越星餐廳

營業中

休息中

今日行經旺角食左間小店好正宗👍🏼👍🏼餐廳職員都係越南人，感覺好地道。。主食價錢都算抵食，60蚊左右有交易，我地叫左「順化蕃茄蟹肉扎肉湯檬 $60」同「越式豬頸肉湯檬 $64」湯底好正👍🏼又濃味但唔會似味精個種，尤其順化蕃茄蟹肉扎肉超多料！茄味香！檬粉偏爽身。豬頸肉炸得夠香！。小食就跟餐order左「越式炸春卷 $21」超好食！咬落仲爆汁！皮極脆！「軟殼蟹米紙卷 $60」呢個就好新鮮好fresh！。仲有椰青飲！只係$35抵飲！大大個又滑啲椰肉。

旺角東橋底開了一家新的越南菜經過幾次都差不多坐滿 價錢合理 試一試先 眼見大部份人都是點pho 份量都好大西貢牙車快這個雞絲沙律吃起來很清爽椰菜甘荀絲夠甜 雞肉夠嫩 還加了很多芽菜醬汁酸酸甜甜特別開胃 一口接一口吃個不停河內小食拼盤店內小食都是幾十元一份但每款都想吃 直接點個拼盤最方便蝦餅炸得很酥脆 蝦膠彈牙 裡面還有很多蝦肉粒炸春卷是我的最愛 塞滿粉絲木耳 口感脆脆的另外鮮蝦米紙卷和扎肉都是水準之作唯獨雞翼有點偏鹹 但整體來說很高質要大讚龍眼冰真是非常足料 感覺滋潤又不會過甜

買完野諗住去旺角火車站，行過見有間新開嘅越南餐廳，入面全店滿座十分旺場，睇睇餐牌，啲野都幾啱食又唔貴，一於試下佢先。小店只有一個樓面同一位廚房，真係忙到不可開交，樓面又要上菜收碗，又要落單收銀，最慘係佢唔係好識聽廣東話，有啲食客走芽菜，有啲又走青，一陣啲飲野又要少甜少冰，見佢聽到一臉茫然，哈哈，所以我地張單落錯左都算啦，比次機會人慢慢學啦。🐂河內生熟牛肉湯河粉自己叫左碗生熟牛河，越南名物嘛，新餐廳就試下佢先。牛河賣相不錯，生牛同熟牛都好食，湯頭鮮味，河粉份量多，無投訴😁🐓會安雞絲撈檬（？）朋友叫嘅雞絲撈檬就變左做湯河😂店員覆單明明都係覆撈檬，唔知去到邊度出錯左呢。Ok啦，天氣咁凍食碗都湯河都係好事黎嘅。雞肉份量多，河粉同樣好大碗，哈哈，朋友話實在太飽食唔晒添呀🤪🥕地道越式炸春卷即叫即炸熱辣辣，春卷外脆內邊餡料飽滿，口感一流，點下魚露食超正👍🐓法式牛油雞翼（？）落單就落牛油雞翼嘅，但食落口覺得似香茅雞翼，香茅味比牛油味更重，而且帶有酸酸的味道，同平時食開的牛油雞翼味道不同，可能呢度先係正宗？抵讚係雞翼用上大size，炸起都好大隻好多肉😋🍋越式青檸冰&🧊椰汁冰叫粉麵跟特飲有優惠，即刻叫返杯

今日 一收工就出旺角 趕快辦年貨一落旺角東站 見到有間門面光鮮既餐廳就入去快手醫肚 再出動越南粉麵我最喜歡食撈檬Order了：越式蝦餅撈檬+香茅雞翼+椰汁三色冰越式蝦餅撈檬---蝦餅煎得香脆又不太油膩,撈檬 份量夠,最欣賞紅蘿蔔絲青瓜絲夠多.香茅雞翼---是次一大驚喜！香茅味非常非常非常清新,和平時食的完全是兩碼子的事~食完兩隻仲想encore ~椰汁三色冰---有三色馬蹄、紅豆和綠豆,加埋椰汁就perfect 了！總結：性價比高,門面又乾淨企利,下次要再來試牛河~店名：越星餐廳旺角亞皆老街76號地舖

去完旺角中心行街，在附近的亞皆老街有間越星餐廳，暖暖的湯河非常適合寒冷的冬天。.價錢十分親民一碗湯河大約$50到$60而且份量超大高高的一碗湯河。.我和朋友分別吃了河内生熟牛肉湯河、河内生牛肉湯河，牛肉份量充足，生牛肉湯種湯入邊浸不久後就熟透了，嫩滑香口。真心超級大碗有不同的材料，一次過食盡牛肉、牛丸、牛𦟌、啖啖肉，而且湯底清得來又夠入味，真心不錯。隨自己喜好更可以加點青檸汁辣椒仔，酸酸地辣辣地更加開胃。.套餐可加配小食及飲品，炸蝦餅、炸春卷即叫即炸，香脆可口。.每次來到越南餐廳都會叫特飲，一邊食熱辣辣的湯河，一邊透清涼飲椰汁三色冰、鮮芒果西米露，又可以當甜品，好正。

年近歲晚唔多唔少都要辦年貨，所以走咗出旺角辦年貨，先和朋友在(越星餐廳)醫飽個肚再出發。店舖主打越南食物，店主員工全是越南人，但能說廣東話，所以溝通方面完全無問題，而且招呼好週到😊❣️牛三寶湯河~牛肉嫩滑，牛丸爽口，牛煙韌有口感，河粉順滑綿綿，芽菜，香葉、青檸、辣椒，再混入熱騰騰濃郁牛湯，整體味道配合得天衣無縫而且很鮮味❣️咖哩牛腩飯~咖哩惹味，濃濃醬汁包裹著牛腩，一啖咬下去口感豐盈，好美味😋😋❣️炸蝦餅~外脆內軟，爽口彈牙，沒有油膩感❣️炸春卷~外皮薄而酥脆，不油不膩，豐富饀料，再配上甜酸醬汁，口感極有層次❣️香茅豬扒~香茅味濃清香，啖啖肉豬扒鬆軟香味四溢❣️椰汁三色冰~濃郁椰子香味，配上紅荳軟糯、綠荳柔軟綿密、西米白淨滑糯，每一口令味蕾倍添不同層次感❣️檸檬蜜糖薑茶~提高免疫能力，作感冒時最佳飲料

係亞皆老街見到一間越星餐廳，HKTVmall旁邊，越南人開，但佢哋都識講廣東話，餐廳好容易搵到，就係水務處空地對面，有八張枱，座位都幾舒服。鮮蝦米紙卷$48蝦新鮮，生菜翠綠，米紙好軟，好清新。炸蝦餅$68蝦餅炸得外脆蝦肉幾新鮮彈牙香茅雞翼撈檬$55雞翼好大隻，又入味，撈檬都好大碗河內扎肉湯河$55又係好大碗，有扎肉和九層塔。鮮芒果西米露$12（跟餐）初頭以為係甜品，但嚟到原來係飲品，感覺有點稀，跟餐抵啲$12，單點$25

🌟餐廳：越星餐廳📍地址：旺角亞皆老街76號地舖💰價位：～$50 - $100⏰營業時間：星期一至日 11:00 - 22:00📱電話：3751 7862今日全日都要係旺角做野，午餐時間點都要食飽D haha~一行落火車站就見到有間新開既「越星餐廳」，鍾意食越南菜既我又點會錯過，即刻call 埋朋友一齊食先~———————————————————🔹西貢牙車快(雞絲沙律)呢份沙律認真夠哂大碟，性價比極高，亦可以揀辣或者唔辣，非常健康~用料包括雞絲、椰菜絲及紅蘿蔔絲，上層再灑左啲花生碎，口感豐富，搭配埋特調酸汁，好開胃~———————————————————🔹招牌越式三文治食越南菜必點食物~法包烤至外脆內軟，搭配越式扎肉、椰菜絲、沙律醬及牛油，啖啖滋味~而且呢份法包同樣地好大件，夠哂滿足！———————————————————🔹順化蕃茄蟹肉扎肉湯檬 + 上湯灼田園菜食越南菜又點少得叫返碗熱辣辣既湯檬呢haha~呢碗順化蕃茄蟹肉扎肉湯檬 又係大大碗，2個人都一定夠食~湯底熬得好濃郁，啖啖蕃茄味，上邊鋪滿好多蟹肉，同蕃茄湯好夾，夠哂惹味！我地仲可以按自己喜好加青檸汁及辣椒粒，正~————————