越北牛肉粉專門店

營業中

休息中

已經食過好多次，今次終於的起心肝打食評😆佢而家下午茶餐，都幾優惠。我例牌都係叫香茅雞翼飯，鹹檸水。佢而家有折，外賣自取都係$45元。佢個餐牌好奇怪，如果叫香茅雞翼飯，就會有四隻雞翼。如果叫香茅雞翼撈檬粉，雞翼就會少一隻，得返三隻🥲佢嘅香茅雞翼真係好出色，好入味👍🏼值得推介。

偶然行過見到越南野就試食下～炸蝦餅鯪魚餅墨魚餅湯河🍜有三塊餅，一分為二變六舊，正常炸物，都幾好食。河粉湯底夠味，麵質夠淋，唔錯。嗌咗個蝦多士🍤有啲失望，炸得雖然夠脆，但更似食緊麵包。晚餐嚟講，價錢相宜抵食，惟唔太推薦蝦多士。

越北牛肉粉好多地方都有分店，今次去試左佢地既午市套餐，選擇都有超過十款，好多😯諗揀邊款好都諗住好耐。覺得呢間性價比算幾高，味道都唔錯。1⃣️順化湯檬（$68） 次次食親越南野都會嗌生牛肉湯河，今次諗住嗌個唔同啲既，就揀左呢款順化湯檬，湯底飲落微辣，比起牛肉湯河既清甜，呢個湯底好唔同，佢濃郁惹味好多😍配料有牛腩、牛肉丸、扎肉、扎蹄。  2⃣️峴港蝦餅春捲湯粉（$66）湯粉係平時食開既牛骨湯底，清清甜甜🤤蝦餅同春捲都幾好食，不過春捲有啲偏油。  3⃣️河內香茅燒春雞配咖喱汁及白飯（$58）隻燒春雞比我想像中大隻😳食落香茅味好重好香😚燒春雞既皮幾脆。咖喱汁食落比較似港式咖喱既味，撈飯食正👍  4⃣️滴漏咖啡（午餐+$12）咖啡味道帶焦香，偏酸啲，咖啡味道好濃😌  5⃣️越式烤豬頸肉（$28）午餐可以用優惠價點小食，豬頸肉烤得幾香，不過薄切左啲。  6⃣️會安蓮藕蝦餅（$22）越南蝦餅我食得多，但係呢款蓮藕蝦餅真係第一次見，好特別😳佢係兩片薄薄既蓮藕夾住蝦餅係中間，蓮藕好爽口，加埋中間彈牙既蝦餅，唔錯😋 

午餐時間紅磡好多餐廳都要排長龍，行過見到易間唔洗排隊等位就入左去食，本身冇抱太高期望，但反而卑到小小驚喜我。宜間餐廳主打越南牛肉河，但因為唔係好想食生嘢就冇叫到最出名嘅生牛肉河粉食，反而叫左香茅豬扒。豬扒嘅口感香脆可口帶有肉汁，香茅味唔會過於濃郁，總體味道略為偏鹹，比較適合重口味人士.

在附近下了巴士，看到越南餐厅，就过去看看。店外有餐牌, 一般越南餐厅的食品，看过价钱都不贵，然后进店吃饭。今天有点清静，没有多少客人。但整体环境是干净整洁的，而且店员也很有礼貌。再详细看了一下餐单，食品和饮品的种类丰富。先点了一份推介的生牛肉河粉，原来可以做套餐，加24元可多一份小吃和一杯特饮。先来的生牛肉河粉不算大碗，里面有几片半生熟牛肉，汤泡熟后都算嫩滑，而且汤也可以，只是河粉比较厚身。加了钱要了炸春卷和黑糖薑枣茶，春卷是即炸的，用生菜包着吃，不太腻，还有点风味。黑糖薑枣茶有点淡，但口感算可以的。虽然食物不算突出，但价格是优势。

越北牛肉粉專門店晚市多人食叫了二人餐，唔使諗咁多發現＄160兩碗粉加小食拼盤，抵食我食唔晒碗粉我叫了香茅豬扒撈蒙，唔錯小食拼盤的墨魚餅不錯，有腐皮包住，脆口好味

早幾晚去了紅磡，諗唔到食咩好，行過門口見到佢啲餐牌都ok，於是就入去試吓。餐廳裝修同一般普通餐廳一樣，無咩特別。點了一個生牛肉湯河配炸春卷、香茅雞扒湯河配海哲沙律、兩杯三色咸檸七。先講個生牛肉湯河，啲牛肉普通，無咩特別，不過牛肉較為少咗啲，多返少少會滿足啲。河粉食落去同一般無咩分別，個湯就咸咗少少(不過唔知越南菜係唔係咁)。另外個香茅雞扒湯河，啲雞扒都熱辣辣同塊皮都幾脆口，應該係即煎(唔似預早煎好翻熱)，不過唔係好食到香茅味。到兩款小食，先係炸春卷，食落都係熱同脆口，都唔係預早炸定，同埋入面啲料都幾足。至於個海哲沙律，第一次咁樣食海哲，同平時一般食開嘅有啲唔同，硬身啲，咬落口有啲似牛筋，同埋酸酸哋，都幾開胃。至於兩杯三色咸檸七，略微唔夠酸同咸(已經有督到檸檬同埋咸檸)，飲落去好似同七喜分別唔太大。整體嚟講唔算太突出，不過講句公道話，佢又唔係貴，以呢個價錢嚟講係可以接受。

下午途經寶其利街，在此餐廳門外徘徊看餐牌，下午茶時段每客都四拾餘元，不便宜但姑且試下啦。入內生意還可以，有客人約十個，伙記招呼還可以。到越南餐廳一定要食牛肉河粉，因牛肉質素是最重要，而且是決定我下次會不會幫襯的重要因素。所以叫了生牛肉湯河，牛肉牛腩湯河各一碗。食物賣相還可以，但食後非常失望，一面吃一面想找餐廳老闆出來試下，因牛肉肉質非常堅硬，硬到不能吞下，湯底太咸多味精，河粉未煮熟。食物質素令人非常失望，以後也不會再幫襯。

✨✨越南系列✨✨ 自從疫情爆發以來甚少外出用餐，現在各行業真的是甚艱難！友人當日想吃pho便來了這家餐廳，由於午餐時段加上1.5米的限制，我們還是要排隊等候！十分鐘後便到我們，侍應先為我們探熱才帶進餐廳內，其後給了我們透明膠袋(用來放置口罩)和濕紙巾🥰，再有另一位侍應送上一杯熱水用來清洗餐具❤️峴港炸蝦餅HK$28-當以為吃完炸蝦餅一定會很上火要吃涼茶的時候，這蝦餅竟然是煎！那多吃點也不怕啦😆蝦肉彈牙爽口，配上酸辣醬更是一流❤️馬拉盞灼通菜 HK$22-通菜新鮮分量十足，足夠兩人享用！醬料下得有點重，所以味道偏鹹❤️越北生牛肉湯粉 HK$52-薄片的牛肉只要在熟湯裏反一反便變成暗紅，吃起來非常嫩滑而且分量足夠！湯底亦非常濃郁，加上青檸和辣椒粒令胃口大增整體而言，食物質素不過不失，令人欣賞的地方是食物上得快，下單五分鐘左右食物便上齊！在這疫情中，真的要很感激侍應額外的細心服務才令客人吃得舒適！

今日小公主學完畫畫，又未夠鐘去醫院覆診，又咁啱到下午茶時間，係紅磡想食得冇咁heavy,就去咗越北食個「平價越南生牛肉河」點解⁉️因為呢個價公家陣都好難食到「唔伏」嘅生牛肉河，貴過呢個價錢更伏都試過😭😭🍜越北生牛肉河 $45🍜牛肉唔剛好，但比較薄，呢個價錢收價，牛味比較淡，勝在嫩口，蘿蔔都不過不失，湯頭較淡，但下午茶呢個份量，收貨！熱飲☕️咖啡，另加$12（只有越南🇻🇳咖啡）指定熱飲不用加錢..在肺炎疫情期間，店員每張枱抹後都用酒精再抹，而且落單後，店員遞上透明袋放口罩，仲有酒精消毒紙巾，非常貼心👍🏽👍🏽👍🏽👍🏽

沒想到$55能看一場電影離開場還有一小時過對面街看看有什麼好選擇下午茶時段應該不會很飽最適合消磨著時間來一碗辣的順化湯檬檬粉($50)裡面有牛腩片 扎碲 扎肉 牛丸別人說越南粉最精髓在於湯底那今天就要好好體會一下話說當年去過越南都沒在當地吃湯粉加一份小食 扎肉蒸粉包($22)一客兩粒皮厚度非常適中 涵料香濃飽滿在下多手加點醬料後反而失了風味再懶健康點了碟魚露灼萩葵($28)這種東西還是外面吃比自己煮好哈哈那些粘粘的絲。。好吸引 魚露味道不重 令秋葵自身鮮甜能夠完全發揮吃得飽飽最後加點一粒椰青($22)結尾豐富的一餐也是時間回去看電影了 ❤

紅磡區整天都瀰漫著催淚彈的味道，奈何做殯儀工作的我，即使附近有炸彈，只要炸唔到工作地方的情況下，仍需堅持讓主家能陪伴先人做最後一點事，不能令主家帶有遺憾。也因這區今日很多路封鎖了，交通幾乎癱瘓，為了自身安全，只能在這區租酒店逗留一晚，在SAV辦妥入住後，去了後面寶其利街的北越牛肉粉，隨便點了生牛河(湯頭香濃不油膩，牛肉有少許嚡)及凍滴漏咖啡(不香但濃)外賣番酒店食，外賣時，店員有細心分湯盛載，所以，外賣一樣好食。

大約一兩年前，很喜歡跟同事中午放飯時在這裡食撈檬。當時的撈檬份量超大的，價錢又抵，印象中好像只是40多元，已包一杯熱飲。後來，撈檬的份糧減少了，飲品方面又不太行，跟同事都沒再在這裡用餐了。今天一個人的午餐，就再來試一下吧﹗打開餐牌，跟當年的不一樣了，是我記錯嗎？款式好像少了很多，尤其是撈檬類，而且價錢亦漲了不少。不過算了吧﹗在咩都加...人工唔加的環境下，也可以理解的。何況這裡的越南粉算是不錯的，就來個生牛肉牛腩湯河吧﹗以前食湯粉會把所有附送的辣椒放進湯裡...生怕蝕底，結果辣的不行，今次我醒目了，紅綠椒每樣只放3,4片，應該可以了吧﹗一食落口，那種屬於越南粉的香味撲鼻而來，牛肉片牛腩都是薄片，肉片的糧亦不少.....不過牛肉略嫌太大塊....一塊放進口有點難吞。由於是湯河，河粉一般都會比炒河的幼身...但又不會太淋，總之一個字...好味﹗最後，是飲湯的時候，以往跟同事食飯，總會被下令不可飲麵食類的湯。自己一個人吃....就沒有人管我啦﹗呀....喝到湯裡有辣椒了，辣得眼水鼻水也流了﹗幸好放餐具的櫃桶也貼心的有紙巾提供，不然來不及打開包包再慢慢找紙巾啦...飲品方面...由於普通熱飲不

今日兩口子晚餐，選了這家越式牛肉粉， 因天氣太熱， 實在不想吃熱辣辣的東西， 所以我們都叫了撈檬同米紙卷， 撈檬叫了燒雞串檬粉和豬頸肉檬粉， 檬粉内配料也很多內裏有花生青瓜芽菜等等， 配上酸酸甜甜的魚露汁十分開胃， 分量也十分多，米紙卷選了扎肉， 配上兩杯凍飲， 圓滿地結束了今餐

我未試過咁難食嘅越南檬粉真心食左一半都無就放棄呢個係烤雞肉檬粉我原本叫咗佢走蔥油佢唔走都算啦d粉要黐埋一舊舊仲有個雞真係咸到啊媽都唔認得 又乾真心入唔到口我以後都唔會再幫親