越南麵包

營業中

休息中

九龍城真食一個搵食既好地方，今天黎到就搵左間幾有特色既越南餐廳。以麵包為主打既越南餐廳真係第一次試。入到店內見到充滿聖誕節既裝飾，感覺到聖誕節就到既氣氛。整體店內環境都不俗，十分舒適。見到餐牌有兩款新既麵包就試左其中一款法式油封鴨脾包。法式油封鴨脾包($108)鴨脾慢煮十個鐘先完成，配合藍芝士同埋辣椒等配料令到鴨脾肉十分惹味。麵包選取左較軟既一種，入口唔會太難嚼。碟邊更放埋料理好既洋蔥，加埋一齊食令到味道更濃郁可口。喜歡濃味食物既朋友真係要試下。越式鮮蝦豬肉米線($78)湯底完全無味精，鮮甜既番茄同埋蝦煮左好耐既美味湯底，配料加上豬肉估唔到效果十分好，味道無衝突外更加有驚喜。配合得恰到好處，海鮮既味道同埋豬肉既肉味，口感味道層次都有所提供。加上店員介紹係限定期內先有既菜式，剛好今晚食飯有機會試到。越式蝦餅($88)用料十分足，食落十分彈牙。蝦餅炸既火喉唔錯，外面甘香入面就保存左鮮蝦既肉汁。養喉潤肺茶($58)味道都幾甘香，食完蝦餅用黎清下口腔油膩既感覺。

【2015 年 9 月】好鍾意食脆卜卜的法包最正就是外面脆卜卜，但是裡面仲是軟軟的麵包早前見有網友介紹九龍城的越式法包 ... 好吸引咁 ... 趁周末就去開餐囉 !!!店名 Banh Mi 在越南語意思是越南法包和法包不同的是越南法包會加米粉，令麵包更脆，包身更輕店內裝潢也以簡潔為主，白牆、木枱、彩色椅子 ... 予人悠閒舒適的感覺午餐時間當然點至抵食的午餐午餐可以加配小食，蕃薯條和越式蝦餅每款 +HK$25外面炸到脆卜卜的蕃薯條，裡面軟軟的，香脆甜香，好好食越式春卷 +HK$18慢煮蕃茄牛肋條麵包法包咬落去真是好鬆脆，但不會乾乾的蕃茄牛肋條又淋又入味，裡面還夾了帶甜酸味的紅白蘿蔔醃菜，食落清新又開胃香芧豬扒飯薄切豬扒除了有香芧味，還有甜甜的蜜糖味，好好送飯羅望子雞飯其實唔知道望子是咩，也不知是咩味道 ... 這次第一次食羅望子咋原來是甜甜酸酸的味道，幾開胃的餐飲 ... 熱越南豆即磨咖啡和凍檸檬茶凍檸檬茶裡面無新鮮檸檬片，是已沖調好的檸檬茶餐飲轉滴漏咖啡 +HK$15用越南滴漏咖啡壼即席漏滴，將漏滴好的咖啡倒入冰中，就是一杯冰凍的越南咖啡喇 !!!越南咖啡通常配煉奶，原來杯底已經加

提起九龍城，每個人都會想起泰國菜。九龍城正正就是泰國菜的集中地，想吃正宗泰菜，來九龍城就最適合不過。九龍城愈來愈大變化，開始引入不小新式的Cafe和西餐廳，變成一個多國菜的地方。今晚我和來自遠方的朋友來到九龍城光顧一間越南餐廳。餐廳的招牌非常顯眼光亮，漆黑的街道上份外突出。主打越南麵包的餐廳，晚上時間人客並不太多，但感覺非常寧靜和平。餐廳播放平和的音樂，感覺非常舒服☺️☺️餐廳有很多聖誕擺設，店員和老闆娘微笑示人，一進去非常親切。越南餐廳主打越南麵包，餐廳最近也推出新菜式，手寫餐牌十分有熱誠和美觀😉餐牌選擇非常多，有小食、飲品、甜品、飯、濱海和人氣的越南麵包。我和友人先點上兩杯飲品。牛油果沙冰 $48/青檸七喜。牛油果沙冰非常罕有😃我非常喜歡牛油果的味道，難得遇到當然要試一試。沙冰幼滑，口感不會甜不太膩，入口濃香清甜，非常清新👍🏻青檸七喜有陣陣檸檬的酸甜，酸度剛好，開胃之選😉豬頸肉米紙卷 $68。豬頸肉爽口溫熱，配上大量蔬菜，入口爽脆清新。底部有豬頸肉醬汁，入口惹味香口👍🏻慢煮咖哩牛肋條越南麵包 $88。越南麵包的特色就是外層的裂紋，香脆香口👍🏻麵包中包有牛肋條 惹味醬汁 洋蔥 辣椒粒 香

今晚又同老婆仔又圍搵野食黎到九龍城 當然要食返啲只係九龍城先食到既餐廳啦Search左openrice 見到依間越南麵包好似好吸引 就黎左依度啦人客唔多 所以我地都即刻就有位 餐廳已經佈置左好多聖誕裝飾 好靚 再加上人客唔多 坐得都好舒服今日叫左4樣野 再加2杯飲品第一樣係小食拼盤 依個拼盤有雞翼 扎肉 蝦餅 春卷雞翼特別要一讚😄好香好濃既牛油味 絕非一般既雞翼 而且啲牛油味好出 係我食過最好食既雞翼 本身諗住同老婆再散叫多一碟雞翼 無奈食埋其他野太飽 食唔落 另外蝦餅都好彈牙 細細粒可以一啖食哂 但千其唔好咁餸因為會辣親個口架 每樣野都新鮮整好 非常之熱再之後親係豬頸肉米紙卷 豬頸肉很淋身 而且有好多汁 一夾起就已經有汁係米紙卷度流出黎 一放入口 味道好豐富 除左豬頸肉仲有其實材料 爽甜淋咸集於一身 好好味再之後就係主菜啦 我就要左個咖哩牛肋條包 落單既時候 老闆娘都問我地食唔食到辣😛原來真係幾辣 一開始未食之先 已經見到有辣椒係包面 入面既咖哩汁 非常香濃 很有泰越的風味 牛肋條亦都淋 唔怕會咬唔斷 麵包十分既脆 夾在一起吃 真係別有一番風味老婆就叫左個油鴨脾包 我只係試左一啖 感

九龍城最多泰菜，但食到厭晒，見到呢間越南麵包好多越南菜簡，即刻試試！越南麵包叫得呢個名，麵包一定係招牌菜啦！叫左個五花肉越南包，超大份，三個人食麵夠晒飽！叫左小辣，所以入面包左少許辣椒、越南紅醬，加上慢煮過超入味既五花肉同埋大量菜同青瓜，食既時候唔漏，好好味！食呢個包既時候真係覺得幸運滿瀉！下次一定會再幫襯，從此去九龍城又多左個選擇啦好足料！

越式小食九龍城多泰國菜就大家都知，但原來而家都越開越多小店，間間都裝修好精緻，而且咩菜式都有！今次司令就搵到呢間越南菜，入到去見到裝修已經首先加左分😂。食物都好好味！即刻講講先😍！今次司令點左幾款野食，包括有香茅豬扒飯、蒜香牛油雞翼、越式春卷同招牌菜慢主五花肉越南包。牛油雞翼加錢加既蒜香牛油雞翼，雞翼有先煮過再炸，所以入面肉質仲係好juicy，而且蒜、牛油味好濃，可以話係司令係咁多間越南餐廳食過最好味嘅雞翼！越式春卷裡面肉碎比例偏多，質感厚實啲，但略嫌有少少乾，但包生菜尼食，再點埋佢地個酸辣汁，都算幾開胃架。凍檸茶既冰唔係話，凍檸茶既冰都要講😹？冇錯，味道尼講杯檸茶冇特別，但特別在佢既冰都係用檸茶雪出尼，冇錯好多舖頭都有用奶茶冰，不過得一粒起兩粒止。但尼到就有大半都用檸茶冰，誠意滿分！香茅豬扒飯（$58）講埋香茅豬扒飯先，豬肉扒用蜜汁燒過，微焦微脆，食嘅時候點少少酸辣汁，甜甜酸酸超開胃！同平時食開既香茅豬扒唔一樣，唔會乾而且竟然做到有汁，加上豬扒燒得微香，好味！而且份量都好大，絕無欺場😋。絕對食得飽架。慢主五花肉越南包($88)越南菜除左河粉麵食之外，不得不得就係越南包。司令梗係要試試

係九龍仔公園打完波落山食個飯. 行下見到呢間越南野靚靚地就去支持下. (小妹就係唔鍾意九龍城只係得泰菜.火鍋. 甜品! 一個地方應該要有diversity 同埋小店是值得撐的!!)既然店名是越南包, 我地就點左兩款.蕃茄慢煮牛肋條包. 外形唔多討好但又幾好味. 牛肋條煮得淋. 而豐厚肉質令成件事好有質感. 大啖咬落去, 見到一絲絲的牛肉, 好實在! (食肉獸都能滿足啊!) 茄味幾重, 開胃又易入口. 不過亦因為茄底, 個包易d變軟. 宜快食.燒豬頸肉包辣辣地. 豬頸肉邊燒得幾好,邊位脆. 而中間的肉是易咬而非豬肉乾type. Overall 幾惹味~ 但比前者dry.兩款包都夾左大量蘿蔔絲, 酸菜絲同青瓜絲. 感覺light d 健康d. 跟餐既薯條同樣係走健康路線- 蕃薯條. 炸得香脆而不油. 蕃薯甜甜的. 很好吃!飲品比較普通. 越南啤酒個label 係999, 個名幾得意. 味道正常啤酒味. 而青桔仔蜜就似檸蜜. 可能叫滴滴咖啡可能特別d

Happy Friday搵野食特別難, 今晚黎龍崗道呢邊食Banh Mi就唔洗等位  揀左一個Dinner Set 豬豬三重奏小食春卷少少咸, 濱海米粉生菜都唔錯, 不過無咩驚喜SET既另外2款夾埋左係一碗推介烤肉伴飯, 靚米香肉, 唔經唔覺就食哂成碗蕃薯條都做得好好, 甜脆夾番杯越南啤酒999越南啤甜味重, 麥味濃, 岩女仔飲再黎就食招牌既麵包啦~豬頸肉夾扎肉不過不失.配料有蘿蔔絲, 青瓜條, 辣椒, 同埋少少青木瓜絲沙津. 牛肋條就比較出色, 慢煮出黎好淋身, 蕃茄酸酸甜甜, 好襯個包.店員好細心,見我地3個人就幫手切成3份 法包唔會太硬, 可以輕鬆咬到.叫左凍既滴漏咖啡, 就一次過可以試哂熱飲同凍飲 睇住佢一滴一滴咁滴落黎, 嗅覺加上視覺都引死人飲落好香唔苦, 杯底有少少煉奶, 撈埋就岩岩好

在IG上看到推薦，正巧經過九龍城就過來試下。要了IG上推薦的蒜蓉牛油雞翼配紮肉飯，香茅雞扒飯，青芒果沙律同炸蕃薯條。牛油雞翼好好食！好脆好香，咬落去嚓嚓聲，滿嘴都係牛油味！不過飯上面落左蔥油，有小小膩。紮肉有兩種口味，味道都不錯。炸蕃薯條唔油膩，蕃薯好新鮮，甜蜜爽口。香茅雞扒就普通左啲，偏油小小。青芒果沙律都不好不過。鍾意個環境，一開始無乜人，侍應播Ｄ好清爽的音樂，又唔會嘈住你，好舒服。有機會可以再食。

造訪完香港最後一條城中圍村—衙前圍村，來到附近的九龍城覓食，選定了這家位於龍崗道的明媚小店。很喜歡門口和店內的小盆栽，溫馨之餘又充滿生氣。店不大，基本上就是左右兩行，大概十張桌子，外加兩個小吧枱。但樓底高高的，白色為主的裝潢，配上雅緻的綠色，簡潔卻不會顯得冷。午後的陽光穿過玻璃透射進來，一洗我心中目睹古村消亡的無奈。顧名思義，小店以越式法包作賣點。先來一個招牌越南面包和牛油蒜蓉雞翼飯。 法包夾著烤豬肉﹑扎肉和酸漬紅﹑白蘿蔔。口感很豐富，粒粒的豬肉烤得香脆﹑惹味，片片的扎肉味道稍淡﹑軟軟的，絲絲的漬蘿蔔酸酸辣辣﹑爽口又新清，剛好封住肉類入喉以後正要漫上來的油膩感。最值得一讚的就是面包，脆脆的，一刀切下去“嗦嗦”的，卻又不能一刀切到底，保留一點法包的韌性。昔日法國人將Baguette帶到越南，但處於東方熱帶的越南種米比種麥合適，於是越南人就摻入米粉做法包，結果越式法包比前宗主國的要脆要輕。遙想當年窮遊巴黎，一歐羅一條長長的法包插在背囊，被朋友取笑既是一整日的食糧，亦是自衛的武器。可見法包之硬，不是人人喜歡。從這角度看，越式法包口感就比較遷就東方人。而且比起牛油，越式法包裏面酸酸辣辣的醬汁

已是第三趟來這間越菜小店光顧了。小弟說來很少會短時期內重覆幫襯同一間店子的，此店的水準之好，由此可見一斑....當然店內並不是所有製作出品都令我十分滿意，但其中有一款東西卻是讓人回味的。為了它，小弟可以專道回來一吃再吃....不過在此之先，首先要提的便是這裡的掛頭牌之作 ---- 越南法包....法包依舊外皮鬆脆內裡軟熟，不過拿上手後卻覺熱度好像有點不太夠；醃酸蘿蔔依然刨得幼細之餘酸度也調得剛好；肉餡方面味道最突出的可算是醃得超重味的BBQ碎豬肉，而其餘號稱說存在的豬耳腸以及PORK ROLL卻是全然吃不出一個所以然來....未曾嚐過這裡的小食，就來一份蜜桃蝦丸米紙卷吧....這兒法包的組合選擇好說也有十來款，甚麼西冷牛扒或豬頸肉等等的材料亦可弄成一件法包。同樣地傳統的越式米紙卷的款式也有十多種。好像這份以蜜桃及蝦丸作餡的，小弟就從來未試過，可說是頗夠創新。相比起平常常吃的以燒牛或豬肉作料的，這個很明顯是屬清爽的一路；蝦丸本身肉不算很彈牙鮮甜，但配合著啜口又甜到漏的蜜桃肉，再加上帶少許煙韌彈性強的米紙卷及爽至嗦嗦聲的青瓜及醃蘿蔔絲，整件拿起後醮點酸酸鹹鹹又帶辣的越式魚露來食，確是一道十

四月份, 皇太后身體不舒服入院數天; 難得今天出院! 帶她到九龍城吃越南小食 - BANH MI 之前看電視介紹店主是兩名八十後的年青人開的; 還到了越南學習越南美食!餐單 - 麵包 餐單 - 小食 / 沙律 / 米纸卷 / 飯 餐單 - 飲品 原來全日下午茶餐單款式...隨時會有更改全日下午茶 $269/2人 青檸茶 鹹檸檬蘇打青木瓜絲沙律皇太后話: 味道一般; 魚露太多了!迷你越南麵包麵包不夠脆!配料...豬肝醬只有差不多一半, 扎肉沒有味道迷你越式撈檬皇太后話: 味道一般, 撈檬只有一小啖份量!越式蝦餅炸漿厚...不似蝦餅!越式春卷皇太后話: 春卷夠脆口!炸魚餅味道麻麻!蒜容牛油雞翼陣陣蒜香味...牛角酥又凍又不夠鬆!蝴蝶酥好硬 芒果栗子拿破崙栗子蓉香; 可惜拿破崙不夠鬆脆!朱古力 DONUT甜甜的朱古力 DONUTBANH MI 總結: 可以不試! 

幾個禮拜之前同朋友一齊食, 環境都幾舒適,好適合一個人或者同三五知己relax食飯. 食物方面因為人多都點咗好幾樣. 鋪頭招牌菜越南麵包, 當時點了扎肉豬肝醬,幾好食,麵包夠脆夠脆新鮮,酸菜同扎肉豬肝醬配合剛剛好, 其他地方未食過類似嘅麵包. 唯一唔好處係如一個人食, 點完呢個就食唔落其他嘢. 滴滴咖啡附朱古力甜圈, 幾得意, 但咖啡略嫌唔夠煉奶. 咖哩牛腩飯味道幾特別, 有啲獨特嘅香料味, 而且咖哩好濃, 街邊茶餐廳個啲求其咖哩飯完全無得比, 但真係幾辣(個人可以接受,同酸菜一齊食剛好互相中和.).香茅豬扒飯牛,啲豬扒啲未夠濃但唔會油淋淋. 油蒜蓉雞翼炸得恰到好處, 夠香但唔油膩. 軟殼蟹卷一樣亁身得嚟又夠脆. 啲炸做得唔錯. 啲朋友話啲物色凍飲唔錯, 但無幾會試唔知. 最後甜品我食果個好似係叫芒果奶凍, 都係好有誠意, 好食過好多甜品屋. 總括來講價錢比一般餐廳貴啲, 但質素相比來講好好多, 物有所值. 帶人食飯相信唔會先禮. 有時間會再食.

好吃但偏貴的越南菜在網上的推介找到了這間店，位置不在九龍城主流食肆的街道，因此人流較少，不用等位。店內裝修走咖啡室的路線，給人感覺舒適。蒜蓉牛油雞亦配迷你肝醬札肉麵包 $49雞亦外層包著炸得十分脆的炸粉，有很香的蒜蓉和牛油味。雞亦的肉質嫩滑，而且醃得十分入味。另外，肝醬和札肉與一般店鋪無異，反而麵包值得一讚。麵包上枱時仍是熱騰騰的，外皮十分香脆，絕對是上品的越法包。慢煮五花肉配飯 $78五花肉嚐得出是煮了很久，肉質很"林"，肉也很入味，配上飯吃十分好味。雖然肉只有4塊，但一口肉一口飯這樣吃，竟然剛剛好吃完了整碟。總括而言，這間越南店的質素頗高，當然相對地價錢也不便宜，下次到九龍城時也會考慮再吃。

Went to Banh Mi Bakery for dinner on a raining Friday night, the place is well decorated and could definitely feel the amount of effort put in.Didn't take too long for our dishes, we ordered Vietnamese Sandwich, butter chicken wings and tomato beef brisket.The sandwich was crispy and warm, the fillings inside are appealing with lots of carrots.The chicken wings is a bit sweet and the tomato beef brisket was tender and the sauce was just right.I'm not an expert on Vietnamese dishes, but there's n