賞茶 (青衣站) (已結業)

2024.3.4琴日去青衣城食完晚餐 諗住去賞茶飲杯奶茶 嗰時未去到20:00 睇咗陣餐牌終於諗好嗌咩嘢飲 諗住嗌珍珠奶茶 冇戴眼鏡職員就同我講珍珠賣晒 下？ 門口個牌寫住營業時間去到20:30 未到20:00但珍珠賣晒 賣晒唔緊要 個客喺門口會唔會同個客講聲先？唔會淨係掛住撳電話傾計2024.3.5到今日特登早啲過去買野飲 見到冇人等 冇人排隊 喺門口見到水吧位置有一個戴眼鏡女仔沖緊嘢飲佢見到我即刻衝咗出嚟落order 嗌咗兩杯嘢飲但係等咗20分鐘 本身見到間鋪得一個女仔都體諒佢唔夠人手 但原來又唔係喎 原來仲有個右手有紋身既女仔架喎 沖兩杯野等20分鐘？都真係冇嘢好講下次去返地下ok買嘢飲算

東涌唔多茶飲店，我通常會係青衣落車，好方便咁係地鐵出閘口行10秒去 #賞茶 買杯茶飲，再沿路回坐下一班車😆😆招牌紅茶粉粿，以紅茶為原材料製作 4 小時以上，細細條的啫喱仔，口感介乎珍珠同啫喱之間，最主要係自帶茶香，越咬越好味。連茶飲都好講究㗎😘我哋就叫咗賞茶 5 大招牌茶飲中嘅： 🧋粉粿桂花檸檬（鮮） $31 🍋台灣新鮮綠檸檬配上香甜的桂花釀，味道酸甜清新，加上紅茶味滿溢的粉粿，味道好夾🧋粉粿招牌奶茶紅茶茶底再配上紅茶粉粿，口感絲滑，濃郁奶香🧋珍珠小時候奶茶$28無咖啡因嘅奶茶，小學生都可以試試啊。小時候奶茶為台灣茶師特調的麥茶，帶有堅果香，配上煙韌珍珠和蔗糖調味🧋葡萄柚綠（鮮） $32採用台灣新鮮葡萄柚果汁，內含粒粒葡萄柚果肉，微澀的味道衝擊大腦，好喜歡🧋黑糖奶蓋307茶王 $36選用台灣杉林溪出產高山茶王，茶味溫婉，再配合綿滑嘅黑糖奶蓋，融合甜美茶香

佢係咪睇漏咗個不字？明明叫咗不再加糖，點知佢變咗再加糖到底係我理解唔到定係佢理解唔到？甜到成杯都係糖嚟。仲要去冰所以甜到冇得再甜。已經趕時間去搭車，但係已經等咗超耐，仲要整錯。真係趕客。

平時叫開珍珠奶綠走冰 跟住上個禮拜買個杯同我走左珍珠 成杯野一粒珍珠都無 然後今日走左甜 無味😭雖然最後都肯換 不過返到屋企 又要突登行返出去換 啲員工真係越嚟越hea 唔睇instructions 建議大家嚟青衣去二期飲天仁唔好飲賞茶😠

叫咗杯桂花烏龍波霸奶茶，原先諗住叫半糖，點知排到隊買野飲個陣個店員話因為用桂花蜜糖沖，所以淨係做到少糖🤔，咁唯有試下少糖。飲之前驚唔係半糖會好甜，點知飲落又ok喔，佢甜得黎啲桂花味好香，同奶茶都幾夾，珍珠食落都幾多。不過因為好多人排隊，等野飲都少耐，但個度啲店員都ok幾nice，幾有禮貌。飲過咁多間台式手搖飲品店，賞茶作為連鎖店黎講，以呢個價錢黎講都算係值得購買，個杯身都幾大下，都應該夠大部分人飲。推介

好飲係幾好飲，不過呢 去叫咗兩杯波霸奶綠， 返到屋企發現 其中一杯冇珍珠， 有冇搞錯 😑😑😑😑😑 一：一 飲咗咁耐珍珠奶茶第一次咁， 真係服左， 希望下次員工做嘅時候小心啲 留意啲 😑

經親都想試好耐，最後都係買左杯嚟去飲，叫左杯香芋鮮奶，同理想中完全唔同，杯野真心唔好飲，成杯野就算微甜走甜都一樣好甜 ，冰又無得少/走，杯野又無咩芋頭味，要成$33蚊好唔抵，台式飲品嚟講算係失敗！！

青衣 店灣地道茶店🥰甘醇天然 連鎖經營😂地點：青衣地鐵站賞茶既茶底同埋珍珠都是由台灣進口😝保證原汁原味，茶味亦都比較香濃🥳珍珠比較有咬口😎黑色大大粒，奶味亦都十足😂香港總共有十五間分店😝為於香港不同地點，真系需要一試。最出名就是波霸系列☺️最出名是波霸奶茶🧋味道香濃，非常好飲。地點：青衣青衣港鐵站TSY304號舖名稱：賞茶好去評分🎖(5個👍🏻為最好）- 環境：👍🏻👍🏻👍🏻👍🏻- 服務：👍🏻👍🏻👍🏻👍🏻👍🏻- 價錢：👍🏻👍🏻👍🏻👍🏻👍🏻- 推介：👍🏻👍🏻👍🏻👍🏻

天氣凍，加上特別時期，心情總係好差，返工都無咩心情😂叫同事叫外賣，諗住特別時間唔飲得凍野，涼嘅嘢又唔飲得，應該無咩選擇啦！正當我想放棄嗰陣，同事就介紹咗呢走非咖啡因嘅奶茶～～～諗住健康啲熱飲實啱啦！點知叫外賣到咗（好彩仲熱）飲落去又暖又甜 仲有少少咖啡味真係幾特別幾好飲見佢寫明非咖啡因都真係有原因！因為飲落真係有少少咖啡嘅感覺令我呢個唔受得咖啡 又鐘意咖啡香嘅真係好驚喜好推介飲完全日心情都好左好多連男朋友都讚😂

台式飲品店之總有一間係左近 2平時必叫桂花奶茶 勁好飲今次叫左經典波霸珍珠奶綠 $24同樣係無糖 減輕罪惡感😙仲要係熱既 養生一下珍珠好煙韌 綠茶味好香☺️☺️而家價錢唔貴 推介！！😋靜靜雞指數 🐥🐣🥚🥚🥚🔂再偷食指數 ✅✅☑️☑️☑️💲減荷包指數 💸💵💵💵💵——————————————————#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant #黃店

今次點咗1杯桂花凍烏龍奶茶 + 2杯波霸奶茶，等候時間唔耐，大約5分鐘左右就可以攞走桂花凍烏龍奶茶 (HKD 27)一睇個名就以為係凍桂花烏龍奶茶👀，飲落去奶味好濃，有嘢咬到嘅🤔，但明明就冇嗌珍珠 / 仙草凍，原來係桂花”果”凍 😦 我就係想飲呢類型嘅飲品，有得食又有得飲 🤩波霸奶茶 (HKD 24)所講嘅波霸，其實係普通珍珠 🤓，冇特別大粒到，但咬落去好彈牙，茶味算濃 而最令我有驚喜嘅係杯身圖案設計，係香港嘅特色嚟 🌃，竟然有舊式酒樓、懷舊商店同維港夜景，望住好有feel 😚😚 #賞茶 #foodie #foodiehk #hkfoodie #hongkong #hkfood #hkig #hkstyle #珍珠奶茶 #takeaway #thursday #sweet

想查一路都係台式飲品連鎖嘅舖頭入邊，我嘅至愛之一，因為佢啲嘢平靚正，而且有啲分店仲有小食套餐添，買埋嘢食都只係加少少錢，一次過滿足晒口痕好頸渴兩個願望。今日先發覺原來可以用賞茶自己公司嘅mobile app，一早落定單，就唔使行到過去先至落order，慳返好多時間🥰🥰買咗咁耐而家先發覺真係好傻🙃買咗個小食set，配嘅嘢飲係水果茶，清清甜甜，用嚟送惹味嘅花枝丸同薯條配搭一流，當堂冇咁熱氣🥲🥲🥲

每次行出青衣站閘口都匆匆經過，今次食完飯回家輕輕鬆鬆行過🚶🏻🚶🏻‍♀️見有D口渴，買杯野飲先🥤～～～黑糖奶蓋綠茶～～～呢杯飲品其實係好好飲，應該有嘅味道都有，黑糖嘅甜度亦都適中😁😁，飲落令人舒服🥰🥰但更吸引我嘅係佢杯身圖案嘅設計，用左香港嘅維港景色、舊式食肆、懷舊商店黎做藍本😚😚配上簡單易明、色彩繽紛嘅構圖，好有香港情懷feel呀😁😁一杯飲品，比你有齊味覺同視覺嘅享受😍😍，唔容易架🙂🙂

「紅豆芋圓仙草凍 💜💛🧡($25)」！🤪 芋圓有咬口 有淡淡芋頭同番薯嘅味道 當中芋頭味比較出色 仙草好qq滑lu lu 如果紅豆冇咁甜會更加好食🍠🤤-This Taiwanese Taro Balls with Red Bean Herbal Jelly💜💛🧡($25)The taro balls and sweet potato balls 🍠are chewy. They have a mild taro and sweet potato taste.🤤

返工前本來想買杯台式飲品點知見到賞茶，竟然有甜品買，緊係試下啦！芋圓喎！叫左個「紅豆芋圓仙草凍」有花奶，我個人覺得唔加都可以。紅豆都夠甜，但唔夠淋芋圓唔會太粉，都可以仙草就都夠味，唔錯不過止下甜品癮都可以。