越南人 (已結業)

8月31日出去旺角幫囡囡買埋未齊書本, 剛行過見好似新開咪入去試下囉, 點知一試後就吾會再幫襯. 基本上套餐都吾差, 湯河/飯OR檬粉連飲品都系$35蚊, 價錢以旺角都講都差吾多, 個餐牌除左有套餐外重有幾款小食, (雞翼, 豬頸肉,蝦餅等), 價錢系$18, 單睇都可以接受, 我地叫左個蝦餅食, 點知個餅只是平時街買圓圓一塊切開6少片, 就是這樣之蝦餅,真系離晒譜, 平均1少塊系3蚊. 我都未食過這麼貴之蝦餅. 這樣冇下次啦

唔知點解，我特別鐘意食東南亞菜式.....有時有得揀，我都會盡量揀泰國/越南野食...食碗粉都咁開心..下午茶時間，路過泰國人海南雞隔雜既越南人，見有tea set，一於入去試試30蚊tea set 連一杯冰見有香茅豬扒, 燒牛肉，雞扒等等既撈檬湯河就有生牛肉/熟牛肉/扎肉等等...由於想食d濕既野....揀左熟牛肉湯河，另外加個珍多冰。係咪我唔識野呢....珍多冰入面唔係綠色一條條嗎? 點會係一舊舊既jelly?仲要係一大舊痴埋一齊...成餅野咁..好啦，到個期待既湯河出場，個湯，好重味!!似乎係勁多味精...舊熟牛肉，oh no...好鞋....或者我應該食生牛肉既....不過我怕血淋淋見坐對面既食客，問個waiter, "可唔可香茅豬扒撈檬轉湯檬呀?"我先如夢初醒....係wor...點解點解...我而家先醒起......頭先唔問o下..早知叫豬扒湯檬啦我太傻太天真，信晒個menu....think out of the box!總可以有好多可能性!!唔好食...$30我覺得貴囉，可能佢其他野係好食既....不過旺角咁多野食，我唔會比下次機會佢囉...下次都係去番金寶，雖然人地個

豬頸肉飯：豬頸肉不肥，味重，偏咸！整體味道似海南雞的蒜蓉味，好多蔥粒，扎肉雞絲湯河$33：三塊半圓的扎肉，五六條雞肉，並非雞絲咁簡單，明顯是一舊舊啖啖既雞肉，一d都唔肥，仲好入味，正！青檸梳打：d人傻架囉，唔知頭唔知路，唔飲得酸野學人叫，亂黎，人乎其名！梳打擺明係汽水類啦，青檸咪檸檬，酸囉，都有名你睇喇，無奈~唉

生牛肉河：河粉份量充足，但係有d仲係一餅餅未散開晒，河粉不夠滑，牛肉也是一般。個人認為''西貢越南河''的較好椰汁冰：麻麻地，淡！以上是下午茶：共$30，底食！南乳雞翼：人地鐘情雞翼，呢度得呢款，所以又叫左，之前我都食過，南乳味道重…但今次炸得好似有d燶..落左紅豆冰好耐，差唔多食完時都仲未黎，催下佢，點知係未落單，再等陣之後仲無料到，最後只好轉可樂！

夠竟呢間越南人既老闆自己有冇試過菜先開業格? 有冇諗過要檢討呢?真係好有需要改善下!!最普通既烤豬肉湯粉...湯底淡而冇味! 南乳雞翼湯河~ 超難食呀!! 湯底=清水, 雞翼冇味! 又等左差唔多20幾分鐘先有得食...唯一一樣可以叫ok 既就係...椰汁綠豆冰唉...非常唔掂既餐廳....

我的評語---->普通點了扎肉雞絲湯檬 / 牛油雞翼 / 紅豆冰,叫得做越南人,有乜可能連丁點的越南風味也沒有???先講扎肉雞絲湯檬,除了雞肉像煎過比較香口外,但要注意,是雞肉,並非雞絲;扎肉的味道就很怪,不似一般吃開的扎肉味道,成碗檬粉都不好味.牛油雞翼,沒有牛油味,又煎到"過晒龍"令雞肉很"鞋",仲"油林林:,食完像搽了一層潤唇膏一樣,完全唔掂!!!椰汁紅豆冰,真係名副其實,全杯都只得椰汁味,d紅豆很硬,更遑論會有紅豆味了.總之,幫襯過這一次,應不會再幫襯下一次了...

工作忙完啦，終於有時間俾番呢間舖的Comment。一星期前，我同女友出左去旺角行街街，當然同以往一樣四處搵食啦。因為本人都幾鍾意食越南食物，所以行過見到有越南野食，一野就拉埋女友跳入去，結果……唉。間舖燈光足夠，地方算整潔。一入去安排去四人位。可惜，間舖好細，真的好細，四人位等同二人位，無奈地坐得好迫。算……肚仔急call，叫野食先。好，望下個Menu先，滴汗，乜咁少選擇架，仲有價錢唔算平。最後，在無奈的情緒下，我叫左一個「雞排撈矇」，而女友叫一個「扎肉湯河」，連飲品（青檸soda同埋個椰汁紅豆冰）。不過，服務生態度都唔錯。飯來到啦，咦？乜份量咁少架？ 我碗雞排撈矇味道一般，而女友碗扎肉湯河的湯無咩味，唉……另外兩杯飲品都過得去，不過要加$8蚊就唔多值。總銛來講，呢間舖唔多掂，味道唔好又坐到迫。下次我真係唔可以亂咁跳先得。

喺好多地方都見到泰國人海南雞同越南人孖住舖上,好奇心之下試左越南人既生牛肉河,之但係唔試由自可,一試完來味道真的不太好,湯底唔覺有牛肉味,問題係湯不夠熱,同侍應講但係佢地好似有點不知所措..六點半店內得我一個客,都唔係無原因!都不再叫其他野食了!

香茅豬扒勞檬：幾好，又夠食，哈南乳雞翼：都幾肥大下，但未夠熟囉，骨有點紅紅地。

尋日同男友出旺角, 唔知食乜好, 見間舖幾光猛咪入去囉,一坐底望下個menu...冇野呀?點解得咁少野食可以揀?仲要唔係話平喎,都唔知食乜好!!點解冇香芧雞翼的????最後我叫左個扎肉河,男友叫左個雞排撈矇......唻到, 真係無言, 點解咁少的? 我係女仔其實都未必會夠飽...湯底係冇味架, 我忍唔住要自己再加魚露落去先得....未試食越南野食到要自己加魚露, 佢都算失敗!!!加$8 叫左杯青檸soda同埋個椰汁紅豆冰就okay 啦,不過不失咁,但 加$8 實在唔抵!!呢間野真係只此一次,下不為例!!!!!!!!!

新開張時試過…地方逼狹都唔打緊D野食真係麻麻地…份量同隔離姐妹舖泰國人一樣：「少得可憐」點了香茅豬扒得一塊多一點.....但見待應俾另一台那碟又多一點，不知準則係點女仔的話就夠，但男仔我就唔知夠唔夠了另點了拼盤，那頭色素雞腳真係難吃得沒話說 XC==好聽D叫有O趙口，難聽D就硬過石頭

我今日去左旺角個間越南人食野，我其實之前經過好多次，都係因為有好多人，所以我冇入去！難得今日我又好想食撈檬，就入去試吓啦！我叫左個豬頸肉撈檬，同埋椰汁紅豆冰：首先，先講價錢，兩樣野一共係＄４６，我覺得有點貴！第二，個撈檬黎到，個ｄ豬頸肉係唔熱既，仲要得４片，同埋ｄ檬粉得一個碗仔既份量（因為我要求攞一隻碗）第三，個撈檬既魚露壺，滿到...倒唔出低下既紅椒同蒜頭，攪到我成個大碗都係魚露，所以我要由大碗轉細碗！第四，我見到個Menu既小食全部都係３０蚊起．．冇一個人既份量，所以我地呢ｄ成日一個人去食飯既人好唔公平．我提意增加一人份量既小食，咁樣可以彈性一點！最慘既係內面既位置好迫，如果我再肥小小呀，我都坐唔到入去！我Suggest 唔好坐門口個張ｔａｂｌｅ，因為佢地門大道門，好鬼熱．如果食到滿頭大汗，不如唔好食啦！

昨晚 24/06/08 來到旺角的越南人的吃晚飯, 其實之前經過見店子雖然地方細細, 燈光火猛, 裝修都不錯, 應該可以一試, 所以第一次在越南人吃東西. 不過一進越南人就先帶來第一個失望, 就是座位狹窄, 如果你的袋子較大, 或者身型粗壯, 一定會坐得不舒服. 另外, 越南人的店門是長開的, 不時從街外吹入暖風, 就算客人不覺得熱, 也不環保吧! 算了, 說回食物吧! 我們 2 人只點了 3 樣食物, 分別是:1. 豬頸肉湯河 (個湯很淡很淡, 沒啥鮮味, 只比滾水好 , 好彩豬頸肉都 ok, 肉味可以否則叫人怎吃?) 2.燒牛肉湯檬 (幸好這湯比較正常了, 味道 ok, 牛肉也可以, 不鞋!) 3.越式小拼盤 ( 有 4 種食物: 鳳爪, 札肉, 春卷, 豬頸肉, 當中以鳳爪最好吃, 辣味香濃, 其他 3 種食物就一般水準了! ) 講完食物, 講講服務, 都係一般般, 服務員雖然沒有面黑, 但真的要叫一下, 他們先會郁一郁, 就連水都沒有斟俾我地. 這餐埋單要 $101, 雖然唔算貴, 但以這樣的食物及服務水準, 都是不會再光顧了! 仲有, 我地兩人食完這餐都仲未夠飽, 去了街角

前幾日夜晚試o左個扎肉河粉...問佢有冇得轉金邊粉, 竟然無! (有冇搞錯呀,專做越南菜竟然無得轉 )咁都算啦, 點知個河粉上到黎, 賣相唔掂之餘, 嘩, d 扎肉少得可憐, 成碗得幾條幼到無得再幼o既扎肉絲仔....食落口, 嘩, 食得出個湯底係超勁味精, 應該話完全係味精湯, 一般越南河粉應有o既河底都做唔到, 重叫間餐廳做"越南人"....加$8 叫o個椰味紅豆冰就okay 啦, 不過太多冰, 加$8 實在唔抵咁o既食物質素, 一定唔會幫趁第二次!

前幾日去, 得一兩枱。處食物：雞絲檬 - D甜酸「魚露」好甜好甜, 陣味好化學, 第一次食D咁O既調味汁！雞翼飯 - 雞翼較乾, 普普通通沙嗲雞串 - 好難食, 第一次食咁差的沙嗲汁。個汁好鹹, 而D雞就好油, 連埋D雞皮, 食到成口油！服務：有一女二男侍應, 個女的OK, 戴眼鏡男果個就激到你一肚氣。戴眼鏡的男WAITER永遠都望住個電視, 上菜有兩邊, 佢睇都唔睇就揀近自己果邊, 但其實果邊已經放滿野。要提佢「另一邊」佢先醒水，態度唔係差, 係完全冇態度可言，就好像佢根本唔係間店的WAITER, 佢係度義務幫緊你上菜咁。話佢近年難得, 係近年好難見D態度咁 'CASUAL' O既待應啦， 我真好彩！