越泰 (已結業)

我同d同事今日去食lunch, 安排坐二樓. 13:09 出單，到1:40都無野食. 我其中一個同事出去同個長髮阿姐講左2次. 但眼見其他遲過我地落單既隔離枱都食緊, 正常人都會再去問侍應啦～終於有野食到. 個豬扒係好食既真心.到我地行樓梯落去比錢, 聽到個長髮阿姐同第二個侍應講「43枱勁PK(中文), 惡L到呀」嘩, 無野呀！你講粗口鬧我地都等我地出左門口先啦！真心嬲, 唔會再去。因為午市時間都可以咁既出餐時間, 唔知其他時間會點.

《越泰》 #食在上環📍上環干諾道中128號豫泰商業大廈地下-🔹順化香茅豬扒湯河 $56 （包熱柚子茶/ 凍青檸水）全日免加一 係上環呢個價錢黎講都算唔錯個湯同河粉都無特別 但份量適中 杯野飲都幾大杯反而個豬扒幾有驚喜 夠厚肉質適中個味道岩岩好 好入味好香口 香港實在太多中伏越南野呢間算ok👌🏻🍴7.5/10

每次去睇中醫前都會經呢間越南餐廳，下午茶真係好抵，所以通常食完先睇中醫。我每次都係點生牛河（不過唔記得影相），加一杯熱柚茶都係$39，仲要唔使加一，咁平而家真係好難搵。生牛湯個湯味道唔錯，佢仲會另上青檸、辣椒粒和香葉，我鐘意佢有埋洋蔥，同埋牛肉夾埋一齊食好夠味。牛肉唔肥亦都份量足。試過食生牛牛腩河，多兩塊牛腩，不過味道一般，唔值得加幾蚊。生牛河性價比好高，雖然見到另外既野食都幾吸引，不過佢價錢最平，所以始終都係點返生牛河。

今日去吃Lunch, 就近吃啦，點知即刻撞到呢間黑色鋪頭---就係呢間越泰。 12點到，大把時間，慢慢吃啦，12:45先埋單，因為打折嘛。點兩碗牛肉河粉，等左10分鐘，未到，以為人多再等等，20分鐘又未到，周圍遲到的食客都上齊啦，叫員工過來，淨係叫我地等，等半個鐘都未到，催多次都唔上，準備走啦先上，12:45分前埋單九折，當時12:44，話公司個鐘過左時間，無折，真係哇一聲，你公司個鐘調快一個鐘都得啦，完全不知所謂，絕對黑名單。

正如劉華話齋，今時今日...入到去話一位，明明大把空位，加上1點9已過食市，但都要你搭成堆人個邊枱，加上面無表情咁(特別位阿叔)，好似入去比麻煩佢咁。雖然其實冇咩實際表現出冇禮貌，但感覺真係唔好。加上日光日白入到去都好黑，唔開燈，碗野入面有咩都好難睇都咁。其實洗唔洗咁慳呀？食物方面可以話正正常常，上環食價錢都算中間位。不過行過對面食美心我會覺得開心啲p.s.因為我坐近門口位，都見到有人比錢時有投訴，但見個員工一面有所謂咁講句唔好意思就算。所以應該唔只我一個人覺得係咁。

我第一次寫食評 無他 因為呢間餐廳太值得我去寫今日同同事食lunch 一入餐廳就好熱 好似冇冷氣 又焗 餐廳唔算好多人 叫完餐心諗快啲黎柸凍飲降下溫先等左廿分鐘 乜都未有 就問下個侍應啦 點知原來佢未出單... 白等左廿分..都算嘞食物到左 食食下見到小強 仲唔止一隻（雖然好細隻）但真係好惡心 我即刻叫個男侍應幫手消滅小強啦佢既反應係：我？果下我呆左 唔係你 唔通我？我都未反應到 個男侍應已經走左 咁我唯有搬去另一個位真係好後悔 冇影低小強 好後悔黎左呢間餐廳

今日去食lunch，一入去已經覺得好熱，出面條街完全係涼過入面囉。1點落單 等左廿分鐘 原來佢地岩岩先落單。。。食食下見到有小強 問個侍應可唔可以整走佢 個侍應竟然呆呆滯滯咁唔郁 仲反問: 我整呀？

今日趕得切，同男友去食下午茶，入到去全場大概坐咗一半客人都冇，我地被安排坐咗一張二人位枱，但係因為我有一個大袋拎住，所以禮貌地問侍應，可唔可以調去另一張有梳化嘅二人座位，收銀戴眼鏡女侍應話"唔得"，佢話d位要做晚市，我哋再問佢可唔可以畀張櫈我擺袋，佢同我哋講餐廳無凳（全舖當時只坐滿少於50%)。然後，佢叫我個袋放椅背，但我袋好大，放唔到。佢叫我將個袋掛喺凳側邊扶手位，佢就行開咗。但係其實個袋會慢慢滑落地下。所以，我哋自己拎咗附近張凳放袋，個收銀戴眼鏡女侍應即刻大聲話咁樣佢哋行唔到路，之後有一個男侍應嚟處理，佢容許我哋轉去另一張二人枱sofa位，個收銀戴眼鏡女侍應即刻衝埋嚟，好冇禮貌咁拎走放枱面嗰兩張紙，紙上餐具隨即滑落枱面，又收咗我地兩隻碗， 其實我哋除咗order下午茶,仲order咗正價小食， 完全唔明佢做乜嘢收曬我哋d碗。週末本想食個下午茶，開心下啫，估唔到貼錢買難受。如果淨係鍾意做午市晚市客，不如唔好搞下午茶啦，d服務態度差咁遠。 拜拜，無下次。

今日返office工作，任務比較多，頭都痛埋。Lunch hour跟隨著一班同事來到這裡。.打開餐牌，選擇不少，選擇困難症患者要小心。.順化香茅豬扒湯河 - 豬扒的香茅味道很足夠，配上熱辣辣的湯河和微甜的洋蔥圈很惹味，但略嫌豬扒未夠鬆軟。湯河附有青檸和碎辣椒調味。凍青檸梳打 - 向來吃飯只會點熱飲的我，也破了例一下。五個人吃飯五杯都是凍青檸梳打。熱辣辣的天氣喝這個真的很爽，大大杯，甜甜酸酸，味道剛好又解渴。HAHAHA,, 報告完畢。只能説，是上環質素不錯，above average的越南菜。

One of the better Vietnamese restaurants in HK! It’s great value without compromising taste. Been to different locations and they are all consistently good. Much better than other vietnamese restaurant competitors like La Taste or the upscale western ones. Definitely a go-to place if you are craving good Vietnamese food.

在上環禧利街，無意見到一間越泰菜，下午2點幾都有點肚餓，入去食返碗粉。本來諗緊食豬排好?雞奕好?定扎肉好?嘅時候，一睇，有3樣都有，咁就點三寶河吧！扎肉同普通我吃的不同，有點豬耳豬根混埋入去，特別。最喜歡吃越南粉，必備的辣醬和甜醬，好似以前吃車仔麵咁，沾一沾粉，和肉類放進口，另一番風下午茶加18元已經有個椰青，正埋單兩樣嘢$73，味就好好味，但吃完過後， 好口渴。

傍晚的星期六，係中環揾野食，應該不難吧，但我們帶著奶奶就想到一個比較清靜又舒適的餐廳。行著行著，看到「越泰」，當時尚早大概六點半，餐廳入面已有幾抬客人，還有外國客人。餐廳裝潢方面都比較簡潔舒適，而且有點fusion,其一牆身掛滿英國法國名勝的相，別有風味。三人點了三個main courses and 一個小食。首先講我最鐘意的蝦餅，去到邊間泰國餐廳都會想叫的菜，咁，自然比較到邊間好食。呢度有驚喜，首先係價錢適宜，出面很多都mark up 左，就算好食，都會因分量同價錢好像不對等而扣分。但呢度係好厚肉，total 3大件切半，即六件，其本食一整件已滿足。油份不太多。跟住到飯食，黃咖喱牛腩飯多汁多牛腩，牛腩霖又有筋海南雞飯黃飯温度差少少，可以熱啲，雞都柔嫩.香茅豬排飯 份量岩岩好，豬排脆得黎唔肥。

跟同事外出午膳，有人提議食越南菜，平時常食茶餐廳，飲茶，西餐或日本菜，大家都樂於作新嘗試。這裡的午市套餐大概50至70多元，我點了蕃茄蟹肉湯檬。湯檬端上，沒有賣相不打緊，拌勻整個湯檬也找不到一絲蟹肉，以為是溶了在湯底中，飲一口只覺有蕃茄味，可能是我味覺不靈光吧...湯檬中只有兩片札肉及蕃茄，寡得連身旁的同事見狀也忍不住把自己的餸跟我分享。另外點了數款小食，蝦餅及酸辣鳳爪尚算不錯，春卷則一般。食畢大家的意見一致，試過一次便夠。

上環一間地舖賣的就如店名，越泰就是吃越南菜跟泰國菜的中午來到店舖已經滿座興幸不用等太久就安排入座由於午餐時段基本上人小的話都會需要拼桌我們點了香矛豬扒湯河配一碟泰式蝦餅午餐包一杯青檸水/柚子蜜豬扒夠軟，脂肪並不多失分在於沒有完全切好蝦餅炸得有點太過比較油，但味道尚可粉略為過多，影響整個蝦餅的口感蕃茄蟹粉湯濛湯底茄味足夠蟹粉混和後十分夾不會腥，剛好帶出鮮甜味結帳2人2個午餐一共152平均70多1人，算中規中矩即使外面人多，店員不會催趕

和生日的好朋友來到上環，吃泰國菜地方乾淨企理，坐落舒服泰式醬料鮮茄蝦頭膏湯檬粉 $56上到枱一陣香味飄埋黎有濃郁蝦膏味，同蕃茄好夾湯同檬粉都好惹味泰式蝦餅 $56有6件，不過係切開的6件炸得幾香口，彈牙越式春卷 $39炸得過左小小火，稍為燶左d，一般香茅燒春雞 $148成隻棟起上，好型都係燒得過左小小火雞肉唔夠滑，但味道唔錯個點汁夠辣，好味咸檸七 $26食完一系列炸炸炸同燒0既熱氣野今返杯咸檸七下火，good餐廳冇收加一，都幾抵食