影片
開飯介紹
主打新派越南菜，菜式創新精緻，把不同元素融入越菜中，如加入海膽製作越式小食；而招牌菜則有椒鹽軟殼蟹、生牛湯河粉等。
繼續閱讀
附加資料
可以WhatsApp 54249435落單
營業時間
今日營業
11:30 - 22:30
星期一至四
11:30 - 22:30
星期五至六
11:30 - 23:00
星期日
11:30 - 22:30
以上資料只供參考, 請與餐廳確認詳情
食家推介
黎越男仔食個是靚午，坐底瞬間覺得自己去咗越南街頭，鋪頭播住越南歌曲，我最鍾意牆上面貼住嘅抵死廣東話標語！我食咗鎮店四鳥椰汁酸湯檬粉，份量大，最有驚喜係上面一塊炸雞皮，蘸湯食好正。四鳥就係四種做法嘅雞，除咗炸雞皮，有手撕雞、脆雞件、串燒雞，啲雞仲要用火槍炙過先上台，好有越南街頭燒烤個種風味。個湯少少酸，椰味剛好（唔係超重口味）配合新鮮生菜，紫洋蔥，很不錯。另外軟殼蟹黃薑飯都幾好，蟹炸得靚仔，賣相完整，脆而不膩，黃薑飯粒乾身不油膩，混入大量沙律菜食落爽口。枱頭有碗撈檬汁嘅楂，可以兜黎撈飯。值得一提係跟餐的牙車快沙律，真係太好食了，係一個混合青菜、手撕雞、柚子同埋自家調味配料嘅沙律，加啲撈檬汁更惹味。旁面我哋揀咗配炸魚柳。飲品龍眼冰好多龍眼肉，叫咗少甜剛剛好，適合解暑。熱椰香拉茶，有得自己拉個椰漿落杯奶茶，我係椰控當然要落晒！#devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角
繼續閱讀
早幾個月去完越南峴港食咗好多餐pho，今日又突然間有啲想食，就去咗老公公司附近間越男仔，印象中呢間湯底幾好飲～-慣咗食pho會叫牛肉，今次就試個生牛拼雙蝦配椰汁酸湯檬粉（$118）。椰汁酸湯好開胃，再自己另外加啲辣椒仔落去，一定好飲過普通雞湯或者豬骨湯底～牛肉都幾香，而且冇乜肥膏啱晒我🥰-仲叫咗個鎮店四鳥椰汁酸湯檬粉（$88），有脆雞皮、手撕雞、滑雞件同香脆雞～個雞皮超邪惡，食落好脆身香口，但真係好熱氣🤣我最欣賞佢啲滑雞件冇骨，食落啖啖肉😋另外小食越式蝦餅（$55）都好有誠意，入面都幾多蝦肉👍🏻-佢啲飲品都唔差，椰香漏漏啡即係滴漏咖啡，咖啡味好香，而且唔會有苦澀味，而香茅檸蜜唔會太甜，飯後飲返杯幾舒服～
繼續閱讀
平時旺角行完街經過都見到呢個間餐廳好full，今日特登一早去「越男仔」好想食個暖笠笠既粉！牛 + 豬pho 生牛肉+烤牛肉 +豬頸肉+豬扒 配紅蕃茄湯檬粉成個檬粉份量幾多，鐘意豬頸肉！個蕃茄湯底酸酸甜甜好易入口！冬天食好暖胃！小食：牙車快沙律(柚子+手撕雞) 配椒鹽脆蛋魚柳以為是小食但原來好足料，個沙律好開胃，魚柳亦好脆口招牌去骨海南雞配黃薑飯海南雞好嫩滑，無骨真係好方便，啖啖肉！唔怪得之係招牌！配小食：無骨鳳爪沙律 + 手撕雞檬紙鳳爪醃好好味，配沙律同埋手撕雞檬紙好清新越式春卷春卷都係招牌菜之一，非常之大件好飽！🧋 椰汁拉茶紅豆冰#devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角
繼續閱讀
生牛＋雙蝦配椰汁酸湯檬粉招牌湯底酸酸地好開胃，仲有濃香的椰香味，份量好大碗，賣相呈金黃色相當吸引，蝦肉新鮮彈牙，蝦頭部分炸過好香，生牛肉切得薄身食落好嫩滑，配上酸湯開胃惹味，值得一試。法式芝心蝦多士 蝦多士炸至金黃酥脆，口感彈牙，包住邪惡既流心芝士，以小食來講我覺得好高質。椰汁拉茶紅豆冰椰汁和奶茶一向都是絕配，有原粒紅豆、不是平時死甜的紅豆茸，還有濃濃的奶茶味。雙檸香茅薑蜜今天很冷，喝了感覺可以驅寒。
繼續閱讀
自從我搬咗入旺角成日都想搵啲平靚正嘅嘢食！估唔到比我搵到大件夾抵食嘅越男仔！我最鍾意嘅係佢呢個蕃茄撈檬配雜肉。蕃茄湯估唔到佢好濃郁但係食完又唔會覺得好鹹。啲檬粉又唔會話浸咗啲湯好耐好腍。我最怕太腍嘅麵。因為我哋好肚餓，所以都嗌咗個蔥油雞扒飯配一個蝦餅。啲蔥油真係好好食，撈飯一流。 椰青雖然$45但係真係真材實料我最滿意佢又凍啲椰肉又好容易刮。平日有set Menu，$100 左右有沙律，小食同埋一碗粉。食完真係超級飽。另一樣讓我驚喜嘅事就係呢度做嘅姐姐真係好好人。我哋食完佢都會問我哋好唔好食，願意去反思食物質素，又叫我哋慢慢坐。如果去開旺角又想食越南嘢真係可以試吓呢一間！
繼續閱讀