越北牛肉粉專門店

營業中

休息中

我未試過咁難食嘅越南檬粉真心食左一半都無就放棄呢個係烤雞肉檬粉我原本叫咗佢走蔥油佢唔走都算啦d粉要黐埋一舊舊仲有個雞真係咸到啊媽都唔認得 又乾真心入唔到口我以後都唔會再幫親

越北三寶湯河 $62三寶即係香茅豬扒 雞翼 扎肉 餸份量足🤗 豬扒半肥瘦 瘦位唔算韌 食落有香茅味🤤 雞翼外脆內嫩😍 不過隻碟食完成氹油💩 牛骨湯底味道都合格 冇咩特別 因為本身對佢冇咩期望🤣順化香茅牛肉飯 $58牛肉冇咩牛味 不過夠厚身大片唔韌🤔

不嬲鍾意食越南菜既我今次就經過越北 所以就試一試佢入到去環境都唔錯幾大 坐得算舒服😌我同朋友叫左兩個餐 一個小食蕃茄扎肉湯檬 配菊花 羅漢果茶首先講講個 主食-檬粉份量夠 特別喜歡佢個湯底 唔單只有蕃味重有其他香濃香草味湯味美味濃郁札肉月就不過不失啦 但佢個肉丸就幾好味 似手打 唔同出面食個種既而 而杯熱飲就扣曬分啦 無咩味 又好大陣草味 我真係唔太識欣賞啦😂。 然後 香茅雞翼配椰汁紅豆冰先講講個雞翼 做得好香好脆 值得一試 特別喜歡佢既炸蒜片 好香 而飯而份量唔算多 ，大食既男士我覺得未必飽椰汁紅茶冰 我幾鍾意 但有點太甜最後 無骨鳳爪 我就好喜歡 因為夠酸夠辣 但朋友就食唔到啦不過都就份量唔算多 得幾隻。

🐮越南生牛肉河粉🐮下午茶份量都好大碗好抵食再加杯飲品只需$❸❽把紅色的生牛肉片輕輕在熱湯內反一反就會燙熟小小變暗紅色☺️牛肉份量都算幾多而且牛肉切得好薄非常嫩滑湯底味道夠濃郁，👧🏻最喜歡加青檸和辣椒🌶幾乎每次食生牛肉河都必加的另外叫左個越北三寶撈檬$❺❷

5月1日同家人光顧越北紅磡分店，除左生牛肉湯粉又叫左蝦頭膏酸辣海鮮湯檬粉，想試下唔同嘢。但係海鮮湯檬入面的海鮮類，如：蜆、八抓魚仔都明顯唔新鮮，咬落已有少少異味。其它食物也水準一般，希望改善。

Lunch行遠啲過左去紅磡食越北越南菜,呢度有lunch set我叫咗香茅雞翼湯檬,加多個馬拉戔炒通菜，飲品方面叫咗個椰汁紅豆冰食物質素一般般香茅雞翼湯檬，個湯底不夠濃，雞翼不錯，皮還很脆，而馬拉盞通菜味道也很好，椰汁紅豆冰略嫌紅豆太硬椰汁味也不濃！

This was always one of the place when we wanted a bowl of pho. But today, when we walked in, there was this strange smell, but then we didn’t care about it and still sat down. We ordered two pho and a fried spring roll. Pho : the taste of the soup had changed, wasn’t the previous soup flavour. No beef taste, just not a pho soup taste.Spring roll : Actually, this was always my favourite, but this time, it was hard and the filling inside was tasteless.Anyway, no next time.

朋友推介這間，好味過蔡生開的，我要試我叫了綜合牛肉粉，份量大，牛的質素不錯，湯底特別，加了胡椒粉。我無去過越北，只去過越南牛丸，胡志明市的錦麗，香港有分店，好味我食過蔡生開的，真不掂

新一年好多餐廳都加咗價當然越北都唔例外 但係問題係佢河粉嘅份量真係少事先聲明我係一個女仔 平時食量唔叫大 叫做適中不嬲都可以自己食晒一碗麵 但係今次食完係直情覺得只係飽咗一半我不嬲鍾意食越北嘅原因係因為佢配菜幾多但係無奈個份量真係越來越少最唔能夠接受嘅就係佢嘅牛肉得我影嘅咁多跟住真係有啲唔滿意 但可能因為我係午餐時候食 人太多所以質素都有參差要比$50去食呢碗食唔飽人嘅份量我真係唔係太滿意或者下次下午茶先去食會比較好

晏晝食得好飽, 夜晚就想食碗湯粉, 搜尋下 附近有咩食, 見到呢間越北都好似唔錯就試呢間啦～其實每次食越南野都會第一時間睇下餐牌有無蟹檬, 好食既蟹檬係令人掛住佢架。🔸番茄蟹膏蝦丸扎肉湯檬粉 ($62)🔸其實同我平時食開預想既樣子有點出入, 首先湯底係好多湯但唔屬於濃郁, 蟹膏味唔太出, 番茄有一舊但唔係煮到好淋好入味嗰隻, 兩粒蝦丸加三塊扎肉。 味道一般。🔸咖哩牛腩飯 ($56)🔸一大碗咖哩牛腩配一碗仔白飯, 咖喱味唔算好辣, 唔食辣既絕對無問題, 牛腩炆到勁淋👍🔸牛湯浸蘿蔔($18)🔸清甜無渣🔸香茅牛肉撈檬 ($58)🔸有紅白蘿蔔絲, 面有炸蒜難生碎, 菜絲, 香茅牛肉好淋同入味, 加埋魚露同青檸汁好清爽醒神。🔸越北三寶湯河粉 ($62)🔸香茅豬扒, 香茅雞翼, 扎肉, 好豐富~ 湯底好清甜, 香茅豬扒同雞翼夠香口入味。

今日行完街經過這一間越南餐廳，見幾多人食去試下。等左大約四分鐘左左有位安排入坐。坐底左每人各自叫了一碗越南河粉。我們點了綜合牛肉湯河粉同埋生牛肉牛丸湯河粉。牛肉分量來講足料十分抵食.... 配料辣椒青檸檬同湯好夾，牛丸唔算大粒不過味道都OK，牛腩都好諗唔會好油膩😋😋😋👍🏻。兩個人有凍飲都是一百元左右，價格十分親民坐得舒服。整體來講環境、味道價格都算很不錯。下次黎可以再食過！！👍🏻👍🏻

因為住喺附近，而呢間餐廳嘅下午茶又大份又平又有嘢飲，所以好多時候都會選擇你呢間餐廳食。大部份朋友包括我自己都鍾意嗌呢個豬扒撈檬，豬扒煎炸得啱啱好，外脆內軟，很好味！

生牛肉牛腩湯河$56同生牛肉河$50比 果6蚊都還可以既其實牛腩就得兩塊生牛肉係有三塊湯底不嬲係我中意越北既原因好過食傳統牛腩河咁解姐👍🏻👍🏻👍🏻👍🏻👍🏻👍🏻👍🏻

又黎到紅磡搵朋友搵嘢食，其實紅磡唔係比較遠同埋無乜嘢行，係一個搵嘢食幾好嘅地方。環境都唔錯，不過我地就坐正係一條大柱旁嘅卡位，其他人行過都會易撞到。嘢食同飲品都算多選擇，我地4個人都叫得幾多下。生牛肉湯河粉，正常，牛肉小肥，怕太生浸耐小小個湯就ok，湯頭尚可接受，我自己係幾鍾意。蕃茄蟹膏蝦丸札肉湯檬，蕃薯味唔算出，配料味道正常，檬唔會太林，可以接受。蝦丸撈檬，蝦丸好大粒，有咬感。最重點係魚露，不過呢間魚露好似淡味啲，撈落似普通湯，呢個令我有啲失望（可能有期望）。南瓜椰香豬肋骨飯，汁係夠甜嘅，不過個人覺得同豬肋骨唔係好夾。。。牛油雞翼，皮過厚，亦太油，食落口係油溢味重。加12元有杯滴漏咖啡，味道還可以。

中秋夜，一家人到越北食越南菜。👉🏼無骨海南雞飯海南雞味道口感都一般，油飯都有油飯香，整體味道一般。👉🏼生牛肉湯河粉牛肉湯味道濃郁，牛肉唔夠淋，河粉還可。👉🏼綜合牛肉湯河有牛肉、牛丸、牛腩，牛丸細粒但幾彈牙，牛腩唔夠淋，比較難咬，但湯粉入味。👉🏼蕃茄蟹膏蝦丸扎肉湯檬蕃茄湯味濃，真係食到蟹膏，蝦丸彈牙，扎肉一般，湯檬好入味，呢個湯檬唔錯。👉🏼金邊扎肉米紙卷賣相唔錯，材料有扎肉、青瓜絲、蘿蔔絲、檬粉、生菜，本身冇乜味，點吓魚露就好味啲，係比青淡嘅小菜。👉🏼魚露生菜好咸，可能係魚露煮嘅關係，浸吓湯粉啲湯食會好啲，菜本身都爽甜，唔會太淋。總結，呢餐不過不失，可以一試。