越旺 (已結業)

睇左好多食評都話呢間好食，所以趁有一晚係附近都走去試左。呢間當然係佢地d裝修咁整齊啦，仲擺左個電視，你可以睇無線新聞，好鬼死地道添。因為一個人可以叫既野食真係唔多，我只係叫左一個生牛肉河粉同埋越式炸春卷。其實叫個陣有d擔心架，因為我得半個鐘，我真係驚唔夠時間。好彩，雖然差不多坐滿晒成間舖，不過十分鐘到都到啦，放心晒。一眼望落去，成碗都舖滿左九層塔，如果你唔鐘意個香味就真係唔好食，我個人就好鐘意，立刻就加入青檸汁同辣椒粒啦! 試下個湯先，之前有食評話個湯落味精，我都唔敢飲多，嘩! 真係好重味，注意唔係味精呀! 真係好濃味架而且個湯好熱，所以我件牛肉係上檯無幾耐就已經熟晒啦。由於我只係叫左普通既牛肉，就係普通囉，真係無咩特別，河粉都係滑既，又係無咩特別。個春卷好食，係用米紙包，唔花巧，餡料係冬菇、肉碎同粉絲，包得好實，但炸得好鬆。食左芽莊你就會覺得呢間『it's nothing』，但係越南菜尤其是牛肉河粉本身就係一碗係越南街頭都可以食到既美食，既然本身係樸素既美少女，點解要幫佢添妝呢?PS – 食完之後去睇戲，行去戲院個陣個口仲係碗湯既味，after taste非常強勁。睇完成場戲都唔覺

幫襯好幾次了. 超多香葉, 一次過全浸在湯裡, 但香港人未必受得了, 不過個人來說, 十分啱胃口. 其中一種香葉, 葉邊細細的剧齒形, 有點"界"口, 大家小心.每次都吃生肉熟腩河, 每次都不厭. 凍檬則普通.另外, 推介大家試試奶油硬豬, 面包上桌時一點也不硬, 反而*非常*鬆化, 試過兩次都十分好, 應該不是"撞手神"的, 況且只售十蚊雞, 覺得唔好味也不是太大損失吧一點小問題, 就是已試過兩次上錯/漏東西, 一次是漏單, 另一次是少給了熟腩, 向待應詢問後, 他們另上了熟腩給我自行放回湯碗上.

Heard from some magazine, that it's the best Pho in town. I try to go last Friday. It's not as what I imagine. The Fish Source is so light and sweet. This th the soul of Vietnamese food. It's too different with what I have in Austrilia . The Pho is OK ! but still not good enough. There is no Vietnamese taste and feeling. Service is extremely bad. Maybe the magazines' effect , the business is so good! They not willing to serve us!

2008年3月31日，越旺春卷撈檬: 不過不失啦。生熟牛肉河粉: 熟牛肉好，湯底味道不錯，河粉一般。不過食完之後就口渇一日。

來過數次,碰巧也是sat.綜合印象:這裡的牛肉pho是ok.湯底偏甜(有時會覺得甜得來幾假),好彩加了很多香菜分散注意力.粉的質地我覺得別處有更好的.凍滴不夠濃,我喜歡像espresso那樣的.(以前華順那些)亦試過蝦餅凍檬,蝦餅很油,別處也有較好的.春卷ok,沾汁夠酸但不夠魚露香.比起初開時,店員開始燥燥地了.

午飯時段黎呢度開餐,成條街都咁多人,呢間越南野梗係唔例外,雖然已經搵左朋友仔排定隊,但係都要等左一陣先有位,好旺場呀!午餐唔會食好多野,同朋友仔一人點左一個湯粉,我要左豬頸肉湯檬,友人就要生牛肉湯河。豬頸肉湯檬最好味原來係個汁,真係好香,而且好有味道,同一般湯檬既底唔好,雖然比較濃,但係又唔油喎,唔知落左乜野,但係應該唔會係味精,因為飲落比較鮮味,個湯底味道滲左少少入豬頸肉同檬粉度,更加好味!豬頸肉幾腍,又瘦,易入口,味道唔錯!檬粉算係成碗野最普通既一環,但係質素都ok,軟硬適中,算係中上啦!朋友話,個生牛肉湯河好好味,咁我見果d牛肉都幾靚既…講真,呢度同同一條街既另一間越南野xx源差好遠,呢間真係好食,果間呢…請自行猜想我想講什麼吧!

早上係合和中心搞完d野, 行下行下黎左呢度.店內掛左好了越南圖畫, 很有特色.還教了正宗吃越南河的方法, 如下:1)先飲湯, 品嚐牛肉湯鮮味;2)加青檸汁及香葉浸入湯, 再食d粉3)最後牛肉點上甜, 辣醬吃之幾得意.小弟點了和牛越南河. 湯中有勁多香菜, d牛肉好腍. D湯好香.不過記得多年前去越南食牛肉粉, 湯中好似係加左牛油的. 而呢度d湯就比較清, 可能係迎合香港人口味吧.仲要左杯紅毛丹冰, 有好多紅毛丹.

原本想試街口的新開日本菜，看見極長的人龍，於是過檔了隔幾間舖位的越南菜。餐牌上原來是雞絲扎肉撈檬，我轉了淨雞絲撈檬，原以為少了一樣，可以多點雞絲，最後上時只得一少份。我當然立即投訴，要求可否加回扎肉，那位侍應太太說會俾師傅鬧，所以不肯幫我加，真係有點唔抵。同事的香茅豬扒撈檬有兩大塊，她好慷慨的分了少少給我，肉質雖鬆化，但梳打粉重過香茅。食撈檬最大的精髓是魚露，而且食越菜魚露是不可缺少的位置。他的魚露不鹹不酸不甜，就算份量再加多也是淡淡是，我要再加辣椒醬來吊出味來。

去年十一月初已來這裡吃了幾次，可惜當時OpenRice還未加到名單上。到現在，吃了十幾餐總算可以更加客觀地去評論。三個月來看著這家店一直在變，從好傳統的越南Pho，到餐牌上加了$48的和牛Pho，還有$128的雪花和牛Pho，老實說，我情願你乖乖安於半份，做回最初的樣子。生牛肉河粉是招牌菜，湯底濃，和在越南吃到的味道差不多一模一樣，至於那個和牛，有點怪怪的，不合意，金邊粉吃過一次也是覺得怪怪的以後不敢再叫，像是過期許久，有陣「益」味，坑腩河沒問題只是不是真坑腩，份量也較其他店子來得少，小食，粉卷比較出色，其他如蔗蝦雞翼等，味道都非常一般，沒驚喜也不會難吃。比起同街的另一家越南店，我覺得這裡做的味道較合我意。生牛肉湯河粉才$27，加底全免，不太強求的話食得過。

蘭杜街近來開了幾間新的餐館，有日本菜、越菜...外賣又多一個選擇了，正！唔駛淨係食隔離個間新竹源....我和男朋友叫了：1.生牛肉牛筋湯河+雞翼($8兩隻)2.生牛肉牛腩牛筋檬+雞翼($8兩隻)外賣送到，都幾快喎。湯係分開裝的，很細心！喝一口湯...唔？有種特別的味道...？是香葉？是藥材？和平時食開的味道不一樣...不錯！飲落口幾順喉，唔係得個咸字。雞翼係炸個隻法式雞翼，我幾驚係香茅雞翼呀，GOOD!!面頭好多一塊塊的東西，唔知係咪香葉黎呢？又有好多芽菜...最唔好係D河粉，痴晒晌底一舊，又碎濕濕。總括黎講，都食得過~~(我叫外賣，唔知道環境同乾淨程度係點...heehee)

本來吃蝦麵店,看見隔離的越旺,打正旗號賣Pho,即刻變心.店內牆上貼著一些教人吃牛河的食法,似乎老闆覺得香港大多越南店,甚至香港人,也不懂去做/吃牛河.未吃已領會到一點點傲氣.下午茶時段粉麵八折,生牛河上桌時,面頭的牛肉已變成熟,登時皺眉頭,同店員說生牛肉熟晒,可否換過一碗?)店方對我這個腌尖要求,絕無托手錚,不消一會,生牛肉片用碟盛之,兩者分開上.圖片中的生牛肉,是我自行加上去的.先嘗其湯底,先感受到很濃烈的香葉味道,有如體味.以前聽過本身是越南華僑的友人A說過香港的越南菜沒有一間是正宗的,最正宗的是我煮.因為越南的香葉味道,香港人根本受不了.)小弟適應力強,或者我不是香港人吧.香葉味之外,尚有濃香的牛湯底,這個湯底的牛味,比我之前吃過的Pho更濃烈.生勾勾的牛肉片,慢慢用湯底的餘溫來逼熟,但我吃得生,喜愛三四成熟的嫩滑口感,這個並不是甚麼blueblood牛,但一樣肉味濃,入口無渣.河粉口感滑溜,到最後吃到碗底朝天.未敢說全港最佳之Pho,但暫時是我吃過的最有水準.始終其香葉味極重的湯底,全港也沒有好幾間.

家人介紹下, 知道這間餐廳注重香葉, 星期六晚專程到訪試下。越旺這名字有點俗, 與內裡有點格格不入。餐廳掛了數幅共產味甚重的越南海報, 與香港一般的椰林樹影越式餐廳有點不同。中間位置有一幅橫額教食客如何吃生熟牛河。(可惜我們吃完才看到...)男朋友點了生熟牛肉河粉, 熱青檸蜜, 我點了生牛肉河粉及椰青, 一個蝦餅小吃。上菜速度很快; 上河粉時, 有一小碟新鮮辣椒粒及1/4個青檸隨湯河送上。河粉除了有粉及牛肉外, 尚有很多香葉(九層塔, 鵝帝, 莞茜...), 有少量芽菜(如果可以多一點就好了)。我把青檸汁, 辣椒粒, 魚露加入, 才把生牛肉送入口。牛肉沒有牆上照片那麼生, 基本上在湯裡搞一搞, 已熟透了, 口感有點"UN", 味道還是不錯的; 河粉很薄很滑, 好味; 湯, 因為加了CHILLI, 所以都幾辣, 不過湯亦很鮮味, 不過對我來說有點過咸。男朋友不吃莞茜, 所以一上菜他就不太喜歡了。他的生熟牛肉河中的熟牛肉, 不似牛肉, 似牛筋/牛腩, 很"UN", 他全部都沒有吃, 只吃生牛肉。蝦餅一碟有3件, 不太特別, 不過夠新鮮, 賣相亦佳。這裡還有越式咖啡, 一個杯子上放有咖啡濾器

服務九流，好似唔憂做咁。永無下次。

I like Vietnamese food a lot and I believe pho' (湯河) is the heart and basic of Vietnamese food. It is hard to have good pho' in HK. First is the soup, 2nd is vegetables. Although Pho' 26 still can't compare it in Vietnam, I think it is close enough and the best in HK. The only thing I don't like is that they have 日本和牛. As I said the pho' is about soup and vegetables, but not about the beef.

因為朋友介紹又咁啱行過灣仔, 去左呢度食野,叫左個坑腩河食, 碗河粉黎左後,見到碗河粉都無麥特別, 但係飲了一口湯後既成個人醒曬,個湯好入味, d香料味滲曬入湯, 食每一口河粉都有濃裂既味度, 令人食慾大增, 廚師完全明白湯對粉麵既重要! 美中不足係d腩未夠林.