越華會海鮮小館 (已搬遷) 新店位置

四月份,都幾多人生日.圍內Openrice朋友,都已經有四個.出得黎行,就預左要還,眾人在小弟生日局俾足面出席,點都要為大家做回一點事.不如就來個四月星辰生日局?夾時間又是一個難題,眾人不是我這等游手好閒之輩,邊一日全部人都得,有邊一日邊個唔得?而且又要看看其他朋友的反應,左度右度之下,結果要大家犧牲家庭撐檯腳之樂.選擇在星期日.事前心水之店,原來在周日休息.幸好,也有B,C,D計劃.到最後,選擇了真係有八年沒有去的越華會.貪其位置近其中一位壽星女之公司,兼夠多元化.小炒海鮮一應俱全,無論大家口味點不同,也應該對口味.本來四位主角的壽局,結果到最後有一個主角缺席,無論是什麼原因也好.作為搞手,也有點洩氣,我可以點?唯有吃了此餐才算.上一次來已是千禧年頭,八年不見,地址照舊,但環境就比以前光鮮得好.昔日的越華會,真是成間深水埠小炒店之格局,致電去訂位之時,店方說免收開瓶,來到就話要收$30一支.而且沒有酒杯奉上.我:{收人開瓶費,連酒杯都無?唔係丫嘛?}店員沒有理會便掉頭.這一刻,我心裏正在講粗口.席上有人不吃得辣,炒辣蟹已經剔除在大軍之外.用比較輕的胡椒蟹煲代替.其

上星期五友人的生日飯在此解決, 由於淨係得本人未食過之外, 所以睇過好多食評都話呢度要book位既, 訂左8.30pm準時到, 都即刻交到檯比我地, 至怕有d訂左都要等嘛見仲未齊人, 我地叫住少少"小食"黎食1) 椒鹽豆腐 (即炸, 好熱, 同埋好滑)2) 辣酒煮花螺 (好辣, 入面仲有d忟白蘿蔔, 都好入味架, 螺肉唔un囉good)3) 聖子 (叫左小辣就o岩o岩好, 聖子都好新鮮, 無沙)之後齊人喇, 仲叫左4) 避風塘炒蟹 (好大隻, 好多肉同膏架 $380) <----伙計話計平左架喇5) 椒絲腐乳通菜 (一般喇, 因為主要係食海鮮為主嘛)6) 中式牛柳 (d汁甜左d囉, 不過爆得d洋蔥都好香7) 蝦多士 (呢個滯左少少, 可以唔食哂全塊麵包既)7) 黃金蝦 (一流....正, 蝦夠大隻, 又新鮮, 不過膽固醇好高, 除子咸旦王仲有蝦頭既膏嘛)8) 越華炒飯 (即係海鮮炒飯, 但有幾啖咸左d)以上碟碟都大份量架, 但我地只係得6個人去....所以炒飯同牛柳要打包囉!

想幫趁，一定要先訂座。誤以為六時半營業，原來是六時，我們六時四十分剛坐下，鄰枱已結賬離開。三人選擇不多，只可以點些較熱門的。避風塘炒蟹：有些地方你是無從得知正在吃的蟹或海鮮，究竟多重，收費多少，一切靠猜測，直至遞上賬單後你才知曉，就算感覺被宰割也得照付。此店起碼先給你看及報價，滿意才送往烹煮。因遷就女兒，只選小辣，吃落卻沒甚麼辣味，早知加料... 不過味道極佳，一小羹炸蒜，再來一大啖鮮蟹肉，三百多元仍值回票價! 其實再加碟豉油王炒麵撈勻同吃，才算完滿，惜胃納有限，唯有作罷。黃金炸豆腐：好吃! 外鬆脆，內滑口。難度甚高的一道菜，必點之選，單看每枱都有點就知。椒鹽焗鮮魷：新鮮香口，但只算中規中矩。芝士焗西蘭花：極香芝士味，面層焗到有點焦，更覺惹味。如果清炒或蒜蓉炒，味蕾會被先前的炸蒜所掩蓋，芝士就沒有此問題。從健康角度而言，今頓飯完全不及格：極高膽固醇、高脂多油、大量煎炸、調味頗重手、還加上超標酒精類飲品。不過，偶爾放肆一下又何妨呢!

朋友s生日,選址越華會食物1)炒辣蟹~蟹同價錢比辣蟹莊貴,膏又少2)蒜香骨~好味喎3)香脆炸豆腐~辣蟹莊好味好多4)椒鹽鮮魷~超唔掂5)蒜蓉炒什菜~好味6)蔥油走地雞~ok7)西蘭花帶子~ok8)蝦多士~略淡,但ok9)粥7人共消費: $1056**一定要訂位,超多人**

一共１０人左右叫左：１）黃金蝦　－　蛋黃包住蝦黎炸．．好食呀．蝦夠鮮．．又大隻．．而且味道十分好．．２）炸蠔　－　我係一個唔食蠔既人．．都覺得好好食．一ｄ腥都冇．而且好大隻好肥美．．正！３）走地雞　－　呢個冇乜特別．ｄ蔥係舖下ｄ雞上面的４）海鮮湯　－　有好多料係裡面，幾鮮味，唔錯！５）避風塘炒蟹　－　呢個好正．ｄ蟹好大隻好鮮．味道剛剛好唔會太鹹．．ｄ炸蒜好好味．．６）黃金炸豆腐　－　皮好脆．．內裡勁滑．．好味．７）蒜香骨　－　炒得惹味，幾好食！８）炒聖子　－　呢個一般幾好食，冇乜特別．不過都幾大隻的．．每人＄１２５左右．．勁抵食囉．．好飽好滿足丫～*呢度ｄ人冇ｓｅｒｖｉｃｅ架．不過ｄ野食好味都抵得番既～*

一直都對這家餐館有點興趣，但每次經過都已經滿座……某日突然早放工，與男朋友終於有機會試它一試。點了蒜蓉海中蝦、蟹黃兩面"黃"同魚湯煮螺。蒜蓉海中蝦的味道不錯，海中蝦算是新鮮。魚湯螺的魚湯就過鹹，螺肉還好。兩面黃比較有驚喜，蟹黃中食得到陣陣的蛋黃香，麵條脆脆的極有口感……樓面叔叔們的服務態度友善，見我為兩面黃拍照就停下來，讓我拍好了才分這個兩面黃。這家餐館，算是試得過吧~(相拍得不太好，請大家不要介意)

好朋友生日特別去試下.炒蜆好得!蜆好甜,幾大粒!蟹肉翅,湯好甜,蟹肉都好甜,翅都唔少,幾好食.仲有叫咗黃金蝦,椒鹽鮮魷,整體嚟講都幾好食.特別係個蒜容元貝,好大隻,細隻碟少少咋!仲好甜tim~45蚊一隻,very good ~ 環境同厕所都乾淨,不過svc就好差囉!!!!anyway都值得一試的!

其寶係上星期嘅宵夜..本身都幾鍾意食避風塘,間間各有特色,喜記名氣大,不過價錢貴,橋底辣蟹好野味,但係食完會口渴,因為味精重,財記則平均,但係就平凡,下次去呢幾間食完再同大家SHARE吓啦..一行三人..叫左油鹽水浸大蜆,避風塘鷄亦,節瓜粉絲煲,椒鹽九肚魚..油鹽水浸大蜆都幾好味,吉殼少,所以滿意,蜆肉好甜!避風塘鷄亦個金沙味OK,可能間間鋪都係差唔多,但D鷄亦都幾大隻,避風塘式炒法都幾入味,要試!節瓜粉絲煲味道平凡一點,真的好想找到一間做一節節的節瓜而唔係將D節瓜切絲,因為切左絲D節瓜會乾哂,節瓜味會流走哂架!!椒鹽九肚魚只係一般,D炸粉唔夠脆,但D魚本身尚算鮮..價錢唔算貴,值得嚟食嘅!

同意樓下的評語"大酒店價錢, 大牌檔質素". 沒有驚喜,價錢太貴. 旦白蒸花蟹$280, 超唔得. 椒鹽鮮魷新鮮; 油鹽水浸蜆,普通冇難度. 芝士焗扇貝,成隻芝士水,想死!! 黃金蝦一般, 東寶好食好多. 燉例湯一窩冇味精,接受. 生蠔煲與圖片賣相有很大出入, ok大牌檔味. 上湯菜心冇難度.金湯蟹粉兩面黃,成pat野咁,勁嘔心.是日朋友請食飯,海鮮為主,冇叫肉類,五個人共$1300大元,唔值!!

今天和朋友在這店食飯, 叫了油鹽水浸大蜆, 黃金炸豆腐, 沙拉骨, 避風塘炒蟹, 椒鹽鮮魷及上湯豆苗.因為之前不知道是在這裡食飯, 沒有期望, 只知道蟹好貴, 好味在上面的炸蒜茸的濃香, 今天在越華會吃到, 蟹有兩斤多大，店主沒有說是什麼蟹, 炸蒜茸很香口, 但蟹有點乾. 之後在隔鄰新光見到有三斤多大的, 說是澳洲的肉蟹, 見到它的外殼很厚這明明是Queensland 的Mud Crab, 在朋友家時, 我們也買來烹煮過, 只是煮一大煱 水, 把它煮熟, 以為外國人不懂烹煮? 海鮮原是清蒸或白烚已經鮮味無比, 這種煮法有點浪費. 避風塘炒蟹還是用不太大的花蟹去做已經很好吃, 但香港人的想法真有點攪不通, 硬要把菜弄成很貴的模樣, 最後煮得不倫不類.黃金炸豆腐應是比較正常的, 豆腐很滑, 是百福豆腐, 但表面不夠香口, 整齊得像陳列品. 沙拉骨, 應該是京都骨加沙律醬, 普通啦! 椒鹽鮮魷是很新鮮, 但不太香口; 油鹽水浸大蜆的蜆是普通的蜆, 用了胡椒湯浸熟, 上面好似好多蜆, 但下面粉絲比蜆還多. 共六個菜, 共消費$865最唔掂係叫其他等候的客人到我們抬先坐

越華會有兩間店, 一間在銅鑼灣, 一間在筲箕灣.第一次來這間. 兩個人吃. 試不了太多.叫了避風塘炒蟹. 可以選大/中/小辣. 我們選了唔辣.好多炸蒜蓉和葱. 好惹味的. d蟹炒得唔錯. 因為吃了太多蒜蓉的關係..我很快很飽了.另外點了黃金蝦. 都幾有水準. 我反而最喜歡的是扇貝. 我選了用芝士焗. 食完隻扇貝d汁仲可以撈飯. 真好. 真係好飽.

約女朋友食飯, 行過駱克道睇下有咩食, 女朋友見到越華會話ok就行入去兩個人嗌餸諗左一陣, 見到menu上面咩都好食, 又怕嗌太多食吾晒浪費, 終於決定要油鹽水浸蜆, 蜜餞蒜香骨同蟹肉扒娃娃菜侍應阿叔聽我地嗌蜆, 即刻截住, 話今晚D蜆吾係咁靚, 不如試下白灼蝴蝶蚌(未聽過), 吾係晚晚都有得食, 見佢極力推介, 價錢又吾算貴(例牌$68), 所以就轉先上蝴蝶蚌, 一試, 嘩! 勁掂, 甜過D蜆多多聲, 就咁點豉油已經好好食, 唯一不足係擺得太耐吾食會有D腥另外兩個餸都好好味, 個蜜餞蒜香骨酸酸甜甜, 吾肥膩, 送飯好正, 個蟹肉扒娃娃菜好多蟹肉, 娃娃菜吾老加多碗飯同罐汽水, 埋單$220左右, 價錢合理走前見隔離檯食緊荷葉飯, 好似幾好食, 下次黎一定要試

大圍人去食, 雖然好鬼熱氣, 但仍必食豆腐, 叫左兩碟先夠喉, 好好味!耐唔耐就會心掛掛, 想去食下佢地D豆腐!

o黎呢度冇訂位o既話就奉旨要等位﹐所以袋定張卡片就冇死。佢地個油鹽水浸大蜆幾鮮甜﹐好快一窩就冇晒。另外每次必食黃金炸豆腐。仲有沙拉骨﹐肉唔韌﹐不過味道就濃o的﹐未必個個鍾意o甘濃味﹐但o甘都好﹐反正一碟得好少﹐個個鍾意就唔夠分o架喇﹗炒西蘭花就一般啦﹐未夠爽甜﹐但都算新鮮。服務呀﹖幾次都冇乜點留意﹐都係上完就食﹐食完就走﹐唔記得有咩溝通過~座位之間就係迫o架喇﹐如果有番多o的人坐大檯就好o的﹐菜都可以試多幾款啦。

六月十日同女友唱完k諗緊食乜既時候，行過越華會，我地正被一張貼係門外既日文飲食雜誌吸引住，突然身旁行過一個高高瘦瘦既男人，女友眼利，即刻係我耳邊講"鄭旦瑞"呀。見佢身旁朋友食到一臉幸福，但還未滿足咁既樣，更有女士高呼「早知食炒蟹啦」，其實自己成日係筲簊灣越華會食飯，雖然唔知係咪分店，但即時打破我地既慳錢大計，入去食餐勁既。入到去唔滿座，但隨即聽到伙計講「唔係世界盃，你一定冇位」。店裡無電視，正係開波時間，生意難免有影響。環境: 光猛，整潔，冷氣夠凍。唔豪華唔浪漫，但係好舒服食物: xo醬炒蟹粉絲煲- 10 蚊兩叫左斤半= $220 好食，鑊氣夠，蟹新鮮，肉多又爽又甜又香 不過見避風塘炒更受歡迎，下次必試 豉椒炒蜆= $58 30 - 40 隻倒，冇沙，都好食，但係因為食唔切涼 左，如果我地一碟碟叫更好 薑蔥炒生蠔煲= $118 蠔都好肉，佢係一桶桶計，大唔大隻睇彩數，都香 甜，同樣因為蟹食太耐唔夠熱下次會分開叫會好好多埋單220 + 58 + 118 + 10(合桃前菜) + 18 (啤酒)