影片
開飯介紹
主打新派越南菜，菜式創新精緻，把不同元素融入越菜中，如加入海膽製作越式小食；而招牌菜則有椒鹽軟殼蟹、生牛湯河粉等。
繼續閱讀
附加資料
可以WhatsApp 54249435落單
營業時間
今日營業
11:30 - 22:30
星期一至四
11:30 - 22:30
星期五至六
11:30 - 23:00
星期日
11:30 - 22:30
以上資料只供參考, 請與餐廳確認詳情
食家推介
黎越男仔食個是靚午，坐底瞬間覺得自己去咗越南街頭，鋪頭播住越南歌曲，我最鍾意牆上面貼住嘅抵死廣東話標語！我食咗鎮店四鳥椰汁酸湯檬粉，份量大，最有驚喜係上面一塊炸雞皮，蘸湯食好正。四鳥就係四種做法嘅雞，除咗炸雞皮，有手撕雞、脆雞件、串燒雞，啲雞仲要用火槍炙過先上台，好有越南街頭燒烤個種風味。個湯少少酸，椰味剛好（唔係超重口味）配合新鮮生菜，紫洋蔥，很不錯。另外軟殼蟹黃薑飯都幾好，蟹炸得靚仔，賣相完整，脆而不膩，黃薑飯粒乾身不油膩，混入大量沙律菜食落爽口。枱頭有碗撈檬汁嘅楂，可以兜黎撈飯。值得一提係跟餐的牙車快沙律，真係太好食了，係一個混合青菜、手撕雞、柚子同埋自家調味配料嘅沙律，加啲撈檬汁更惹味。旁面我哋揀咗配炸魚柳。飲品龍眼冰好多龍眼肉，叫咗少甜剛剛好，適合解暑。熱椰香拉茶，有得自己拉個椰漿落杯奶茶，我係椰控當然要落晒！#devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角
繼續閱讀
旺角尤其是廣和街 好多食好多選擇 呢一間越男仔 之前試過都覺好天氣好凍真係想食啲熱辣辣湯粉 🍜🩶牛豬蕃茄湯 金邊粉真係超多配料呀 有生牛肉 烤牛肉 豬頸肉 等等 配上佢哋出名嘅金邊粉 蕃茄🍅湯底好濃鬱 呢度真係好啱香港人口味 因為有好多款小食 同飲品 創新之餘有特色我最愛嘅係🩶法式蝦多士 外面炸到好脆 🦐蝦滑好香 配上留心嘅芝士味道🩶牙車快沙律 有蘿蔔 筍絲 芽菜 酸酸甜甜 好健康 食越南嘢點少得 ☕️越南咖啡我鍾意佢呢個熱咖啡 滴漏嘅咖啡 底層仲有煉奶 係越南嘅特色咖啡 好香 呢度坐得好舒服 食完仲可以行下街 係我喺九龍區最愛嘅食肆之一
繼續閱讀
小妹同豬去咗旺角「越男仔」食飯🍽️除旺角有分店外，沙田九龍城等都有分店😆餐廳裝修豐有越南風味，仲掛滿好多車仔畫、玩味十足既標句等…打卡一流；而且有不少特色越南菜式，鍾情越式料理既朋友仔一定要試😎牛、豬Pho、生牛肉、烤牛肉、豬頸肉及豬扒配紅蕃茄湯檬粉🐖🐂🍅 🍜呢碗檬粉分別有豬、牛、生牛肉、烤牛肉、豬頸肉及豬扒～材料上都非常豐富，岩哂食肉獸🫣一次過食到咁多款真係好滿足😌 湯底以超濃郁蕃茄為主打，超級濃郁🍅🍅🍅🍅仲有幾條生菜🥬做配料，正👍🏻牙車快沙律🥗沙律菜份量亦不少，好足料🫶🏻柚子+手撕雞撈埋一齊食，一流😆口感清新及口感豐富🙂手撕雞檸檬紙🐔🫔好薄既卷皮包住滿滿的手撕雞及不少的檬粉，非常香氣可口，口感好豐富🌝最欣賞係餐廳用既手撕雞既雞絲係火炙，超級香口，好好味🤤芝士軟殼蟹蒜蓉包🦀🧀🥖一上枱就見到大大份😦 蒜蓉包非常香口及脆口，充滿蒜蓉味🤩 軟殼蟹好脆卜卜且足料，面頭仲舖咗邪惡既芝士🧀一啖食落去口感很好👌🏻熱雙檸香茅薑蜜🍋☕️杯內有香芧及檸檬🍋但飲落主要以薑味為主，好薑😗 但薑得黎又暖暖笠笠🥳凍水果茶🥤分別有菠蘿粒、雙檸片，飲落唔會覺得好甜，以紅茶底為主，整體不錯☺️呢間「越男仔」食物有質素，雖然要另收加一服務費，但價錢都幾抵食；而且唔難搵，係旺角地鐵站/油麻地地鐵站出都可以😃
繼續閱讀
招牌湯底是人氣的椰汁酸湯，超級好味！一定要先飲啖湯！椰汁酸湯是由雞骨熬製的湯底，加入椰汁、柚子和醋等配料，不會太酸，非常惹味！三鮮pho $169生蠔生蝦滑雞配椰汁酸湯檬粉，非常豐富的食材，全部都係足料！生蠔脹卜卜，生蝦有微微燒過，加上滑雞很鮮嫩，三種食材都好正！套餐更配搭小食兩款，揀了牙車費沙律，有柚子加手撕雞，和椒鹽脆蛋魚柳。生牛肉雙蝦配椰汁酸湯檬粉 $118這款雙拼的款式也很吸引！那生牛肉很有質素！大大塊，很軟熟好咬，同樣地生蝦很惹味！特別是蝦頭！啖啖蝦膏！超好食！越式蝦餅$55另外加配了一份小食蝦餅，彈牙香滑，蝦味很香，外層很酥。海膽手撕雞檬紙卷 $99特別推介！喜歡海膽的必叫！自家創作的菜式，用了海膽製成的檬紙卷，加入手撕雞的食材，很惹味！飲品點了鮮香茅青檸梳打和椰香漏漏啡。
繼續閱讀
今次就來到越男仔嘅旺角總店！餐廳主打新派越南菜，融入咗唔同嘅創新元素入去越南菜，食物嘅賣相亦非常精緻～✨鎮店四鳥配椰汁酸湯檬粉四鳥即係脆雞皮、手撕雞、滑雞件同埋香脆雞，可以一次過食晒三款唔同煮法嘅雞肉！脆雞皮口感最有驚喜，好似食緊炸魚皮咁！椰汁酸湯係用雞骨熬製而成嘅湯做基底，然後再加咗椰汁、酸子同埋醋等等嘅配料！味道酸酸哋，令人好開胃～✨三鮮Pho三鮮Pho即係生蠔、生蝦同滑雞配椰汁酸湯檬粉！日本廣島蠔新鮮肥美！生蝦鮮甜彈牙！滑雞件帶有椰汁咖喱嘅香味！檬粉煙韌得來又帶有米香味！餐廳亦好貼心，將啲檬粉剪過，令食客方便食用，而且仲更加容易吸收到椰汁酸湯嘅精華～✨無骨鳳爪沙津無骨鳳爪口感爽脆，酸酸辣辣，十分醒胃～✨椒鹽脆蛋魚柳魚柳外脆內嫩，加埋表面嘅椒鹽，正啊～✨凍 椰香漏漏啡濃郁嘅咖啡味之中帶有淡淡嘅椰香～
繼續閱讀