越北牛肉粉專門店 (已搬遷) 新店位置

路過又見到唔多人排隊，就試一試呢間越式粉麵。海房蕃茄蟹檬 $65好鍾意佢既蕃茄湯底，d蕃茄又好食仲有好多好多配菜，d有半隻蟹 ，鮮蝦丸，豬肉，海鮮濃湯，個湯嘅蕃茄味一如既往濃郁，有濃郁鮮蟹味，檬粉好掛湯，撈落個麵到真係一流，整體都唔錯，$65抵食。越北生牛肉湯粉 $48生牛肉湯河的生牛肉份量算多，目測也有7-8片，另外配菜除左有芽菜，辣椒，仲有九層塔，口感加強左，湯粉食落都爽身。湯頭飲落清甜，飲得出係熬出黎，成碗飲哂都唔覺得口渴，滿足。人均: $50 - $100抵食: 💰💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉

前幾日想食越南野於是諗起附近有間越北牛肉粉專門店就去試吓，嗌咗香茅雞扒湯檬。香茅雞扒係啱啱新鮮滾熱辣即炸，所以食嘅時候仲係熱辣辣！湯底係牛骨湯，幾好飲，再倒少少魚露更加開胃😍不過份量太大食唔晒

本身好鍾意食香茅豬扒撈檬基本上每次去越南餐廳我都係叫呢樣之前食過呢間2,3次都係外賣今次第一次堂食店內環境乾淨，坐位闊落坐得舒服，好適合同小朋友去要讚讚一個應該係經理嘅男士佢服務好好，對客人有禮細心之前外賣都感覺到佢好主動幫助客人至於食物今次叫咗香茅豬扒撈檬，荔枝沙冰，燒雞扒湯河食物嚟到賣相好靚，令人覺得好好味好想食撈檬味道唔差但喺我食過嘅豬扒撈檬嚟講佢一定唔係最好食嗰間不過都算好食香茅豬扒略嫌乾咗啲無乜肉汁杯荔枝沙冰就太甜溝咗一半水先入到口但溝完水已經唔係沙冰啲冰溶晒小朋友食燒雞扒湯河雞扒同麵都ok會再幫襯

我好鐘意食越南野，因為去過旅行，朋友都會陪我食越南野，今日難得同同行異性朋友黎雞公嶺行4個鐘山，馬上食返越南下午茶。個雞扒湯檬份量好大，女仔食唔曬，個兩杯青檸梳打簡直係賞心悅目，埋單$116，勁抵食😊

星期日食下午茶，周圍都好多人等位，見到這間冇咁多人諗住去試試啦，入到去個環境都唔錯服務態度又好,然後我點了一個餐廳推介蕃茄牛腩飯，點知出到來個碟餸像罐頭湯一樣，番茄汁變咗蕃茄水，牛腩好硬又冇味，飯有飯焦。52$一啲都唔抵食，寧願去茶餐廳食算

最後的晚餐 又要7日無得出去晚餐6點後唔可以出街食了😫叫了個2人餐完結了最後晚餐-香茅豬扒撈檬越南野我一定叫撈檬係因為真係好開胃啱晒啲唔鍾意食熱野嘅人又啱晒我唔鍾意食湯麵而且豬扒好香 好好食-順化檬粉如果食唔到辣就唔建議叫呢個佢入面有扎肉牛丸牛腩扎蹄👍👍👍不過食嘅時候小心我俾啲湯整到入眼勁痛，一定要小心食-小食拼盤（二人份）有春卷蝦餅墨魚餅魚餅唔好睇佢份量少少其實真係好飽總共$160價錢合理又唔使收+1👍

暫定7日無得岀街食晚飯 因為病毒會係6pm開始岀動所以決定今晚近近地落元朗食個飯我想食飯 個fd又想食麵最後揀左食越南野😚😚😚😚原本想A+B+C 點知無得揀凍奶茶 有奶茶癮既我 係唔會放棄所以叫左A+B 再散叫杯凍奶茶我地2個都揀左越北炸春卷好足料 成條春卷都釀滿晒😍炸得好脆口我既街頭香茅豬扒飯份量好多 男人都夠食好鐘意食即炸蝦片豬扒真係大大塊 肥瘦適中 唔會乾身個fd就叫左河內香茅烤雞扒湯檬加左青檸同辣椒仔 好香😚😚偷食左佢舊雞扒 又係大大舊 厚切雞皮脆 唔會乾但肉質同豬扒對比 就乾少少朋友叫咗三色鹹檸七奶茶都算濃味 唔會澀大大份 抵食東南亞野 就係大份兼好食😚😚

屋企人話想食越南野，所以黎左越北.....自己叫左個「豬頸肉湯河」，豬頸肉係另上既，唔會太肥或過瘦，味道不錯......湯河跟埋一兜辣椒同青檸，加埋落去一齊食都唔算太有味，但整體黎講唔係差既.....下次可以再試下佢啲小食，見隔離枱叫左幾款，賣相都唔錯咁！

豬扒好味，但如可考慮顧客身體健康為首便會更好。這幾次食完後，回家都非常口渴。湯底太多鹽或味精了，我們不介意少鹽，淡一啲也會很好味。身體健康要緊呀！ 希望會慎重考慮，作出改善。我們也會再幫襯的！

夏天天氣太熱，唔係好食得落好heavy嘅嘢食，所以我成日lunch都係食越南河粉，濕濕地容易有胃口食。.今次去左元朗嘅越北，正值lunchtime，所以可以叫午市套餐，包一個主菜加一杯飲品，價錢大約$50-$70，星期六日都有lunch set。.我叫左最普通嘅河內生牛肉河，湯頭幾夠味，覺得唔夠味可以自行加跟河粉上嘅調味辣椒同香葉。河粉份量都算多，牛肉就係正正常常有幾塊，食完都夠飽。咁嘅價錢黎講，我覺得算性價比高，唯獨係午市人流太多，我安排左坐係長枱最入，出入要外面嘅食客讓位，有啲麻煩，不過我會再食。

生牛肉牛腩片湯河，有三片牛腩片和兩大片生牛肉，肉質和牛味都不錯，以$48一碗牛肉湯河，我覺得牛肉質素不錯。老公好喜歡這間店的牛骨湯，他竟然吃光整碗湯。@_@香茅豬扒湯檬，豬扒剛炸起熱辣辣香脆、厚身、調味適中，配上炸蒜和蔥油份外惹味；可隨個人口味配生菜吃降低油膩感。肉質有咬口得來不鞋，出外用膳很怕吃到肉質過份軟淋，用鬆肉粉把肉質變得奇奇怪怪的豬扒。之前兩次食評都覺得餐廳的炸物太油膩，今次的豬扒改善多了。酸辣鳳爪，推介！鳳爪醃得很入味、夠酸、夠辣、夠蒜味，辣得我舌頭都麻了，但還是一口接一口的吃下去。連配菜紅蘿蔔絲、紫洋蔥、西芹、芹菜都爽脆入味，旁邊伴碟的醃蘿蔔絲也是爽脆酸甜，很好吃！加$26的小食的份量挺多的可見此店不會將貨就價。熱檸水和熱奶茶正正常常下午茶跟午餐份量是一樣的，下午茶餐較便宜但沒有減少份量。兩碗麵+兩杯飲品+小食=$122食物味道好、份量很足夠，十分抵食；現在百物騰貴，去茶記食個hea碟頭飯都$60以上......

次次黎食呢間越北都有衛生問題！真係越北越來越不行，食客越來越不幸！每次都會忍口半年以上先再去食⋯今次之後真係要的起心肝以後唔再去食食食下豬扒撈檬，竟然連發泡膠碎都撈埋落去🤬🤬食死人嫁會！點可以咁冇良心！而職員處理手法係換過碟比我⋯換黎又有咩用呢⋯⋯見到舊發泡膠碎都唔會想再食落去啦！個下午茶套餐仲要唔係收得平！差唔多$50蚊竟然比舊發泡膠碎我食！可惜自己鐘意食越南撈檬，先一次又一次食呢間店，而又一次又一次比錢買難受

有段日子沒有在這一帶散步，行過見到店內裝潢有越式風格便試一試!路邊烤雞肉串  $36 有三串烤雞，烤雞及醬汁的味道不錯，抵食!蕃茄蟹膏蝦丸札肉湯檬  $62蕃茄味較重，湯底及食材味道適中，但欠缺蟹膏的精華，失色不少。越北三寶湯河粉 $62 三寶包括兩隻香茅雞翼、兩塊札肉、一塊香茅豬扒。雞翼及豬扒過於油膩，味道一般。河粉、湯底、芽菜及香葉等配料正常水平。椰汁三色冰 $12 (加配價) 正常水平。熱西洋菜蜜 $8 (加配價) 菜蜜夠熱，味道正常水平。晚饍上菜快，經濟實惠，若能改進食物的味道及油膩狀況，定能讓佳餚更鮮美!

雖然樓下就係呢間越南餐廳，但搬左黎年幾，今次先係第一次試食😜因為近排減緊肥，撈檬好似清新啲又少啲油，一於就叫個雞絲撈檬啦！撈檬既份量比出面其他既餐廳多，食量細既朋友應該可以兩份分都夠飽😮撈檬當然個酸辣汁係個靈魂啦！酸味都夠，辣就唔係算好辣，不過香料味就唔算太重，鐘意重口味既朋友就未必岩胃口喇，汁料方面算不過不失啦！雞絲就要扣分喇☹️☹️因為一食就有啲肉既腥味同埋雪藏味，雞肉既處理要再改善先可以吸引到食客回頭，有待進步🤧🤧

又黎到午餐時間，好多餐廳都已經擠滿曬人。🤦🏻‍♀️ 天氣又太熱，又吾想就圍去搵野食。所以就揀間近近地，又吾洗等位既餐廳。小編都幾點中意食越南野，但依間店令我大失所望。。。。😤😤😤午市都幾多野食，可自己配撘飯，河，檬粉。午市包一杯熱飲，凍飲加 $3。小編叫左熱鹹桔水。番茄蝦膏蝦丸扎肉湯檬極力不推薦！🤧首先講個湯，講就話係蝦膏，但蝦一啲都吾濃，番茄味更加冇，個湯得個油字。😐札肉，4件有2件係頭尾。🙄薄到一夾起就爛。肉又肥肉居多，咬落去梅梅地。蝦丸，真係無野好講。又係又梅又淋！🤮檬粉，吾明點解連個粉都可能甘失敗。粉係完全淋到夾都夾吾起，一夾就爛，係要爬住黎食。。。😡😡😡