾意桃味嘅嘢飲 但係桃味嘅嘢飲中伏比率真係勁高😭😭不過呢個真係超好飲 我哋飲完之後已經再翻兜咗一次 佢個白桃味超真 唔係嗰啲好糖漿既味道 而且佢底部係真係好多桃肉 質感仲要好好 推薦大家試吓🍑·📍大埔安邦路9號大埔超級城A區地下018B號舖·#rby💛·#rbyeat #rby好去處#rby港式 #rby甜品飲品#rby大埔

今日見天氣咁熱，又未到剪頭髮嘅時候！咁就嚟買杯嘢飲啦！見到有波霸奶茶就諗起首歌啦「有一日我想飲波霸珍珠奶茶，點知個哥哥話『小姐冇珍珠啊』⋯⋯」入反正題！係大埔中心，我就叫左杯波霸珍珠奶茶，出餐既速度快既、而落單過程員工都好有禮貌，等候既地方，都闊落！飲品來了，嘩！幾大杯下！而且珍珠同奶茶比例剛剛好，冰既比例亦都係剛剛好！奶茶都幾滑，茶香既味又唔差！如果奶茶再滑d會更佳！至於甜度又適中！個價錢好合理！overall! Good ！繼續努力💪🏻

老老豆豆呢間野都唔係特別好飲，諗住好耐冇幫襯就幫襯下，職員就多，有四五個人，可惜”唔好彩”地有大戶外送單，佢就停止所有堂飲單，成班人就傻佬喺門口咁等咗15分鐘，更不幸地我張單仲整錯咗，都算，我都係做服務業，做錯咪sa個lum咪冇事，最慘係佢錯咗啲表情仲好似我錯咁，唔係掛，結果買兩杯退咗一杯，味道方面係一肚氣既味道我都係想正正常常飲杯野啫，又唔係啲好複雜既東西，我個人都唔鍾意做鍵盤戰士，既然當面反映無效唯有負評

賞茶一直都係我最鍾意嘅台式飲品店💕 同大家分享下幾款最愛嘅嘢飲葡萄柚綠加蘆薈酸酸嘅葡萄柚汁 配上淡淡嘅綠茶 仲有好多新鮮嘅葡萄柚粒 口感一流 酸酸甜甜 非常開胃 好適合夏天飲🤤想要多重口感嘅朋友可以再加蘆薈 賞茶既蘆薈非常大粒 份量亦都好足 為飲品再添上一份清新感荔枝蘆薈荔枝汁加上烏龍茶 配上大大粒嘅蘆薈 好啱夏天飲😛 波霸奶綠鮮奶綠茶再加上大大粒煙韌嘅珍珠 真係食珍珠都飽🤣大埔賞茶店舖面積都算大 入面有吧檯 畀你企喺度慢慢品嚐飲食💁‍♀️

大熱天時喺戶外熱到溶，一杯凍飲不能少。大埔嘅朋友帶我去咗呢間特色飲品店整杯嘢嘆下。餐牌上嘅選擇都幾多，除咗飲品之外，唔夠喉可以加多啲料，仲可以同時叫埋小食慢慢嘆。散叫得，套餐又得。由於食飽冇耐嘅關係，我哋2個淨係叫咗嘢飲。熱帶水果茶要求少甜少冰，味道啱啱好。一入口已經有熱情果籽，仲有條狀嘅椰果，好似有桃肉，十分豐富，不錯不錯。葡萄柚綠朋友由於身體關係必須走甜走冰，雖然係咁，但杯嘢唔係熱或者暖，而係有少少冰凉，據朋友所講，果肉體積不定，對上一次果肉卡住飲管完全要手動取出，而呢次就輕輕鬆鬆一啜就上黎現場都幾多人買，所以要等一等先有，但都值得一試。

今日經過大埔中心見到呢間奶茶店有個幾特別嘅地方🤔，就係有個波霸製作工房喺度，不過嗰日我就見唔到有人整緊珍珠🤣，不過都畀佢吸引咗埋嚟睇下，既然都行咗埋去🧐，不如就嗌杯嚟飲下啦🥤。🎈黑糖奶蓋波霸奶茶 $33拎到上手發現原來個杯蓋用咗特別設計😯，我諗個原意係想食客可以唔洗用飲管都可以飲到奶茶同食到啲珍珠，其實都幾細心💕。另外，我叫咗呢杯「黑糖奶蓋波霸奶茶」感覺黑糖味同牛奶味都幾濃💦，相對又唔會好甜，試得一試✨。

之前飲過呢間台式飲品店幾次，感覺熱飲較出色，再加上天氣都凍，所以今次就叫咗熱飲——波霸鮮奶賞紅茶（少甜）由於即叫即制，所以落單後都要等一陣，適逢聖誕期間有靚靚限定版聖誕插畫杯👍🏽 奶茶用咗真鮮奶，奶味充足，而茶味亦唔會太濃太澀，兩者之間好平衡👍🏽👍🏽 珍珠qq彈彈唔痴牙，不過怕甜嘅人記住叫少甜，個人覺得全糖會太甜總結：奶味茶味甜度各方面都平衡，珍珠好味，係冬天嘅comfort drink😋

今日好熱30幾度，行到又熱又口喝，經過賞茶，買咗杯波霸奶茶解渴，佢可以加$4轉牛奶，我仲要求少D冰一飲就覺得唔似改咗牛奶，直情覺得一D牛奶味都冇，只有綠茶味，但係啲綠茶飲落又有少少怪怪哋，口中感覺有D粉粉哋，飲到後期仲發覺杯底同冰面上有啲泡沬，飲落感覺就好似係去壽司店，自己用綠茶粉沖嘅綠茶差唔多珍珠我覺得普通，但亦都唔係話好差，食淨左一半，唔吸引我食晒佢，我覺得$28就唔係好值得飲，下次都唔會再試

放假同屋企人喺大埔行街見到有新開嘅台式飲品店 路過於是就去試下其實我覺得個杯設計係幾好環境衛生服務都係唔錯架出嘢效率快 唔洗等好耐話雖如此 不過叫咗杯奶綠 冇奶味冇茶味 似飲糖+水已經blacklist 冇下次真心話 唔好飲 好勉強咁飲咗一半就扔 冇影到相味道係我最唔滿意嘅地方 係一個唔合格嘅飲品 敗北 咁嘅價錢咁嘅質素我寧願揀其他好大可能係為咗慳成本所以溝太多水落去 中伏利申本人飲過唔少臺式飲品店 有碗話碗 好嘅嘢會讚 有唔好嘅地方就會直接講出黎呢間值唔值得飲就真係見仁見智

今日在新達與牧場父子飲茶後，慢慢步行回家，途中經過大埔中心，見到賞茶，就行去買了1杯熱波霸奶綠半甜。飲品即買即沖調，等了3杯才有。收銀員很有禮貌，還問了是否即飲，並套上杯套及把飲管放插好才遞上。奶茶不是很熱，可以用飲管即飲。半甜甜味剛剛好，但奶味較淡，而茶味相對較濃，且飲後有少少苦澀味。綠茶也不是很香。波霸是大粒的粉圓珍珠，份量算多，煮得剛好，不太淋且Q彈有咬口，還帶有甜味，與半甜的奶茶一起入口，味道配搭不錯。

叫左個桂花烏龍波霸奶茶，一飲唔知係咪未mix好，飲得出係桂花糖漿加烏龍奶茶。mix完之後都仲係好甜，無奈既係佢甜度固定，所以冇得叫少甜。 波霸食落同其他店舖差唔多，食到佢珍珠出面係比較甜d。但都算有咬口唔會過淋。 整體可能都比較甜所以就飲落奶茶d味唔係好出到。

老婆鐘意飲珍珠奶茶，呢間喺大埔算係新開嘅飲品店，所以買左杯同老婆開心share今次買左個奶蓋黑糖波霸奶茶，個茶好香好好味，尤其係多左個奶蓋，飲落好似食緊爆谷嘅味道，好好飲下次再揀下其他口味試下先

我對珍珠奶茶情有獨鍾，就算怕肥但間唔中都要飲番杯今次試左呢間喺大埔開左唔係好耐嘅賞茶，味道好有驚喜平時我會叫少甜少冰，但呢度完全唔需要，佢個甜度同冰嘅份量都啱啱好下次經過要再買多次嚟飲

同朋友食完個lunch, 傾得太開心, 好口渴, 借D而去買珍珠奶茶飲~我地叫左一杯波霸奶茶同一杯仙草奶茶.茶味好香, 叫左微甜, 飲落味道岩岩好~而且D珍珠好煙un, LIKE~

最近黑糖大熱～令不少人迷上～當然包括本人啦（哈哈，肥上加肥）本身諗住去超級城天仁試佢個黑糖～不過無貨～大家可以去火車站果間碰下運氣聽聞樓下開咗新舖～咁就落去睇下有無黑糖啦一看之下～真係跟得上潮流！有黑糖、奶蓋同波霸～選擇都豐富～不過留意返黑糖係要晏晝兩點後先有嘅～所以我揀咗芝士奶蓋紅茶隻杯相當靚～又比較高身～睇落抵飲啲（當然無裝滿，純粹無咁易瀉）芝蓋一入口咸香厚身～但⋯⋯有渣成件事錯晒⋯⋯啲渣似係芝士～應該就唔係粉～大家試完可以再研究下好在佢個茶底夠清～又唔多冰（無嗌少冰㗎）～都補返少少分店面裝修幾靚～有啲似一芳～店員姐姐會幫你插埋飲管～服務幾好啊～所以下次有機會會試下黑糖