影片
更多
2022-06-24
530 瀏覽
近日出差銅鑼灣, 放工行去鵝頸橋底坐巴士返屋企.想話買隻油雞做晚餐, 記憶中鵝頸橋底好似有間燒味店, 唔知道店名, 於是行去睇睇咩環境.原來果頭有兩間燒味店開埋一齊, 半隻油雞右手邊果間賣60蚊, 左邊果間56蚊.兩間D油雞外相同樣吸引, 問題係左邊果間人山人海, 可能佢地同時間提供埋兩餸飯, 而右手邊果間, 水靜鵝飛!貴D又有D伏味, 唔洗多講幫襯邊間啦....正當入去俾哂錢買油雞時, D大媽打哂尖, 一個二個話買燒鵝, D店員叫排隊但又唔先後次序交貨！ 服務態度完全唔掂！零分！好！試埋隻油雞先！如果唔掂的話必負評！所以寄望隻油雞唔掂！未講油雞， 先講講我嘅大愛，主角蔥蓉先.蔥蓉顏色翠綠，而且俾咗兩兜， 份量足夠， 只係味道重咗Ｄ, 但尚算滿意.油雞嘛..... 唉...... 真係好想俾負評, 被D大媽打尖好不滿, 但油雞實在出色, 肉嫩多汁 juicy, 雞皮又滑, 良心俾唔落負評!而且雞肉份量足夠, 唔係D瘦種無肉雞. 俾okay因為服務態度差!店名叫超人燒鵝, 而噤多人嚟買燒鵝, 好掂咩? 好! 下次試試燒鵝再寫文!又要返去同D大媽大戰!
想話買隻油雞做晚餐, 記憶中鵝頸橋底好似有間燒味店, 唔知道店名, 於是行去睇睇咩環境.
原來果頭有兩間燒味店開埋一齊, 半隻油雞右手邊果間賣60蚊, 左邊果間56蚊.
兩間D油雞外相同樣吸引, 問題係左邊果間人山人海, 可能佢地同時間提供埋兩餸飯, 而右手邊果間, 水靜鵝飛!
貴D又有D伏味, 唔洗多講幫襯邊間啦....
正當入去俾哂錢買油雞時, D大媽打哂尖, 一個二個話買燒鵝, D店員叫排隊但又唔先後次序交貨！ 服務態度完全唔掂！零分！
好！試埋隻油雞先！如果唔掂的話必負評！
所以寄望隻油雞唔掂！
未講油雞， 先講講我嘅大愛，主角蔥蓉先.
蔥蓉顏色翠綠，而且俾咗兩兜， 份量足夠， 只係味道重咗Ｄ, 但尚算滿意.
油雞嘛..... 唉...... 真係好想俾負評, 被D大媽打尖好不滿, 但油雞實在出色, 肉嫩多汁 juicy, 雞皮又滑, 良心俾唔落負評!
而且雞肉份量足夠, 唔係D瘦種無肉雞.
俾okay因為服務態度差!
店名叫超人燒鵝, 而噤多人嚟買燒鵝, 好掂咩? 好! 下次試試燒鵝再寫文!
又要返去同D大媽大戰!
油雞半隻
33 瀏覽
0 讚好
0 留言
蔥蓉
15 瀏覽
0 讚好
0 留言
蔥蓉
18 瀏覽
0 讚好
0 留言
張貼
