贊和豆品

營業中

休息中

行過街見到人山人海個個都喺度揸住一碗碗豆腐花喺度食😋以為＄5蚊雞💰已經唔可以再食到豆腐花👌🏻唔單止食到仲可以兩溝👍🏼豆腐花溝薏米白果食嘅時候好似飲緊腐竹糖水咁綠豆溝豆腐花超好味👍🏼仲有多款口味有芝麻溝豆腐花啦有紅豆溝豆腐花啦👍🏼令人食得好開心😋

黎荃灣，一定食番碗豆腐花因為有2檔花豆舖痴住的，但由於贊和的花奶豆花係$5，另一間好似係貴2蚊的，所以近幾次都係幫襯贊和花奶加豆花一齊，好滑溜，今日因為天氣凍凍地，叫左熱豆花，再加埋薑汁，可以順便驅寒☃️☃️食完暖笠笠，好舒服😁😁😁😁之前買過支豆漿，大大支，好抵飲，豆味好濃，飲落好滑，又唔會好甜，感覺好似健康d.好似無飲咁多糖落肚😝😝下次想試黑白豆腐花，希望佢d芝麻糊同佢的豆腐花一樣咁正啦😍😍😍

早排過嚟荃灣行街, 行到肚餓就去咗路德圍醫醫肚~ 跟住見到痴住有兩間豆品舖都分別有唔少人排緊隊, 原來呢兩檔賣每碗豆腐花都係5蚊咋! 我憑直覺揀咗左面嘅贊和豆品, 全店所有款式嘅豆花都係5蚊~我叫咗最簡單嘅冰糖豆腐花, 然後加咗我最鍾意嘅黃糖~ 嘩...估唔到呢碗咁平嘅豆腐花質素都幾好啊, 好滑㗎...口感一流...而且都食到幾香豆味! 同埋"不"比你嘅份量都唔會細碗~ 5蚊一碗CP值係超高, 依家喺第二度食碗豆花閒閒地都十蚊啦~ 食完真係覺得自己賺咗!!隔離嗰檔叫阿玉豆腐花, 兩邊好似鬥得好激烈, 但好似呢間多人排隊啲~不過下次有機會我都會試埋阿玉!!

是日相約了數友人行大帽山,起行前當然要補充體力。來到小食店臨立的路德圍附近,在小街左穿右插下,看到一條人龍,於是小妹也上前一看究竟。走近些就看到不少人都正拿著一碗碗的豆花,吃得好不滋味贊和豆品和另一豆品店平排。但看到款款豆花,不限冷熱,也只售$5的宣傳招紙,這個佛心價實在令人抵抗不了下單後,只見女店員熟手地舀出層層豆花,店家有薑汁，冰糖水，桂花糖水，黃糖粉等以供客人加配。小妹買的是凍薏米白果豆花豆花好滑，薏米白果份量足，兩者均煮得又淋又香,薏米夠綿,自行加了些桂花糖水,更添了一份淡淡的清香也許店家的豆花的豆味不算十分十分濃,不過哪需比較得太多,小店的性價比也是相當之高了,下次來也有再吃呢!這抗通脹的價錢,絕對值得支持!

今日食完Lunch心癢癢想食豆腐花就揸架車落荃灣食好耐冇食既豆腐花呢間野開左幾年人冇變味道冇變連價錢都冇變試問今時今日$5可以買到乜去7仔買支水都未必買到豆腐花又熱又滑我就中意食薑汁豆腐花薑味取代糖水融入豆腐花中間辛味而又滑溜既口感值得令人掛住既味道

係人都知荃灣多抵平嘢食，今次來到果斷試一試過豆腐花， 每次都見到好多人排隊，今次一樣都係咁多人。 我就叫咗個原味豆花， 用五蚊試一試去嘅。估唔到豆腐花咁鬼滑， 又香豆味， 最重要佢夠曬環保，你企喺度食仲要唔駛加錢。外賣嘅話就要加一蚊都完全合理， 其實佢仲可以配合唔同嘅糖水， 不過識食一定食原味。有機會下次再食。

微涼細雨的秋天週日，經過荃灣這條為食街，仍然見到兩間豆腐花店熱鬥豆腐花， 正所謂「鷸蚌相爭，食客得利」，我都走過去以行動投一票先。揀呢間全因為「笑容」兩字，食嘢最緊要開心，兩名老闆娘四萬咁口地做生意，未食都感覺到果份香甜。薏米豆白果腐花此類街頭小食都可以算是本港立食始祖，由牛什、燒賣、魚蛋、串燒，返返到今時今日一人拿住一個公雞碗食豆腐花的年代；香港人其實一直都好簡單，大人細路都唔介意齊齊立食。我最感動嘅喺，仍然5蚊碗。薏米白果份量夠，煮得淋又香，平時唔食白果嘅我都全清豆腐花好滑，好好滑甜度適中，淡口味者不需再放糖好甜者，可以加糖粉，糖水，任勻選擇最開心嘅感覺喺大家排隊俾錢，自己拎匙羹，食完自己放入膠筒，被服待慣嘅港女港男港童，啱晒嚟立食一下。

我們剛好行過，見到$5豆腐花，$7芝麻糊，就過去試了下。排了一條長龍，不過$5同$7非常化算，排隊也值了，而且店舖既整作速度也非常快，我地也唔係等得太耐就已經買到。我點了個芝麻糊，她也點了個薏米白果豆腐花，企左係路邊食。我既芝麻糊確實好好食，芝麻味好香，係小時候才食到既芝麻香味，已經好耐未食過了但她食既豆腐花還是不足，只能說很滑同暖，但冇豆味，可以說係冇味。不追求味覺既人士，以$5黎講還算可以吧。

物價通脹，食個甜品都幾十蚊，但係荃灣呢間豆腐花就主張平靚正！只係五蚊雞就有一碗又白又滑嘅豆腐花，完全打破左平野無好野呢個定律。雖然無位坐，但企係度食仲有風味，下次黎到一定要試埋佢個芝麻糊豆腐花！

5蚊可以做到乜？細細個(十幾年前)5蚊都食到幾多野，腸粉5條或者燒賣/魚蛋7粒、中式糕點、港式包點等等都大把選擇。而家5蚊的消費力真係少之有少，連腸粉都起碼8蚊起跳，連鎖店的包都起碼$6.5蚊個，又未去到冇，但是選擇唔會多，好味更難求。但原來5蚊而家仲可以食甜品!呢間豆腐花都好有人性，雙拼豆花都係5蚊，整左碗芝麻豆花雙拼。份量適中，豆花很滑，芝麻糊唔叫好濃香，但幸好不太甜，撈埋一齊食相互平衡。原來5蚊仲可以係香港尋開心!!

薏米白果豆花 $5 @ 贊和豆品：五蚊碗仲可以雙拼你仲想點？！😱揀左薏米白果豆花，可以自由再加桂花糖漿/黃糖/薑汁/黃糖漿，薏米糖水味道香甜，豆味濃郁，粒粒白果同薏米口感軟糯，豆花質地都香滑，份量唔少，行過值得一試🤘。

平時好少去荃灣，對於依個時代仲有$5一碗豆腐花係好驚訝😨😨叫左2碗豆腐花，一碗凍，一碗熱，感覺上熱既好似大碗d最鍾意係佢有得加桂花冰糖水👍🏻👍🏻平時食豆腐花都只係得薑汁、黃糖，原來加桂花冰糖水都好夾好好味喎‼️

星期日又打唔成風，就梗係出街搵食啦... 約埋朋友嚟到荃灣路德圍，食碗$5蚊豆腐花先... 🙌🏻朋友話，兩間都差唔多，就梗係揀唔使排隊嗰間阿玉，試食一碗先啦... 一試... 嘩，好滑... 仲要有薑汁、糖水、黃糖任添... 非常滿足～食哂一碗都唔夠喉...🤤望見隔離贊和，條長龍慢慢消退... 唔執輸，試埋隔離贊和... 一匙羹筆落去，已經高下立見... 😍明顯，贊和呢碗，仲要再滑好多，仲要加薏米糖水都係一樣錢$5蚊... 仲要仲要，佢標榜用非基因改做黃豆做... 實在好食得嚟，又有heart～因為隔離店做嘅豆腐花，我已經覺得好好食... 食到呢碗，我除咗用"極品"嚟形容，搵唔到更好嘅形容詞～

5蚊一碗豆腐花做賣點的贊和豆品，一早已經見人龍薑汁，冰糖，桂花，芝麻……所有口味都只需5蚊，又難怪見人龍嘅，排左5分鐘就買到一碗熱豆花，一碗凍豆花豆味以5蚊黎講算合格，不好奢求佢同十幾蚊一碗咁濃豆香熱豆腐花同凍豆腐花用嘅碗有少許出入，但份量一樣，只係凍熱分別糖水放係度，任你落，我就比較中意薑汁口味，薑汁味比較濃郁，不會得個甜，另外桂花冰糖都不錯，有清香桂花味，配凍豆腐花都好好食5蚊5蚊5蚊真係好抵！！！行過真係食番碗好過去甜品舖值得大推介

$5一碗高品質豆花$5一碗紅豆豆花$5一碗薑汁豆花$7一碗極濃芝麻糊真的好食，每次去都排哂隊，就係今次經過最少人，(都有5,6個人), 所以立即去買唔諗了。企係街食是常識吧，唔習慣的就要外賣了，好似加$1