越南牛肉粉專門店

營業中

休息中

服務差落單男人呼呼喝喝叫咗碗「豬扒湯河」&「雞翼湯河」兩碗粉快就好快嚟，三分鐘左右已經到但係⋯一擺落枱⋯碗豬扒湯河⋯⋯塊豬扒得「四條」手指咁幼嘅大細其中兩條重要一條係全條骨嚟一條係全條筋⋯⋯⋯同個男員工講佢重要恐返嚟你「依家係咪嫌小呀？咁都小？」最衰冇影相⋯嗰碗粉啲豬扒好似啲餸尾咁⋯一岩一忽咁⋯講咗勁耐⋯先搵第二個嬸嬸嚟跟住又再有一個嬸嬸行埋嚟⋯三個圍住我地問「即係嫌小啫！唔係餸尾囉嚟啲！」講咗一大輪突然三個走左去 扮冇事發生過咁樣我地再叫佢埋嚟叫佢換過碗雞翼湯河算（因為另外雞翼嗰碗係正常嘅，起碼係一隻隻完整嘅雞翼）真係冇下次😩😩😩

之前同同事lunch time去食，態度極差。伙計語氣好似鬧人咁。餐廳冇咩特別野食同價錢不合理。叫左個粉一淡食哂。完全唔飽好似冇食過野咁。食完會即刻趕你走，同樣態度極差。以後唔會再去。食物方面個湯淡到死，d肉得幾片，飲品價錢完全唔合理。餐廳入面好逼。次次去都要搭臺。麵太少唔在講，連d小食都好少。但又收到鬼死咁貴。出面冇人排隊都趕你走。個檬都做得好差，個d獎唔好食，芽菜唔生鮮同埋小，總值一句講哂，以後唔會再去

午飯時候真係好多人......我地8個人嚮門口等左20分鐘先有位,要齊人先准入啊~!嚮門外睇一睇個餐牌,諗定食咩先,佢個餐牌密密麻麻,好多野食~但係令到我有啲混亂......午餐有$4x,$5x同$6x, 睇左好幾次先知$4x同$5x既套餐有咩分別,如果趕時間就真係哩......我就叫左香茅豬扒湯河粉配熱檸檬茶,除左香茅豬扒湯河粉外,會配有一碟芽菜同香葉做配料,好靚又精緻!每個餐會有一隻小鐵夾俾我地夾落湯度,好衛生~無論香茅豬扒定湯河粉,都無乜味道,真係好淡,所以我浸左落湯既芽菜,好青草味同學仔就俾左佢先前問侍應"遮遮"拎既魚露我,但係魚露係甜既,味道好奇怪,我蘸左1次就放棄左......都係就咁食淡湯河算吧!

當日行完D2 place 都唔知有咩好食.原本想去工廠大廈食墨西哥野,但係滿咗所以落返樓下.見到有一間地舖食越南野,價錢又唔貴,就行咗入去啦.入到去坐低,裝修都幾靚.見到餐牌都係牛河之類.然後我就叫左粵式軟殼蟹撈檬.軟殼蟹炸得好鬆化但係完全冇味道.不過還可以接受.價錢適中.得閑可以再去食.

有日心血來潮, 好想食碗生牛河, 諗起屋企附近有間食Pho的餐廳, 雖然印象中係唔多好食, 但諗住是是但但一餐, 就決定去食點知真係伏到爆, keep住一樣咁難食, 個湯係一啲牛肉味都冇, 碗粉好細碗, 牛肉唔知有冇5片, 完全係好難食, 仲要50幾蚊, 我真係食譚好過! 我寫呢篇食評係要提醒自己唔好再中伏

同屋企去咗4日旅行，番到香港當然要去見下男朋友啦！可惜我呢個工作狂男友又要OT......無辦法，只好放工去荔枝角搵佢食飯，幫佢叉叉電啦！餐廳設計簡單舒服，不過唔知係咪因爲就收工，開始洗嘢，所以隱隱約約聞到一陣漂白水味，感覺有少少怪款式都唔少，而且好多都有套餐㨂，會抵食啲！我叫咗一個香茅豬扒撈檬，份量都幾大下，我一個女仔真係食唔晒，最後要搵男朋友幫手先KO到！味道方面，豬扒煎得好香口，食落唔韌，而且肥瘦部分都算均衡，整得唔錯！雖然味道唔錯，但服務質素真係麻麻。我知佢地趕收工，所以未食完就叫我地先埋單，呢樣嘢我唔介意；但由於我當時整緊嘢，諗住遲少少先找，佢地就好似斷命追魂 Call咁，差唔多每1-2分鐘就提你一次！未免有點身太急啦吧

這天工作完畢都已經三點半,一路知道公司附近有一間裝潢漂亮的越南餐廳,於是昨天終於一嚐🙆🏻已經是下午茶時間,我點了一個香茅牛肉撈檬,分量對我來說是足夠的,牛肉只有數片,不過還有其他配菜,以這個價錢來說賣相過關吧,畢竟30多元不能要求太多撈檬的汁水很重要,這裏的比出邊一般的要甜和濃了一點,但感覺像是泰式雞醬比較多,缺少魚露的鮮味下午茶包一杯餐飲,我只是點了普通的熱檸茶,檸檬太過苦澀,茶膽太過濃,從未如此飲過這麼難飲的簡單一杯熱檸茶唯一值得一讚是餐廳裝潢不錯,挺舒適的

今晚happy friday ，兩公婆本來諗住拍拖食台灣牛肉麵 ，點知太多人所以就變咗食越南牛肉河……呢間越南餐廳喺荔枝角開咗一段時間， 整體環境乾乾淨淨，地方寬大舒服。餐廳有提供外賣服務 ，不過由於午間人手緊張，所以起碼消費150蚊！今晚我哋點咗兩大碗粉,再加牛油雞翼。另外我叫咗紅豆冰作為飲品！平時我點開火車頭牛肉粉，今日想食下順化牛肉粉，裏面有牛腱、生牛肉、扎肉及豬手。比較多款式唔會好似齋食牛肉咁單調！ 河粉份量超多， 另配上芽菜檸檬及香葉作調味, 客人可視乎承受辣的程度而加上紅辣椒。 整體嚟講呢個餸菜配搭非常唔錯不過略嫌豬手太清淡如果再加調味更佳。至於生牛肉河分量會比順化牛肉可少一點， 但太太食已經很足夠， 生牛肉河，牛肉夠生 ，不過就唔算太有特色！至於牛油雞翼，因為加上蔥同埋用牛油炸香而成，所以開胃之選,值得一讚香脆可口!!!紅豆冰正常,不過由於太太不太喜歡椰汁,所以佢覺得紅豆冰椰汁分量太重了。

前日同朋友去食lunch，叫左2碗粉同2杯飲品，一路食落去都冇問題，直到食完清枱後，我地前後傾左吾夠5分鐘即有個女人拎住塊枱布勁抹枱，仲不停講多謝，我地冇理佢，之後吾夠2分鐘又另一個女人來抹枱，而後面仲有第三個女人大大聲話，"依張枱得未架!"，我地勁黑面覺得好騷擾，即時起身埋單，由頭到尾佢地都冇叫我地交枱，食左2-3次，以後都吾去，好似冇錢食飯比人當乞兒甘對待，價錢又吾系特別平，真吾知佢地係米系度趕客多過做生意。

荔枝角工廠區地舖- 越南菜。兩個人叫左三樣嘢：越式加里牛腩，佢係配番薯而並不是配薯仔，好甜，幾好食，跟法式麪包，個汁點麪包，想再order 多客麵包，不過牛腩就少D； 越式拼盤，春卷、雞亦、扎肉、蝦片，一定要叫，啱哂兩個人食，樣様都可以試到，好扺食；生牛河，自己加少少辣招，絕配，牛肉有D根，都可以接受。加左兩杯三色冰，total $210 有找。下次都會再去食。位置真係好方便，地鉄出口附近。嗰晚我哋七點鐘，坐左一半人，八點差不多坐滿。但見到好多人買外賣👍

如果食物質素高的食店，員工服務態度不好我也會有適度的包容，但好可惜這食店食物質素及服務態度上，我都給予不合格。言歸正傳，先後來了兩次，問題都是一樣，湯底就是太甜，一個簡單的白灼生菜，好像食甜品一樣。火車頭湯河又是一樣，湯底甚甜，我不覺得這是越南地度風味，是不是㕑房把鹽和糖弄不清。其他食物，我只可以用平平無其來形容，美味談不上，飽肚還可以。此店重點係員工服務態度問題，人手不足已是香港食店通病，這個可以理解。但這店舖的員工好有問題，不停揮手都可以視而不見，跟人聊天也不招待客人，要求清理枱面要看面色...不會再去。

在不想吃中、西餐的晚上，選了這以越南美食為主的食店，選了兩個餐，有香柔雞翼，水晶豬肉卷作小食，但兩者也欠美味，連主食的生牛肉湯河和越式撈麵，也是一般，較清淡，只有兩杯飲品算合格。

門面看似舒適吸引，可惜內裡並不太一致。內裡環境看似有點不太乾淨。。。可能是lunch時間，見職員忙到飛起似的。。。呢度食湯河粉的話，會有一碟芽菜，青檸俾你。叫左碗香茅豬扒湯河粉黎食。份量不算多。豬扒已碎上。豬扒味道尚算葉得夠入味。不過覺得豬扒好像唔夠一整塊。。。渴底味道不錯。食完也沒有特別口渴。如果店內可以乾淨企理點，那就更好。

今天突然想在公司附近找地方吃下午茶，D2 Place附近的餐廳大多數已經吃過了，朋友選擇了這間越南餐廳，之前有看過這間餐廳評分不佳，不過還是想吃。朋友點了火車頭湯河，我點的是豬頸肉湯河。豬頸肉湯河的湯底尚算清甜，河粉有米香，豬頸肉約有六至七片，湯河的份量比較少，女孩子吃還可以（7/10）朋友說火車頭湯河只是碗比較大，份量一樣少，味道一般（6/10）服務員的態度雖然不算有禮但也可以，卡坐坐得舒服，地方也乾淨，以後還可以再來。

中午同朋友去食個lunch，員工態度麻麻，12點人唔算好多，但一定迫我地坐埋一邊，都無所謂。諗住食好就得，叫左個牛肉面，先飲啖湯，非一般的鹹，第二啖試下d粉，D粉散既，牛肉既質素正常水平，但如果想食越南粉既，可以有好多更好選擇。