超級自助壽司店

營業中

休息中

築地刺身定食 $198呢間日式小店開咗好耐 次次經過但係都冇試過 有次終於去試左🤪 呢間野價錢幾親民 仲有幾多選擇下～抵讚嘅係我覺得佢份量真係好大 魚生其實算OK新鮮 同埋呢一個定食好豐富 當中最深刻印象嘅係三文魚腩同油甘魚 三文魚腩好肥美同埋油甘魚好厚切 質感唔錯！ 其他都正常水準 最正係佢飯量超多 實夠食 仲會配飯素等你食得唔好咁寡除此之外其實都試咗佢啲壽司 不過覺得食刺身會抵食啲 因為佢壽司飯嘅質素麻麻 醋落得比較少同埋包得比較散 所以都係推薦食佢嘅刺身多啲😂 仲有一樣野係 等送餐係要等幾耐下架 所以最好早啲嚟 同埋一次過諗好食啲咩🤪

壽司刺身都好新鮮，火炙左口魚壽司好好味，價錢適中！但料靚！最喜歡他們的燒物，特別是報銷鰻魚、鹽燒牛舌、鹽燒三文魚頭，最好味！還有食過海膽壽司，一定食試日本的海膽！

九龍灣有間壽司店屹立淘大旁邊多年，今日終於有幸一試，其實都勁多人選擇，而且仲有不同價錢的師傅發辦，我就選左最平價的壽司拼盤同冷稻庭烏冬配冷麵汁。.📍師傅發辦壽司拼盤（$138/10件）🔸喜出望外，性價比高。🔸有池魚、油甘魚、竹筴魚、青魚、帶子、八爪魚、油甘魚魚絞位同埋幾款不知名的魚。🔸全部材料都非常新鮮、而且有一半款式都並非市面常見的材料。🔸下次想試$298的師博發辦。.📍冷稻庭烏冬配冷麵汁$60🔸彈牙的冷烏冬加上紅色的蟹柳及蟹子裝飾，非常搶眼。🔸冷麵汁酸鹹度適中，貼心的是冷麵汁內有冰塊，不會影響烏冬的冰凍程度，值得一讚。.😋味道：7/10🙃回頭：7/10💰消費：$200

十幾年前已經開始幫襯，由午餐廿幾蚊個食到現在五十幾蚊一個，食物品質同埋服務愈黎愈差，一向幫襯都係貪呢度地點方便，快靚正，有時間中壽司飯過硬/未煮熟透都由佢，但最近真係差既程度係再接受唔到對上一次未到5點入去食個晚餐，唸住咁少人快快趣有得食，叫左10件壽司，廿幾分鐘先出到，前題係間舖當時連埋我先得2台人，都算，見到黎個2件赤貝隻顏色暗啞又怪異，同平時隻顏色完全唔同，同一名肥女職員講個情況，佢竟然一句就話：唔要就同你cancel, 隻顏色係咁既！ 我個人其實食野好悶，次次去都食返幾乎一樣既食物，赤貝都係一向食開，隻顏色唔係咁既，我話除非你地話轉左供應商啦，佢無理我轉身就走,個次已經好嬲嫁啦，過左幾個月又忘記左個次既不快，今日又再黎幫襯好！講返今次一入到去，5點幾，人唔多，又係叫左11件壽司，等左26分鐘先出到壽司，但有3件係黎錯左既，個8件壽司品質係唔錯嘅，剩低嗰三件壽司係鰻魚，之後我哋繼續等，等到40分鐘嘅時候先來咗個三件壽司，我一食落去發現又腥臭又有𤓓味，又係同嗰位肥女職員講，佢問我係咪淨係呢一件，我話唔係，我同朋友都食咗一件，發現好有問題，佢冇出聲拎返嗰一件入廚房，之後出嚟同我講話幫

 又同老公黎最鍾意既食堂,老公眼利,發現佢改左名叫和食堂。點左一個$258一人前晚餐﹑$368極上一人餐丼聽店內姨姨講今日新鮮返左d生蠔,作為生蠔愛好者既我,點會錯過,所以我另外加多個$288一人生蠔拼盤。每一個餐我就唔詳細打出黎,附上圖片比大家睇。$368極上一人餐丼食材新鮮係我一直光顧既原因,雖然價錢有人會覺得貴左小小,但我地又覺得值得。個大拖羅真係好肥美,油脂感滿滿,香口四溢。$258一人前晚餐成個餐超豐富,個魚湯真係好濃郁超級鮮味, 一定要熱飲,凍左會有腥感。成隻手掌咁大既蜆係湯入面~$288一人生蠔拼盤呢個晚餐令我地好滿足,期待下一次黎又轉menu又有新野~超級壽司和食堂地址:牛頭角牛頭角道33號宏光樓8號地下電話號碼:27590393營業時間:星期一至日07:00 - 02:00

其實睇得出d貨系正同埋系好update日本seasonal嘅時間表 🥳🥳🤙🏻🤙🏻不過可能師傅真系差小小 浪費左d咁好ge食材🤢🤢服務比我想像中好呀 因為睇食評就話服務麻麻不過老闆同三個姨姨都好好服務呀 我地4個人都食左千五蚊 都算系貴 食左個雞泡魚肝蟹籽沙律🥗超級大份帶子群邊 一板海膽 Kinmetai刺身拼盤冷稻庭烏冬 TORO壽司拼盤串燒牛脷雞皮雞軟骨其實魚生系靚料系唔識運用🤢🤢好可惜

同事介紹我試下呢間超級壽司🍣咁岩行開九龍灣，所以就黎試下啦😄佢啲刺身睇落都幾新鮮，但因為堂食壽司會貴小小嘅關係，最後都係叫左個饅魚飯同海鮮烏冬再加個海膽卷，好想叫埋佢個花之戀壽司，六大舊$68真係幾抵，諗住下次去佐敦谷公園野餐買黎試下😀

原先見佢餐牌有燒銀雪魚骨$48落咗order 5分鐘有個阿姐走埋嚟佢話銀雪魚扒好食啲而且價錢爭小小梗係食銀雪魚扒啦，咁我話是但啦試吓啦，阿姐話要兩份啦你咁多人，我話唔使試吓先，點知埋單見到手掌咁大嘅銀雪魚扒$188！$188同$48叫爭少少錢？錢都唔係問題但係唔覺有咩特別😅食食吓仲走埋嚟話有啲新鮮魚可以做壽司俾我哋食，我話唔需要！講真你明碼實價就算貴我都心甘命抵！！！本人個人認為呢間野非常搵笨，絕無下次！

一直很想試試吃師傅發辦，奈何本人先生是個不愛魚... 所以去過日本好多遍都未試過。今晚從超級壽司和食堂訂外賣，就試一試這個$200都唔洗嘅師傅發辦！食材很新鮮，個人特別喜歡八爪魚和劍魚壽司。

二百幾蚊買個海膽，跟個飯，越跟越細。食咗六年，而家得返¼。價錢就係咁架，份量唔使過分到咁樣又要問，又要等15分鐘。就咁買帶子壽司本身跟嘅飯都唔止咁少啦，咁比兩雙筷子有咩用唔係乞兒咁樣黑過犯，而係彼得呢一個價錢，以前比嗰個質素嘅份量，越比越少仲要睇心情。次次去嘅時候都唔知會俾幾多，講明兩個人食。心情好嘅時候唔使講到比青瓜絲，有時又唔比，又要提又要講

之前睇杜文澤既劣食大帝留意到佢地其中一集介紹一間喺九龍灣賣壽司既店舖，決定今日經過去嘗下👍壽司可以即叫即整添，睇落好似唔錯。—————————————————————壽司選擇都算大路，價錢都算便宜，有啲款式平均$6有一件。（佢啲Wasabi 一放落啲醬即刻散曬😵）👍鰻魚壽司（$20/2件）幾好食，無骨👍火炙壽司有啲燒到啲飯都黑埋🤔帶子壽司（$32/2件）幾鮮甜👍，但價錢偏貴吉列炸蠔卷炸得好香脆👍甜蝦（$12/2件）、軟殼蟹手卷（$30）、辣味三文魚（12/2件&三文魚（$12/2件）都算中規中矩。👎🏻壽司啲飯比較凍😵仲以為手握壽司會keep 到啲飯係暖。除左壽司，呢度仲有串燒選擇。墨魚咀同海鹽牛舌都好好食，調味做得好，唔會好重口味👍整體分數：6/10

早幾日放假落開得寶，突然想食壽司刺身，本想粗粗地行去陶大食元X，經過呢間一直都唔敢入既舖，原因係俾佢既外觀。。。。。但反正都係求其醫口癮就試佢咩料子，入去即時問有無劍魚腩刺身，店員一答有就即嚟一份先，心諗老虎蟹咩都唔叫住睇左咩環境先，事關食親劍魚腩好多都唔係“梅”就好似俾人打瘀咁又黑又紫，等左5分鐘左右終於到，講堅有d嚇一嚇，十足十雞煲打邊爐叫厚切午餐肉咁正呀最期待既畫面終於出現，賣相以經殺晒，色澤油份滿分，加上叫碟刺身仲有幾條魷魚條刺身咬下事關本人正是劍魚腩狂，所以真係唔諗一野就咬，OK唔駛諗再嚟多份，之後再叫左少少壽司，講堅壽司就有少少。。。。件飯揸得太實，同埋軍艦既紫菜太淋但整體感覺超良好，唯一美中不足係個芥辣就。。。。。。下次再去要帶支私伙野先得

這間壽司🍣店有德寶、淘大算得上老字號了，仲有一樣就是出名宵夜的地方....收晚上2點，所以是好多夜遊人的聚腳點。其實價錢偏貴，地方坐得比較迫夾，一點也不舒服，而且店鋪多年沒有裝修，環境偏舊。之所以會來食，是老闆好好人，態度親切。但姐姐班伙記就....認真麻麻今晚12點左右去到，鋪內冇咩客，只有一台客。班姐姐在食緊野，傾緊計。一入去冇人招呼，自己搵位坐低，等左一陣......老闆出聲，有個姐姐才施施然拿水及芥辣過來，我拿起芥辣放在小碟上，還未落醬油， 有個瘦姐姐9秒9馬上拿走樽日本芥辣。奇怪，周圍又冇客人，都不知個瘦姐姐仲咩要咁快拿走樽日本芥辣。難道怕我會落多左？！我老公見到有生蠔，走埋去望下，個瘦姐姐又好快咁走到我老公身邊笑曬口係咁sell, 專sell些最貴法國蠔，算啦，冇問題，sell 客我不怪你。但當我們決定要$168/6隻的南非蠔的時候，阿瘦姐姐就馬上面黑了。態度變化之快，真令我冇語......其實，每張台上都有一盒小紙巾，正當我們食到一半時，有新的客人來了，他台上的紙巾剛剛用曬，他問阿姐拿，阿瘦姐姐竟然拿我台上的紙巾盒俾他！跟住就繼續和其他兩姐姐大聲傾計。其實冇客人坐的台上都

睇完戲想食啲野，行下行下俾window啲刺身吸引左，入去試下先。一入去發現都幾多日本人食喎，見大家食得幾開心，我諗應該同佢地當地嘅差不多掛，咁應該就唔會係伏喇掛😌😌其實坐低左都諗唔到食咩好，我就淨係想飲清酒姐😚職員好推介活赤貝，咁就試下啦，另外都叫左個師傅發辦壽司盛。活赤貝好新鮮，好鮮甜。壽司好特別，師傅真係揀啲新鮮嘅來做壽司，唔會隨便用三文魚玉子鰻魚依啲行貨野👍🏿雖然好好食，但其實有啲我都唔知佢係咩魚😂另外都見到個雪櫃入邊有好多蟹生蠔同其他刺身，好吸引，可惜太夜啦，唔想食得太多野，下次先啦。食完買單，先發覺童年回憶：以前返學嗰陣一定會經過一間壽司鋪「手卷$10件，加兩蚊有嘢飲」就係佢啦！😂開到2:00am，收工收得再夜都唔驚。下次會再黎，但係要帶多幾個朋友仔一齊，試多幾樣野先得😊😊

今日同男朋友去淘大諗住食壽司，又唔想食d連鎖壽司店，所以見到附近有間小店又幾多人食就去左試下。我地order左辣味三文魚，火炙左口魚裙邊、火炙三文魚腩、日本帶子、加拿大海膽、大蔥吞拿魚腩同香芒軟殻蟹壽司。串燒就叫左安格斯牛柳粒、大蔥同鰻魚。落完order等左好耐先有個香芒軟殻蟹壽司，d壽司全部都好細件，得兩節手指尾咁細，味道好一般，火炙三文魚腩又薄又燒得過左龍，燒到一pat野咁，個左口魚裙邊仲要未溶雪，咬落去係出水唔係出油。之後又等左好耐先上串燒，個安格斯牛又係未溶哂雪，一陣雪味，大蔥同鰻魚串燒都係相當一般，不予置評。兩個人埋單食左四百幾蚊，完全唔值，下次都係食返連鎖。