越興園越南菜館 (已搬遷) 新店位置

因看到報導又說問铺就嚟不再 再加上本身在窩打老道的越南台柱"X錦X"也不在 所以不妨試試這個 看看有沒有其他能代替今晚總共下叫了五樣野 生熟牛肉粉 春捲檬粉 豬頸肉檬粉 春卷 蝦餅.......生熟牛肉粉可以 湯不錯 不失一貫越南風味; 檬粉方面是我比較喜歡 啲粉不錯 放在粉上面啲汁也調教得好好; 豬頸肉方面 燒得不錯 但我觉有少少咸; 蝦餅方面也也是带少少喊 味道一般; 至於春捲方面 比起窩打老道的較細條 味道根本不可以跟窩打老道比 因為窩打老道的是王者總括來說是可以試的 價錢也不太高 真的非常渴望食越南完粉的又找不到其他地方 可以再來 但他們好像不知幾多号便不早了 大家如果想試一試邊便快點了

又一小店快將結業，係旺角女人街咁多食店林立，形形色色，要維持基本生計真係唔容易，所以今日專乘過黎支持下。一坐低老闆已經講唔好意思，因為無河粉，無檬粉，其他飯類仲有，連生beer都得番半桶。咁樣證明好多人都好支持老店，有點唔捨得，話晒都50年歷史。我地叫咗咖哩炒飯、越式炒金邊粉、烤牛肉湯粉絲、沙爹牛肉炒油麵、牛油雞翼，菠蘿🍍梳打，凍青檸🍋可口可樂，凍可口可樂。咖哩炒飯好香，色澤好靚但一d唔重咖哩粉味炒金邊粉唔太酸，好大碟烤牛肉湯粉絲，正常沙爹牛肉炒油麵，呢個最好味，濃濃沙爹味牛油雞翼，香脆，如果牛油味再重d，就更好！🚶🏻‍♂️👉📌越興園越南菜館 (旺角)旺角通菜街31號地舖

(自費食評) 今天晚上放工比較夜，很多沒有很多餐廳給我選擇了，我們見這間餐廳人比較多，所以就入去吃了。我們不太肚餓，所以見了一碗麵，一客小食，每人一杯飲品。當晚，成間餐廳都有播放音樂，幾好的氣氛，可以邊食邊聽歌。香茅雞翼油麵，三隻雞翼炸得好麻麻，賣相唔得，三隻雞翼都唔多入味，湯底還可以，有味，油麵好爽口，份量多。雞肉串(3串), 這個賣相吸引，雞肉好食，食串燒最緊要就是醬汁。椰汁聖沙冰，感覺上是三色冰，不過裡面三色很長很粗。凍檸茶走甜好平常。

依間位於女人街既越南餐廳想試好耐。今日終於可以係午餐時段一試。我叫左一個生牛肉河配可樂一杯。價錢都只係43$。牛肉好味唔錯。粉同牛肉粉湯底都好好味。總括嚟講，我下次會再光臨。

未曾試過咁差嘅海南雞飯，啲雞完全冇味，啲飯冇味好乾，仲要燶咗。豬頸肉又硬又細件。總括嚟講都唔知自己食咗啲咩。杯珍多冰更加精彩，得個甜字，起哂泡。環境一般，好焗。唯一就系服務態度吾錯。不過絕對冇下次。

約左朋友去旺角食飯，算是早到，6PM就到越興園，下層都坐滿8成，服務員叫我哋上上層，原來上層都有2枱了⋯但不知為何樓上店員堅持要我們坐好像後欄雜物房/廁所門口那邊，然後問我哋滿唔滿意（我估計如果個位正常嘅話佢唔會咁樣問），朋友話想坐出面（光猛啲 而當時又有位其實）但店員說 那坐前一張吧🙂環境其實⋯真係好差勁👎🏻發霉、有up味，好似廢墟如果下次有位之下又堅持要人坐廢墟，請離開吧⋯⋯越坐越痕⋯⋯而家只想快點食完快啲走⋯⋯

星期三同朋友喺旺角，佢推薦話食過呢間越南野唔錯，咁我哋入去見環境係比較舊式嘅餐廳，咁我坐咗喺一個卡位，咁我叫咗個推薦嘅馬拉盞蛋白炒飯，咁飯嚟得都算快，唔算等得太耐，整體炒飯食落夠乾唔會太濕，而且蛋白同馬拉盞嘅味道配搭得啱啱好😋

放工去開旺角行街， 路過這間店， 睇到門口廣告見套餐同菜單價錢都幾合理， 於是入去試吓這間店環境麻麻， 不過入到去見幾多人。 好在都有張卡位坐下。 職員服侍態度幾好， 見我話熱。 主動開風扇比我地。 叫左四樣小菜，有原隻椰青海鮮焗飯，（ 會比返椰青水比你飲）， 豬扒，越式小食拼盤，越式炒金邊粉同龍眼冰。 野食有驚喜， 以為一間平平小店， 味道吾錯， 分量可以接受， 價錢叫合理，整理來說性價比高 結帳： 大約330 （ 無加一） 2 人食現在好少餐廳食晚餐吾駛加一 。

星期日到旺角通菜街越興園越南菜館食午餐，餐廳環境整體都不過不失，衛生都算清潔，座位比一般寬敞，職員招待都有禮貌同和藹可親。我太太叫左烤豬肉撈檬，烤豬肉烤得很香口，檬粉不會太淋同斷開，檬汁亦好味。我叫左海南雞飯，油飯中規中矩，而雞肉算是滑，質感也不錯，配菜是菜心，沒有泰式海南雞飯嘅酸蘿蔔，醬汁是蔥油。我個人比較喜歡新加坡🇸🇬嘅海南雞飯多一些，因為醬料配搭油飯比較好味，而且雞肉也比較嫩滑。這個午餐嘅性價比都合理，不過要收加一服務費。

職員服務態度好好👍🏻會留意吓你揀好味然後主動上前幫你落單。點咗二人套餐$248燒豬頸肉賣相吸引 薄切燒到焦香 食落好香口 點甜酸醬超開胃波爾多香酥雞球奄列飯啲雞炸得香口，不厚粉。奄列就似炸雞蛋甘，好油。不過成碟飯偏向清淡。沙嗲串燒牛🍢燒得超過火，完全咬唔郁😞香茅雞翼🐓冇乜香茅味，不過勝在即炸，熱辣辣好味😋蒜蓉焗青口🧄比想像中好，幾新鮮。煮法都好好味😋青口上面有蒜蓉、牛油🧈、洋蔥🧅、煙肉粒，合埋一齊食，味道都幾夾，好鍾意❤️！野飲幾足料😋📝整體而言: 越南菜嚟講份量都幾多、幾抵食。**設有+10%服務費**

好多年無食過越興園，以前細細個讀書成日係旺角食，咁耐無食過所以去試下佢個下午茶。叫左個香茅豬扒撈檬，同埋一加波多爾橙汁炸雞球飯。香茅豬扒撈檬豬扒幾香幾腍，檬粉乾身較硬，個醋汁備向甜味重，酸味啖，食緊糖水咁，但都可以接受唔差，不過可以個醋再酸少少。波多爾橙汁好似係「果粒橙」汁⋯⋯⋯唔係好覺佢有調過味，一係一碗橙汁上，比你點個炸雞食，試左一啖⋯⋯⋯算啦，都係點返佢支是拉差辣椒醬，而佢支辣椒醬好驚喜係以前KFC個辣醬味！終於搵返呢個味道啦！不過佢都係現成買返黎，不過加埋炸雞真係好食。另外搭左件蛋餅，幾多料，有蔥 扎肉之類。幾好食。

話說今日同朋友夾band前有少少時間一齊食個lunch朋友話試過呢間既外賣今次就堂食試下餐廳有兩層，我地係被安排上一樓～4人坐卡位都幾闊樂既野食主要係分為湯粉/撈檬/炒飯麵包汽水既落order 時😗聽店員講原來仲可以揀凍利賓納，所以我地個個都揀凍利賓納👏我食既扎肉湯河：不過不失順手影左撈檬比大家睇味道我就無試la 不過問番佢地都話ok 既💪呢個價錢食越式野比起其他越式餐廳算係經濟 平民既價了👍👍雖有加一，但都within$50抵食既值得再戰

以通菜街咁多特色餐廳嚟講，呢間餐廳嘅外貌唔算起眼😗但性價比嚟講都算唔錯～豬頸肉湯金邊粉($45)好大碗金邊粉🤣係平時嘅1.5倍份量，豬頸肉有差唔多十塊咁多，個湯幾清甜，飲完唔好覺得好口渴，啱晒啲成日出街食，但又唔想食太濃味嘅人😋豬頸肉醃得幾入味，燒得夠香👍🏻烤豬肉手卷($63)份量都幾多，有六舊，入面包咗檬粉、蘿蔔絲🥕、生菜🥬同烤肉，但檬粉佔咗大部分，其他材料較少，食落個皮有啲韌，就咁食嘅話味道會比較淡，要浸好多撈檬汁一齊食，但浸完嘅味道都ok😉蝦醬炒通菜($68)味道都幾好，蝦醬唔係好濃好咸嗰隻，有鑊氣，想食得健康啲不妨一試😆佢有個越式/法式二人套餐，啲餸嘅選擇可以任換，感覺都幾抵食，可惜嗰日唔係好肚餓，怕食唔晒所以無叫到，下次再嚟試吓先🤤環境﹕6.5/10抵食﹕7/10味道﹕7/10

2021年最後一日，難得放假，去旺角行個圈，好耐無食越南野，決定去越興園轉個圈。$40 一碗撈檬，加八元有熱飲，再加八元有油菜，呢個時勢，邊到揾？！平靚正美食，真係呢到先有

揀咗好耐，行到去女人街，終於入咗間以前食過好好食嘅「越興園越南菜館」。😌我地叫咗個2人餐 + 散叫小菜。串燒 (雞) 2串 - 雞肉好嚡。薄切鹽燒牛肉 - 濃味嘅菜名，出到嚟竟然係無比嘅清淡。越式海南雞 - 白切雞嘅感覺配燒味店嘅薑蓉。雞件冇去骨，冇配油飯/白飯，雞肉生到咬唔開。髀仔牛柳粒炒紅飯 - 太鹹，食少少已經將個椰青秒殺。係中式牛柳 + 西炒飯嘅味道。咖喱牛腩配蒜蓉包 - 肉質腍，味道較濃，唔辣，但偏甜。蒜蓉包 (單點) - 有火腿粒係包面，但成個包好韌。飲品”椰汁石榴子冰” + “鮮椰青” + “鹹青檸梳打” + “可樂”。店員告知可樂唔係罐裝嘅，而係汽水機裝出嚟嘅。😑以前食過好好食，但今次大跌眼鏡啦⋯⋯😩