超級自助壽司店

營業中

休息中

壽司黎講, 呢一間超級壽司又唔算費Wor我通常都係係到食晚餐佢既極上一人前真係唔錯嫁好似係$219?以下就係極上一人前前菜有雞軟骨﹑煎餃子3件全部一d都唔油膩,好食嫁天婦羅又係大大件, 南瓜超大一片,有2片咁多,好甜~大蝦兩隻好新鮮之後就係刺身, 全部都係2件全部都鮮甜~之後重有個丼 有鮑魚有海謄有魚子有黃金魷魚同刺身一樣都係鮮甜你地話.....極上一人前係咪份量好多通常我都2個人食...再加小小壽司黃金魷魚真係好好食~ 再加左個牛油果軟殼蟹整體: 幾享受係到食晚餐,食物不錯~

講明先無相因為無諗到咁惡劣細個讀隔離英皇日校 覺得間嘢幾好食 所以成日幫襯 大個間中都會特登單拖或同女朋友去食尋日再去 心水既汁燒牛肉炒烏冬已經無做lunch 佢話仲有得食不過正價收7x 最後叫左咖豬飯 豬軟骨烏冬 三文魚壽司 北寄貝壽司 青瓜卷環境一直不太好 多人時坐得唔舒服 匙羹同碗一早放係枱 好污糟 我個隻抹都抹唔甩直接換過隻咖豬飯 咖哩得個辣字母 汁多飯少 豬排ok 個飯杰過李連杰 食唔到一半已經放棄 最失望係壽司 以前好中意佢d米 結果痴到 街 三文魚un的 小卷紫菜林的 還要漏單 見佢不斷出嘢食比其他枱都唔補單 火都嚟 10多年不變的大概只有杯綠茶同老闆娘 味道就算了 九龍灣太多其它選擇

琴日自己一個食晚餐 經過九龍灣 便去試試呢間超級壽司 一睇張menu 價錢都幾貴下芒果鵝肝巻不錯 呢個配搭幾新穎 值得一試海膽有幾款 我試左較平的加拿大海膽 雖然冇乜鮮甜味但冇怪味已經幾好炎燒三文魚腩同蟹膏壽司幾好食至於個吞拿魚腩有少少失望 食落去仲有少少未溶哂的冰 同埋唔夠肥美總括黎講 我覺得咁既價錢可以有更好的選擇～掛住食 冇點影相🤣

超級壽司向來有口啤，由我學生時期已早到過此處食飯，不過之前都只試過拉麵及定食等之套餐。因突然想吃生蠔，今次就試埋佢生蠔和其他海鮮，真是每一碟都有驚喜，樣樣都十分新鮮！首先來店鋪介紹的燒栗米，好香好好味！接住是大溝貝，雖份量好少但鮮味十足後上我最想吃的生蠔，分別是法國 、 Majestic生蠔都非常好果，法國那種較甜。跟住的北海道馬糞活海膽係最最最好味！兩雙當中有隻較大，另一隻細少少色澤較深。唔好睇少細果隻因爲味道反而係細的較甘香，雖大的也不差。最後係牛粒炒飯，牛粒很香，一貫水準。今次變完佢既海鮮更明白此餐廳的美名不是浪得虛名！

夜晚晚,無啦啦好想食好啲,食下生蠔,刺身咁。淨係諗到呢間有得食, 雖則唔想去, 因為地方比較舊同污糟, 坐位好地踎, 但價錢一啲都唔地踎嫁!上次係咁易食過下, 都知唔平同環境比較差,但想食,又夜,無計啦, 今次去。。。總數有兩隻小強爬左上枱面,細細隻,但我都嚇餐死。咁由於上次散嗌,嗌完發現有套餐都ok,今次打算嗌套餐啦, 好彩行左出去一路嗌一路問係邊款(打算嗌生蠔套餐),點知唔問又唔講,一問呢款又無,嗰款又無,話會轉晒美國蠔。。。咁我直接叫半打美國蠔咪得囉。。。望落都可以既 ,但食落有兩隻臭既, 立即同店員講,佢地都有換返兩隻比我地嗌左呢啲壽司, 其中一件有根toro ,一件無根toro , 只可以講。。食得下啦,但都係普通, 85蚊件呢兩隻係好可愛既蠔,唔記得叫咩, 68蚊隻,但太細, 味道淡串燒, 太乾柴了好味既烏冬,但太多沙了要左個海膽,有跟舊飯同紙菜另外要左2罐啤酒, 埋單1200,2個人, 咁既環境,食物質數中低黎講, 真係貴左啲。

1. Value lunch deal for this big rice don with 3-way salmon and a drink.2. Portion of rice is really generous. I struggled to finish them but I did as I don’t want to waste food as always, and ended up having a food baby and suffered from rice coma.3. On the right is salmon sashimi, raw, fresh and fishy in a nice way.4. In the middle is cooked salmon, not thoroughly cooked though, just the surface. The bottom is still raw, which is a bit weird. I would rather have the whole piece raw, or with th

本人叫了一個二人餐 8pm 入座即叫 835pm 一樣野食都未有 815pm 催佢 佢就話忙緊叫你等 不過公平說刺身 生蠔都新鮮 本人亦幫襯過幾次 奉勸各位星日晚盡量不要叫餐 其他野食就ok

話說夜晚放工肚餓，平時經過此處知道開得比較夜，專登兜過黎食野，入去話兩人，一個肥阿姐安排我地坐低，我屁股都未貼到張櫈，另一個瘦阿姐以九秒九的速度飛埋黎話，尼張四人台黎架，去後面果張二人台啦。我明白香港餐廳細座位要善用，但使唔使去到咁極致？已經夜晚十一點幾，得三兩台客，驚爆場咩？再者，其它台都係坐四人台，連一個人都坐四人台，真係唔係好明點解要咁做，要安排我地去同人地搭台。最奇怪係跟住入黎的兩個客又安排坐那張四人台，感覺好受歧視。不過OK，FINE，香港人能屈能伸，我地坐低另一張台，叫左三文魚壽司，元貝壽司，玻璃蝦壽司，立魚壽司，三文魚刺身，三文魚手捲，跳舞蝦刺身。要稱讚這店的師傅刀工的確一流，可以將三文魚起到紙咁薄做三文魚壽司，元貝好似橡膠咁硬，食左eng胃，三文魚，玻璃蝦和立魚淡而無味。得跳舞蝦稍微正常，不是好，而是正常。極速食完餐宵夜，幾個阿姐阿伯係隔離圍住你張台，但又唔係做野，水又唔斟，總之感覺極差。有種強烈感覺他們只顧搵錢，完全唔理顧客感受，莫講話提供什麼服務。總之祝老板好運啦。不會有下次。

今晚約咗人食飯，我哋兩個人去先睇吓有冇座位，睇見好多空位，就對門口個女人講，我地轉頭就過來，幫我留住幾個位先，門口櫃檯個女人講左句平均一個人$200左右，我哋只當大概消費，就急着接人過嚟食飯。。。大概十幾分鐘我哋五個人就轉頭入舖，睇見冇留位俾我哋，我就問剛才門口個女人，唔係幫我留咗幾位咩？個女人才即刻叫人清理枱上邊嘅食物，將啲枱仔合埋一起。。。。其實根本冇留位俾我哋。。。當我哋食飽要走，準備埋單時，才講留位要最低消費每人$200起，講如果唔使留位就冇最低消費，但點解門口個女人唔講清楚比客人自己揀呢？？？明知道我地接人轉個頭就會返嚟，仲有如果跟我講清楚有最低消費，我哋兩個人可以一個人先坐落嚟就唔使留位費啦。。。因當時有急事要走又有冇時間勞氣，我哋只有馬上在10幾分鐘內再食多三百幾蚊就急着走了。。。。。如果有朋友去幫襯嘅話，就要小心俾人誤導⋯⋯其實係服務好有問題🤨⋯⋯

聽住咗喺度接近5年嘅朋友話牛頭角下邨附近有一間睇落平平無奇嘅壽司店，但其實好好食，所以午飯時間就來試一試今次試咗$58魚生丼，雖然睇落份量好似好少，但對於一般女仔來講其實好足夠魚生好新鮮，尤其係甜蝦同馬刀貝，食落真係好鮮甜同行嘅朋友叫咗佢嘅海鮮湯烏冬，雖然冇影到相，但都極之推介大家去試一試，因為佢嘅海鮮分量超多，有兩三隻巨型嘅青口同蜆肉！！個湯底亦都好香好甜，食落一啲都唔似係用味精煮落嘅湯底老闆娘服務態度亦都好好，大家一定要去試一試

近呢幾個月少左去九龍灣，好耐冇食呢間餐廳了。想平平地食日本野，又唔想等位，呢間餐廳係唔錯o既選擇，事關餐廳係隔離仲有多一個舖係內街，果邊冇咁多人，且座位冇正舖咁迫。我黎親多數係點汁燒豚肉飯配蜂蜜綠茶，我貪佢豚肉啖啖肉，但豚肉就肥左少少，豚肉份量算多，夠晒下飯，但燒汁就少左啲，落豉油味道就唔夾。朋友就食角切碎花蟹籽魚生飯配蜂蜜綠茶，魚生似切頭切尾部分，睇落魚生顏色就唔夠新鮮。朋友話份量好少，味道一般，食完唔夠飽。 蜂蜜綠茶走左冰，仲有少許凍凍地，甜左少少。唔飲蜂蜜綠茶只有熱綠茶茶包，蜂蜜綠茶係冇選擇下o既唯一選擇。雖然味道係麻麻地，勝在夠抵食，星期日食晏時間係九龍灣都難揾位，所以都冇乜所謂了，且唔駛加一。

我唔會推薦大家嚟呢間野。First of all,嗰日嚟食野係要等位的(真係唔明點解咁難食都會有咁多人食),咁好啦,等左半個鐘,終於有位啦,不過就要搭枱,明白既,全場都爆,咁冇計啦！ 一坐低,個阿姐就不停sell你食呢樣食嗰樣,樣樣都話當造呀試下啦,大佬吖我已經表明左唔需要,你仲要繼續講...算啦In addition,我叫左個set,幾隻生蠔and少少壽司,個餐有沙律刺身壽司天婦羅乜乜乜,第一樣嚟既竟然係天婦羅...朋友話咁搞笑既,正常唔係應該沙律嚟先咩... Then,因為同人地搭枱的關係,對方都有叫野食架嘛,阿姐你明知張枱唔夠位,就hold起D食物唔好咁快出啦,你都仲系要塞落黎張枱到！見隔離走左la,問佢調枱得唔得,因為真係好逼！阿姐就話“唔得吖我得一張四人枱咋”！對方又食得唔開心,我地又食得唔開心...剩係識係咁話逼小小逼小小唔好介意...However,結果刺身壽司其他熟食都嚟齊啦,個沙律都仲未嚟wor!!!吹左個阿嬸幾次,終於有啦,一個咁普通的什果沙律可以整到咁鬼難食我真係第一次見...Last but not least,-食物完全系普通質素,set呢個價錢完全係不知

超級壽司一向都係我嘅食堂💓比附近那些大集團 我更愛吃這𥚃的🍣如果唔想諗食咩 就嗌二人餐($398) 😏🔺大蝦蟹籽沙律 簡單嘅開胃前菜😛🔺刺身盛 有好多款式又厚切 睇得岀非常新鮮其中最愛象拔蚌 爽口❗️甜蝦 鮮甜❗️🔺壽司盛: 真鯛 三文魚腩 葱油甘魚 馬刀貝壽司飯細細舊 酸味適中👍🏻大愛葱油甘魚軍艦 未試過葱配油甘魚蓉原來相當配合☺️🔺芝士黃金焗蠔 作為一名蠔控 無論點烹調都係甘喜愛的🤭這個醬汁真的巧巧吃 再加上芝士 邪惡也～🔺海老拼蕃薯天婦羅脆粉好薄 海老好新鮮 蕃薯都幾甜沾上蘿蔔蓉就唔怕熱氣嚕🤨🔺泡菜豚肉炒烏冬烏冬超彈口 豚肉份量好多🙈泡菜就甘食好酸 夾住烏冬食就啱啱好了👍🏻💓呢到有個自助雪櫃可以自己揀食咩 外賣又得💓又有當日新鮮海鮮推介 即叫即開❗️🍽 超級自助壽司店🔎 牛頭角牛頭角道33號宏光樓8號地下

只講飯就知求其！本地白飯你整？醋味零！似白飯平只係普通野咪平囉！其他埋單咪知囉！其實依間壽司鋪贏開得夜只係！誤導好多野；文字上與食物都不對的。大家明啦！35分！三文魚係冇味食落去堅淡而冇味！比錢不是問題而係你比嘅料吾掂！香港食三文魚已經係邚講質素！但依間鋪三文魚堅可以反屋企訓重要阿姐吾該你吾好變左售貨員咁坐低就話：依條魚靚好食試下不如依。我外賣咋！

食日本刺身日本熟鍋，在九龍灣這一帶，超級是一個好選擇。雖然沒有裝潢嘅門面，但係新鮮第一而且一直服務街坊幾十年，有口碑。如果突然間想食日本新鮮空運到的靚食材，係東九龍不妨來這小店。雖然近年來已經擴充左多一間舖，不過食飯時候都係大排長龍。我通常就當佢係深宵食堂就2017埋嚟囉自己帶咗一個三好湯煲熱燙燙，湯底又香又滑真係成個煲飲晒，另外亦都不得不提，老闆主張不時不食！所以好多時候都會引入原隻新鮮海膽，可遇不可求，雖然價錢比較貴不過食落真係比一板板的雪藏海膽鮮味甜美得多。今次我呢兩隻未算最佳，最甜美的就會見到除咗黃色海膽肉之外仲有一啲白色嘅膏，甜得很。生蠔方面，基本上都有五至十種俾你揀，而我就係最鍾情Majestic-法國瑪皇蠔，有好多人都唔會他是法國，查實牠是生長在愛爾蘭西北部Donegal Bay，先在愛爾蘭養殖，最後三個月才移到法國，每1平方米係養10-15隻，而且集合不同品種的蠔一起飼養，所以味道富有海水味及甜味，我個人覺得層次好豐富。最後就有師傅拍板介紹咗一隻大？貝啊...唔好意思忘記了。不過如果有興趣嘅朋友拎住張相問老細，佢哋一定可以話返俾你聽係咩！係鮮到不得了，口感一流。