越僑

營業中

休息中

同媽食tea, 喺app 見到，行入去冇少少隱蔽環境雖然只係普通茶餐廳，但入面的店員超有禮貌☺️招呼周到，唔似得平日茶餐廳的阿叔阿姐太豪邁食左兩個tea sets1. 香芧雞翼+一口朱古力西多士： 賣相以外地靚🤩🤩，可惜無影相，兩樣都好味，仲配椰汁冰😋👍👍👍2. 煎釀三寶+黑椒炸雞翼：煎釀三寶我冇食，但炸雞翼好味！我仲唔小心跌左隻雞翼落地，正想賣單時，哥仔整多兩隻送比我，超級好人呢！❤️再經過要去再食😋😋😋

越式四牛湯河   3/5分   58元 (外賣會有折)1. 河粉與湯分開外送,值得一讚,否則會浸軟身超難食呢2. 河粉是非常大的敗筆,因為使用了港式牛腩河粉麵的河粉,卻不是越南又粗又滑的河粉,可惜可惜。3. 反而湯底是驚喜,充滿越南牛河的味道,相信用了十分充足的牛骨豬骨吧~4. 牛肉質素方面我覺得是可以接受,份量都夠多可以配合河粉吃,沒有太多要挑剔的地方作為一間在中環區的黃店,平日午市超多上班族消費,同時可以兼顧外賣及堂食,見到有相當多的人選擇此小店支持,證明有一定的水準。外賣有折扣,堂食就可能會迫一些,鼓勵同路人多多消費呢~

🤗好食。濕炒豬肉河🐷 快靚正但一啲都唔馬虎，味道好食既、足料既有彩椒、菠蘿、肉片，啲汁又夠唔會呃左你食乾炒☺️ 而杯熱飲都好任性地叫左「茶走」🧋睇隻色就知茶同煉奶比例恰好，茶香同甜味都恰好呀。呢度仲有好多選擇，岩晒附近打工仔做長期飯票架，位置係隱蔽啲既，外賣好快好方便～（今餐夜麻麻食呢啲真係比較罪惡感重～）

越僑🥺又平又足料做左中環OL 幾年🙈基本上都係外出食lunch, 真係好難搵位又唔平呀！但最近買外賣返office食，搵到依間越南泰國菜😋🐂🍚沙嗲牛肉飯 $48包熱飲（外賣自取價）返到office一開飯盒😳點解咁多沙嗲牛肉既！？🤣係越南果款沙嗲汁真係幾香🤤仲要有花生🤩加分！牛肉煮得幾林🥰我食飯好小，叫左小飯都好多飯😂 中環$48食到咁正既野！大家真係要bookmark！除左外賣～仲有堂食架😊 我12點初前面咁岩有張大單food熊貓🐼我大概等左10分鐘～

今次黎到呢間野到幫左個雞翼撈粉 份量可以 都食再飽 味道唔錯 但雞翼無睇落咁好食 面有少少林 不過整體質素ok 服務員態度都幾好 唔錯 會再黎幫襯 下次諗住試下佢個湯粉 睇人地個湯好似幾正

中環嘅打工仔每日都要為午餐頭痛。餐餐食快餐食到悶，試下上樓啲西餐又閒閒哋兩三舊落樓。鐵行里幾間餐廳都各有特色，而且價錢合宜，可以話係窮忙族救星。其中《越僑》人氣高企，大抵因為品質穩定，而且$4X-6X 一個越南lunch即使喺其他地區都好難得，何況係中環！《越式春卷配炸蝦餅撈檬》，呢間啲蝦餅唔係常見嘅圓形，而係好似魚片咁一片片。口感彈牙，食得出蝦味。而且春卷以芋頭作餡，炸得剛剛好冇過火。外賣嘅《雞扒撈檬》足足有兩件雞扒，檬汁亦畀足兩包毫不吝嗇。入口皮脆肉脆，加埋配菜非常滿足。《牛柳粒配越式紅飯》係餐牌入面差不多最貴嗰碟飯，都係$60左右。牛柳粒柔軟無渣，配上牛油炒紅飯同蔥油，邪惡而美味。《芥辣蜜糖汁炸雞柳配飯》係呢個月逢禮拜一先有嘅特別餐牌，如小山般高嘅雞肉炸得外脆內軟，配上芥末同蜜糖調成嘅醬汁，食到唔停口。值得一提嘅係飯量甚大，可叫少飯以免浪費。

我地lunch成日叫呢間外賣 一來因為佢地係黃店 二來食物既質素真係幾高下！超推介佢地既豬頸肉 差不多每次我都會叫 平時我就食開豬頸肉撈檬既 不過果日腸胃唔係咁好都係食返熱野穩陣豬頸肉既份量多 而且脂肪比較好 食落口感非常好好爽口 而且有陣陣燒烤既香味 獲得我地全公司既一致好評同埋外賣送餐好準時 好可靠 你知啦 lunch hour得一個鐘 如果遲左送黎我地就要倒入個口嫁喇講講下又肚餓了 決定今日lunch都係食越僑既豬頸肉撈檬先！

非常隱蔽嘅良心小店，唔係有良心都未必搵到呢間餐廳食😂外賣自取，幾分鐘就拎得，老闆都好有禮貌。法式牛柳粒紅飯。$63外賣減$5一打開已經嘩一聲，好大份！食牛柳粒好少有咁足料。仲要唔係得得量，質素都掂👍🏻牛柳淋身入味，無筋同啲咬唔開嘅脂肪位，紅飯係用茄醬炒，飯煙韌粒粒分明。齒頰留香，一定會再嚟食😋

睇到咁多人介紹 今日lunch就黎試下 打電話叫左外賣 如果叫得多仲有有得送👍🏼去到拐入去條小巷仔 已經見到好多人等緊 不過好彩早d打定電話叫 所以一去到已經可以拎Lunch餐牌會定時轉 所以最好問定先 第一次我就試左佢d招牌野先 法式牛柳粒紅飯 牛柳粒軟粒粒 加埋d紅飯 小小酸酸地 好開胃同事就叫左個香芧豬扒飯 同樣都係大大份！D餸份量十足，一d都唔孤寒，lunch時段咁多人伙記d態度都好好不過食食下愈食愈鹹 調味可能有d重餐飲叫左凍檸茶同熱朱古力 埋單$111（外賣每個餐減5蚊）超級抵!

轉入巷仔有好幾間餐廳，越僑就係其中之一因為抵食又好味，所以未夠12:15去到都已經要排隊都排咗成大概20分鐘先有得入越式四牛湯河(生牛、熟牛、牛柏葉、牛丸) $58 每次嚟都係食依個多款又足料湯底好濃郁生牛就滑嫩啲，熟牛就肉味重啲兩樣都唔錯香茅牛肉乾炒河 $54aka乾炒牛河肉同河嘅比例成1:1咁濟每啖都有肉仲要食極都仲有咁味道唔差但偏油如果要揀湯河同炒河嘅話，我就揀湯河蒜蓉牛油雞翼 $31/4隻 兩個人嚟就可以嗌個雞翼share~~一上枱就聞到好香!!!!又炸得夠脆抵食又好味，仲要係黃店

今日放假，就去找了一位中環返工既朋友食飯佢帶我去呢間小店，話有人情味又抵食去到店內見唔多人，可能店舖較隱蔽要有人介紹先會走入這橫街內覓食我都係以家先知有餐廳係入面好多選擇，午餐下午茶仲有常餐我好肚餓，所以揀左重量級碗飯F餐有齊我想食既野，雞翼雞扒豬扒肉碎每樣都入味軟淋，無鬆肉粉既死淋係有彈性肉質果種，整體幾好食碗飯面積大過一隻手，名符其實重量級將蔥油同飯撈埋，好香口好好食我好快就將成碗消滅左能夠一個飯就醫飽食肉獸既我真係唔簡單自問大食又經過中環既你一定要試

放工約左朋友食飯 帶佢去我食開嘅越南野呢間野位置好隱世 不過用OpenRice應該唔難搵到記住冷巷行到盡就係今次兩個人我地叫左一個餐同一個小食share其實大家都好肚餓 但係因為呢間野D份量真係好多 好抵我地咁樣order都好飽呢到嘅撈檬我一個人係食唔晒 真係好大碗雖然係咁 但佢D味道一D都唔求其雞翼相信係輕輕炸過 食落仲有少少脆  入味札肉就實實淨淨 算正宗配菜方面都無偷工減料 有生菜絲同青瓜絲連埋D檬粉撈起上黎有唔同層次 幾正最價得推介就係呢個越式蒸粉卷初初我地係抱住試下嘅心態去叫但最後 絕對係超有驚喜佢即叫即整 上菜果陣仲熱辣辣 皮好薄 又煙煙UNUN 加上D脆脆嘅炸蒜同岩岩炒香嘅肉碎同冬菇三種口感混合 好 好 食!唯一美中不足係皮多左D 多左出黎嘅部份摺左兩層放係底而果部份味道淡左D 建議佢可以整少D皮總括黎來真係可以用隱世美食黎形容!~ 值得一試!

黃店雖然真係好想支持，但係有好多都未必係咁好食，特別係中環呢一頭，想揾黃店食個晏更加唔容易嘅，今次試咗呢間美食既越南菜小店。喺舊公司嘅時候成日會喺佢嘅外賣，今次係第一次堂食。因為店舖比較細，所以係需要搭枱同埋要等位，但係佢嘅食物呢質素然係好好！分別叫咗一個烤雞扒湯檬同埋牛油雞翼湯麵， 兩樣都係好好食，佢嘅食物呢係屬於較為濃味，唔係嗰種好清嘅越南粉麵。價錢方面中環嚟講都幾抵食，五六十蚊左右仲要包嘢飲，而且佢係有午市套餐，選擇都幾多~

係中環行前行後唔熟路情況底下，都搵咗一段時間，可能本人係路痴。。。係條隱世後巷最篤篤個間！*溫馨提示：係翠華果條街入去行幾步就到，咁就應該容易搵啲*第一次嚟呢間隱世小巷越南店估唔午飯時間有咁多人，即刻9秒9衝去攞飛都要等2x張枱咁辛苦嚟到好想食所以都會等等咗大約三十分鐘終於輪到本人，一坐低餐牌唔使睇就叫咗碗生牛肉河！等咗陣就有得食！嘩好香呀，見到個湯好濃味即刻飲吓個湯先。比起其他生牛肉河，佢個湯有啲藥材味似肉骨茶啲牛肉都唔少，幼嫩又滑嘅生牛肉好好食，蘿蔔入味到暈，值得排咗30分鐘！會再來

中環的周邊午餐選擇, 除了大型連鎖店就是較高價的食店. 走到中上環交界的選擇相對較多. 這裡的下午茶時間由2點開始, 勉強可在午飯尾段的時間入座. 價格在$40-$50內, 有越式食店常見的湯河, 湯檬之類及炒飯炒河. 以中環在說是抵食. 始終是當成午飯吃, 點了較有份量的香茅牛肉乾炒河. 調味上有少許近似中式的干炒牛河, 較大的分量是越式河粉較幼身, 會有不同的咬感. 味道上來說不錯, 是中環的平食推介.