越興園越南菜館 (已搬遷) 新店位置

好多選擇又大份 好抵食 每人$80左右就食得飽🥰我哋食咗2+4人餐 試咗不少食物有幾款比較好食 🤙🏻🤙🏻·🍤酥炸軟殻蟹🍤估唔到咁大碟 仲要即炸非常香脆 雖然蟹肉唔太大舊但都食得過癮 好香口🥰🥰🍗牛油雞翼🍗夠大隻 同樣炸得幾好皮脆肉嫩 鎖到肉汁🥓薄切鹽燒牛肉🥓咸甜醬汁 牛肉燒得幾香 唔過咸🍢串燒 🍢肉係大舊 但略嫌燒得耐咗少少🤭·主食類嘅麵飲就正常啦🍜🥘·老闆同店員服務極好 不停refill 水 又送我哋野飲😭😭 完全feel到濃濃嘅人情味🥰🥰

這間在旺角開業多年，仍然屹立不倒的老品牌食店，我在多年前已是它的顧客，但已很久，很久不曾再去。這一天，在旺角通菜街（女人街）覓食，經過多間食肆仍找不到想光顧的店舖，直到經過這間睽違已久的越南餐館，想到多時不曾光顧它，才決定懷緬一下過去，在這餐廳吃一個遲來的午餐。才剛坐下，還未翻閱餐牌，我竟赫然見到餐桌透明玻璃下分別有寫著「五大訴求 缺一不可」的字句的紙張，才知道這間老店竟是一間黃店，實在讓我意想不到，甚至有點喜出望外。畢竟，黃色經濟圈現在仍是小圈子，還需不斷壯大，能夠在今日香港經濟受挫，市道不景的時候，光顧和支持到一間黃色食肆，不管有心還是無意，始終都是一件好事。吃的是「牛油芝麻豬扒炒飯配鴛鴦檸檬白酒汁」（$44），喝的餐飲是可樂。可樂冰凍解渴，「牛油芝麻豬扒炒飯配鴛鴦檸檬白酒汁」的豬扒經炸過後，外層微脆，切成細塊後蘸點開胃的芝麻檸檬白酒汁，都過得去，蛋炒飯雖只溫暖而不太熱，也及格。雖然這豬扒炒飯不算認真美味，但作為一頓只不過四十多塊錢的午餐，已經及格有餘了。結帳離開之後，跟平常一樣，站在餐館門前為它拍照，竟發現自己之前快快入內用膳時沒有留意的地方----這越南菜館店門前竟放了數瓶 5

今日經開旺角，突然想食越南野，經過呢間越興園，見到特價，即刻入黎試下！！佢呢個法式套餐，$228 但好多野食😂😂先黎小食，六選三分別點左牛油雞翼、簿切牛肉、蒜蓉焗青口😍😍牛油雞翼🐥🐥牛油味好重，好惹味薄切牛肉🐮🐮 ，味道方面好好，好簿，但又唔會太un 蒜蓉焗青口，蒜蓉味好重，青口好鮮甜，一流牛油芝麻蝦球，蝦大大隻，炸得唔會太厚粉，加埋個牛油芝麻汁仲正，而我私心問侍應拎沙律醬😍😍一流而呢個波爾多香酥雞球奄列飯就相對失色左唔小，普普通通，係炒飯炒得干身😍😍整體黎講值得推薦❗️❗️

疫情嚴峻，出街食飯唔洗排隊接豬豬收工後 落旺角搵食轉入女街後發現黃店越興，睇緊門口餐牌時職員熱情招呼內進叫左晚市二人套餐 $228小食三款 : 越南春卷 / 炸蝦餅 /香茅雞翼主菜 : 海南雞半隻 (跟餐係例牌，半隻加$10)主食 : 越式炒金邊粉飲品 : 特飲2杯 額外單點 : 馬拉盞炒通菜 $38埋單連加一 $304整體味道 : 不過不失，合格，炒菜炒粉夠鑊氣 ，但味道比較其他越南菜館會輕微偏淡小小但本人對海南雞特別喜愛，唔係凍雞，但都算滑服務 : 算唔錯，有禮貌 ， 主動性價比 : 算高

這家越南菜餐廳，一直保持食物水準，服務不錯，因舖位位於女人街，所以也要少許時間才看到。但內𥚃環境不錯，而且有架位，有上層，感覺舒適。非常適合三五知己小聚。食物美味，價錢合理，餐牌有多款食物選擇，除一般泰啤外，更有生啤選擇，正。

越南野黎講，呢間算係又平又ok! 中午食左個豬排撈檬加個牛油雞翼！豬排撈檬不過不失啦，個汁做得幾好，雖然豬排好香香茅味，但係就乾左d。另外牛油雞翼好有驚喜，勁香牛油同蒜味，即叫即炸，外脆內有肉汁，值得一讚！

星期五放工去旺角食個飯，開頭未諗到食乜，經過『越興園』被門口熱情的店員吸引了。入到去其他店員服務態度都好好！「春卷撈檬」春卷好香脆，細細條容易食！「炸札肉湯金邊粉」洋蔥絲同芽菜有畫龍點睛嘅作用，但湯底偏咸，不宜多喝喔～札肉同粉嘅份量都勁多！「鮮檸檬啫哩梳打」好fresh～飲落口感豐富，好有層次！「沙嗲牛肉串燒」只食到沙嗲醬嘅咸味，咸到掩蓋左牛肉嘅香味⋯⋯但肉質都軟熟嘅～「炸蝦餅」勁大塊，啖啖肉，不過外層並不香脆，蝦味亦唔突出。整體而言，『越興園』食物份量好多好大份！價錢都唔貴，好抵食。不過味道就一般～

中午嚟到旺角， 如果想50蚊有找食 食到個午飯我諗都冇乜選擇。呢間越南嘢應該選擇多， 而且價錢真係幾實惠好多個餐都係50蚊樓下， 就入嚟試試佢我嗌咗個法蘭西汁雞球配 蟹柳煎蛋角。仲有杯凍飲送我就叫咗凍檸茶杯凍檸茶都算幾有誠意， 因為唔係用檸檬魚係用青檸。有好多時茶餐廳用非洲檸檬令到 茶底偏苦但係用上青檸就唔會味道酸酸甜甜。主菜上碟分量相當唔錯但係炒飯底， 蛋角配上蟹柳， 西檸雞配上秘製汁好醒胃西檸雞的分量都剛剛好， 男士食都夠糧尾嘅時候 呢度 絕對係首選

夜晚落爆大雨，又諗唔到去邊度食，行下行下就見到呢間餐廳，見個店員咁熱情招待，餐牌又好似ok就姑且一試。一黎上左去樓上鋪，雖說今天係假期前夕，但都無坐滿。睇完餐牌，各人點了一碗雞絲湯河同一碗生熟牛肉湯河，如果叫飲品就要正價，因為有熱茶供應，飲品就無點到。仲有一樣，就係原來要加一服務費，估唔到茶餐廳式既餐廳都要收加一服務費....食物好快送上，賣相非常一般，雞絲得幾條，湯底亦都無越南風味，唯一好既地方就係d河粉都幾多下，但衛生環境就麻麻..服務係ok既，但食物同環境就真係未必人人接受到...

收工搵食見到呢間未食過既越南野，就入去試下，我呢頭坐低一叫，轉個眼已經送上，速度快得令我心寒...但質素真係連街市熟食檔都不如 ,一碗粉，一杯野飲，盛惠$67蚊。趕時間既可以試下，上菜速度驚人，快過快餐店同麥當勞，不過味度質素就...

呢一間係同男朋友係旺角行行下搵到既，大家都唔知食咩好，咁岩見到有岩食既就入左去🤣。我地坐樓上，啲裝修睇落都有啲歷史，雖然舊舊地但未至於污糟。我地嗌左個二人set食，二百幾三百零蚊都算係咁🤔。💛菠蘿梳打｜可樂每人有杯野飲，我嗌既菠蘿梳打係雪碧加罐頭水果，穩穩陣陣。因為我試過係其他餐廳食越南野，嗌個杯特飲係藥水味，寧願佢比普通梳打水我好過。呢杯梳打仲要有奇亞籽，幾特別🤣👍🏻。💛炒飯佢實際個名叫咩炒飯已經唔記得😂😂😂，但就咩材料都有啲，味道不過不失。💛馬拉盞通菜呢個最滿意，炒得好香！💛海南雞要加錢先有半隻，本身好似係四份一隻，啲雞ok滑。💛蒜蓉青口｜炒牛肉｜香茅雞翼雖然主食得一個，但小食就有好多，份量都好多，夠兩個人食到好飽🤣。

服務員態度/儀態：3星佢地主動服務你，但可能坐近正門，服務員在店鋪外吸煙會有些我最憎的煙味傳進店內。食物味道及賣相：3星味道一般般，好在都有d賣相望下如果佢仲要收賣加一，圍起大約130一個人既話，我覺得唔太扺食

今日中午經過女人街，隨意搵間餐廳，呢間餐廳位置比較唔起眼，入到去個環境比人感覺麻麻。越式牛肉炒河（$42）呢款越式炒河味道同平時茶餐廳嘅炒河粉冇乜分別，味道一般，加少少辣椒醬好食啲，河粉量好多食唔曬。半隻南乳吊燒雞（$65）燒雞肉質都算嫩滑，燒雞皮唔夠脆，點埋南乳汁，個汁鹹鹹地，味道不錯，一齊食幾好食。炒河送一杯飲品，總數食左107蚊，呢個價錢，係旺角食有呢個質素都算係咁。我見menu其他午市套餐都好似唔錯，下次可以再黎試試。

同家人去女人街行街， 諗住旺角呢一般嚟講啲餐廳都唔錯， 隨手揀咗一間食越南菜嘅越興園入去試下。一入到去見到佢話慶祝唔知 30 定 50週年， 咁我諗慶祝得 30 或者 50 週年，啲嘢食差極都有個譜架， 咁我揀咗咖哩牛腩飯，點知個咖哩牛腩飯相信係我呢十年最唔好食嘅咖哩牛腩飯囉 ! 完全冇咖哩味，有少少隔夜餸既味道囉 ，咖哩牛腩飯都唔係高科技嘅產品，一般快餐店茶餐廳都會做得唔錯嘅，所以今次真係有驚嚇冇驚喜囉 。價錢係幾平， 碟頭亦好大， 不過重點係唔好食囉! 真係好少食到冇咖哩味嘅咖哩牛腩飯 😖 通常食咖哩牛腩飯，大家都會盡量將啲汁加落啲飯度，越加越好食，越想食多啲; 不過喺呢一間餐廳，愈加啲汁落啲飯度，個飯就越唔好食。不過值得一提，啲員工嘅服務係唔錯嘅。不過餐廳唔可以淨係靠服務 ，一間餐廳最重要嘅係食品。 重點就係冇上網睇一睇意見， 原來一直都係劣評如潮 ，我純粹係未做好調研工作啫😅

豬扒香矛味不夠芽菜都無。。。似普通豬扒河多些好彩份量ok 和招呼幾好個餐包一杯可樂only...還有。。。下午茶和午餐係一樣價錢。。。。朋友吃的 香矛豬扒飯 $48 就 好 d, 多一塊豬扒