越南牛肉粉專門店

營業中

休息中

剛好跟朋友到附近市集逛逛，三點多有點小餓就入了這家餐廳吃個下午茶。當時只有門口一個通風較不良的位置，暫且先坐下。餐牌看起來價錢頗親民的，都是三十多元就有了。一行三人叫了1)牛肉撈檬拼炸春卷2)蝦多士配素春卷配札肉3)生牛肉湯河食物等了好一段時間才來，照我看餐廳沒有很多客人，這樣的速度不得不說有點慢等食物的時候我們看見有其他位子，但店員都不讓我們換位子，態度不太好，令人不解。牛肉撈檬味道普通，個魚露偏甜唔夠酸，牛肉都重香茅味牛肉湯河也不錯，朋友說湯蠻好喝的。炸春卷跟蝦多士就很油很油到底為什麼會這麼油一咬下去感到整口都是油，看來這裡炸物不太行三杯飲品分別是凍菜蜜，凍奶茶同熱鹹檸檬。菜蜜跟檸檬味道很淡奶茶很甜，沒有一杯是滿意的。向店員表達奶茶太甜像糖水，她說我們下一次可以點少甜的，這服務態度........總結：食物質素一般，服務態度水準以下。

^_^ 隔住個Mon食越南🇻🇳嘢:去越南牛肉粉專門店，唔食牛肉粉？！早排見到鏡入面既自己，連自己都要對住自己講：這麼醜的妞？！有見及此，為輕盈既身材，所以決定食好似唔多重口味既越南嘢......去呢間牛肉粉專門店，原本係想食牛肉粉，但唔知點解見到個撈檬都賣相OK， 決定一試，試下個雞排撈檬～雞排撈檬上檯！個bowl size都幾大～其實料都多既，雞排都大塊！不過其實可以煎得再香脆D～通常食嘢都係食環境架啦，講下環境，皮革卡位，越南風格掛畫加中間有張bar檯style既胎

食咗個早餐,叫咗蕃茄蛋雞翼米通,無錯！係米通！早餐除咗公仔麵 米粉 意粉 米線 通粉呢啲常食嘅粉麵,佢竟然仲有米通！好啱女仔食,唔會太heavy又健康。原本expect個米通得一兩嚿蕃茄加個蛋同雞翼俾我,但竟然俾咗好多大大嚿嘅蕃茄,仲要個蕃茄食落係加咗糖醃過黎,呢個小小嘅用心已經俘虜一個鐘意食蕃茄嘅我。至於餐廳裝修得唔錯 ,好光猛,坐得好舒服,餐廳感覺整體好乾淨。呢個好味可以encore.早餐仲有其他選擇望落同茶餐廳無咩分別

我喜歡吃粉麵，越南香茅牛肉片撈檬非常合我口味，今日在D2 place 附近見到一家名叫越南牛肉粉專門店，看了門口及室內裝修心想不會佷差，環境亦企理，於是光顧香茅牛肉片撈檬賣相正常，富越式風味，粉上放了青瓜、紅蘿白絲、花生碎及蔥粒，檬粉有得揀配料，揀左香茅牛肉片，牛肉十分硬😢又唔太入味。檬粉份量多，可以按個人喜好加入酸汁熱奶茶不過不失認真覺得這間越南牛肉粉專門店的食物一般，或許咁啱運氣較差食到非一般的香茅牛肉片撈檬

離開長沙灣區前跟友好再外出搵食 其實一直都知道有呢間越南餐館存在 不過就是沒有動力走去試試 今次有動力有藉口終於提起心肝走一趟 其實呢間餐廳價錢頗大眾化也合理 套餐款色多而且選擇也多 選擇困難症者一定會糾結很久 一輪糾結下友好點了香茅豬扒撈檬 豬扒也頗多配菜也不算少 份量也頗大份的 看起來賣相也蠻好的嗯~ 混合醬汁後味道更好 不過就只是撈檬味道 沒有太大驚喜及特別 至於n_cc則點了香辣雞扒湯檬 雞扒是另外用碟上 感覺蠻貼心的 而且這裡芽菜也是另外送上的 不喜吃的可以選擇不加 味道其實算是一般 相比撈檬更一般 大概是因為期望過高了吧 不過未至於很差的 或許其他款色會有驚喜?! 每份套餐都配有餐飲 跟友好同樣地點了熱檸檬烏梅飲 味道特別酸酸甜甜感覺清新有驚喜 飯後一杯可以消一下油膩感 減輕一下罪惡感 PHO TAI 越南牛肉粉專門店 長沙灣道883號億利エ業中心地下9號舖

平時午飯時間都要提早出來排隊兼人齊方能入座，想坐得鬆動一點又沒有還檯的壓力，還是晚市來會比較舒服！夏天必吃一定是撈檬，這天入黑之後涼了一點，就改吃暖暖的湯檬吧！無論是哪種形式一樣有很多選擇，豬頸肉基本上是至愛。平時撈檬的豬頸肉可以保持到輕微的脆邊，湯檬的話就會「浸淋」了一點，不過有熱湯浸一下，相對上又不會那麼鹹。兩種食法都好吃喇～檬粉本身也是相當滑溜，尤其喜歡它滑得來能夠用筷子夾得起，又不會一夾就斷，可以「咮咮聲」的吃進嘴裏。芽菜、香草和青檸是另上的，可以隨個人口味增添。整碗檬粉香料味道不算很重，追求強烈口味的也許會覺得調味不足，幸好吃完不會有口渴感。套餐轉越式特飲要加錢，我要了熱的越式薏米水，飲品的顏色濃得看不到底下的薏米！應該有生熟薏米一起煮吧？但薏米沒有煮得很軟，甚至有點生，吃了一半左右就沒有吃了。薏米水的顏色雖深，但沒有很濃稠或很甜。只是飲到一半就發現飲品顏色深的另一個原因是杯的內側滿是之前的「茶跡」，十分明顯，說實在當下就覺得不想喝了，但為免浪費還是勉強喝完⋯⋯希望之後的餐具清潔可以做得更好！

今日八點鐘，同二個朋友一齊過嚟食晚餐，因為見到鋪頭裝修OK嘅，點知坐低係揀好食咩，去點餐先至發現勁差，係服務態度勁差，落單已經好似催命符咁樣黑晒面，都唔緊要，明明九點半last order,八點鐘已經好似個個想收工咁，叫咗二個河粉，三杯嘢飲，開始食，佢哋成班已經坐咗喺度望住我地食，然後有一下同落單嗰個對望，先至發現其中頭先落單個員工啤住我哋，咁樣食嘢好大壓力又好辛苦，明明睇到佢收十點，我哋八點鐘入去，好差好差我未食過一間野可以咁差，然後又有幾個人走咗入嚟大概六個人到跟住之後，佢哋都應該已經同廚房玩，又有六個，唉，其實咁趕住收工，應該要改善下啲制度，而唔係發洩落客人身上，況且我地都唔係遲入嚟，正常時間，亦都食得好快，唔會再幫襯第二次亦都呼籲各位唔使幫襯，我係食到一肚火，因為食完成餐不斷比班黑面員工係咁啤，⬇️⬇️就好似最後嗰張相咁樣坐咗係我哋後面不停望住我地食，本身我都想姐埋個女人個樣，但係賣單嘅時候令到我真係想公開佢個樣俾大家睇，我真係好嬲，俾錢一句多謝都冇唔緊要，找錢係定落張枱，仲要個面黑到爆，我哋幾個朋友已經不斷喺度講，我哋究竟做錯咗啲乜嘢，然後我哋即刻上OpenRice check返

而間餐廳係去過咁多間餐廳服務態度最差ge，食物質素唔係特別話好，落單嘅時候服務員態度已經非常之惡劣，好似趕住收工咁，但係我問幾點收工，佢話10點鐘收工，但當時只係8:50pm。同埋佢哋會用啲好黑嘅面孔望住你，我同幾個朋友一齊黎食，佢地都唔知發生咩事，個個都黑口黑面，真係鄧佢個老闆慘！希望老闆可以見到呢個post，知道自己鋪頭發生咩事！仲有d餐牌同檯面都好邋遢！好似無清潔咁！好失望。我地未食完就好想走！有客人要入黎食嘢，但d服務員話要收舖，但問過話last order 9:30pm，當時先係9:00pm。唉！

未試過入一間餐廳啲服務態度可以差到咁。已經唔係繁忙時間，又唔係收工時間，但唔知點解好似好唔歡迎客人食野咁。對住客人勁黑面，但自己同事圍埋就有講有笑。成餐飯個感覺都好差😩雖然裝修都唔錯，但個氣氛已經完全被破壞左。太差喇。仲黑住面露啤我，點解我黎食野，但反而會受到咁既對待？唔知以為好趕住收工，但兒家既時候係晚上8:45。但佢話收晚上9:30。呢個時候有另一枱六人客入左黎，仲聽到另一個員工同廚房講，趕佢地走。咁不如唔好開門做生意啦。食物來講，又唔係太過正宗，佢有另上既芽菜同埋青檸、九層塔，但最重要嘅指天椒竟然冇好傷心😢絕對要black list 既一間鋪，冇下次，大家可以考慮下值唔值得比錢黎受氣。完....

荔枝角工業區，好多人谷埋12點半至兩點半呢段時間食飯，想搵個位都好難，如果有啲特色嘅食物，想食飯就要大排長龍！今日同同事就去咗食億利樓下嗰間越南湯河，等左15分鐘，入去又逼又宅，食物質素又唔係特別好！我叫左個生牛肉湯河，阿姐問我,＄10有個小食喎，咁我見阿姐誠意拳拳咁我叫多個啦！就加左個豬扒紙米卷！點知入面好少配料，只有一條豬肉，幼到好似隻手指尾咁，一啲都唔吸引！呢個價值＄63嘅午餐，生牛肉湯河真係好細碗，唔飽又唔會特別好食，我自己對味精敏感，食完會特別口渴同埋會嘴唇腫，結果全中，本身越南湯河有好多配料，根本就唔需要落味精，所以非常之失望！

今日同事帶我黎D2對面工業大廈樓下既呢間越南野食晏，Lunch Time 都幾多人，但2個人真係比較易搵同等到位我地叫左香茅豬扒湯濛同香茅雞翼湯濛，所以相入面會見到有齊2樣野，呢到$48跟港式野飲，可以加錢改飲越南特飲，啫青檸梳打呢啲，亦可揀連小食餐講返2碗粉，一放低會問你要唔要芽菜同檸檬葉，當然要啦，再加上枱上面既辣椒，成碗粉變得不一般。到香茅豬扒同雞翼，炸得好香口同好香香茅味，但浸左落碗湯粉到，就真係錯哂，好建議佢地要另上，不過$48一個餐都真係幾抵

今日行過荔枝角，去左d2對面 搵嘢食。 入咗呢間越南粉麵鋪， 服務態度其差， 侍應極度冇禮貌鬧我哋， 帶位時候又用呼喝態度話無人得閒招呼我地，   呢間嘢食物又唔得， 侍應服務態度又差。 我哋決定以後唔食呀，差到不得了！

行行下D2 place 肚餓就搵間餐廳填下肚，座低睇餐牌唔夠1分鐘到就有個短頭髮嘅啊姐行過黎叉住手問我，諗到未啊？諗到未啊？ 我同拒講左三次睇緊啊，拒先肯行開。 囂張到啊！ 個下午茶份量又少，即刻唔想食想走....

話說好朋友結婚，相約左幾位姐妹去到香工揀姐妹裙，揀完肚仔餓，就諗到黎呢度食晏。我叫左個生牛肉湯河。湯底有陣牛骨味，牛肉都好滑，加埋生嘅芽菜，洋蔥，金不換同辣椒係好正，河粉亦都夠滑，不過就細碗左少少，可能係我太大食啦。因為我叫嘅係套餐，所以除左面之外仲有一個小食同一杯飲品，小食我叫左越南春捲。不過就好一般了，有一件嘅背面炸成黑色，入面嘅料亦都只係一堆溶溶地嘅粉絲，個皮有點硬...有點後悔叫左呢個呢.....

裝修頗具越南風，裝飾用掛畫、吊燈也很有設計風格彩藍色梳化配藤椅頗精緻，木地板也有種溫暖舒適感桌面上如舊式茶餐廳使用玻璃鋪於木檯上，下面放置Menu 旁邊放滿不同款式的越南摺紙女郎公仔，挺特別的。至於食物價錢較廉宜，湯粉撈檬多是$35-4x , A餐包港式飲品或越南蓮花茶$48， 選配越式特飲的B餐$53， C餐再跟一份小食。我們點了香茅豬肉湯檬和生牛肉湯檬。湯底有很濃的蘿蔔甜味，沒什麼咸味，感覺不像吃越南湯粉生牛肉夠薄身，味道還好，辣椒加進去還是蓋不到本身甜味，有點怪怪的。另外朋友投訴湯匙不太乾淨....進食前建議抹一下再用。