越色牛肉粉餐廳 (已結業)

1月31日, 在奧海城, 又係呢個餐具污糟嘅大食代, 但係試問要食得快又簡單, 除咗呢度並無他選… 求求其醫飽個肚就算…::: 生牛河 + 油菜 ::: $32賣相都唔算太差, 生牛肉看似都幾新鮮~ 但係一望, 未食已經感覺到湯底嘅濃烈, 深啡色嘅湯一d都唔清徹, 仲好似好混濁咁… 果真太濃, 將牛肉, 河粉嘅味道都蓋過, 牛味就真係唔太飲得出, 但係就真係過多味精…牛肉ok啦, 唔係好韌已經算合格…生菜都叫鮮嘅, 起碼唔係霉爛嘅.又試完一間大食代, 又係一間以後唔會要食嘅… 想喺大食代食有質素, 怕都只有pepper lunch同八方雲集有點保證.

行到好累,姊姊求其咁話食生牛河。賣相沒有美輪美奐既「包裝」,加上位置於food court,無寄望過。先飲啖湯,發覺同平時越式牛河湯唔同味,因為佢既香茅味好重好濃,我覺得咁樣,味道濁左D喎,而且搶左牛肉味。檬粉幼幼如瀨粉,軟熟度ok。呢碗粉純粹for填飽肚。

比完錢之後,旁邊的服務員馬上加入湯底,就完成我既扎肉雞絲金邊粉好似來得..........太快賣相唔吸引,顏色暗淡.湯底味道就不錯,雞絲好少,扎肉好普通~ $32一碗就唔係好抵食.

15/1(四) 7:30pm翻身後的奧海城大食代,儼如迪士尼內的餐廳.環境相當骨子雅致,確之然對food court刮目相看!是晚晚餐由阿梁打點.起首點了"Pho"的火車頭湯河$38.湯底清甜而清澈,以牛為主的配料如牛肉,牛柏葉,牛筋及牛腩水準達標,以忠於原味為賣點;至於金邊粉則較庸俗.緊接的是隔壁的Fusion Rice...

十二月廿日(星期六)同老公仔食完咖椰多士後,就買了牛油雞奕吃!等都比較耐!起碼都十多分鐘!我們差點把奶茶飲完才可以吃到雞奕雖則即叫即炸,但是香港還是講求速度呢牛油雞奕都算美味!加上炸過的香蒜..吃起來特別香口!但是美中不足的除了等得比較耐了,而且比較油膩

今日去奧海城, 見有D餓, 所以去咗佢個FOODCOURT大食代, 突然想食越南嘢, 所以選了這間. 點了一碗生牛肉河, 碗大大的, 份量也不少. 最好的是它有大量配料給客人任取, 我加了青檸, 蔥, 蒜, 金不換等, 很可口. 食生牛肉必備的辣醬和甜醬都有供應. 湯底也很濃, 不錯.河粉很幼身, 湯內有芽菜和洋蔥.

我唔知乜野係最好既越南菜。但係由加拿大返黎香港既人，相信好多人都懷念熱辣辣既湯底，獨特既香草，一大堆既呀菜。當然仲要有"是拉差"辣椒醬。今日突然想食越南粉，之前食過登龍街間越色，記得都幾好丫。咪走黎奧海城試下。佢地food court 型式，初時都驚無質素。但係見佢即場漉，D材料好新鮮，尤其beef.叫左"火車頭"越南粉，仲有香茂雞中翼，仲有個乜野"勾油芒果軟腳蟹卷". 個卷好有新鮮感，又好味。雞中翼十分大隻，仲好多肉汁但係最緊要係個火車頭，湯夠熱，金不換夠香，粉係幼粉。即刻諗起"發發""火車頭" 一句到尾，加拿大friends飯堂

巡視一圈後，排檔大致與其他大食代差不多。除了土司外，對越南菜較有興趣。檔口擺放了各款各樣的醬油及香料供客人喜好而添加。檔口名為越色牛肉粉，就試試這個「招牌菜」。生牛肉河-湯底不夠香，樣是缺少了香茅、羅勒等香葉；河粉幼細，但不滑身有點粗糙感覺，而牛肉已熟透，肉味也欠奉。炸軟殼蟹卷-米紙很厚很硬亦有點韌，要費點力才咬得下；軟殼蟹被勁厚的炸粉包園著，又炸得不脆。好辛苦才消耗一件，不想勉強自己再食了。

奧海城美食廣場一向眷氣沉沉,今次來個大變天,現已成為香港第四個"大食代".在日前開幕.好多檔口都熟口熟面,有三巡,吐司等等必然正選,而新店有未開的"客家爺爺",同越南菜的"越色".很多人對越色的Pho評價一般,開茶兄就大力推介,我沒有試過,今次就選擇在大食代新店一試.此店的Pho賣$30一碗.份量可不少,而金不換可自己添,另外有辣醬同甜品亦可自己來.很多越式餐廳吃牛河,也沒有甜/辣醬供應.其出品有幾正宗?大家心中有數.首先試一口湯,很濃,帶有強烈的牛骨味同點點藥材味,質感厚,猶有餘勁.加些金不換,味道隨之複雜.牛論湯底,未及越旺同越南站,但已好過其他同類店好多.牛肉片上桌熟了七,八成.個人偏好未熟透的嫩口感,這店用的牛肉,入口無渣,有肉味,肉質就不夠滑.不過吃生牛河,牛肉不比湯底重要.吃一碗牛河,用不著什麼和牛嘛.河粉用幼身的一種,近乎檬粉,但又大少少,入口爽,但未夠滑溜,帶點粗感.同早前在帝苑的越南餐廳用的河粉,剛好是兩種相反態度.吃到一滴湯汁也不剩,摸摸肚皮,挺滿足,結果想吃其他檔位的美食,也無能為力了.