越泰 (已結業)

今日同朋友黎左個中上環遊 最後一站黎到呢間 越泰  入到去分上下兩層 差不多要滿坐  我地點左個泰式小食拼盤一份拼盤超大份 每款小食有成4-6件 各有特色，首先，第一口當然係試春卷 熱辣辣 脆卜卜既外層包着入邊包住蘿蔔絲等 口感好豐富 之後中間既泰式鳳爪 酸酸甜甜又爽口另外有兩款魚餅蝦餅  一定要親熱食 因為凍左就會有的油膩仲有款香葉包雞 雞肉勁香香葉既味又好滑  之後叫左每枱都一定食既 燒春雞 只雞似係幾個月大 雞肉好嫩滑既bb雞 帶手套自己手撕落黎成只雞腿 好滋味 沾上醬汁之後外皮仲好脆 配上醬汁去走油膩感最後 點左杯滴滴咖啡 佢原本就幫我地加左鍊奶 唔會過甜 咖啡口感好重 係一杯好有特色既越南咖啡

泰式燒豬頸肉飯 豬頸肉分量足，豬頸肉表面燒至香脆，十分爽口，配上泰式的酸辣醬汁十分之夾。炸蝦餅－ 我的最愛，蝦餅用新鮮蝦肉打成，蝦味濃郁又彈牙。香口的食物就是我的最愛呢！生蝦刺身一盤大概有十隻，好抵食。蝦好食落爽口鮮甜。椰青, 滿滿的椰青水, 同椰青肉燒春雞($148)表面燒至金黃，肉嫩皮脆,肉汁激多雞肉好嫩滑

東南亞嘢其實真係好容易啱胃口我哋幾個都係港島返工所以今日放工就約咗去上環度食淨食越南嘢嘅話其實我麻麻因為會諗起嚟嚟去去都係牛肉粉, 撈檸, 好悶今日呢間係越泰FUSION, 所以係有啲期待嘅最最推介就係隻「河內香茅燒春雞」($148)堅‧好食!FD子笑我食到連啲葉都想食埋佢雞中間係包咗啲香葉一齊燒所以好入味老板話係用香茅, 檸檬肉,南薑,秘制香料, 醃6個鐘而成每日限量十幾隻喎我唔理佢限唔限量啦~總之問心係好食唔好食嘅, 佢每日限量1隻都係咁話, 送都唔想嘥QUOTA點汁好食, 唔點都好食另外, 個老板話椰青今日泰國新鮮返, 所以試吓真係滿滿的椰青水, 同好多肉, 唔會好UN同埋食咗個柚子沙律, 鮮甜, 加幾隻大熟蝦, 蝦身都爽, 唔會梅咗! 合格<完>

這前多個星期都吃得多日本菜和韓國菜，吃到有點膩有點悶。忽然想起朋友介紹一間在地鐵站旁的越南菜，一來方便，二來很久沒吃過越南菜餐廳門口裝修很新，而且我比較喜歡簡單的裝修因為比較舒服。本來以為餐廳只有地下一層，想到去廁所的時候才發現原來還有上層，而且位置很空曠整潔及卡位雅座。一坐下來的時候，店內侍應已經非常有禮貌地問我要不要先點杯飲品喝喝看。我就選擇了青檸梳打。青檸梳打 一 份量比想像中大杯，味道偏酸甜，非常開胃。青檸汁與梳打氣水的比例適中，味道十分清新。泰式燒豬頸肉飯 － 豬頸肉分量足，表面燒至香脆，肉質十分爽口，配上泰式的酸辣醬汁十分之夾。香口的豬頸肉送飯也一流呢！原隻燒春雞－ 一上枱已經十分吸目！表面燒至金黃，肉嫩皮脆。即叫即做的關係，一撕開雞身，肉汁激多，又不停冒出熱氣。雞內放了香茅，醃得十分入味，十分推介！炸蝦餅－ 我的最愛，蝦餅用新鮮蝦肉打成，蝦味濃郁又彈牙。香口的食物就是我的最愛呢！甜品要了一個蘋果雪芭 －很有創意。整走了蘋果中的果肉，再把由蘋果肉打成的雪芭放回蘋果中。中和了剛才濃味的餸菜，味道甜甜的，不錯。這裏的店員服務十分好，環境也舒適，是個吃越南加泰國菜的好選擇呢！

今日有啲私事要去上環，搞掂嘅時候已經天黑嚕。本身念住出翻銅鑼灣食飯，行入地鐵前見到有間食越南同泰菜，橫掂都肚餓，就試下啦！ 越泰座位都幾闊落，設有六人大卡位，一班人嚟食都無問題！牆上掛滿好多有特色嘅牆畫裝飾，好有民族風情。 珍多冰 食東南亞茶少不了嘅當然係冰凍特飲。珍多冰有啲似打成杰身啲嘅奶昔。有三分一係好香椰子味嘅cream狀，可以用匙羹食。下半份就係平常嘅飲品咁，類面啲jelly條幾滑，唔會好難咬開。泰式生蝦刺身一盤大概有十隻，好抵食。蝦好新鮮，食落爽口鮮甜，唔會雪味。醬汁值得一讚，比較濃。唔會太辣，酸酸地好開胃。越南春卷（四件）春卷熱辣辣，有四件，配以生菜同醬汁。春卷炸得鬆脆香口，內類有啲粉絲咁，口感幾特別。用生菜包住可以減小熱氣同油膩，醬汁係由廚師親自調制，誠意十足馬拉盞炒椰菜苗喂食妹第一次食椰菜苗，平時都係食通菜多。店員好細心咁幫我地落咗小辣，怕我地食5慣。椰菜苗食落爽口，咸咸香香，有鑊氣！河內香茅燒春雞 呢個係招牌菜，原隻春雞插落架到燒。因為即叫即整，非要熱。由客人自行帶手套食。一撕開隻雞，啲肉汁多到係咁滴出嚟，勁吸引！雞好有香茅嘅香，肉質又嫩滑，

之前都一直聽朋友介紹呢間 越泰兩味都好食一坐低就即刻整返個椰青先… 天氣太熱冰凍又甜到入心既椰青真係不得了 大大個椰青 中間的椰子肉好易起出黎 的椰肉仲要好甜 好爽口 之後當然要整返個 呢道既特色燒春雞，最特別係仲要自己拆肉拆骨! 一放上枱已經陣陣烤雞既味道 熱辣辣 雞肉好嫰滑 外皮好脆 加上有香料烹調再配上自家醬汁 真係好味!食泰國野must have ge 生蝦刺身 肉質鮮甜 原失泰國菜應有既風味 生蒜同辣椒配上生蝦 一直都係perfect match 所以 質素都算中上 最後， 黎埋個香茅浸蜆開頭拎到埋黎 我同朋友都呆左一呆 到底係咩黎嫁?好得意既原來佢地用左香茅 西檸等材料去浸泡的蜆 雖然一個樽得5 6只有的少… 但的蜆都幾入味…的肉好易起出黎 連個殼都有味 我同朋友都唔哂嫁 飲埋佢的湯 有的微辣 原過好甜好香 可能浸左蜆 有的鮮味 今餐都幾滿意 味道比較重 我都朋友都超好

今日同好友飯衆, 由於有朋友上環返工, 放工又收得夜, 為左就佢就係上環食啦! 呢間餐廳好就腳, 又近地鐵同正對住轉角大街, 好易搵到。進店時店員招呼殷勤, 是晚店員誠意推介他們的招牌菜“ 河內香茅燒春雞” ! 哇! 原隻雞上, 熱辣辣! 第一次店員細心地先我們切開雞肉, 值得贊! 配備手套方便使用, 原來店員話用手食好味d! 我地用手套自己撕開來吃, 依, 又真係wor, 雞肉好嫩滑, 好香ge 香茅味!外層雞皮超香脆, 點埋醬汁更惹味! 鮮蝦柚子沙律, 好香口, 西柚醒胃, 沙律又足料大碟,唔辣 , 是一碟不可多得的appetizer! 椰青大大個, 好新鮮, 食飽之後飲好清新同refresh!

對於上環本不是我熟識環頭,但因太就腳地鐵附近,所以决意一試、原來就腳情度更是一上地鐵出口便是, 認真方便。。。午餐餐牌立令在餐室旁一目瞭然,似貴非貴似平非平,好好安頓自己、準備點餐是也。。朋友比我早到一步,一言一語指指點點要來了數款食物共膳、「快」可算謂最能表達他們的速度, 可能是置身於商業區內、打仗般午市,「慢」只有給客人汰弱留強跟餐方面跟友人兩個同一所好, 要上熱柚子茶,簡單一個快字、兩杯熱辣辣就在眼前繼續之快便是冬陰公海鮮湯粉$68.,味道超濃加上有點兒略帶過酸、令整碗冬陰公更為冬陰公,濃胆香料下、第一眼當然是鮮蝦,可惜擺明是雪蝦數隻,幸好的是沒有多大 雪味, 加多兩件青口、和金不換和點點草菇片便做就了這個海鮮湯粉金邊粉粉質也給滾得熱騰騰、和濃湯同吃相當滋味近期愛上海南雞飯,所以眼尾喵到已二話不說點選、來者速到也見頗快,翻兩翻份量比妨間多出幾件,油飯塞得大大、吃一口油飯帶有甚重椰香味道,比傳統雞油香有著明顯之分,還要越食越重、不是不好,個人還是喜愛傳統多點、雞肉去骨且嫩滑非常,份量大算可是其亮點之一再來一個泰式鳳爪(半份)$48.做小食 ,蒜頭、洋葱絲、芫茜段做引,加上魚露和青檸

今晚約咗朋友去上環越泰食晚飯，環境舒適，三五知己暢談既好地方，店員服務也不錯。我哋叫咗香茅浸蜆$108用玻璃樽上菜好特別，打開蓋就聞到好濃香茅味道，大大隻蜆浸在里面吸收晒香料味，食落去蜆肉好鮮味啖啖肉，個湯酸酸地少許辣，飲咗令人好開胃。鮮椰青 $30冰凍的椰青好清甜，大大個飲極都飲吾晒，椰肉好易整出好鮮嫩。 

之前午飯時間，同同事幫襯過越泰幾次，覺得質素唔錯，不過今晚都係第一次嚟食晚餐。餐廳裝潢簡約，環境算寬敞，而且上下共兩層，都可以容納到好多枱食客。每次去食泰菜，青木瓜沙律係必點之選。呢個泰式燒豬頸肉青木瓜沙律，豬頸肉嘅份量唔細，豬頸肉邊位燒得帶點脆脆，加上肉質爽口，醃得夠味，唔錯。而青木瓜十分爽口，加上酸辣醬汁，好開胃。金黃色嘅雞全翼表面沾滿炒蒜片及蒜粒，聞落除咗有香蒜味之外，仲有好香嘅牛油味，賣相十分吸引。一口咬落去，超香脆，而且雞肉嫩滑，不過略嫌粉漿較厚。個人其實都幾鍾意食軟殻蟹，所以如果平時Menu有軟殻蟹嘅菜式，都會order。軟殻蟹米紙卷嘅米紙好薄，帶點煙韌嘅口感，裡面包裹住檬粉、生菜、紅蘿蔔絲，當然仲有主角 -軟殻蟹。由於呢個米紙卷嘅味道本身偏淡，所以食嘅時候，必點跟配嘅醬汁。食落去，軟殻蟹炸得香口、米紙煙韌、生菜紅蘿蔔絲爽脆，配埋甜甜地嘅汁，層次好豐富。睇落份量好似唔係好多，但其實食完兩舊左右，基本上已經好飽肚。推介飲品之選：椰奶味超濃，綠色條狀啫哩粒好好嚼口，最重要係唔會好甜，好飲！

放工後同同事食個簡單晚飯，同事想食泰式野，就揀左呢間位置非常便利既越泰，食完可以即閃嘛。店員服務一流，兩條麻甩食乜都冇所謂，就問下有咩好介紹，介紹得詳盡仔細，一於點佢推介既菜式:香茅浸蜆湯底有一陣淡淡既香茅味，仲有一絲絲既洋蔥，d蜆好大隻，瓶口細多少少就放唔入d蜆，由於大隻，好有口感，而且好鮮甜，完全冇腥味，果然係推介菜式。河內香茅燒春雞嘩，原隻燒春雞上，上既時侯仲出緊煙，熱辣辣，外表金黃香脆，一撕開隻脾，仲多煙出，而且肉汁流哂出黎，未食已經覺得好正，一入口，好嫩滑，又好有雞味，醃料不太濃味，更能突顯雞既嫩滑同肉味，特別從越南運過黎既果然係唔同d~馬拉盞拉通菜估唔到冬天都有通菜，仲驚會好老，但係一d都唔老，仲好嫩㖭，嫩到忍唔住問職員點解冬天都有咁鮮嫩既通菜，原來通菜係喺泰國入貨，所以一年四季都咁鮮嫩，而且馬拉盞好香，炒到好有鍋氣，正~ 新鮮椰靑食越泰菜點少得飲番個青，鮮甜椰汁，好fresh~~ 食材專程遠道入貨，而且質素高，更能突出食物鮮嫩~

約朋友食飯，去左上環一間越式加泰式餐廳，又幾好味，同大家介紹一下。位置超級方便，一出上環地鐵站C出囗就到，喺正出口隔離，幾步就到~~ 呢間餐廳主要係越式同泰式食物，裝潢清新舒服，乾淨企理~ 餐廳一有越式有泰式，餐牌食物選擇多，睇相已經覺得好味...炸蝦餅$68個蝦餅熱辣辣，師傅用新鮮蝦肉整，所以好彈牙，外脆內彈牙，好味!越式豬頸肉湯河$56豬頸肉切到好薄，但肉汁好多，加埋炸香蒜片，好惹味，越式河粉好薄，呈半透明，而且唔會浸林，湯底好香濃，正~ 香矛浸蜆$108D蜆好大隻，所以好有咬口，而且好鮮味，香矛味更可特出蜆既鮮味，而且可配合埋洋蔥等其他香料，一齊食，啖啖都不同味道~ 用湯浸住蜆，更加入味~ 椰汁千層糕即叫即蒸，入口仲暖暖地，好香椰汁味，又唔會太甜，而且好QQ，正~餐廳位置方便，而且食物選擇多，食材新鮮，食物質素高，值得一試。

同舊同事食飯，揀咗 office 附近嘅越泰，整體唔錯，但有兩道菜偏咸。生蝦刺身:啲蝦幾新鮮，但偏細。黃咖哩牛腩配法包:咖哩汁偏咸，諗住用法包點咖哩汁食，但實在過咸!越式椒鹽軟殼蟹:軟殼蟹整得幾好食，但送上枱時只有餘温。另外仲叫咗冬陰公海鮮湯，湯偏咸。最後諗依 order 咗清炒椰菜苗，諗住清炒無咁咸，但廚師攪錯咗，變咗蝦膏炒椰菜苗。如果味道淡番少少，會好啲。

朋友在上環收工，她找了間超近地鐵站，吃越泰菜的餐廳。平日多吃泰式，但越泰地道小食真是少有！裝修簡約時尚，留意到牆上有不少掛畫，挺有獨特風味～餐枱上備有醬汁和牙籤，挺方便不同口味的人可以自行調較味道。保寧蜜糖凍蕃茄 $38蜜糖甜甜地，混在新鮮蕃茄肉中，更顯鮮甜和開胃。泰式蝦餅 $68／8件蝦餅外型黑黑實實，口感挺獨特。旁邊盛載著泰式秘製辣味汁，蘸上一起吃更香辣惹味！法式牛油雞翼兩隻 $48牛油雞翼超巨型，十分香脆，炸得好乾身，不會覺得好油膩。啖啖嫩滑雞肉，果然係鎮店之寶～河內香茅燒春雞 $148我們戴上膠手套撕肉，落手落腳一邊撕一邊吃會仲好吃！雞腿好容易就撕了出來，微微散發出香茅味道。皮脆滑嫩的燒春雞釀多種香料在肚內，尤其地道和滋味！原個菠蘿炒飯 $88材料豐富，有提子乾、肉鬆、臘腸粒、 海鮮等炒均。海鮮多得眼花瞭亂，魷魚、蝦、青口和蜆肉滿滿溢出，飯粒望落乾身，但一入口就覺的飯粒炒得一點也不油膩，而且，拌勻配料會覺得特別有獲氣的炒飯，好香口惹味。椰汁三色冰 $26椰奶味濃，內有桃紅、白和綠色好好嚼的啫哩粒，口感好豐富。南瓜雪糕 $68底下座了乾冰保持冰凍口感，軟雪糕入口香滑，散發陣陣濃郁

之前原本同chicken約好去泰國旅行下，但時間撞晒期最後都係冇左回事 雖然係咁，想去旅行既心依然未熜滅，行街果時經過依間越泰餐廳，為由食下當地特色野，當去左旅行喇q_q好少黎到上環覓食，不過好彩依間夠晒近地鐵站，唔洗幾分鐘就到達！環境幾寬敞，餐廳有上下兩層，起碼坐到100人左右，大多數用原木做主色，佈置裝飾得簡樸中帶點泰國既味道～法式牛油雞翼，雞翼炸至黃金色，聞落好香牛油味～食落汁偏油膩，食到成咀都係油，雖香但過油豬頸肉青木瓜沙律，豬頸肉好多肉汁，而且口感爽韌，食落好惹味，而個沙律既食材都幾新鮮，食落酸甜又爽口香芧燒春雞，原隻既烤雞就咁放係你眼前，有夠壯觀，而且香烤既氣味夠晒吸引，熱辣辣香噴噴，要切囉～外皮燒得好香脆，有香茅既味道，雞肉好嫩滑，而且又夠多肉，兩個人食到簡直笑呵呵，另外佢可以配醬汁食，又係另一種既享受呢～原本我地好斯斯文文咁切黎食，但食下食下，已經開始覺得「食得咁斯文做乜呀？」，帶起手套，一於黎個手撕雞xd邊食邊撕食得特別爽XP水晶蝦米紙卷，菜色有夠特別，唔好睇佢一舊野咁冇咩料到，其實食落去都幾飽肚，大量檬粉再加個層薄薄地既米皮，不過食既時候一定要黠醬，如果唔係就冇乜