越僑

營業中

休息中

呢日一個人嚟到中環，自己去完中環街市之後，想喺附近搵嘢食，用openrice附近餐廳功能而搵到呢間餐廳，餐廳就喺中環街市對面，不過隱身喺小巷之中嘅盡頭。11點幾來到，已有兩枱客，餐廳內唔算大，只有十張枱左右。有個餐牌係星期一至五都有5個特別lunch set，以為星期六日係冇，點知星期六日係可以成個餐牌25款任揀，仲正。價錢五六十蚊，算正常價錢，有包熱飲。另外白板上寫咗幾個餐，聽隔離枱叫，叫親都話冇，原來白板上寫咗嘅餐係售罄，真搞笑，之後店員再寫返。我揀咗炸蝦餅香茅雞翼湯河，本身係撈檬，轉湯河要加$3，如果轉金邊粉又要再加，我就冇加了。個湯底嘅味都唔錯，蝦餅雖然浸咗落湯入面，都仲有少少脆，香茅雞翼都好香。店員服務態度都唔錯。

🇻🇳中環性價比高既越南小店-越僑雖然位置有啲隱蔽，座位唔多，但都唔可以阻擋小編為食既心❤️🍜越僑喇沙摻摻魚旦、蝦🍤、雞蛋、豆卜，結合了喇沙的濃郁湯底加埋摻摻："油麵＋米粉"的獨特口感，值得一試。👍🏻🐮生牛肉牛柏葉湯河牛肉上碟時半生熟，牛肉嫩滑，湯底鮮美，牛柏葉爽脆，每啖都鮮甜可口！😋🍲乾炒牛河鑊氣十足，牛肉嫩滑，河粉彈牙，調味恰到好處。🧈 牛油雞翼：炸得香脆可口，皮脆肉嫩又能夠保留肉汁，牛油香氣十足！佢店面比較細/逼，唔可以坐得 ，但外賣單冇停過 ，足以證明性價比同好食程度!‘-‘-‘-‘-‘-‘-‘-‘-‘-‘-‘-‘-‘-‘-‘越僑 📍地址 : 中環租庇利街鐵行里12號地舖🏰環境: 6/10🙇🏻‍♂服務: 7/10  💰價位: 低價⏰用餐時段: 午餐‘-‘-‘-‘-‘-‘-‘-‘-‘-‘-‘-‘-‘-‘-‘#為食控 #hkfoodie #hkfoodalog #hkfood #foodiehk#食好西 #人氣美食 #牛油雞翼 #喇沙摻摻 #中環 #性價比

同事推薦中環區必食嘅越南菜 — 越僑，聽講野食份量多，而且價錢合理，抵食！於是就決定叫外賣嚟食吓～烤豬頸肉飯+飲品💰HK$72烤豬頸肉飯份量多，烤豬頸肉都有好多片，可惜味道有少少咸！旁邊仲有蔥油蒜片等等，撈埋一齊食成個飯變到好香好惹味～跟餐仲有一包烏龍茶～

午飯時間都超級多人但真的很好吃不騙人在中環上班三年啦這家是我的私藏食堂份量又大又好吃價格廉物美在中環這個家越南菜總量無人可比偷偷告訴你必叫的菜奶油雞翅飯、烤豬頸肉撈蒙、下午茶的大食王餐下次來中環遊玩記得來吃這家吧

Lunch見中環好多餐廳都好爆場，就近近地行左去鐵行里入邊揾餐廳，竟然比我揾到間性價比幾高既越南小店就打算試下佢～因為係中環lunch time既關係，所以等位都等左大約20分鐘先入到去。入到去餐廳比較細少，坐得唔算話好舒服果種，但員工都親切友善👍🏻坐低後我就叫左個沙嗲豬頸肉飯，另外見佢個蒜蓉牛油雞翼係店長推介，咁我又散叫多4隻蒜蓉牛油雞翼試試佢。首先黎到既係雞翼，一上枱已經聞到好香，一試真係愛上左，佢炸得好香脆，肉質又細嫩，完全唔「鞋」口，加上佢鋪底既蒜蓉蘿蔔絲好惹味，4隻真係唔多夠喉👍🏻👍🏻👍🏻 再黎就係佢個沙嗲豬頸肉飯，佢個沙嗲聞落好香椰汁味，但食落就冇聞落咁香，略嫌個沙嗲味唔係好岀唔夠惹味，但個豬頸肉就好冧好香口，十分好食，豬頸肉同個飯份量都好足，唔大食既女仔朋友可能兩個人share一碗都仲得，男士們就一定夠飽肚，呢個份量黎講係十分抵食。最後埋單就$100，中環食lunch黎講就差唔多都係呢d價，唔算話好貴，小店黎講算係有驚喜，推薦！

1130落單 等到足足一個鐘都未有 途中係咁有其他餐出 係咪大單就做先 一個人就理得你死？ 完全不能接受 杯凍檸茶都等到變左暖檸茶 追左幾次單完全無同你跟進既意思 淨係話未有未有 唔使你講我都知啦

返工想叫下午茶，叫咗越橋下午茶，但外賣完全唔掂，同平時出街食嘅西多士完全唔同好似扁晒咁👎🏻👎🏻👎🏻仲要好薄好細塊。紅豆冰都唔係出邊紅豆冰，唔好飲強烈推薦唔好食佢下午茶的西多士其他嘢可以試

🍗烤雞髀蕃茄蟹肉濃湯飯$63烤雞髀大大隻😆，啖啖肉🍗，仲有唔少蟹肉🦀，湯底出色👍，蕃茄湯超級濃郁🍅，加左黑胡椒更惹味，仲有少少蟹膏提鮮，性價比高仲包野飲.✨捐窿捐罅先系巷仔搵到呢間越南餐廳，位置系中環街市附近，新裝修開返更光猛乾淨，每日都有唔同款式，外賣自取仲可以網上order定

中環地帶食野好貴，捐窿捐罅搵到一間喺巷仔盡頭嘅越南餐廳，就即刻入去試吓啦第一日印象係老細好有禮貌👍🏻睇餐牌仲要有下午茶，仲要唔貴🤓即刻叫個C餐試吓🤤極大碟，一個人基本上食唔晒😆回頭率：👅👅👅性價比：👅👅👅👅👅打卡值：👅

係中環翻工，可能聽過鐵巷里，但唔知入面有間咁神隱既越南餐廳。 如果唔係呀妹介紹都唔知呢間抵食又好味。我多數係叫外賣的，今次都唔例外。 餐廳有星期一至五既日日唔同款式套餐，外賣自取仲可以-$5 星期一我就最鍾意食佢，因為有香茅豬扒春卷香茅豬扒春卷撈檬。 大大盒非常之飽肚 $58 - 5蚊自取仲送埋熱飲當然美中不足係外賣有時多單真係等好耐！ 今次算快，上網落定單半個鍾內有，有試過等左一個鍾... 趕時間既打工仔就要留意呢一點了！

因為天氣炎熱，跟同事中午想食啲濕濕地嘢，決定食湯粉麵，於是經過呢間越式店舖「越僑」就打算試吓啦！當時中午12:05已見到門外很多人等緊，等堂食及外賣的人都聚埋一齊，心諗…唔通呢間店啲嘢食好掂？定還是價錢好親民呢？好，就試吓啦，不過店內比較狹小，所以決定買外賣回公司吧！12:10 下單(只收現金😮)一碗越式牛肉扎肉湯河，我同事因為選擇唔到，佢就決定去附近的「太hing」買外賣了！過了10分鐘，同事來電通知話佢已經買好了，我叫佢等我一陣間啦，如是者又過了10分鐘，我碗河粉仲未得😳，便通知同事叫佢先回公司開餐，其間我已經同店員第一次催單，她表示處理緊……好……我再等……！又過咗多10分鐘，眼見有其他比我遲落單的人客都已經可以取餐，於是第二次向店員姐姐查詢及催單，她再次表示仍在處理中，what???🤬!!! 一碗湯河粉要處理30分鐘都仲未得?!?!望一望手錶，時間嚟到12:45😰，咁點呀姐姐！我打工仔，一個小時午餐時間，等你哋份外賣都等咗4份之3，情何以堪！同一時間同事來電關心情況並表示佢已經食完嘢又清潔完畢了，我唯有黑起塊面又再次催單啦……! 結果我12:55分終於攞到個餐了😤！箭步跑回公司

中環午飯時間一個鐘….係門口等左45分鐘…由 12:08 落單，只係買一碗河粉，結果12:45 先有，仲要係經過幾番催單，我後面啲人基本上已經黑晒面，有一位女士直頭踩入去廚房門口等😤！回到公司，剩10分鐘時間，要快啃！要本尊在街上等45分鐘的外賣(今日天氣34度，體感可能唔止)以為佢啲嘢食好掂啦，點知….. 唉😮‍💨！真心奉勸各位中環上班人仕，要考慮清楚要唔要再幫襯!!!!!!

今日嘅心情真係好興奮，同班老友一齊去中環食飯。一入餐廳，香料嘅香味即刻填滿咗空氣，可能因為連日嘅陰雨天氣，令我地更加肚餓，所以今餐尤其期待。我哋叫咗一份招牌菜「生牛肉河」同埋「豬扒雞翼紅飯」，睇住菜單上嘅描述，真係食嘢嘅慾望激增。上菜速度好快，可能因為我哋選咗比較早嘅用餐時間，所以餐廳入面都未有咁多客人。第一道上嚟嘅係「生牛肉河」，新鮮嘅牛肉片放喺熱辣辣嘅米粉上面，而牛肉表面仲裹住一層辣椒，色彩真係吸引。夾起一啖牛肉河，入口爽滑得嚟，牛肉嘅鮮味完全保留，配合微辣嘅辣椒，實在係令人胃口大開。跟住，「豬扒雞翼紅飯」都上齊啦，一盤香噴噴嘅紅飯配埋金黃酥脆嘅豬扒同雞翼，令人垂涎欲滴。先試咗一啖紅飯，帶著淡淡嘅香菇味，口感有啲彈牙，令我忍唔住多食咗一碗。然後試咗豬扒，脆皮之下露出多汁嘅豬肉，每一啖都令人贊不絕口。雞翼亦都入味，香嫩多汁，實在係超美味。諗起多年前，呢度係我同屋企人一齊食飯嘅地方。當時餐廳裝潢比較簡單，但佢哋嘅美味食物同親切服務一直係咁吸引客人嘅。而家嘅「越僑」裝潢更加現代化，但係依然保留住啲濃厚嘅家鄉氣氛。

要係中環揾中價錢嘅野食可能都算有好多，但平野就應該會難啲😥呢間位於中環小巷 (出名嘅雀屎街) 嘅平靚正越南菜就係其中一間~仲要係上班族嘅放飯勝地添呀！所以繁忙時間真係要等一段時間，咁啱小編今次嚟到個陣就係放飯時段，所以想食嘅朋友記得盡量揀啱時間呀🤣除左生牛肉河同秘製撈檬係招牌菜之外，小編見午飯時段都有好多人叫佢哋嘅碟頭飯食，唔知好無食呢😝不過都見到佢哋做好多外賣單，好似係再平啲，係附近返工都可試叫外賣！但必須溫馨提示一下，驚雀嘅人就唔推介嚟食，是關真係好多好多好多白鴿。。。J小編真係頂唔緊，不斷揾地方避，好煎熬😫所以再幫襯都係叫外賣算了，唔敢再去個條街🙁

食店位置喺一條橫巷，如果唔係喺呢區返工，其實好難會發現呢間小店，雖然地點唔係喺大街，但完全無影響佢既人氣，中午時間就會見到舖外有好多人等緊位，等外賣既人都好多(⁎⁍̴̛ᴗ⁍̴̛⁎)餐牌選擇都唔少，而且星期一至五都有唔同嘅精選菜式。本身我係PHO嘅粉絲，所以我就揀左個越南湯河。\ 🍜越式四牛湯河 ($58) /職員上菜嘅時候會跟埋一兜辣椒🌶️同青檸，可以自行選擇加唔加。碗PHO既份量好大，四牛🐮包括生牛肉、熟牛肉、牛柏葉同牛丸，配料仲有大大舊蘿蔔，熟牛肉似薄切牛腩，肉質軟腍有牛味，其餘三款就一般。至於湯底，可能本身我對越南河粉既要求比較高，我就覺得佢個湯底比較單調，同正宗PHO有出入🙈🙈當日見到對面嘅食客點咗乾炒牛河，好似好吸咁，而且食到一條都無剩，鐘意濃味嘅可以一試～😋環境黎講，座位比較迫，繁忙時間一定要搭檯，可能餐廳比較有歷史，所以衛生程度一般，但食品份量確實係多，價錢平，所以深受上班一族既喜愛。