越華會海鮮館 (已結業)

遲來的新年團年飯，越華會係屋企聚餐必選之一一行十三人，係三樓訂左房最低消費$3000！ 二樓為散客區無最低消費，但好多時後有限時總共叫左十個菜，因為人多關係一上枱就唔見一半影唔切全部餸，但今次要重點推介酥炸生蠔沙薑雞，夠味又滑酥炸生蠔，手掌咁大 外脆內軟。炸粉剛好，蠔味夠濃creamy ! 另一樣，芝士大蝦伊麵必點大蝦炸過外脆，沾滿芝士伊麵煮得剛好，有咬口Ps 總共叫左五碗白飯, 碗碟唔乾淨衛生有待改進

今日屋企人食飯，有人話要請食龍蝦鮑魚，咁我就提議到呢間十幾廿年老字號啦！一定要訂檯啊！小菜價錢唔貴，都唔駛一百蚊一個。海鮮時價啦！講重點。主菜！芝士龍蝦伊麵龍蝦淡淡肉。起哂肉。口感好好，食到新鮮兩個字！芝士味不會搶。好配合！約1800蚊。都合理。足10人份量鮑魚鴨掌！好正好味好林好大隻！賣相都好靚如果要食海鮮。呢間真係要試下。侍應個個都好helpful，同我地講海鮮價錢都好有耐性！特別既係點了兩次脆皮豆腐 因為超好食 外脆內軟。

OK啦海鮮湯比較好喝很鮮，龍蝦伊面太乾了較鹹，海鮮炒飯太乾沒有火味，服務態度很好因為有bb車還安排了裡面靠窗的座位原先是定了6個人的台後來只有4個人還會即時安排位置不錯的服務

其實我對「越華會」嘅評價係好高㗎！可以話係我定期必食嘅餐廳之一！首先一定要講佢嘅招牌菜 - 麻辣手撕雞其實我唔太肯定呢個係咪佢嘅招牌菜，不過佢一定係我心目中呢度嘅招牌菜😅 佢個汁醬真係調校得冇得頂！⭐️⭐️⭐️⭐️⭐️ 另外一味我好鍾意而又係必食推介嘅 - 咕嚕蝦油條我好鍾意好鍾意食咕嚕汁，我好鍾意食咕嚕雞球（我唔食紅肉 - 豬、牛、羊之類，所以唔會豬肉嘅嗰一種咕嚕肉），而將蝦釀入油條入面，再配埋咕嚕汁，真係無敵正正正！⭐️⭐️⭐️⭐️⭐️其實仲有其他都好好食㗎！好似蒜蓉蝦干蒸勝瓜、鹹蛋黃炒涼瓜等等...... 不能盡錄👍🏽

有朋自新加坡來，佢話想食香港地道野，越華會不嬲都覺得有質素保證就二話不說地去了兩個人叫左一個避風塘炒蟹，一個蝦多士。味道蝦多士唔錯，有水準！份量夠！避風塘炒蟹就新鮮，味道就避風塘味入唔到隻蟹。不愉快的是我平時無叫炒蟹就問店員點賣。佢直接話最平一隻大約600幾，睇重量。我用國語同新加坡朋友解釋完，最後就拎左隻$784出黎。點知食到一半隔離又叫炒蟹，同一個店員居然話有加拿大蟹平D只要$498！最後$498既蟹居然仲大過我果隻$784。呃遊客唔洗咁既。。我影埋出黎比大家睇（有支啤酒果張就係隔壁台隻蟹$498）（背景乾淨d果隻就係$784）下次去越華會記得問有無平d既蟹，CP值應該更高。

真係好離譜，有個自稱經理既講粗口鬧人又掟板落枱，嚇到我哋即刻走！老人家生日，一行12人一早book左枱7點鐘12位，早2日係電話confirm左有房坐。點知我地今日6點45分去到，帶位呀姐話本野寫我地book左6點15，又打過俾我地幾次冇人聽，所以間房已經冇左。 我地真係冇收過電話，俾呀姐睇通話記錄，呀姐上左去同其他職員溝通，落返黎同我地話房真係冇，不過有張大枱執緊俾我地，因為有老有嫩唔想等太耐，照上去坐啦 初初都冇野，但係我地12個人坐張係大廳既9人10人枱，真係有d逼，有位白衫職員叫我地坐埋d，我地tun左少少，真係冇位再tun先碎碎唸話冇啦啦冇左間房，點知佢話係我地no show，咁我地咪俾電話記錄佢睇囉，真係冇收到電話，佢唔睇仲愈講愈大聲，話係我地冇聽電話，用字開始有粗口屋企人同佢理論，佢就大力掟塊板(黑色膠板，夾A4紙果種)落枱，差d整到其中一人，仲好大聲講"你地講x夠未"，個樣好兇，挺胸hung埋黎，好似想打人咁 屋企人忍唔住話佢明明係佢地寫錯時間令我地冇左係房既張枱，點解可以咁惡，我地都拎緊袋走，因為佢真係好似想打人咁，其他職員拉住佢佢都繼續兇我哋。我地行去搭𨋢時佢仲拎電

今晚和家人專程試試越華會，有期望，最後失望而回。首先服務态度差，仕應無看劉天王廣告，今天服務态度係咁，係唔得。菜色欠火喉，失望炒蜆不是炒，是灼熟，有沙，完全不能接受;椒鹽九肚魚粉太厚，無椒鹽味;脆皮豆腐名过於實;

每次家庭聚會都會起越華會book返間房 一家人開開心心食餐飯呢到嘅小菜的唔算貴 海鮮就貴d啦呢到乳鴿都唔細隻架 好好肉 d皮夠哂脆好貼心甘凖備曬手套 唔怕食到手污糟蔥油雞 超級足料呀  全隻雞都係入哂味 又嫰滑 送飯一流中間嘅薑蔥炆蠔 d蠔好大隻 無縮水好似手掌甘大隻 好好食蒜茸蒸蝦 好多蒜好多粉絲 撈飯一流鏡頭外嘅海鮮湯有 蜆  蝦 蟹 超級鮮味呀不過每人得每一碗 唔夠喉呀其他推介嘅有 蝦多士 咕嚕蝦油條

每次收工宵夜都係頭痛選擇的時候。好食既餐廳又收得早,收得夜既餐廳又未必啱大家聚會。越華會就是我其中一間最愛光顧的食店。因為收得夜, 小菜夠份量,可以同朋友吹下水。今次照舊點咗我鍾意既蜜餞蒜香骨,越華海鮮炒飯。朋友點咗干炒牛河,豉椒炒蜆。干炒牛河夠鑊氣,炒飯略為乾身左少少。可惜今次蒜香骨強差人意,全是肥肉。等我仲推介朋友說一定要試。比以前的味道又有所不同。。。有點失望!另外,可能這餐廳主力是賣海鮮,所以店員都喜歡極力推介客人海鮮食物。可惜朋友對海鮮敏感,未能大飽口福。

四人食晚餐，兩小餸，一窩水蟹粥，四款海鮮，盛惠$1808！海鮮價錢偏貴小小，餐牌上全部寫時價，如果想明確一點價錢，就要點菜前問清楚，因為一隻聖子大約都要＄78 如果12人，每人一隻，呢碟餸就要$900左右😖😖，而其他小菜都ok，味道很好，雜菜煲就偏鹹少少，上菜時間都，好快送到，員工都好友善，得推介是麻辣手撕雞👍👍，好好食， 唔算好麻辣，整體上這晚餐尚算可以，如果想經濟D食，點小菜都好抵，下次都會再嚟食👍

朋友之前試過哩間餐廳 覺得好食 所以叫埋我哋幾個朋友一齊再食脆皮炸豆腐豆腐外脆內軟 外面乾脆香口 入面軟滑易溶個人認為係必點之選蜜餞蒜香骨排骨炸到微脆 好香口 加上表面嘅蜜糖 蒜蓉 好惹味荷葉飯沒有預期中的荷葉香 但飯香尚可 配菜配搭得唔錯 芝士焗蝦球伊麵芝士醬汁濃度適中 蝦球亦乾脆但伊麵份量少咗啲炒蜆蜆肉夠厚 醬汁夠濃味 

身邊朋友經常提起間餐廳都讚不絕口每次有啲咩食飯慶祝生日等等聚會呢一間餐廳都會列入選擇當中身為食貨既我今次帶埋三個朋友再次出動😋😋😋我哋晚餐時段大概八點鐘門口已經有好多人喺度等緊位好在我預先訂咗位等左大概5分鐘就可以入座內裏裝修整潔光線充足中價中菜館嘅感覺因為今次我哋唔係以醫肚為主要目的所以只係嗌左幾款小菜小食蝦醬通菜鹹香十足配飯一流雞腳非常入味黃金蝦非常好食連蝦殼都可以食埋椒鹽豆腐外脆內軟鯇魚同扇貝非常新鮮咕嚕肉也異常地好食朋友口中經常提到嘅哩間餐廳非常非常值得推介有機會我一定會再次光臨再試一試佢其他唔同嘅小菜

The food is good. We ordered 5 dishes for 4 of ours and we kind of regretted as the potion were very generous. The fried toufu was crispy on the outside and soft and smooth on the inside. The fried toast and prawns was delicious. However, as both are deep fried, they must be eaten hot, our else they becomes a little soggy. The chili clams are simply out of this world!

銅鑼灣區多嘢食就係人都知㗎啦 我哋都成日喺銅鑼灣搵食 至於呢一間食肆 我哋就唔止第一次幫襯 今次就帶咗啲朋友嚟試下呢間 我覺得係銅鑼灣區數一數二嘅中菜 夠鑊氣 味道好 唯一個問題可能係 地方細樓底唔算高 所以好嘈 坐得耐 會有溫溫聲嘅感覺。這食店聽聞好似係一眾藝人開嘅。每次都必定叫呢個豆腐 滑到不得了 我會將佢形容好似炸鮮奶 今次呢個聖子王75蚊隻 呢四隻就成為三百元 係好爽彈嘅 抵唔抵食就見仁見智啦， 每次都會嗌個煲 有時海鮮煲 有時雜菜煲 抵食夾大件 送飯一流 ，呢一味芝士魚 個個都大讚 仲話好似尖沙咀某個芝士麵 既味道 食到一些回憶 哈哈哈！

星期五晚，一家人到此吃晚飯，老爺奶奶，阿哥和嫂子之前都已經到過這店數次，今次帶我和老公一起再試。一行六人點了六餸一湯，品嚐了非常美味的小炒菜式：咸蛋黃炒秋葵：事實上比較像炸秋葵，炸粉裡面混了咸蛋黃，炸起來更美味。而且炸過的秋葵少了平常的 "滑潺潺" 的感覺，反而是很爽脆。炸豆腐：外層非常酥脆，裡面的豆腐非常香滑，每件大少都差不多，配上泰式雞醬更是美味！這是我全晚最喜歡的一道菜！炒麵：這個炒麵的確炒得很不錯，麵條彈牙而且非常分明，不算太油且膩。加上芝麻及其他配料，很夠鑊氣很美味。蒜香骨：肉質鮮嫩，可是酸味較重，反而蒜味只是一般。蒜蓉粉絲蒸勝瓜：勝瓜和粉絲都蒸得非常入味，而且鋪滿了蒜蓉，加上蝦乾，配飯吃真是一流！越華海解湯：很足料，有一整隻蟹，還有很多其他海鮮配料，湯底非常鮮甜！讚！薑蔥雞：雞尚算香滑，可是不太夠味，配上大量的薑蔥來吃味道還不錯！整體來說水準很高，味道及服務都不錯，而且性價比高，值得一試！