越味屋 (嘉華大廈)

營業中

休息中

首先，豬扒大大塊，檬粉有很多，性價比極高。豬扒香茅味不是很濃 但配上小量蔥油，也不失色。檬粉清爽，但粉量多，略嫌撈檬汁不夠，下次要求老闆多給我一個整體不錯 值得再光顧

這間小店在輕鐵杯渡站附近，主要做越式美食外賣。此店的食物份量十足，而且即叫即做，送餐時都是熱騰騰的，很有越南的正宗風味。我們選了豬頸肉法包和香茅牛肉法包，法包份量很大，配料十足，豬頸肉很香，牛肉的味道也不錯，餡料的份量也足夠，而且法包外脆內軟，很好吃。湯粉方面，我們選了雞絲湯粉、香茅豬扒湯粉、蝦餅湯粉。湯底分別可以選牛湯或雞湯，兩款湯底都濃度適中，味道不錯，而且配有青檸和辣椒給客人因應自己喜歡的份量添加，粉類可選金邊粉、河粉或檬粉，他們會把粉麵及配料與湯用碗分開裝起，避免湯粉在運送中途吸收了湯汁，十分貼心。各款配料的份量足夠，而且味道不錯，湯粉亦配有各種香料，令湯頭更有越南風味。附加資訊：如果用外賣平台還會有額外折扣，十分抵食！

今次已不是第一次幫襯，之前幾次都覺得好好味，所以今日忽然想食越南野就諗起佢「越味屋」。今日外賣回家，買了兩份凍檬，兩份都加了一個餸「豬扒、豬頸肉、腩肉和雞肉」，全部都係肉再加左樽仔咖啡，本來想試埋奶茶，可惜遲左步，賣晒。點解我唔叫雞翼，因為外賣始終焗左一陣，點都會有啲失色。先講佢嘅肉，有香茅味，所有都燒得好香，豬頸肉好爽口，雞肉好亂滑，所有肉都唔嚡檬粉分量一啲都唔少，仲有鋪了很多配菜（青瓜絲、蘿蔔絲，生菜絲）加埋佢一啲都唔會過酸嘅檬粉汁，真係好好味樽仔咖啡細細枝，但好香越南咖啡嘅香味，唔會死甜夏天食檬粉真係幾好嘅選擇，唔會食到成身汗P.S 店家好nice ,態度好好。而食物嘅包裝都非常簡潔。

從來唔會寫食評既我。今次真係想評一評價這間餐廳。本來收工買外賣返屋企食。叫咗一個雞扒撈檬粉套餐。見到塊雞扒都幾大塊，好似幾抵食一定飽。食咗一細塊。發現咬唔開. 咬唔爛。之後吐返出嚟，原來發現係唔熟之後再睇其他嘅雞扒都係連著夾唔開的。佢成塊雞扒完全唔熟。大家可以評吓，附有圖片。🤬完全失望。聯絡他們電話，但已經關舖了。食品安全都做唔好點樣做飲食。大失信心。大家食之前留意。

今次呢間係喺連住市中心馬會隔離嘅杯渡站下面，新開張時已經食過，水準一年後有多都仲一直keep住👍🏻值得一讚越式食品來來去去差不多 不外乎都係飯 撈檬 同埋越式小食～呢間三樣嘢都做得好 平時小編都會推介佢比身邊屯門區朋友可以一試 最緊要係價錢十分划算 選擇亦都好多以佢嘅食物質素搬出尖沙咀 價錢可以收Double了😹∝🐣燒豬頸肉 拼 香茅串燒雞肉撈檬✨食親越南嘢我都鍾意食撈檬～每間嘅汁我都覺得各有特色好想試吓🤣 佢嘅汁我覺得係屬於一般嘅 唔係話好出眾 就係標準撈檬汁咁但佢個燒豬頸肉我覺得係出色嘅！份量每次食都係咁多 燒得好入味 醬汁都做得好好鍾意食豬頸肉嘅一定唔可以錯過😍 一年幾嚟食過無數次了今次我試新嘢諗住叫雙拼 拼咗香茅串燒雞肉佢嘅雞肉串有點兒太乾身 雖然燒得係好食但係質感唔okay 豬頸肉份量我覺得比起我平時嗌淨豬頸肉少得太多 反而雞串就有三串 我寧願要少一串俾返多兩嚿豬頸肉我😢 結論係下次再食我都係會叫返淨豬頸肉撈檬了∝🐷燒豬頸肉飯朋友叫咗個燒豬頸肉飯 燒豬頸肉都係咁好食 煎荷包蛋做到流心 蔥油夠 係有少少唔夠味 由於外賣所以喺屋企落返少少甜豉油就搞掂🫶🏻∝🪟越味屋屯門新墟嘉華大廈

喺外賣平台叫左一個香茅雞翼撈檬、一個春卷撈檬、一個香茅雞翼撈檬加左錢加春卷，點知嚟到，加錢嗰個係少左餸，正常嗰份雞翼撈檬係4隻雞翼，正常嗰份春卷撈檬有6條，但我哋其中一份叫左雞翼撈檬+$8要多一份春卷，結果嚟到係變左2隻雞翼4條春卷，變相係加左錢仲要減左我2隻雞翼同2條春卷，仲要貴左勁多。我哋以為佢搞錯左，打比佢問佢仲要話正常，我哋叫嘅係雙拼，我話唔係，我哋叫嘅係雞翼撈檬加錢加春卷， 佢仲要話咁咪比少2隻雞翼囉，啱呀，間嘢好呃錢囉！如果講明係雙拼都仲好啲呀，佢宜家係叫人加錢但減左啲料，好似係兩回事嚟…幾好食都好，都係呃錢感覺。

豬肉越南法包- 法包的大小有兩隻手掌咁長，法包的高度有一隻手掌咁闊，裡面餡料十足，多到跌出來，有肝醬、酸菜、青瓜絲、紅蘿蔔絲、青瓜片、炸豬肉。- 法包外皮略嫌唔夠脆和硬，包身有點點軟，豬肉份量夠，味道偏鹹，所以整體個包食落未夠惹味。- 由於個包夠大，餡料夠足，所以完全可當午餐/晚餐，而且是即叫即整，整好仲用紙整個包實，所以可以做到保溫，$42包一罐/一包飲品，價錢是值的。

個店舖細細估唔到有好多野食可以揀，左揀右揀最終叫咗香燒腩肉檬粉，腩肉香口又不膩，檬汁酸酸地有少少辣好開胃，加埋有青瓜絲好啱天氣熱食會再幫襯，下次想試吓法包同湯河

店鋪細細 選擇都幾多🤩叫外賣叫左個豬頸肉法包，香茅雞翼 味道都不錯👍🏻👉🏻豬頸肉法包法包好脆 入面又保持到軟豬頸肉好香 再配上配料 （青瓜、肝醬、酸蘿蔔絲、芫荽、特色越南辣醬）好清新又惹味👉🏻香茅雞翼都香 肉質外焦内嫩👍🏻推薦✨