越北牛肉粉專門店 (已搬遷) 新店位置

我在店內用餐吃肉，蚊子在店內用餐吃我的肉本來是order 豬扒撈檬！看看單據上的項目是豬扒撈檬！可是店員出錯了，來了豬頸肉撈檬豬頸肉不是不好吃，不過頸部通常多激素，對女性的生育能力會造成負面影響！試了新出的檬要檬粉。其實這名字聽落好特別，實情只是蟹肉蟹膏蕃茄湯檬。之前一直都會特登走入深水埗某蟹檬名店食蟹檬，今日元朗發現有得食當然要試試看！但d 蛋炒蟹肉蟹膏碎哂，冇口感，又唔會食到蟹味，比d 味噌湯蓋過哂！食完碗野超口乾，個湯又難飲。唔會有下次！圖同實物差距太多！有違商品說明條例！至於味道好淡，d紅棗片仲係硬硬的，未出到味。

連鎖越式菜，最少有五六間或以上，所以裝潢較為光亮。跟朋友吃午餐時見到便決定嚐一下。越式米紙包蔬菜卷，有泰式酸甜辣醬給沾著吃。米紙很薄，包著的配菜也挺多。朋友單點的，主菜與配菜都挺多，撈檬適合夏天太熱時吃。不會熱上加熱。這是我點的，蕃茄蝦膏蝦丸札肉湯檬檬粉$62，有蕃茄味但不會很重只是讓湯底有點微酸減少了湯的油膩感與微酸會變得開胃。檬粉份量正常不會太少，配菜份量也適中。順化湯檬檬粉$62，有點微辣卻不會太辣，味道適合香港人，有點酸爽的口味又不會太過。以連鎖午餐來說，算是價值合理味道不錯。

去咗元朗雞地搵新嘢食，看了這家越北越式食店既食評都唔錯，亦見坐咗唔少人， 於是就試一試啦! 生牛肉湯檬: 見個碗咁大，睇落分量好少啦，點知食完係好飽既。不過，最緊要係味到，牛肉真係好靚喎，九成熟，當你將佢壓落湯裏面一陣就會啱啱好熟哂，滑滑的牛肉，味道香濃，湯底又有越式風味，無味精越式春捲撈檬: 呢個春捲不得了好似好多層薄嘅脆皮包住咁，但係加埋都唔會覺得好厚，而且好鬆脆，裏面嘅餡料亦豐富，有粉絲、蔬菜同肉，另加了特式香料，好回味!香茅牛肉紙米卷: 去過越南食這類紙米卷，番黎香港可算係冇一間做得好，但這裏都做到七成，紙米薄而有口感，材料豐富，唔錯。Lime 同辣椒係用黎食牛河的，有咗會增添香味同感覺冇咁油。

唔係第一次嚟呢間越南餐廳食嘢，一向都覺得佢呢度D嘢食好有水準，前幾日重臨舊地，又嚟呢度食下午茶，叫左個順化香茅豬扒湯配熱奶茶。熱奶茶先上，望落去茶色偏深，飲落真係茶味比較重，如果可以加返少少奶就會更好味。香茅豬扒湯河就好有水準。豬扒熱辣辣，炸得表面好香脆，咬落外面鬆化入面有味得嚟仲好juicy，豬扒面鋪有好多炸到好香口嘅乾蔥，非常嘢味。個湯頭有味得嚟食完唔會話太口乾，呢個下午菜餐$38, 好味得嚟唔算貴。

朋友叫左豬頸肉湯懞，我叫左生牛肉湯河，一人一杯三色冰，再加一個鳳爪。豬頸肉湯懞，湯頭香料味足，豬頸肉另上，煎得都唔錯。生牛肉湯河，牛肉好正，切得薄，但仍然好有口感唔鬆散，應該係靚牛，湯頭清甜，落左青檸汁後更好飲。如果可以有返啲香茜芽菜會更正宗。三色冰都好好飲，椰汁唔會死甜，有落黃豆。鳳爪有醃紅白蘿蔔拌碟，好食！整體高質，一開始冇諗過有咁既質素所以冇影相，有機會再補返。埋單$130，滿足！下次會再唻試下佢個帽子火鍋。

朋友話好想食越南野，多洋蔥又可以殺下最近好毒既病菌。一坐低啱啱好下午茶時段，叫咗個生牛肉湯河，色香味俱全，湯底係用牛骨煲既，好香又唔會好勁味精，牛肉好快就轉色熟透，整體黎講好好味!

又係屋企附近搵野食既時候啦，今日訓醒都成2點幾，星期六，日唔係太多肆有做下午茶時段，但呢一間就有，咁就入去試下啦。順化香茅豬扒飯$45正正常常啦順化香茅雞翼湯檬$40呢個湯檬出事啦，我唔係BB，佢同我碎上，冇一條係夾到嫁，呢碗食完好似食左陣風咁⋯d雞翼炸到好油，炸到冇乜肉食越式炸蝦餅$28男朋友本身不食魚，所以對魚特別敏感，佢話呢碟炸蝦餅並非全蝦肉，有撈左魚肉做出黎熱好立克，跟餐送另有一杯凍檬蜜，冇影到相總結黎講，今餐下午茶兩人食左$114係食唔飽，如呢個價係附近餐廳可以是午餐價啦，而個湯檬令人反感

兩個人星期日唔知食乜，最後行到黎呢間，入面無乜人，我地都想試下呢間越南菜。我叫了一個雜錦三寶飯，有扎肉，香茅豬扒和雞翼。等左一陣來的是沒扎肉的。同侍應講，佢先叫個廚房切返俾我，另外用個碗仔盛着。所以，成件事就變唔靚嘞。。。豬扒味道都算好食，雞翼好香，扎肉都係一般味道啦，但可能我太肚餓，所以全部食晒！我地仲追加左兩隻餃子，只得每人一隻，真係太少，味道一般啦。

夜晚做完GYM，路過呢間越北牛肉粉，就入去試試，今次我簡左牛肉河粉，講開牛河，其實越南牛河（PHO BO），是越南成為法國殖民地後衍生的產品，它結合了中國河粉、法國牛骨湯與牛肉片，加上越南香料，造就了一位充滿個性又帶地道風味的中法混血兒。講返呢碗越北牛河，湯底味道恰到好處，不太濃亦不太淡，牛肉亦不過不失，對於對越南食物質數唔高的話可以一試。

之前係紅磡食過一次，一直都好想再食個生牛肉河！今次就係元朗食！下午茶時間食都幾抵！生牛肉河個湯好清，唔會好重味精，望落分量唔多，食落都幾飽下，牛肉同埋個粉都好好食！泰式鳳爪呢個一定要食，少少酸好開胃，連我呢d平時唔鐘意食酸野既人都停哈到口係咁食👍🏻西瓜冰本身想試菠蘿冰，但佢賣晒，但西瓜冰都唔錯既，好消暑，不過就普通左d椰汁冰熱愛椰子既我覺得又爽又正！跟餐只係加$6!夏天得別想食東南亞類既野，我會經常黎食🤤🤤

今晚路過唸住試下，當時舖頭冇咩客，得兩三枱，落單時間18:57，我地叫左生牛肉湯粉、香茅豬扒撈檬，牛肉湯粉等一個字到就黎，好……咁我就再等下啦，當聽到隔離枱吹單，話等左4個字，侍應叫經理出黎睇單，駛唔駛呀，自己唔可以睇架咩？！我都火火地，老公食完都未黎，17:18我先問下，一個長直頭髮非本地人就話你都唔係等左好耐啫！嘩！等碗野4個字都叫唔耐，又係叫經理出來，經理話又吹，頂！！漏單咪漏單囉，唔好意思都冇句，唔憂做！唔再等啦，遲我好多D人都食梗，叫取消走人，收錢果D就係經理，一句唔多意思都冇，經理係咁，難怪員工都係咁！！-**我冇食唔知味道如果！

這間越南菜館由開業至現正，已經幫襯了好幾次，亦試過了多款粉麵飯類及菜式，有雞翼、豬扒、生牛肉、扎肉......等等；本以為只是開業時才用心製作，但原來一直保持水準！無論是雞翼或豬扒均醃得很入味，外皮炸至金黃香脆，入口鬆軟，配以越南蔥蒜、青檬、香葉、辣椒粒一齊進食，令它的湯河更見出色！下午茶時段只需$38，便可以食到，而且還有餐飲附送，如果叫豬扒，份量是頗多的，CP值很高！論到環境，空間寬敞，令人絕對坐得舒服！

香港地真係無幾間authentic 嘅越南粉可以食，但今日我終於搵到啦！例牌黎個生牛肉河，呢個係小妹一直以黎嘅堅持-食越南野一定要叫生牛肉河先體會到真正嘅越南味道！真正嘅越南粉就係牛肉上餐個陣要生生地，湯底要夠香草味，加少少檸檬汁同魚露，夾一口麵加一小塊牛肉係spoon到，跟住一啖，食落去.....正呀！呢碗越南河完全做到，簡直好似去左越南咁呀！無得頂！齋越南粉邊夠食嫁，小妹决定黎多個札肉，口感好正，配搭都勁正，食個陣加多幾滴魚露仲正呀！

中午一個人去吃午飯然後上班，1:56在越北門前看大幅餐牌，旁邊一對婆孫也一同看，一名短曲髪戴眼鏡女店員在門前招呼說：「請進來坐。」婆婆問：「有下午茶嗎？」店員回應：「2:05 便有了，先進來坐着等吧。」聽罷於是我也跟着她們進去坐下，蒲坐下她立即過來準備幫我寫單。我跟她說：「我想等下午茶。」然後那女店員說：「你慢慢等吧。」然後她轉過頭向另一位店員說，她說要等下午茶 喎！（個 '喎' 有點令我感覺有點不安，因為她的語調和臉口對另外兩位剛入座的婆孫態度有明顯差異。）2:05 我點了一份 牛肉撈檬粉（下午茶$40）連 熱奶茶 ，對不起大家，我忘了拍照，因為心裡不太愉快變得心神恍惚（我感到有被歧視的感覺，不過大家可以當我敏感的）。返回正題，其實這裏的撈檬我一直都覺得可以，雖不算是高質， 但份量和味道都還可，檬粉裏加的 生菜和酸菜 都不少。牛肉的份量充足，雖然算不上很美味，些微有一點乾和韌，但還可。奶茶口感不及開心小敍滑。他們的 越北生牛湯河（下午茶$38）連熱飲 也是我經常會點的，湯底不錯，河粉滑，牛肉和配料都有點質素的。整體來說，這裡對於我們這些作為打工仔，中等價錢和質量合理，偶爾來惠顧本還

自從雞地某越南餐廳執咗笠, 附近都好似冇乜特式越南嘢食.  經過呢間新嘢好幾次想嚟試試, 是晚嚟到食個火車頭越南河粉 ($13X包兩杯飲品)寫明係二人份量, 果然係超大碗有生牛肉, 牛柏葉, 牛丸, 牛筋等, 河粉的份量應該唔止兩人份, 多到索晒啲湯, 侍應好好, 見冇乜湯仲主動攞多碗湯(仲要係勁熱的)過嚟添牛油雞翼都($4X) OK, 略嫌油份多咗啲, 但好香牛油蒜蓉味, 炸得好香脆, 都合格.除咗普通的越南河, 呢度都有其他越式小食小菜, 不過點咗個火車頭, 再多就食唔晒啦....呢一帶平日夜晚其實比較靜, 一般都唔駛點等位, 係晚飯簡單快靚正之選~