越一越南牛肉粉專門店 (已結業)

下午茶時段3點幾入座，唔想食譚仔，行到依度見到有越南河食諗住試下，我一個人食坐低水都冇杯，跟住有4個阿姐入坐就即刻比4杯水佢地，遲黎嘅阿姐竟然野食係早過我到隔離枱有個男人埋單走，見到店員執枱就咁用食客用完嘅紙巾抹枱就算，係濕毛巾都冇用！依加咁嘅時勢，舖面又唔忙咁都懶！有冇搞錯！第一次食都係最後一次！

很久沒見的舊同事，便相約飲下午茶！知道她住在粉嶺，所以就約她在附近聚一聚☺☺一看到店名就知道招牌是吃越式牛肉，所以我們分别叫了兩個下午茶套餐，一個是薄燒牛肉湯濛、一個是酸辣蝦頭膏扎肉湯濛，仲追加左小食：炸蝦餅和酸辣鳳爪，再以加配價叫左兩個甜品😆😆這樣才算完美！薄燒牛肉湯濛：牛肉另上，不會浸淡肉的味道！好味酸辣蝦頭膏扎肉湯濛：有兩隻大蝦，十分新鮮！賣相吸引，濃郁的湯底炸蝦餅和酸辣鳳爪：彈牙美味，配以乾蒜，中和油膩感。醃得剛剛好，酸酸辣辣，醒胃。西米燉蛋：原來是冷的，如果熱食還好吧椰汁紅豆冰：大大粒紅豆夠軟身，甜度適中，好飲環境以藍調作主題、位置寬闊、給人很舒服的感覺！可以和朋友慢慢暢談，是一個很好的地方。

越一：出色的越菜在粉嶺，幾乎很難找到一家餐廳，在晚飯的時間要排隊等候，家樓下的這家餐廳，是開業以來，邊有不少人在晚飯時間排隊輪候。起初我還以為這是一般的越菜餐廳，豈料試過後，真的不得不寫食評讚一讚。我和母親大人兩人吃，其實只要粉麵加少少主菜便足夠。我叫咗兩人份量的火車頭河粉，上菜的時候，最吸引我眼球的，是它的碗，係碗。好大個，而且碗內的料非常豐富。湯是濃，充滿肉味，但一點也不令人感到口渴，而我後來跟他們的服務員聊天的時候知道，原來他們的湯熬了好多個小時。不得不提，是他的鹽焗烏頭，初上菜的時候，錫紙包得實實，而當我慢慢打開的時候，水蒸氣一擁而出，硬硬的鹽巴蓋着的是一條鮮嫩的烏頭。鹽的味道完全慘透着魚肉，而且肉質嫩滑，喜出望外。油飯，配襯著。最後我們點了三款串燒，牛、雞、豬。三款皆配上沙嗲醬。如果呢三款來說的話，牛是最好吃，因為肉質嫩口，而且牛味濃。臨離開的時候，點一杯西瓜汁，母親大人點一杯三色杯，下下火，清熱，作為這餐晚飯的句號。

因應皇恩浩蕩被委派去粉嶺幫老細攞車，但係架車check check唔係太得，要比大夫再診症一下，唔係老闆會唔放過我，所以都係要等，等候期間再去食一餐下午茶餐，消磨一下時間，雖然之前已經食咗午餐先入嚟，見到一間越一上次食過荃灣嗰間，啲嘢幾好食，諗都唔使諗就再食，叫咗一個豬頸肉湯檬， 我最欣賞入面有紫色嘅洋蔥，識落小小甜小小辣好開胃，豬頸肉入口少少脆邊，連乾蒜片一齊食好香口，加錢要多兩個蒸粉包，口感好特別好似食緊腸粉， 入面有好多甘筍

約左朋友去粉嶺食飯，上openrice睇下有乜好食，見到依間越南菜都唔錯，在港鐵站行過去要穿過2個商場，店在商場外圍第一次黎唔容易搵。進入店內環境光猛，裝修很有越南味道，地方乾淨有很多卡位，感覺良好。店員很殷勤帶我們到卡位坐下，附上餐牌和2杯水。朋友點左火車頭河粉、鹽燒烏頭、香茅浸大蜆，2杯飲品有薏米水和青檸檬梳打。火車頭湯粉（2人份量）上枱時被嚇到因為比我想像中大，有生牛肉、牛腩片、牛丸和牛栢葉，湯頭熱辣辣好香好飲，加上越式香葉芽菜配食，朋友食到舔舔脷。特別讚賞店員見到唔夠湯時主動說幫我地拎多啲湯，太貼心了。香茅浸大蜆這個湯比火車頭河粉的湯更好飲，好香我最愛的香茅味，加上香葉等越式配料和大蜆，味道即時提升，我地飲晒啲湯，大蜆都好大隻鮮甜。鹽燒烏頭掛住食火車頭和大蜆湯，都忽視左個烏頭，好彩用鹽合住，切開時都仲係熱的，打開層皮啲黃油多到，初時仲怕烏頭會有泥味，加了點青檸檬，食著並沒有，烏頭底放了香茅等配料，令烏頭更添越式的味道。熱薏米水店員推介說是自己的煲的就試一試，點了熱飲有好足料的薏米，少少檸檬絲，甜甜地好易入口。青檸檬梳打朋友飲說味道唔錯。最後店員仲問食物得唔得？話烏頭係本地養，特

9點左右去到粉嶺站， search完食評諗住試下呢間越南野蓮藕苗沙律除左係芽莊之外第一次見到， 份量幾多，好惹味，不過都幾辣，問過經理唔可以少辣不過可以試下少d汁火車頭金邊粉個湯有胡椒蒜頭味，有d似肉骨茶，  好多麵，好多餸，不過d牛丸唔得，無彈性，好掛住錦麗嘅牛丸...下次都係食牛肉粉算軟殻蟹芒果米紙卷米紙好煙韌， 好多蔬菜，不過個軟殻蟹炸得有d硬， 下次會試其他米紙卷夜晚有d口乾，唔知係咪有味精，如果係就扣分了

架車有啲奇怪嘅聲音，搞到我囉囉攣，唔知係咪天氣凍扭計，一早起身專登攞過嚟比車房睇吓，整車嗰位朋友望咗兩望，好似幾嚴重，唔好嚇我好喎，佢話要放低做一個詳細檢查先至答到我咩事，咁都無辦法唯有返去等，心情即刻急劇下降，天寒地凍即刻覺得頭暈暈，其實應該唔關事，係今朝早未食早餐，所以覺得暈暈地特別凍，去食越南野暖下身先，一係唔食，一食就食餐勁，點個全牛湯檬粉，入面有肥牛，牛腩，牛筋腩，牛柏葉，牛丸，雖然全部都係牛但係一啲都唔羶， 已經食過好多次

今日天氣好凍，上跑班前想食碗熱騰騰的湯麵，所以揀咗呢一間喺粉嶺火車站附近的越南小店。餐廳地點方便，因為只係五點半，入到餐廳唔算多人，待應服務態度友善，安排我地坐卡位。卡位闊落，坐得舒服。呢個越南小店雖然唔大，但裝修幾靚，地方光猛乾淨食物方面，我地兩個人叫咗一個火車頭湯檬、一個青芒果軟殼蟹米紙卷、庶蝦同埋兩杯熱薏米水。火車頭湯檬：湯底好濃，有胡椒的香味，有少少辣，好足料，有好多餸，有牛肉、牛腩、牛栢葉、牛丸同白蘿蔔，兩個女仔食有啲多，食唔晒芒果軟殼蟹米紙卷：炸軟殼蟹好香脆，米紙皮好煙韌，包的菜都好新鮮，食落好清新庶蝦：每客有四舊，造型幾得意，似隻雞脾，係由舊炸蝦餅包住一條甘蔗，可以食完蝦餅後食埋條庶，甜甜地又幾夾喎

原來粉嶺中心附近有一間越南粉專門店，就試一試吧！ 裝潢都很吸引，正值晚餐時間，不是很多人，不用排隊就能入座。來到這裡當然要點越南粉啦～先來一碗生牛肉湯金邊粉，價格$52 很平民化，湯底夠熱亦不錯，份量十分足夠！老公點了綜合牛肉湯檬粉，裡面有生牛肉、牛丸及牛腩，整體來說都是讚的！ 我們亦點了串燒三串，但這個味道平平，所配的沙爹醬是凍的雞牛豬中，豬較好！最後埋單兩人$152，相信我下次一定會再來，試下不同的菜式～

火車路軌問題竟然車左我去粉嶺，以為自己發緊夢真心無語，出左站搵車搭冇巴士的士小巴，見到周街都係單車，唔通要踩單車返烏溪沙？我有架電嘅喺屋企喎，唉！食飽先算叉咗電先一諗起要踩咁長途就要食飽啲，扎肉雞翼豬扒湯河每樣有兩舊，睇落好似唔多夠食，就加多左一份米紙卷，望真啲碗粉入面，冇乜芽菜墊底，入面全部都係河粉，唔好理，食咗米紙卷補充下纖維，睇落白色一舊好似冇乜味加啲醋，食落幾開胃，食完晒幾飽下，雞翼最好食

話說今日約左朋友係屋企附近食飯，今日想突破下唔食米線，所以就去試試越南野。雖然入座已經8:30，但見仲有仲有幾多人係入面。食越南野，點可以唔飲椰汁 (笑) 椰汁三色冰同椰汁紅豆冰除了大大杯，入面的配料仲唔少添！有少少辣味的香葉辣肉碎煎蛋飯好惹味！加埋隻燶邊太陽蛋，蛋黃汁撈埋飯同肉碎，又幾香喎！大愛炸野的我，叫左一份越一春卷。一份兩條春卷切四，出面個皮脆卜卜，入面的餡料放得滿滿的，有不同口感的。如果怕濟，仲可以用生菜平衡下，仲可以加添口感。胡椒粉絲大蝦煲份量超多，黑椒味香而不太辣。大蝦真係好大隻，而且每隻都肥嘟嘟，入口彈牙，對蝦有少量敏感的我，都忍唔住食左幾隻！(笑)雖然好飽，為想同朋友傾多陣，所以就叫左甜品邊食邊傾。我就揀左日本產的宇治抹茶芝士蛋糕，味道唔會過甜，食落芝士味都出。朋友仔就食左一大球曲奇妙趣雪糕。雪糕內的曲奇都好多，所以食落都好香。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

放暑假的時候已經想來試越一，怎料遇上店家裝修，只好在粉嶺中心另擇一間醫肚。今日放工再次來訪，裝修後的越一只靠裝修都值80分我們被安排坐在卡位，寬敞舒適。下午茶時段有不少套餐可供選擇，有越式湯/撈麵，也有飯類餐點，加少少錢還可加配特色小食，頗為吸引。香茅豬扒湯河 (9/10): 第一次見越式湯河有這麼細緻的擺盤，各式配菜另外用杯盛載，讓顧客自行加到湯麵內，當然一併倒入能讓湯底散發最香的越式風味🥰🥰 豬扒亦是軟稔好吃～香葉辣肉碎煎蛋飯 (7/10): 煎蛋有香脆的金黃色燶邊，蛋黃部分嫩滑，加分不少；肉碎和飯的份量都多，很抵食。越式米紙卷 (7/10): 米紙卷味道相對較清淡，內餡蔬菜爽口，不錯～牛油雞翼 (9/10): 雞翼超香牛油味～雞翼亦炸得酥脆，不會過油。飲品方面選了鮮橙汁及椰汁三色冰，前者喝得出是新鮮果汁沒有欺場，後者不會過甜，亦很足料，有大量綠色啫喱。最後在店員推介下加了一件抹茶芝士蛋糕，芝士味香濃，價廉物美。Summary: 店舖位於屋苑內園位置，離商場主體二十多步距離，以致多數做住客及熟客生意，但水準比起商場其他食肆更高呢～

第一次黎粉嶺越一食野，之前都試過越一其他分店，粉嶺呢度又剛剛新裝修，就過黎試下。地點好方面，就係火車站附近。地方乾淨又美觀，因為我地早食晚餐，未係好多人，侍應會俾4人座位俾我地2個人坐，服務態度好好。位置空間都坐得好舒服。首先食芒果軟殼蟹米紙卷，好正，米紙軟綿綿，但內裏既軟殼蟹係勁脆，一口咬有唔同既口感。之後，朋友話呢度既蒜茸包係好脆，果然係勁香勁脆，仲好多塊，抵！而個大蝦菠蘿炒飯睇得又食得，菠蘿係勁甜同新鮮，份量勁多，多到滿瀉，我地2個人都食唔晒！我地仲叫埋生菜包，好味，菜又大塊同新鮮，食到好飽。而飲品叫左椰汁紅豆冰，紅豆係軟綿綿，好夾，而且唔多冰，唔會溝到好淡味，而朋友叫左青檸梳打，無咩特別，正正常常。

幾耐冇食過越南菜，今日就去食下越式午餐。呢到主要提供河粉類，有扎肉、香茅雞翼、香茅豬扒、生牛肉等等，同埋可以選擇配湯河/撈檬/白飯。 因為係午餐，所以同朋友各叫左個set，有一個主食加一個小食。叫左個香茅豬扒湯蒙粉同埋豬頸肉撈檬。香茅豬扒好足料，豬扒都好厚身。另外，香菜同配料係分上，係另一個杯仔到。入面有芽菜、辣椒仔、仲有越南既香葉，店員話類似越南式既蕃茜，又幾特別。湯底清清地但夠味，入面仲有洋蔥。豬頸肉一樣好多料，加埋醬汁撈，好開胃！ 小食叫左個蝦餅同埋米紙卷。米紙卷入面係蔬菜類為主，有生菜、青瓜、紅蘿蔔、花生碎等等。淨食已經夠味，但重口味既朋友可以點埋醬。蝦餅好脆口，配埋酸酸甜甜既醬好夾！ 野飲叫左椰汁紅豆冰同埋青檸梳打，不過不失！ 臨走個陣見到店員換緊餐牌，原來2點就轉下午茶餐，大部分餐同午餐一樣，但多左幾款包，而且價錢比午餐平$10-20 ，幾抵食！

違久下的越南菜！我同我男朋友勁耐都冇食過越南菜，因為男朋友要工作關係，所以我地就係粉嶺區搵左間叫《越一》ge越南菜食！雖然餐廳係小社區，但裝修風格都光鮮、整潔，仲帶有民族風，座位都坐得幾舒服，價格都非常親民😊餐牌～～扎肉蒸粉包～賣相唔錯，粉包食落口，口感好豐富，外皮好滑，味道唔錯，扎肉都好彈牙芒果軟殼蟹米紙卷～青芒果酸甜開胃，好足料，好豐富，軟殼蟹都仲係好脆海南雞飯～醬汁有三款，三款都好夾，d雞好滑無骨，d酒飯都好香豬扒撈檬～D豬扒炸得好香口，肉質唔錯，撈檬都幾好食，份量好足薏米水～夠曬清熱，好足料整體餐廳都唔錯，性價比都幾高👍🏻