超人燒鵝

營業中

休息中

呢間舖真係離晒譜！啲阿嬸態度差！無禮貌！不知所謂！叫餸梗係見到咩就叫咩㗎啦！盤送有蛋有蕃茄咪叫蕃茄蛋，有蘿蔔有牛腩咪叫蘿蔔牛腩囉！我想叫盤餸有西蘭花同海鮮，咪叫西蘭花海鮮囉！個阿嬸勁串咁話：「西蘭花就叫西蘭花就得啦！唔好叫海鮮！盤盤都係海鮮！」呀大嬸！我鬼知你啲餸點稱呼咩？你啲餸入面有兩款都有西蘭花喎！我鬼知佢哋係唔係同一款啊？你咁有堅持！每一個餸加個名牌吖嘛！咁咪唔會叫錯囉！唔怪得咁多人返大陸食嘢啦！食個飯都仲要受氣！香港啲飲食業多得你哋唔少啦！

打工仔，趕時間，其實自選飯是不錯之選！預先整好，一拎就走得！不過，今日要排隊！🧐😑今次選了3餸飯，蒸魚、豉汁蒸雞、瓜蝦仁，不過不失，份量十足，已經叫了少飯！加個粉絲蒸扇貝，入味，令人回味無窮！加$12蚊好超值！

其實唔係第一次買，每次服務員態度都係咁差，唔係一個，個個都係咁臭串，尤其是長頭髮束辮嗰個，買兩盒淨餸，比得少唔在講，仲要比埋頭頭尾尾，碎濕濕啲餸頭餸尾，出聲同佢講可唔可以比好少少，一嘢挾咗好多出嚟，就冇再換番比我。跟住話係咁㗎啦！完全係搗老闆米，不停咁趕客，唔明老闆點解要請呢啲伙計。想打電話投訴，但搵唔到電話，終於要用OpenRice 寫食評，一睇先知原來有咁多人不滿。其實附近都有好幾間三餸飯，唔係因為順路，真係唔會再幫襯，買飯買得咁勞氣，都唔知為乜！香港消費，真係越嚟越谷氣，怪不得啲人話要食嘢，返大陸好過，起碼有被尊重的感覺，服務態度好好。忠告老闆，唔該你認真唸下你啲員工服務質素，好似唔係一間，有好幾個店都有咁樣投訴！

我買了雙餸那位態度惡劣的收银員强迫我先付款，之後會再買雞點解要付兩次錢？那位收銀又要我拿著那盒雙餸排隊，又話我阻住其他人，點解要分兩次付款？惡劣的收银員的服务态度另到我後不會再光顾！

講到頹飯唔少人會諗起兩餸飯😆不過我就覺得兩餸飯一啲都唔頹，款式又多係方便快食之選👍🏻銅鑼灣美食之地都有兩餸飯揀，當然要試試佢，排左大概5分鐘就到我見到佢都幾多選擇；有原條魚🐟、咕嚕肉、麻婆豆腐、咖喱雞等等夜晚好似會有龍蝦🦞🤭今日lunch食我揀左椒鹽魚塊 豬手本來想要炒飯底，不過佢未夠有😞之前食過覺得好味白飯份量多，椒鹽魚塊雖然冇汁，不過佢係好夠味豬手都有4-5舊，味道唔錯，不過冧啲應該會再好食啲$35兩餸飯都算唔錯喇

銅鑼灣區既兩餸飯 位於鵝頸橋街市附近各區都有分店啱晒啲打工仔$35兩個餸 好多選擇$41三個餸今次叫咗🥢咖喱雞同埋魚香茄子咖喱雞幾出色，不過冇乜辣味魚香茄子都夠淋身 唔會太咸整體而言對得住個價錢晚飯平靚正之選⭐️CP值;⭐️⭐️⭐️⭐️👩🏻回頭指數;👩🏻👩🏻👩🏻

返工食咩Lunch相信係每個打工仔返工最煩惱嘅問題。我自己個人就冇乜所謂，但好多時都同同事一齊食，大家都會陷入一個無限嘅輪迴。但我自己鍾意食中式飯或者碟頭飯咁今次就揀咗雙餸飯，因為可以自己配合唔同菜式。超人燒鵝 (銅鑼灣)銅鑼灣堅拿道西10號地下2號舖味道: ⭐️⭐️⭐️價錢: 💰💰抵食指數: ⭐️⭐️⭐️雙餸飯 $35 炒飯底加$10超人燒鵝，我自己都幫襯過幾次，次次都試唔同餸菜，作作為近期彈起得快嘅原因係因為平同埋有海鮮，但我自己就少有選擇海鮮，多數會揀返中式飯菜，個人幾推薦蕃茄豬扒，魚香茄子，豬手，黑糖醋牛仔骨（肉食獸😋）呢幾樣都做到色香味俱全。以前嘅超人燒鵝只有一種味-咸，乜都落勁重鹽，但近排唔知係咪轉左師傅定鹽無貨，終於變返正架可接受程度😝

連基本尊重都無，排緊隊，入啲有個呀姐黑口黑面用手勢趕狗咁，唔想做咪唔好做，垃圾，一路做嘢一路口up up ，咁滿意份工咪唔好做囉，一份咁簡單嘅嘅工都做唔到，老細點會請呢啲人，垃圾好

小女子見識少，未聽過，屋企人話好岀名㗎，所以買俾我試下，一試便知龍與鳳，煙薰味好重，皮好脆，醬汁濃郁, 肥膏唔多，重點係一隻只需HKD130 , 性價比真係好高👍👍

又嚟幫襯超人燒鵝!又嚟買豉油雞!不過今次幫襯唔多開心!又嚟買半隻油雞, 但今次肉質無上次咁嫩滑, 都唔係大問題.見到有舊細細舊叉燒外表唔錯, 買埋佢啦, 竟然要40蚊!份量有幾多?有相有真相....叉燒肉質都算鬆軟同入味.唔怪之得我老母話生舊叉燒好過生我啦!

係呀! 我又嚟幫襯超人燒鵝喇!上次嚟買油雞, 見到有兩餸飯提供, 店舖人山人海, 心諗真係咁好食咩? 本性好奇心驅使我去幫襯.35蚊兩餸飯唔算抵, 行兩條街有間叫岱民, 只係25蚊! 而且味道唔差份量夠! 有機會會寫食評.上次隻油雞實在出色, 所以買盒兩餸食之餘. 再買多半隻油雞!正當唔知食咩餸心多眼亂之際, 廚房攞咗盤牛仔骨出嚟, 新鮮熱辣, 咁就牛仔骨加西蘭花啦!土瓜灣浙江街痕身隔離有間兩餸飯, 點牛仔骨要另加8蚊, 點扣肉又話要加8蚊, 即場放棄轉身走! 正擔心緊超人燒鵝會唔會又話要加錢, 答案係無加錢! 難怪門口排哂龍啦! 手法夠老實! 爆 like! \(^0^)/上次唔理秩序果位店員姐姐已不復見, 但門口仍然亂排隊無D秩序！打開個袋, 上次俾兩個蔥油, 今次得一個.油雞依舊肉嫩皮滑, 水準無變, 希望一直可以保持高水準喲!兩餸飯嘅牛仔骨有四件, 份量適中無偷工減料, 西蘭花配上蝦球, 蝦肉彈牙無梅口感唔會太實太硬, 而飯嘅份量對我哩講就多咗了, 我中意食粒粒分明嘅飯, 超人燒鵝好明顯, 米飯較軟熟.重未有機會試吓佢D燒鵝㖭.....

近日出差銅鑼灣, 放工行去鵝頸橋底坐巴士返屋企.想話買隻油雞做晚餐, 記憶中鵝頸橋底好似有間燒味店, 唔知道店名, 於是行去睇睇咩環境.原來果頭有兩間燒味店開埋一齊, 半隻油雞右手邊果間賣60蚊, 左邊果間56蚊.兩間D油雞外相同樣吸引, 問題係左邊果間人山人海, 可能佢地同時間提供埋兩餸飯, 而右手邊果間, 水靜鵝飛!貴D又有D伏味, 唔洗多講幫襯邊間啦....正當入去俾哂錢買油雞時, D大媽打哂尖, 一個二個話買燒鵝, D店員叫排隊但又唔先後次序交貨！ 服務態度完全唔掂！零分！好！試埋隻油雞先！如果唔掂的話必負評！所以寄望隻油雞唔掂！未講油雞， 先講講我嘅大愛，主角蔥蓉先.蔥蓉顏色翠綠，而且俾咗兩兜， 份量足夠， 只係味道重咗Ｄ, 但尚算滿意.油雞嘛..... 唉...... 真係好想俾負評, 被D大媽打尖好不滿, 但油雞實在出色, 肉嫩多汁 juicy, 雞皮又滑, 良心俾唔落負評!而且雞肉份量足夠, 唔係D瘦種無肉雞. 俾okay因為服務態度差!店名叫超人燒鵝, 而噤多人嚟買燒鵝, 好掂咩? 好! 下次試試燒鵝再寫文!又要返去同D大媽大戰! 

兩餸飯 $35 三餸飯 $41淨三餸 $65工作關係依然喺銅鑼灣多有位Youtuber都介紹過同事亦提及過一間位於銅鑼灣嘅兩餸飯店幾好過去一星期幫襯過兩次的確係幾好食同好抵食廿幾款餸菜選擇仲有明爐燒味性價比非常之高屋企想加餸嘅不妨一試😋

經過附近見到新開張，櫥窗啲燒鵝幾靚跟住就入咗去點知裏面仲有個燒味部counter，咁就比錢叫半隻試吓啦，點知師傅喺佢個counter攞咗半隻燒鵝嚟斬，一斬就知大件事，只見到皮同肥膏，我就問師父肥到咁點食呀，佢就一邊斬我就一邊講，到佢斬完我就講肥到咁真係食唔到喎我不如買罐鵝油食好過啦。跟住我問阿姐攞返張收據，師傅就死死氣再斬過俾我。食後感覺皮不脆，肉好鞋，冇乜味。如果以半隻$190黎講還有其他更好的選擇。

自選2款$35,窮人恩物今日有廿幾款選擇,最吸引竟然有燒汁牛扒?仲要比足2件牛肉,只係唔夠熱,但味道係唔錯既另外燒味飯係28蚊雙拼,燒腩又脆又好食叉燒瘦了些但味道唔錯#窮人恩物 #外賣 #超人燒鵝