越南好味館 (已結業)

本身收工係為咗食芋圓，同事帶路向太子出發，大家好晏食咗下午茶，仲係飽飽哋，唸住搵碗粉食算，留肚食芋圓🍡🍡🍡同事話記得隔離有間越南嘢，咁大家都懶得唸👣👣👣入到去綠色牆好吸睛🤩有小方枱、圓枱，我哋見唔太多人所以坐咗圓枱寬落啲，我哋好鍾意張合照，三口同聲都話好回憶一齊去旅行✈️一打開 menu，飽滯感突然冇咗😝乜都想叫🤪唸緊食法包定湯粉，發現有紅薯粉😍咁就唔使煩🍜椰青小食：香茅雞串牛油雞翼粉皮蟹肉香葉燒肉鮮茄越南湯紅薯粉越式炒雜菜本人冇留意每款食物價錢，但埋單好化算，$508/4，每人$130都唔使已經飽到食唔落（備註：本身同行友人食量尚算驚人，三女一仔），必定返轉頭👣

今日無意中走入店內，鋪頭門面唔係太起眼，睇完餐牌點左個午市套餐，火車頭湯河粉，侍應送餐過來，已經覺得配料好足，首先食河粉，唔係平時食果d一夾就斷，牛丸好爽，諗住睇下會唔會有多粒，原來得一粒，心想早知叫牛丸湯河，湯底好清，無咩油份，我食左大概三分一碗河粉都無咩飲過湯，心想唔會係味精湯呀？怕飲完好口渴，於是淺嘗了一啖，不得了，好清甜，好好飲，於是再連續飲左幾啖都覺得飲完好舒服，係回甘的感覺，其實呢間湯底真心好飲，食到一大半先見到睇到貼在牆上的湯底資料，原來係用牛骨煲24小時，難怪咁清甜好味，最後我都飲曬咁濟。臨走同老闆寒暄左兩句，讚賞他用心煮的湯底，睇到佢面上都流露出滿足感!

今日下午大約1:15去食Lunch, 依間店平時毫不起眼，望入去店內，店內竟然坐無虛席，輪候大約5分鐘左右終於有位點了香茅豬扒湯檬，等候時間都好快大約5分鐘可以開餐配料分別有3種不同的蔥，非常多，多到成碗碗面都係蔥。湯底用牛骨餚製而成，本身睇落以為會好清淡，但飲左一啖，真係唔可以睇表面，湯底味道夠濃。香茅豬扒真係要讚！好有誠意！香茅味夠香，豬扒夠軟腍唔會un！值得一試再試！店內環境乾淨，仲有紙巾提供真係好抵讚！

午餐時段,  隨意走進此店, 見店內食物相片也很吸引。 遂選了其中介紹的牛骨湯底的越南檬。  可惜, 不明白以越南食品, 竟連越南檬粉也剛售罄 (但當時只是1:45).  侍應表示可否轉為香港的檬粉, 也沒選擇吧!  好彩, 食物上枱並無令人失望。 很大的一碗檬粉, 色, 香味俱全.  很不錯。相信如果能有原本的越南檬粉, 應該會更好味道!同行者就要了一碗火車頭, 份量也不少, 是非常足料。此小店值得支持, 會再光顧!

間鋪頭的確係有啲隔攝 但係名副其實係隱世小店本身想叫生牛肉河 但係冇晒 所以轉左米粉冇咁好食 希望下次可以試到河粉個蝦餅真係三個字 不.得.了.唔油 好味又夠熱 另一個驚喜係芥蘭 好甜 唔知道用咗乜嘢醬油 好得因為太口渴 所以叫咗兩個椰青 $33價錢都合理嘅餐廳來講唯一有少少失望嘅就係米紙卷 出面嗰啲好食好多呢一個就包得有啲鬆散 不過我係米紙卷嘅fans 所以一點魚露 我都覺得OK呢間絕對有下一次大家經過太子想食越南菜嘅時候我都推薦大家嚟呢間平靚正

本來想係太子食餃子 去到見到排哂隊就走人 行行下路經一間越南餐館就試下 點左個生牛河同我至愛既牛油果奶食完個河粉諗住慢慢歎個牛油果奶既時候 有個食客去完洗手間出黎係度fing手 佢手上面既水就係咁滴到我隻手啦 由於我都唔知道有無水滴到我杯牛油果奶 飲野既意慾都無哂 唯有埋單走人食評：生牛河個湯底係屬於比較清既一派 唔太鐘意濃湯既朋友應該會喜歡 其實我都係想睇到呢篇文既人做個有公德心既食客 因為有時無心既動作往往會影響到其他人

聖誕節緊係陪我個大大老闆—仔仔豬，和大老闆—太后老婆大人。仔仔豬開心，老婆開心，老婆開心，我有好日子過😆。要仔仔豬開心，就係比個空鄺嘅地方佢放電，我好像出去放豬咁🤣.南昌公園地方算大，有草地，有兒童遊樂場，可以盡情玩。咁上下走去搵食，行到去差唔多太子，見到越南野，忍唔住入去。本來想叫生牛河，最後叫火車頭，嘜都有唔使諗。河粉係幼身嘅，無怪味，又夠滑，唔會斷哂。生牛肉都唔錯，食落唔係cheap cheap 好肥嘅肥牛，熟牛又唔會硬，都林和滑，其它料都好食。湯底食完唔口渴，應該無嘜味精，而且都甜。係杯野飲甜左小小😅地方就細小小，但都還好，如果再光猛D，通風啲就好啲，但以五十零蚊來講都幾好。

因為屋企有親人走左，100日不能夠食牛，經同事推介去左呢間食飯，我好想試佢個火車頭湯檬，但有牛唔食得，就揀左蝦蟹肉丸鮮茄湯檬。當姐姐拎碗湯檬來的時候，我已經聞到個湯好大陣蟹肉味，湯底一定無得輸，不過呢，好似油左d咁，整體上都幾好食。

Ot完後同老公二人搵野食，來到太子哩間越南好味館原本唸住去隔離間粥麵舖，但見越南好味館門面清新，比人感覺好精神甘於是行左過去睇下冇咩食，見佢主打新鮮牛骨湯底湯，老闆企係門口介紹話係湯粉靈魂，有營養聽落幾吸引，所以最後都入左去食。叫左4樣野，價錢都ok，唔貴兩粒完整雞蛋，老公叫老闆比一半ok，唔係客人食飽就食唔到其他野哩個椰青扣花腩肉真係唔錯鬆化唔會覺得肥膩芥蘭炒得老左啲，有苦味。唔記得係邊食過芥蘭唔苦，其實我幾鍾意食芥蘭，就係唔鍾意佢陣苦味牛油雞翼，香但驚熱氣，出面陣炸粉就揀左出來，只食肉雞絲河粉，湯底甜，鮮味重河粉又滑，岩洒我地口味

呢間越南菜好似開左無幾耐，我地行過見到佢個易拉架，因為之前附近果間越南菜執左，於是就勇敢一試。現場就得我地一台客，原本見到有"烏蠅"都唔想入去，不過又懶唔想周圍去，快快食完，快快返屋企訓覺。近排都無乜胃口，所以叫左3碟都係菜。味道一般唔係話好特出，價錢都算平，始終係街坊小店，呢樣野取勝。鮮蝦米紙卷用米紙包住蝦肉、菜、青瓜、甘筍同矇粉，都幾好味！牙車快牙車快、則係椰菜絲、紫椰菜絲、青瓜絲加雞絲沙律，下面有塊蝦片墊底。不過佢同我地平時食開果個唔係好同，d雞絲比較鞋。越式炒雜菜雜菜包括椰菜、菜心同甘筍，個味好似有少少蝦糕味但又唔多似，怪怪地。

天氣漸涼，有D乾燥，决定去食越南野。一時貪新鲜叫了碗蕃茄湯越南粉。碗粉都睇得下，红色的蕃茄，綠色的香葉，啡色的越南粉。整体觀感不錯。喝一啖湯，好味好開胃，我好似未喝過這種香味的湯，十分掂。越南河粉又滑又好有口感，和蕃茄湯配合，一絶。蟹肉香葉香口可口。午市45蚊，值得同大家介紹分享。還有D時間就睇下餐牌，睇到有D叫甚麼迪班南，大米團糕，水晶粿。好似都幾得意。問下樓面，原來是一些越南小食。樓面還叫我試下滴滴咖啡，她說好多飲咖啡的人都話好飲。好。礼拜六來試下這些。

我公司在太子, 雖然太子都算好野食的了, 但成日都食難免都會食到悶。所以我都周不時會行遠D, 向深水埗方向行, 去搵好多D野食!呢日, 我搵到呢間越南餐廳, 見到有SET LUNCH, 決定試下佢!佢SET LUNCH都算幾好選擇, 粉同飯都有!粉又有湯粉同撈檬~ 價錢唔算貴。有選擇困難症的我, 最後揀左火車頭湯河。火車頭湯河連熱飲($52)喺等緊食物來時, 我見住旁邊的人叫的食物。 嘩! 份量十足!到我碗火車頭河來時, 當然都一樣, 好‧大‧碗。湯河面碘有好多香草, 生洋蔥等配料~生洋蔥連同湯同粉一齊食, 好好味湯河有生牛肉, 牛腩片, 牛丸, 扎肉同牛柏葉。 好豐富! 味道都好好~但不得不提嘅係佢個湯底! 店內有告示話呢個湯底係每日有大量新鮮牛骨熬足24小時而成!當然, 我飲左一大半啦總括而言, 價$唔貴, 味道好, 選撢多, 有下次我之後都會再來食LUNCH的~ 再試下其他

下雨天一行四人黎到太子周圍搵野食, 經過呢間越南菜館, 人流比較多, 香港人既心態就緊係食間多人食架啦.  滿座等了15分鐘就可以入座了坐低見到牆上有佢地牛骨湯湯底既解說所以叫左生牛肉河粉, 牛湯算係唔錯, 未算話好突出, 洋葱份量多順化牛骨湯粉, 牛肉肉質特別, 都唔錯, 原來入面仲有豬手其它小吃蝦米乾拌芥蘭, 蝦餅最後黎既係越式煎雞脾飯, 唔錯係特色, 上枱既時候有少少怪既香味, 似係炸雞既油不新鮮了最後飲品係青檸梳打

同個名一樣，好味道今晚想食越南野，同屋企人一齊黎到試呢間鋪頭點知有驚喜我地首先點左串燒拼盤，真心正！有燒雞，燒牛，燒蝦！平時越南鋪頭，好少有燒蝦,呢個拼盤係燒得正，我特別欣賞燒雞and 燒蝦，好香口除左拼盤外，我地好鍾意燒魚，呢條燒魚個味調得好好，下次再黎都一定要order 仲有，豬頸肉都好值得食，好惹味我地仲叫左牛骨湯粉，幾鮮味，真係幾好食至於飲品，有個桃茶熱情果粒，好飲我地叫左好多野，per head 都係$105