越南越順餐廳

營業中

休息中

今次同屋企人因為有啲事要做 所以提早去左鰂魚涌食野 我地簡左呢間屋邨入面嘅越南餐廳因為屋企人最鍾意食撈檬 所以叫左碗香茅豬扒撈檬 當碗撈檬一上枱 我地發現佢唔係正常下午茶Size 反而係比正餐仲要大碗 食開撈檬都知佢會有專屬既醋 而呢間餐廳既醋食落唔會過酸 對我地黎講岩岩好 唔會食到拿喉 撈檬上面既蘿蔔絲好薄 好好味 豬扒就相對正常 無話好特別另外我仲叫左碗香茅雞翼湯檬 我跟餐就簡左椰汁紫米露 呢碗湯檬既雞翼係另上既 咁樣可以保持湯底無咁油 雞翼又唔會浸湯而淋哂 我覺得呢樣野幾細心 而且佢仲額外提供左辣椒同青檸 俾你自由選擇落唔落 而我就另外加左魚露去配雞翼 佢地既雞翼唔係雞中翼 係連埋雞翼尖 岩哂一啲鍾意Lun骨既朋友 最後椰汁紫米露椰汁味好重 紫米唔會太硬 不過不失 但因為係跟餐既 所以可以簡返飲品都得

同朋友食個快lunch唔想食得太油膩有時都會揀呢間❤️今次第二次食👉🏻叫咗雞絲檬粉湯底清香 唔會覺得係雞湯味雞都滑份量都好多食極都有😆另外會有紅椒同埋青檸另上 ，自由加入檬粉內👉🏻仲叫咗粉包（即蒸，熱辣辣）不過冇影相😂👉🏻生菜人均消費：主食（連飲品）加兩個小食每人60幾蚊

天氣太熱，所以想搵越南嘢食。喺鰂魚涌抵食嘅越南嘢唔多，我食過另一間但係要受氣，所以今次就嚟越順試試。發現依家外賣有九折，仲抵食。叫咗個香茅豬扒撈檬，份量都唔少，正常女仔食量會食唔曬。墊底嘅係青瓜絲同埋菜，跟住先至將檬粉擺上面 ，豬扒切幼條上面有花生碎。個汁就另外用紙杯裝 ，今次冇叫到嘢飲所以可能平咗兩蚊。好似跟餐係送黑糯米甜品或者其他冰飲品。豬扒香茅名唔算超級突出但係算係好鬆軟，而且份量真係唔少，$41算係幾抵玩。呢間我會encore。 至少入面啲姐姐都有禮貌，無咩客會同你R水吹。

經過鰂魚涌, 記起呢間比較隱蔽嘅越南餐廳， 但亦都比較易搵， 之前試過揸車去， 佢隔離有個好窄嘅停車場。今日十二點前去一個客都冇， 之後就越嚟越多人 ， 先講清潔度就麻麻地， 店員嬸嬸打乞嚏冇用手撳住， 餐具尚算乾淨。叫咗一個生牛肉粉午餐， 送紅豆冰， 如果兩點後有九折， 呢個餐 可加16蚊兩條春捲。牛肉粉湯夠熱清甜， 味精唔算太多，河粉多牛肉都唔少， 但湯底就唔算太濃。 春捲好脆， 有水準，生菜尚算新鮮。 椰汁紅豆冰都算好飲， 亦多紅豆。 之前試過香茅豬扒飯，雞亦都O K。

初初係門口見到以為係普通茶餐廳但再望下門口個menu先發現，原來係食越南野坦白講真係俾佢個價錢吸引左，而入去食一碗粉麵包埋野飲都係40幾蚊，係香港島真係唔容易搵到架🙈入到去見到成間餐廳都係坐滿人，心諗啲野食應該唔錯～今次叫左個香茅豬扒湯檸粉，牛油雞翼同埋跟套飲既綠豆冰。當一見到咁大碗既湯檸同埋都算大塊既豬扒即刻諗都唔知食食得哂，因為仲叫多左份雞翼試😂不過呢個湯檸值得形讚既係，湯底唔會好油好味精。豬扒方面都唔會太乾身，仲有啲肉汁至於牛油雞翼，都真係好好味佢有好香蒜蓉味之外，重點係唔會一食落去成口油同好厚粉咁下次黎食既朋友都可以試下呢款牛油雞翼😋整體黎講，係抵食選擇之一

呢間越南菜小店位置都幾隱蔽...如果唔係同事介紹應該都唔知呢到有間餐廳😳入到餐廳坐滿哂人...不過好彩都好快有位🙈午年套餐真係好扺食👍🏼$46有一碗麵/飯加嘢飲/甜品🤩我就嗌咗牛腩片金邊粉同椰汁紅豆冰~碗粉真係超級大碗🤣我先試咗個湯...味道幾清甜~無口乾🙈牛腩片大大塊，仲要有5-6塊添😙但係略嫌有少少韌🤭不過呢個價錢嚟講已經好滿意🙌🏼至於個椰汁紅豆冰就失望了😟似係兩匀椰漿溝水....紅豆亦都無煮到好淋身🥺下次嗌翻普通嘢飲好似安全啲~另外我哋仲嗌咗一份牛油雞翼share🐥好香好邪惡，但係食落去一啲都唔油🥰好好食！推介！

當日經過， 我被不停閃動的招牌吸引了，令我注意到行仔內有一間越南餐廳。價錢親民， 六點後仲有9折， 糧尾必選。🥢生牛肉湯河餐$46 四十幾蚊仲要包嘢杯冰類飲品或甜品， 好扺!可惜湯底不夠濃郁，生牛約有4、5片左右， 整體味道一般，價錢與質數成正比。跟餐的椰汁綠豆冰， 我只飲到椰汁味，有綠豆蓉但無味道🙈。🥢越式炸蝦餅 $50半煎炸既薄切款蝦餅， 由於薄切令口感同味道都大打折扣，個人鍾意食啖啖肉蝦餅，厚切可能會較好。

Lunch hour通常都幾Full既越南野，今次一於黎試一試。環境方面裝修有格調，用左黃燈，營造左越南既優情，係忙碌既午市，為食客帶黎一點放鬆，裝修以木為主調，配合埋野食，感覺都幾好。位置方面都唔算逼，但座位就用木造直角椅，略嫌有d唔舒服。食物方面好推介佢個黑糯米，天氣熱食佢黎解暑就一流。而且呢個黑糯米好多越南野都無提供。生牛河方面，整體算中等水平喇，不過不失。小食方面由於Lunch, 所以無叫咁多野，大家黎食dinner可以試下佢個炸春卷。

久唔久都會食一次越南粉麵，好喜歡湯底嗰種清甜，唔油。 還有湯粉入面配有「羅勒」， 真係又香又清又甜。午飯時間，呢間越南餐廳係附近受歡迎餐廳之一，每逢經過都見到店鋪內人山人海。 要拎位其實早少少到。 食飯時間唔多，點餐有少少壓力，用左最快速度點了最想食既 生牛肉配金邊粉。 金邊粉好似河粉咁闊身，同平時食開金邊粉有少少不同。 定可能係師傅切闊左。 牛肉好夠味，好有咬口。 湯底就一如既往，清甜不油。 感覺好健康，好似清一清腸胃。

餐廳位置非常隱蔽唔係熟客根本唔會為意湯檬+$2(可以免費加底)湯底唔錯，亦好大碗拍青瓜必叫，$15大大份粉包/春卷都食得過，加魚露一流飲品，柑吉茶最正但廁所環境惡劣，免得過都pass

LUNCH TIME真係好多人, 好彩人流都去得好快。不過因為多人, 就有漏單情況,果日我地都漏左單,等左勁耐。叫左個牛肉湯檬粉, 3X 蚊, 幾多牛肉, 檬粉幼幼的, 幾好, 湯底幾清淡。加15蚊有個小食,叫左粉包, 竟然有2大舊!!!仲要熱辣辣蒸起。入面主要係沙葛木耳呢D蔬菜, 肉就少左D, 但都抵食呀。餐飲其實可轉甜品, 我見好多人要黑糯米。

今日平平地試咗依間越南菜做午餐。間店有點殘舊，入面座位比較窄，座位同桌子都有點殘舊。午餐有普通嘅餐牌同一張午餐嘅點餐紙。.叫咗個香茅雞翼撈檸，配椰汁🥥紅豆冰。$45蚊。讚一讚張點餐紙先，因為選擇配搭都係好多，而且好搞笑，凍飲紅豆綠豆冰都唔洗加錢。.上菜時間比較慢😅，要等成15幾分鐘以上。碗撈檸真係好大，而佢有2隻雞腿🍗同一隻雞翼，而雞翼仲有尖添。但雞翼係唔脆口都唔熱，仲林林地。不過啲雞翼都幾多肉👌。而魚露甜酸汁，唔夠入味，不過仲算得上讓檸粉變得酸甜同開胃。而杯紅豆冰，椰汁細重，而紅豆少勁少。所以變得好似飲緊椰汁，唔似紅豆冰。🤢整體叫過得去，唔係特別吸引同好食，$45蚊一碗算係咁了。

今日 #首領 話想食麵做午餐，可惜佢嘅至愛座無虛席，唯有再搵地方。咁啱比我哋喺轉角見到間久違了嘅越南餐廳「越順越南餐廳」。顧名思義，#越順 越南餐廳就係一間食越南菜嘅餐廳。呢度嘅選擇都幾多㗎🤩不過你千祈唔好俾佢嘅餐廳嘅外觀嚇襯，鑒於太過古色古香，唔講可能大家仲以為呢間餐廳係專為同胞服務添 講笑還講笑，我哋趁早叫嘢食，食飽飲醉之後慳返啲時間仲可以周圍行吓。#小秘書 今日豐富啲，要咗個 # 茄汁牛腩飯，套餐仲配埋一個免費飲品，我就揀咗 #黑糯米 做甜品🍮先講個 #茄汁牛腩飯，我覺得唔錯喎，茄汁雖然唔係100%新鮮茄汁，不過廚師調味得好好，配埋啲牛腩，估唔到咁夾㗎。食咁多嘢只係$45，值得一試！

要是在鰂魚涌吃越南菜，一定會來這裡！在午飯繁忙時間通常都很多人，而且要有心理準備一吃完就要離開，因為外面有很多人在排隊今天天氣開始轉涼，叫了一份湯檬暖暖胃！平常只要豬扒，但貪心症又發作，加七元雙拼扎肉。。。發現原來雙拼的話豬扒不會另上這裡的香茅豬扒本來十分鬆脆可口，現在浸在湯裡全變質。。。有點失望。。。下㳄都是不要再那麼貪心好了本來已經是搭抬，飲品還未開始喝已被店家詢問是否不要，想收走去。。。唯有火速離開現場，回公司睡覺好了

我同朋友今日試下越順越南餐廳，一間位於英皇道嘅橫街，喺有啲懷舊嘅紅磚屋入面嘅餐廳。一入到去就發覺有好多男食客，起初我哋喺度諗河粉好似唔太飽男士未必夠，但一睇到人碗湯河分量十足後，終於明白點解你間餐廳咁受男女顧客嘅歡迎! 朋友嗌咗一碗生牛肉湯河，我就嗌蕃茄牛腩河。呢度最特別嘅係跟餐嘅免費飲品可以揀紅豆冰/椰汁綠豆冰/柑桔檸檬！唔鍾意嘅話仲可以免費轉做黑糯米糖水😳❤個餐只係$45咋碗河粉真係好大- 直頭大過塊面。有好濃郁偏甜嘅蕃茄湯底，仲有好多舊牛腩。係咁炎熱嘅夏天食啲甜酸嘅嘢真係好開胃！我好想食晒成碗粉但真係Mission Impossible因為我哋好為食地嗌多左兩個小食（$15一個）我哋最愛嘅春卷！超級脆，個餡又好味，如果餐廳可以推出春卷配粉面飯就正啦仲有牙車快，即係凍越南沙律，有甜酸嘅白蘿蔔絲、紅蘿蔔絲、紅洋蔥、生菜、雞肉同扎肉，喺一個幾好味有健康嘅小食。個黑糯米糖水拍得住酒樓質素，食到我同朋友攬住個肚走。推薦越順越南餐廳比鍾意食越南野嘅朋友，又或者好似我咁一樣大食嘅朋友！