越北牛肉粉專門店

營業中

休息中

行過朗屏，發現有個新的商場，樓下有一系列嘅食肆，裝修新淨，企理乾淨，有點像置身於東南亞的地方。在解除新冠隔離令之後，若想遠離人群用膳，除咗可選室內用餐，這裏也兩張不錯的4人枱在戶外地方🉑️供選擇。生牛肉湯檬粉$58端上有兩大片生牛肉，湯夠熱，把生牛肉浸入湯內不久便熟了。肉質也不錯，又唔靭。－大件蘿白，不苦，檬粉也夠爽，湯底好鮮甜，還有數片香蒜片，提升湯嘅香味。還跟上青檸和辣椒粒，可按個人口味加入。黑糖薑棗茶（加$8 ）有玫瑰，紅棗，杞子，生薑絲和原粒黑糖。隨着黑糖慢慢溶化。入口潤喉，薑味唔會過辣。駕車來的朋友，可以把車泊在路旁，坐在戶外用餐，馬路唔算好多車，喺陽光普照下，在戶外進食，感覺都好瞯悠和舒服。

元朗大坑渠近壽富街新開嘅順福糧倉地下開左一列食店，放假有時間黎呢間有露天雅座嘅越式餐廳試吓😊 ❣️下午茶時段，連室外也滿座，好彩等一陣可以入座，入面設計寬敞，坐得舒適😊 ❣️選擇也非常多，下午茶主食連飲品$48起，仲可追加小食，款式多任君選擇👍😋主食：❣️生牛肉湯檬粉～份量大，湯底鮮味❣️ 西貢咖喱牛腩飯~咖喱汁椰香味濃，送飯一流😊  追加😋❣️峴港炸蝦餅~外脆內軟❣️越式烤豬頸肉~ 燒得香口美味❣️三色鹹檸七～鹹檸、檸檬、青檸加七喜，清爽下火😊❣️椰香凍咖啡
越北牛肉粉專門店地址 : 元朗壽富街60號順福糧倉地下G25號舖Tel : 25110988

呢間嘅食物質素都好高呀！值得好評今日個仔放假啦🧧就帶佢岀去行下花市…遊下車河，今日都好多人食，但等得唔算耐，10分鐘左右就有枱食物咖哩牛腩飯牛腩少腩，但肉好冧，3歲小朋友都好易食到！值得一提嘅係個汁🙂個咖哩汁撈飯超正！唔算好辣，但咖哩味勁濃！個汁夠稠雞扒湯河雞扒皮烤得好脆！呢間嘅牛骨湯底都好濃👍🏻好香，重點係個湯勁熱，河粉勁長！超like香茅豬扒飯呢個豬扒好正香茅味望落以為會好乾，但其實鎖到肉汁，咬落好冧！炸蝦餅好彈牙。好有蝦味！凍檸茶、熱奶茶值得講一講嘅👍🏻熱奶茶我飲到嘅係港式奶茶，茶膽好濃，飲到茶嘅澀，又有奶嘅滑。我冇落糖飲，鍾意飲奶茶嘅會覺得呢杯好好飲椰汁三色冰其他

今日放咗工，搵間坐得舒服啲嘅，就嚟咗新開嘅越北，我哋叫咗兩個清新A+B+C餐❤️越北生牛肉牛腩片湯粉同其他分店一樣咁好食😋😋啲牛肉好香生牛肉浸一浸即刻熟，啱啱熟係最好味🤤B就揀咗個海蜇沙律，好Fresh,有啲生蘿蔔生洋蔥同埋海蜇，加上酸酸甜甜嘅汁，好清新𝐂薄荷青檸梳打，好清新🌱❤️另一個A+B+C就揀咗❤️西貢咖喱牛腩飯咖喱都幾香，咖喱汁送飯好正，啲牛腩都幾多B揀咗❤️越北炸春卷，好好味😋好足料C揀咗❤️鹹桔水，天氣咁凍飲就岩晒😋👍🏽兩個餐都係各$90埋單$180唔洗加一

天氣冷特別想吃熱麵，本來是打算到茶餐廳的，才發現開了新的越南餐廳在附近下午茶時段，連室外也滿座，幸好不是等很久便可以入座選擇也非常多，主食連飲品，還可加小食順化湯檬（辣）牛腩片，扎肉，扎蹄，牛肉丸一次過滿足全部願望，吃不同款式的配料，每款味道也很好，而且微辣非常開胃口呢河內香茅烤雞扒撈檬雞扒非常的大塊，而且肉厚，味道不錯，肉還嫩滑的。撈檬加點魚露十分好吃峴港炸蝦餅大大推介的小食，太味美了，外脆內軟，很香口越式烤豬頸肉上枱時切成片的，肉有口感，烤出來的也香桂圓紅棗茶饀料非常足，一杯裏有滿滿的配料，建議先泡一下才喝，味道足啊下次可以過來吃吃別的主食跟小食，看到別人的都很吸引

元朗好順福商場翻新工程終於完成👏👏重新開幕稱為「順福糧倉」😚新商場開咗多間食店 有馬拉 越南🌴日式燒肉 冰室 ...…等 元朗國揾食又增添咗 la ^^今日同媽子到🌴越北牛肉粉🌴食下午茶😚餐廳裝橫舒適 室內室外設有座位 歡迎帶狗狗前往用餐🐶👆晚市套餐款式兩點鐘下午茶套餐款式豐富$48.00 起 還可加配小食👍雞絲扎肉湯河🍜湯底清爽有肉味👍扎肉好好食 爽口食落有啖啖黑胡椒味😋順化湯金邊粉🍜 湯底香辣有蝦味🦐 非常惹味😍包括有牛腩片 扎肉 扎蹄 牛丸 牛腩片帶筋 軟腍有咬口 牛丸彈牙都好好味🤤峴港炸蝦餅🍤香口彈牙 蝦味ok越式炸豬頸肉🐷這個要推介 外皮脆脆香口 咬落爽滑彈牙 😍桂圓紅棗茶🍵縮小版八寶茶 清甜滋補👍椰汁三色冰🥥這個唔錯 🥥味香濃😚

今日與朋友經過壽富街，見到間有露天雅座嘅越式餐廳，非常別緻！一進門見到牆上有幅越南女孩的畫像！加上特色吊燈！設計融合越南風味！感覺非常舒適！坐下來後，侍應遞上了濕紙巾和口罩袋！其實在疫情環境下，這些窩心舉動確是令餐廳加分的！我們選擇了推介菜！越北生牛肉湯粉，湯底清香順口、牛肉嫩滑！濃濃的牛肉香氣會在口中徘徊！正！街頭香茅豬扒撈檬，豬扒感覺比一般厚切，鬆化易入口！小食有河內炸春卷，味道獨特、香脆可口！峴港炸蝦餅，外脆內軟！越式烤豬頸肉，蜜糖清甜中帶有淡淡黑胡椒香，爽口美味！飲品除了餐廳四寶，還有特色飲品！我選擇了椰汁仙沙冰，味道適中、不會過甜！一枱食物、200多元！大家都食到捧着肚子回家！真的超值！值得推介！

順福糧倉新開咗幾間餐廳😋真係開心🥳🥳呢間越北啲位幾好坐！估唔到下午茶時間都座無虛席👍🏼實在係好生意下午茶都幾抵食😋❤️西貢咖哩牛腩飯$55咖喱好香😋夠香濃又唔會太辣牛腩嘅份量都幾多而且每一件都唔會太大舊有瘦嘅部份亦都有肥嘅部份好香好好食😋不知不覺就清晒❤️生牛肉牛腩片湯 河粉$55生牛肉浸一浸就啱啱好熟 呢個時候就最好食😋跟餐凍越南奶咖啡+$8椰青跟餐+$26馬拉蓋灼通菜$23（下午茶跟餐優惠）有啲鹹香幾好食😋椰汁斑蘭糕$30唔會太甜😋👍🏼

自上星期發現呢個順福糧倉新商場，就成日走黎睇下有咩新店開左。是日黎試下越北，食過佢其他分店都唔錯。下午茶時段黎到，好受歡迎好多食客喎，等左一陣先有枱🙂🥣越北綜合牛肉湯粉自己點左碗綜合，貪佢咩都有啲，有生牛肉、牛腩片、牛肉丸，粉就要左金邊粉，湯底幾鮮味，生牛同腩片都好食，但最正係牛丸，有牛味又爽口，細細粒size啱啱好一口一粒。🥣順化湯檬朋友試左順化，想試下佢個辣湯底喎，入面有牛腩片、扎碲、扎肉、牛肉丸，朋友話四樣都好食，不過佢都讚同牛丸最正～🍤炸蝦餅&豬頸肉再加左兩款小食，因為係跟餐小食，份量真心有點少😅豬頸肉燒得香口幾好食，炸蝦餅不過不失可以一試。🥤椰汁三色冰&椰汁仙沙冰另外仲轉左做特飲，兩杯都係椰汁冰但唔同配料，個椰汁好香甜好好味，啱晒而家十一月都仲三十度嘅天氣，遺憾係細杯左啲唔夠喉🤪小店唔使加一，食咁多野都係一百蚊人頭左右，都幾抵食喎。

買咗一個鮮蝦米紙卷外賣，50蚊，返到屋企打開見到啲卷散哂，兩舊切四舊，全個卷加埋一隻蝦，將蝦一隻切開兩邊，卷兩舊切四，隻蝦薄過張紙，好似食齋菜米紙卷，仲要散哂執起食，無味，唔貴但唔會再食。

又發現有新店開張！見OpenRice未有食評，立即寫番篇，推薦住元朗嘅朋友去食。一直好鐘意食越南生牛肉河粉，去越南旅遊的時候，最鐘意瘋狂加薄荷葉、九層塔、芽菜等配菜，成碗睇嚟配菜比主角多。在香港食就少咗呢種瘋狂，但多點精緻。生牛肉牛腩片河粉呢間越北牛肉粉，湯底清甜，牛肉牛腩片鮮嫩，份量好足，河粉好滑，雖然冇得瘋狂加薄荷葉九層塔，但都提供少量有辣椒粒、青檸檬，將滋味程度頓時提昇不少。蜂蜜玫瑰柚子茶飲品以優惠價錢配的，甜度剛好，蜂蜜、玫瑰、柚子三種味道都好出，互相搶唔到對方味道，好味。店員服務友善，環境乾淨，坐得舒服，令人滿意的一餐。