越南越順餐廳

營業中

休息中

朋友推介呢一間越南餐廳，都要花一啲時間先搵到，因為佢個門牌係英皇道909號，但係其實唔係喺英皇道而喺入面嘅內街，所以兜咗幾個圈先至總算搵得到。入到去就有一種好舊式嘅感覺，似乎佢係一間老餐廳。lunch time叫set lunch，呢個係扎肉撈檬，因為天氣熱所以想食撈檬，清涼啲，都幾好食，個撈檬嘅汁少少酸不過一啲都唔辣，好喜歡。免費配椰汁綠豆冰，但係我就走椰汁。另一個叫咗生牛肉河粉，啲牛肉都幾新鮮，切得都幾薄所以淥兩下就已經熟。配熱嘅黑糯米。另外再叫咗個越南小食拼盤，$100嚟講都算幾多嘢食，有炸蝦餅、春捲、粉卷同埋蝦片，仲有生菜畀你包春捲，味道唔錯。

🍲今日去咗越順度試下佢哋嘅香茅豬扒撈檬檬粉，哇，彩色繽紛囉！青瓜拉絲、紅蘿蔔、還有椰菜絲，同埋上面撒嗮啲乾蒜同花生，賣相一流！香茅豬扒肉質嫩滑，加埋佢哋特製酸辣酸辣嘅汁醬，真係爽口得嚟又開胃，正！🔥嗰碗黑糯米呢？咬落去有咬口，粒粒分明，邊食邊感受到椰汁嘅香濃味道，正到不得了！✨ 件事實證明咗，啲嘢食雖然唔貴，但味道同質素真係一點都唔減色！想食抵又好吃嘅越南菜，記住要試吓越順啦！😋

越南越順餐廳是一家提供正宗越南美食的餐廳，他們的菜單中有許多令人垂涎的美味料理。其中，生牛肉湯河是他們的招牌菜之一。這道湯河以鮮嫩的牛肉片和Q彈的河粉為主要材料，湯底鮮美清淡，配料多樣，例如豆芽、蔥段和新鮮香草等，讓人感受到越南料理的風味和獨特之處。一口咬下去，牛肉的鮮嫩和湯底的清爽完美結合，給人一種舒爽的口感，絕對是冬天的暖心美食。此外，越南越順餐廳的紅豆冰也是一道令人驚艷的甜點。這份冰品以紅豆為主要配料，搭配綿密的雪糕和清爽的冰沙，口感豐富而不膩，甜度適中。紅豆冰的紅豆經過熬煮處理，口感軟糯，帶有淡淡的甜味，與冰涼的部分形成了美妙的對比。這道冰品不僅能消暑解渴，還能滿足你對甜點的渴望。越南越順餐廳以其正宗的越南料理和獨特的口味而聞名，無論你想品嚐湯河的鮮美還是享受紅豆冰的清涼，這裡都能滿足你的需求。如果你想品嚐道地的越南美食，越南越順餐廳絕對是一個值得一試的地方。

今晚有事到北角附近，約了友人晚膳，上網看到這間餐廳價錢及評價不錯餐廳位置較偏，不是路中心，當時入座人數少，應該是六時多才較少人價目相當便宜，2時後還有9折優惠二人叫左2個飯1碟菜，一個飯為豬頸肉飯配凍椰汁黑燸米，咖哩牛腩飯配凍椰汁黑燸米豬頸肉飯份量多，但是豬頸肉比較乾身，欠缺水份，而且沒有醬汁可以點，黑椰汁燸米則恰到好處。每個套餐可配飲品或黑椰汁燸米，反映此店有選擇給客人。蝦醬炒通菜，味道夠不丸咸。下次經過一定會再來食。

通常啲越南餐廳都要60幾蚊一個lunch，但呢間越南餐廳午市套餐真係好抵食好多選擇，可以搭配河粉、檬粉、金邊粉、粉絲同飯，最正既係套餐可以揀餐飲或者甜品👍🏻我就揀左生牛肉湯檬配熱黑糯米 $52估唔到碗湯檬咁大碗，牛肉份量都好多好足夠😋牛肉質素唔錯👍🏻食晒碗粉已經好飽，但碗甜品真係好好味，結果都食晒😂😂 黑糯米加左好多椰汁係上面，好香，個甜品唔會太甜，好好味！咁既價錢係太古坊附近食到質素都幾高既越南野，真係好抵食！

越南越順餐廳 (鰂魚涌)♡︎𝗖𝗔𝗨𝗦𝗔𝗟 𝗥𝗘𝗦𝗧𝗔𝗨𝗥𝗔𝗡𝗧♡︎$45 香茅豬扒湯河🧡sᴏᴜᴘ ɴᴏᴏᴅʟᴇ ᴡɪᴛʜ ʟᴇᴍᴏɴɢʀᴀss ᴘᴏʀᴋ🧡🍜湯麵大大碗，清湯為底，分量算多。🐷香茅豬扒都大塊。香茅豬扒煎得香脆，豬扒比較瘦唔肥✨，切開一條條，方便入口。落咗單之後好快上枱，青檸辣椒用小碟另上，自己再後加。整體抵食快捷，係鰂魚涌唔錯既平食選擇😗～食物：7/10環境：7/10性價比：8/10📍鰂魚涌英皇道909號地舖#soupnoodles #vietnamfood #vietnamnoodle #hotnoodles #cheapfood #quickfood #hkfood #foodhk #hkfoodblog #foodiehkig #hklunch #hkfoodie #鰂魚涌美食 #平民美食 #平民價 #抵食 #快食 #香港美食 #香港餐廳 #越南餐廳 #香茅豬扒 #香港食評 #食

話說因為呢排又係開呢邊交收，之前我都係呢間餐廳食過不下十幾廿次，環境同價錢方面都同早年前沒咩分別，不過係食物質素方面就大大不同咁，首先講下飲品方面，我今次飲既係綠豆冰，唔知係咪太耐既關係 d豆係一舊舊咁而且口感好實，太過有咬口，成杯野既冰又好多，幾下又飲完。另外食物方面就叫左個豬頸肉河，河粉唔算多不過佢有個好處就係可以免費加底，佢d牙菜都唔太新鮮有d酸酸地既味，小小變左咁，生菜邊沒去清有黑邊，豬肉就正正常常

這次來到越南越順餐廳食晚飯. 之前都是朋友帶來食過先知道依間咁抵食的越南餐廳。因為佢係喺條巷入面，相信都係因為真材實料，又抵食先可以做到咁耐。晚餐時間人流不算多，服務很好，老闆娘很熱情、落力推介特色菜。裝修就真係茶餐廳風格，但價錢咁抵，無所謂啦。 叫了豬頸肉撈檬，$48，配埋咁大碗的甜品(熱黑糯米)，仲要兩點後九折！撈檬同豬頸肉份量都係超級多，豬頸肉表面少少脆，軟軟的，有咬口，味道亦係好有越南風味！香港地$50不用的晚餐，真係抵到無朋友！

今日一行六人 去左間 聽講開業超過十年既越南老店可算係該區既老字號講到格局 似足舊式茶餐廳咁款😅無裝潢無設計可言野食亦無靚靚既擺盤但佢地主力做街坊生意有既 係一份真摯同親切sell既係人情味同回憶野食大大份 熱焫焫唔洗加一服務費人均一舊水都唔洗你話 仲有乜好挑剔呀！？😳六人套餐A $478▫️越式拼盤 - 四款小食都唔錯，應該脆既都脆😆▪️香茅雞翼 - 熱焫焫，估唔到比雞全翼😅不過香茅存在感低▫️咖喱牛腩煲送法包- 大大碗，咖哩微辣，小朋友都食到，牛腩食極都有😍又有薯仔，全部都好稔！勁好餸包😂▪️牛柳粒炒紅飯- 比較似勁多茄汁茄膏既西炒飯😂乾身又係一大碗，牛柳唔係同炒飯一齊兜，牛柳又係好多一啲都唔韌👍🏻👍🏻▫️生牛肉湯河- 生牛肉大大片幾嫩滑，湯頭香味唔算勁，但勝在份量大🤭▪️香茅豬扒撈檬- 豬扒薄身夠晒稔，煎得香口🥰可惜香茅味唔強，撈檬加上酸辣汁相當開胃▫️時菜- 揀左西生菜，唔知佢會加蠔油😂即刻港式左▪️飲品

呢間越南餐廳係條巷仔入面，平時行外街真係好難發現，我都係經朋友介紹先發現到呢間餐廳，之後就定時去幫襯下！記得我第一次去果陣我一入到去老闆就好好人同我講冷氣唔夠要出聲，凍過頭都要同佢講，依家好少餐廳甘體貼，樓面姐姐仲會好詳細甘介紹有咩好食，朋友遲到老闆仲會自動遲啲上我朋友既餐，驚會凍左冇甘好食，而今次我就帶左我男朋友去試下我地兩個都係嗌左個全日套餐，香茅雞翼湯檬加熱柑桔檸檬水，而男朋友就食煎札肉湯檬，佢塊扎肉煎到金黃色好吸引，雖然我既香茅雞翼都唔差 但都忍唔住偷左幾舊，而個全日套餐只係48蚊咋！仲要幾大碗！依家香港仲有邊度搵到甘抵食既全日餐？之後我地嗌多個菜同牛油雞翼，個牛油雞翼真係超級正！炸到好香脆，一啖咬落去連對面個人都聽到，一啲都唔誇張！除左牛油味仲夾雜一啲蒜香味，食落一啲都唔寡！佢既柑桔檸檬水推薦熱飲，飲落真係好舒服，特別係冬天

附近食lunch, 起碼1:30後至有位, 何不等到2:00食下午茶呢?第2次黎, 一碗粉$35, 仲可以選擇紅豆/綠豆冰, 認真抵食.食越南野必須先試生牛河, 上次食過, 粉都好多, 唔似一般餐廳咁下午茶會少D份量.今次食茄腩河, 茄湯底香濃夠味, 牛腩就鞋D, 仲有2件好肥, 一般啦.  另叫至愛的牛油雞翼, 今次都係覺得咸左D, 但都接近以前青亭燕萍的水準了.

今日lunch time 去食。真係好多人，我和朋友二人坐6人枱的左邊，另有陌生人坐6人枱的右邊。 中間沒有隔板，實在令人擔心。 而且，我們的另一邊是 4人卡位，現在疫情下，居然安排一位呀姐同2個陌生人搭枱😔 真係太恐怖😱 我叫左 生牛肉湯河 ，牛肉真係好多塊嘅，面底都唔算太腍。湯底唔夠錦麗好食，但4X質素算唔錯。 另外，我朋友叫左 香茅牛肉湯河，啲牛肉冇沙牛肉咁薄，食落去似滑牛，香茅味欠奉。不知何解，湯底比較多油。可是，本面發現到有一隻螞蟻🐜 和我們同枱的另外二人，他們有一碗太多螞蟻🐜，要求換過另一碗，我先發覺到我朋友個碗有蟻。衛生情況真係麻麻地。

外賣生牛肉湯河+椰汁紅豆冰，下午茶35蚊包飲品，俾錢先知原來仲有9折，埋單32蚊，係鰂魚涌邊到搵到。。。返到屋企河粉已經索曬d 湯🤦‍♂️，河粉亦太淋，不過其實整體味道ok。下午茶價錢，但份量絕對唔少。飲品不過不失，唔會死甜，紅豆唔夠爛但口感已經沙沙地，有咬口。

今日放午飯嘅時候覺得好似好熱咁想食啲香口嘢，就揀咗越南野食~我哋行過貨幾耐就搵到呢間越順越南餐廳，平時都係食開飯同埋面今次想特別啲食啲拼盤嗌個小吃~，都唔差喎唔會等好耐可以再嚟~

想食越南野 公司附近搜尋見到呢間 外賣自取九折 電話落單 去到即刻攞豬頸肉撈檬 一打開盒 豬頸肉嘅香味撲上嚟好香 好淋 佢個酸汁另外用杯裝 酸辣度自己調教面嗰啲香蔥 撈埋食真係好正椰汁紅豆冰 真係好椰汁下次想試吓佢個綠豆冰好食兼抵食加$17可以試埋其他小食