越一越南牛肉粉專門店

營業中

休息中

呢間真心性價比之王！今日搭屯馬線，諗住食完睇醫生，原來同鑽石山站都好近，行十分鐘左右咋~五十幾蚊已經可以食到好好味既湯檬同撈檬，某啲連鎖店係雙倍價錢😂如果想食好啲，套餐都只係88，包小食同野飲～推薦椰青同冬瓜薏米水！椰青清甜，薏米水係濃郁系👌🏻叫左豬扒同牛肉撈檬，好食！好鍾意呢種有少少焦香既肉🤤跟餐既鳳爪份量都唔少！豬頸肉青木瓜沙律，啲木瓜絲好爽脆今日兩個人盡情咁食同飲，野飲都叫左四樣，埋單唔使300，呢件事好震撼😂

👧🏻😋👅🍽✨平靚正lunch set🤤-越一越南牛肉粉專門店🇭🇰 黃大仙鳳凰新村環鳳街12號地舖 🇭🇰-🇻🇳 天氣凍最岩食碗熱辣辣既湯粉, 越南野要熱有熱, 要凍有凍真係岩晒我地🤤 仲有多款小食, 午餐都可以超抵價加配❣️🇻🇳 本身做街坊生意定價都唔貴, 12月開業7周年感謝祭, 到年尾外賣堂食都有85折; 但平日都有學生優惠, 帶埋朋友都可以全單85折真係好抵!-🐖 L21 老街香茅豬頸肉撈檬 $58💯豬頸肉煎得香脆乾身但唔柴, 香茅味重唔太鹹; 連生菜, 青瓜, 甘筍絲一齊撈好爽!-🍅 L12 蟹肉番茄湯檬 $65✨除左蟹肉, 仲有蝦肉, 扎肉, 同超索湯既豆卜, 番茄湯底濃郁鮮甜帶少少肉香味, 冇味精飲多幾啖都唔頸渴-🥖L24 法式扎肉麵包 $48💯即叫即整, 個包外脆內軟, 夾住扎肉, 肉碎, 再加埋酸酸甜甜既醃菜同少少沙律醬好清新-🫔 🍤 S02 越一炸春卷 (半份) 跟餐加配價 $16S06 紅河炸蝦餅 跟餐加配價 $28✨春卷一開二, 脆皮超薄包住滿滿粉絲同肉碎, 點撈檬汁或者酸辣醬都好夾✨炸蝦餅鋪左蔥蒜係面, 蝦膠厚身彈牙-☕️越式滴漏咖啡 跟餐 $18熱奶茶 跟餐 $2💯

去左黃大仙探朋友，發覺原來鳳凰新村好多野食，朋友就推介越一越南牛肉粉，話價錢抵， 食物質素好同大大份， 性價比好高。 呢道環境好光猛闊落，我地叫左個2人軟殼蟹套餐。 原價$248已經好抵食，仲要禁岩7週年仲有85折優惠。 份量係3人食都夠食😆。越式牛油軟殼蟹，黎到嘩左聲，估唔到2人份量咁大份，軟殼蟹口感酥脆，牛油味香濃，蟹肉鮮甜鮮嫩，真正外脆內嫩。值得一試！酸辣無骨鳳爪：無骨鳳爪食時好方便😆 酸酸甜甜好開胃，芹菜味好重，好食。上湯蘿蔔食完炸物，清甜蘿蔔可以去膩👍🏻分別叫左生牛肉河粉同牛油蒜蓉雞翼河粉🍜生牛上菜時色澤吸引，薄切食落肉質鮮嫩，而雞翼外酥內嫩，河粉湯底好清甜，配料豐富，有齊新鮮豆芽、香菜、薄荷葉、生洋蔥等，好豐富。

好耐冇食越南野啦，今日自己一條友周圍行下，去左位於黃大仙鳳凰新村的「越一越南牛肉粉專門店」食我至愛的撈檬。午市套餐有多款湯河、湯檬、飯類、法包，可以選擇，價錢親民又大份，而且以家仲有85折優惠，非常抵食。老街香茅豬頸肉撈檬份量十足，豬頸肉有5件，大大塊，豬頸肉爽滑，好入味、撈檬入面配料夠多，有酸蘿蔔絲、青瓜絲、炸蒜、蔥，花生、生菜，再加上甜中帶酸的魚露，非常醒胃。加配越一炸春卷越式滴漏咖啡清醇中帶微苦，杯中加入大量的煉乳，煉乳的甜味可以中和咖啡的苦味，讓咖啡味道更加平衡

(🇭🇰香港~黃大仙)👍🏻 多款正宗越南菜👍🏻 價錢貼地抵食▪️ #一人湯粉餐HKD$88一人套餐超包含一份主食、小食和飲料主食可選生牛肉、腩片、牛丸、豬扒、豬頸肉等等而我則選了招牌生牛肉河粉🍜湯底選了原味的牛骨湯上桌時牛肉是半生狀態用牛骨湯頭輕輕燙熟🥩牛肉超嫩，搭配湯汁超棒份量也很多~~我們另加扎肉 +$15只有越南餐廳有賣所以每次都會點~~套餐小食選了炸蝦餅🦐🦐一份有是一大塊切成兩塊一個人吃剛剛好👯‍♀️外脆內彈牙，上面還有放上炸蒜喔!飲料的部份已經包含了18元以內的新鮮椰青只需要加 +$26就可以喝得到了而且超大隻又甜🥥▪️ #一人撈檬餐HKD$88越南餐廳另一個必吃的就是撈檬!!我們選的是香茅豬頸肉撈檬😍😍配料超多的~滿滿的青瓜、生菜、蘿蔔絲和花生碎吃起來多了爽脆的口感😋😋倒入祕製的酸甜醬汁吃起來超開胃的豬頸肉也很多片🥓厚度適中多汁，個人超愛小食的部份選了酸辣鳳爪辣度大概是小辣🌶一份也蠻多的，會忍不住一口接一口飲料點了超有特色的倒立柚子沙冰 +$18下層是柚子沙冰，上層是忌廉汽水🍹兩者超搭的很好喝!!但不知道為什麼喝著喝著會覺得像菠蘿冰沙而且好像怎麼喝都喝不完🤣🤣▪️ #牛油蒜蓉雞翼HK

📍 越一越南牛肉粉專門店 Pho 1🌍黃大仙鳳凰新村環鳳街12號地舖 G/F, 12 Wan Fung Street, Fung Wong Sun Chuen, Wong Tai Sin📝整體評分：9／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝CP值超高嘅越菜小店，仲要恰逢7周年感謝優惠85折，無加一，超抵!▸ 香茅豬頸肉 ◂$54我食過嘅全港最好食嘅豬頸肉焦香 脆爽 香茅味醃到入肉，放入口同嚼緊都散發住香味。▸ 火車頭湯河 ◂＄72✿ 牛丸、牛腩、牛肉片、牛柏葉，牛腩就最正軟綿；牛丸彈牙多汁!✿ 湯頭濃郁不濁帶甘香，但我最愛嘅香葉馥香淡薄左D▸ 蟹肉蕃茄湯檬粉 ◂＄65✿ 上湯不但有蟹肉嘅鮮甜仲帶有蝦香，加入新鮮蕃茄，鮮、酸及咸香的味道鮮明，相當開胃✿ 配料豐富，有蟹肉、鮮蟹肉丸、越式扎肉及豆卜，蟹肉超好食，索哂D汁!!!▸ 咖喱牛腩煲配法包◂＄88✿ 上枱已聞到陣陣咖喱香味，香料味濃烈椰漿味香滑，以為溫潤不辣卻原來相當剌激，牛腩肉感十足 ✿ 法包即叫即焗，超級乾身脆口，蘸香氣四溢既咖哩令蒜蓉包美味提升

聖誕假期做咩好？梗係去食好嘢啦！趁住黃大仙越一越南牛肉粉專門店七周年，做緊八五折優惠，就去食越南聖誕大餐，夠特別啦！呢間舖頭真係大件夾抵食，每樣餸份量多，價錢仲好抵，叫咗六樣嘢折咗之後只係$248，就算未折都係$300有找，食得好飽好飽，味道亦都有水準㗎！海南雞飯：啲雞全部走骨，雞有雞味，多肉又新鮮，配埋三種醬料，總有一款啱心水，送飯一流。朋友減肥中，所以揀咗白飯，另外仲有熱湯奉送，朋友話都煲得好入味。炸蝦餅撈檬：炸蝦餅大大件，而且厚身彈牙，我覺得好好食。撈檬係正常發揮，好食的，我鍾意佢嘅撈檬同醬汁唔會超級勁有蒜味，食完口腔會清新啲，啱晒我，哈哈青木瓜牛肉沙律：呢碟沙律估唔到咁大碟，牛肉多，青木瓜沙律更多，非常爽口，再加埋紅蘿蔔絲青瓜絲等等配料，酸酸地，非常清熱開胃。酸辣鳳爪：鳳爪嘅份量都係好多，有十幾隻，新鮮爽口，仲有車厘茄、西芹，生菜，又係一味酸酸地同清新嘅開胃小食。飲品我哋叫咗椰青同凍青檸梳打，椰青非常新鮮，好大隻，裏面好多椰青肉，非常清熱解渴。凍青檸梳打可以有甜度選擇，我選擇咗走甜，酸酸地勁開胃，真係好好飲。

近日見到黃大仙呢間越南餐廳做緊7周年感謝優惠，全日無論堂食或外賣，都享有85折，一於去試下。餐廳十分寬敞，我地叫左成台嘢食。豬頸肉青木瓜沙律有好幾塊豬頸肉鋪面，配有花生碎、青木瓜絲及青瓜絲，味道酸酸甜甜，十分開胃。酸辣鳳爪無骨酸辣鳳爪，十分爽脆，係另一個開胃之選。生牛肉湯金邊粉一上台，見到金不換及生牛肉份量好多，牛肉肉質鮮嫩，湯底亦十分濃郁，令到我不停想飲多幾啖湯。香茅豬扒撈檬香茅豬扒十分大塊，炸至金黃脆口。配有青瓜絲、蘿蔔絲、生菜絲、花生碎，根據自己口味加入適當嘅魚露，撈埋檬粉一齊食，清新口感，酸酸甜甜，相當開胃。軟殼蟹米紙卷米紙卷有四件，包住青瓜絲、蘿蔔絲、粉絲，及炸至適當好處嘅軟殼蟹，口感豐富。飲品：椰青、倒立草莓沙冰食東南亞嘢點可以少得椰青，清甜解渴。另外倒立草莓沙冰配有芬達倒立，依家係坊間少見嘅飲品配搭，好飲同特別。性價比超級高嘅越南菜，最近做緊嘅優惠更加抵食，值得大家前往品嚐，極力推介，真係唔好錯過。

好耐之前幫襯過下午茶 除左價錢大眾化，分量大，食物質素仲唔錯呢晚行開見堂食外賣都有85折，即刻入嚟唔想諗就叫左個越式椒鹽軟殼蟹二人餐有春卷，上湯蘿蔔兩碗粉，生牛肉金邊粉，香茅豬扒金邊粉仲有飲品椰汁三色冰 椰青(+$26)生牛肉金邊粉，鍾意牛肉嘅朋友一定啱食濃香牛肉湯底，滑溜金邊粉，咁凍天氣整返碗真係一流朋友叫左個香茅豬扒金邊粉，豬扒大大件香茅幾入味炸春卷，鬆化香口又夠脆好足料蘸上魚露後更滋味椒鹽軟殼蟹大大碟，香脆唔會太油膩配埋大量椒鹽好惹味飲品大大杯，椰汁三色冰好多料勁滿足

📌 越一越南牛肉粉專門店 - 黃大仙鳳凰新村環鳳街12號地舖🗓(16/12) 星期六 ⏰ 晚上6點左右 💈特式：黃大仙區都有不少價錢親民嘅美食，今日去左食呢間越南餐廳，除左價錢大眾化，分量大，食物質素仲幾好，值得再幫襯。🥩🍔🌭🌮🥗🥯🥘🍲🍝🍣🥟🍤🍱食物：餐廳主打越南特式湯粉/撈檬/小食/米紙卷/法包等，仲有不少越南特色飲品，而且每款價錢都係好抵食，而家等我同大家講下🇻🇳味道先。🚂🍜火車頭套餐 $1️⃣7️⃣8️⃣ - 去親越南餐廳必點嘅就係火車頭湯粉，呢個套餐除左包左一碗2人份嘅火車頭湯粉之外，仲有兩份4選2嘅小食，同埋可以用優惠價加配特飲。個火車頭湯粉上一枱都嚇一跳，成個花盆咁大，份量十足，粉底可以揀河粉/金邊粉/檬粉，我就揀左金邊粉，貪佢比河粉更有咬口，口感更彈牙；湯底就係用上傳統牛骨湯底，湯頭鮮甜，牛味濃郁，餐廳應該用左好大量牛骨去熬製而成；其他材料就有生牛肉/牛坑腩片/牛丸/牛柏葉，種類同份量都唔少；整體係一碗性價比高，傳統又好味嘅火車頭湯粉。小食我就揀左炸蝦餅同扎肉蒸粉包，呢兩個都係人氣爆燈嘅越南傳統小食，蝦餅做得幾厚身，味道都合格以上。反而個扎肉蒸粉包就真係好高質，皮薄餡料豐富，

放假求其落樓下食個lunch，勁耐無食過越南嘢，好掛住撈檬和米紙卷，而且餐廳仲做緊85折到今個月底，相當抵食。 值得一讚既係，雖然今日店面得1個員工，又要落單又要出餐又要收錢又要包外賣，十分忙碌，但佢既服務態度都很好👍👍 🐔燒雞肉撈檬大大碗，雞扒好大塊又厚身，外皮焦脆，呈金黃色，食落唔柴。配菜份量亦唔少，有青瓜絲，白蘿蔔絲，紅蘿蔔絲和生菜絲，仲有炸過既蒜片和花生，倒賣撈檬汁去撈均黎食，酸酸甜甜，相當開胃，既有蔬菜絲既清新爽口，又有蒜片花生既香口，令人好滿足。 🍜頭頓三寶湯河（豬扒🐖、雞翼🐤、扎肉🍖）簡左檬粉，配3件豬扒，2隻雞翼和2片扎肉，份量都唔少，賣相吸精，令人相當有食慾。豬扒肉嫩，扎肉Q彈，雞翼多汁，而湯味道清甜。 🍲上湯蘿蔔份量多，有成6至7塊左右，清甜無渣。唔會太過淋身，蘿蔔唔會散開。雖然簡單，但唔馬虎。 🥙扎肉米紙卷有2塊，里面卷住青瓜絲，白蘿蔔絲，紅蘿蔔絲，扎肉絲和粉絲。外皮夠薄，口感豐富，清新爽口。 🥥椰青最中意飲椰青，既可以飲到椰青水，又可以食賣里面d肉。 🍹倒立芬達草莓沙冰三重享受，既可以飲到草莓味，芬達味，草莓芬達混合味。

【黃大仙•越一越南牛肉粉專門店】@pho1.hkππππππππππππππππππππππππππππππ性價比高黃大仙牛肉粉海南雞12月31日前仲有85折添 好抵喎海南雞飯是我最愛的一道菜，有濃郁的雞肉風味以及香氣四溢的米飯，搭配特製的辣椒醬汁，簡直是味蕾的享受。牛肉湯河粉看起來非常美味，清淡可口的湯底搭配豐盛的肉片和河粉，令人回味無窮。椰汁紅豆冰和椰青看起來非常適合夏天，滿滿的椰香和紅豆的甜美絕對可以滿足我的甜食慾望。青木瓜牛肉沙律是我第一次看到，看起來色彩繽紛，是一道健康美味的菜品，酸辣味適中。扎肉蒸粉包也是非常美味，應該會令我胃口大開。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 197（折後167$）✨✨✨✨✨✨✨✨✨✨✨✨✨#黃大仙美食 #越一越南牛肉粉專門店 #web3黃大仙越一越南牛肉粉專門店黃大仙鳳凰新村環鳳街12號地舖

♡♡♡📍越一越南牛肉粉專門店 (黃大仙)黃大仙鳳凰新村環鳳街12號地舖都真係好耐無食過越南野，而黃大仙呢間既越一既性價比都相當之高🤣🤣，價錢又唔貴，水準都幾高，所以已經食過好多次啦~食SET會更加抵食樣樣都好大份😘，話就話係2人SET，但係見到個份量咁多應該3個大人都夠食呀!份量滿滿的😋😋!🍽️越式牛油軟殼蟹估唔到會咁大份!!份量真係好多~好香既牛油香氣，而且軟殼蟹炸至金黃色😽😽，十分之吸精。牛油軟殼蟹既味道肉質鮮美，帶有清甜既海鮮味，口感鮮嫩多汁，非常美味😻😻!🍽️上湯生菜炸野配埋上湯生菜成個感覺即刻無咁熱氣😍，個FEEL仲會健康D~生菜已經夠味，而且色澤翠綠😘。🍽️生牛肉河粉生牛肉肉質鮮嫩唔韌，湯底清香，再加上河粉會索埋湯底既味道，真係一流🤩🤩。即使飲左D湯都唔會口渴~個人就幾中意呢碗😋😋。🍽️牛坑腩片金邊粉牛坑腩肉味香濃，而且都幾厚身，勁易咬開，無論大人小朋友都岩食😋！🍽️香茅雞翼4件雞翼咸淡岩岩好，有好香既香茅味😆😆~🍽️倒立柚子沙冰係MENU見到呢個名就覺得幾吸引🥰🥰，真係想像唔到係咩黎，原係係柚子沙冰+忌廉(倒立)，真係都幾吸引。之前都未試過忌廉溝其他野飲，估唔到忌廉加柚子沙冰又幾夾~

🌯法式扎肉麵包（$36）讚！好食的越法麵包唔易搵，中我心頭的有兩三間，呢間都可以打進三甲！個法包包身好酥脆，餡料好充足，除左扎肉，仲有肝醬，生菜，沙津等等，加上醃好酸酸甜甜的蘿白絲，食落飽足又唔滯！🍲越一生牛肉湯河（$52）當日去到的時候巳經飢腸轆轆，一坐低即刻叫碗生牛湯河。呢碗生牛湯河熱辣辣，上枱之後慢慢揭開D牛肉，見到真係新鮮牛放入去，少少紅待熟透。碗湯好香濃，加上少少青檸汁同辣椒仔吊吊味，飲落更舒服。🍱小食拼盤（$128）睇相絕對估唔到個小食拼盤有咁大份，入面有炸春卷4件，炸蝦餅3件，仲有3件雞翼同4件豬扒，好豐富！每樣炸得酥脆，熱辣辣上枱，最欣賞炸春卷同炸蝦餅！🐔海南雞飯（$62）海南雞嫩滑好食，我就中意點酸酸甜甜的醬，配埋油飯，絕對充飢。🥥另外椰青（$36）大隻多汁，好解渴！同老闆傾開，原來以前3-4間分店，但因為不敵疫情，而家淨返黃大仙一間，但在黃大仙巳經七年了，適逢週年慶，今個月底前去，💛埋單仲有八五折！💛

上個禮拜小朋友放學，我偷懶唔煮午餐。就帶咗小朋友出去黃大仙撐台腳，好耐冇食過越南嘢！見到越一越南牛肉粉專門店有85折優惠，所以就入咗去食。店員好友善，見我帶住小朋友，就特意安排咗卡位俾我坐，所以都坐得好舒服。因為得我同小朋友2個人，所以我就點咗個招牌海南雞飯，一個小食併盤。海南雞飯餐包咗飲品，仲有個湯。而飯底仲可以揀白飯或油飯，我就揀咗油飯~個飯好香，雞係無骨，啖啖肉，雞肉好嫩滑~小食併盤都勁豐富呀，有雞翼、豬扒、春卷、魚餅。仲係即叫即整，所以係熱辣辣、香噴噴！個雞翼、豬扒都超惹味，春卷沾魚露真係一絕！魚餅都係啖啖肉，重點，我食唔到魚骨！下次去開，又食下先!