賞茶 (已結業)

大熱天時喺戶外熱到溶，一杯凍飲不能少。大埔嘅朋友帶我去咗呢間特色飲品店整杯嘢嘆下。餐牌上嘅選擇都幾多，除咗飲品之外，唔夠喉可以加多啲料，仲可以同時叫埋小食慢慢嘆。散叫得，套餐又得。由於食飽冇耐嘅關係，我哋2個淨係叫咗嘢飲。熱帶水果茶要求少甜少冰，味道啱啱好。一入口已經有熱情果籽，仲有條狀嘅椰果，好似有桃肉，十分豐富，不錯不錯。葡萄柚綠朋友由於身體關係必須走甜走冰，雖然係咁，但杯嘢唔係熱或者暖，而係有少少冰凉，據朋友所講，果肉體積不定，對上一次果肉卡住飲管完全要手動取出，而呢次就輕輕鬆鬆一啜就上黎現場都幾多人買，所以要等一等先有，但都值得一試。