影片
更多
2019-05-19
287 瀏覽
今日無意中走入店內，鋪頭門面唔係太起眼，睇完餐牌點左個午市套餐，火車頭湯河粉，侍應送餐過來，已經覺得配料好足，首先食河粉，唔係平時食果d一夾就斷，牛丸好爽，諗住睇下會唔會有多粒，原來得一粒，心想早知叫牛丸湯河，湯底好清，無咩油份，我食左大概三分一碗河粉都無咩飲過湯，心想唔會係味精湯呀？怕飲完好口渴，於是淺嘗了一啖，不得了，好清甜，好好飲，於是再連續飲左幾啖都覺得飲完好舒服，係回甘的感覺，其實呢間湯底真心好飲，食到一大半先見到睇到貼在牆上的湯底資料，原來係用牛骨煲24小時，難怪咁清甜好味，最後我都飲曬咁濟。臨走同老闆寒暄左兩句，讚賞他用心煮的湯底，睇到佢面上都流露出滿足感!
張貼