越華會海鮮館 (已結業)

星期三，訂咗七點半唔駛等位。1) 服務唔錯，會自動清走食完嘢嘅碟。 待應好願意幫我們成班人合照。 又冇時間限制我們成班人都坐到十一點半先走。2) 環境一般，就是食小炒的格局。冷氣開頭有點細，後來伙記開返大就ok啦！3) 食物…都係小炒的例牌嘢。 我們叫咗炸豆腐，呢個皮薄，豆腐滑，豆腐味再重少少就完美啦！ 椒鹽魷魚， 這個就正正常常冇咩驚喜。 叫咗個炒飯都唔記得叫咩名啦，上面有啲炸咗嘅白飯魚仔，火腿肉粒…炒工唔錯的，但係個人覺得硬咗啲，同埋冇咩特色。上湯煮雜菇反而唔錯，唔會太老同埋好看蒜香味。 大蝦依面，就真係好唔得，一來面好少，我們六個人每人最多食到一啖面。 啲大蝦發到我咬咗一啖就頂唔順啦！總體來講，小炒佢們算唔多油和味精。 味道可以，你話超凡又唔係，但是價性比來講佢算係咁上下…六個人叫八道菜都是八百多。。又唔會趕你走，服務又可以…所以一大班朋友食吓飯傾吓計係唔錯的選擇…起碼唔駛成日食雞煲先啦！

尋日舊同事飯局，我都係第一次幫襯"越華會". 五女一男，七點準時到達，幸朋友一早訂位，不用等就安排入座。1. 咕嚕蝦油條 (又脆又彈牙) 2. 黑松露炒什菇 (必食) 3. 蔥油雞半隻(啲蔥佈滿隻雞，愛蔥的) 4.上湯浸蜆(鮮甜) 5. 蒜香骨(肉質唔會"鞋十十")6. 蝦多士(脆卜卜) 7. 炸豆付(推介) 8. 油皇炒面(面質煙韌)9. 蝦乾蒜蓉蒸聖瓜(清甜鮮味)平時不愛食中菜的我，這餐有驚喜。

昨晚(14/9)同家人提早慶祝中秋，一行八人,可能我們六點已到達好快便安排入座。原來有兩層, 地方光猛, 座得好舒服, 唔會枱與枱之間迫著。今晚點了幾個海鮮1 招牌菜避風塘炒蟹 (炒得很乾爽,不會濕立立, 蟹肉飽滿, 好味)2 魚湯浸大蜆(很鮮甜)3 蔥油雞 (雞肉很嫩, 最重要係雞上鋪滿蔥花, 超野味)4 黑松露炒什菇 (黑松露原來同菇味道很夾, 而佢地炒菇唔會一碟水, 又無菇既怪味。)5 豉椒炒聖子 (唔會炒到甩晒殼, 豉椒炒都食到聖子鮮甜味)6 薑蔥生蠔煲 (蠔隻隻肥美,連蔥都好味(原來蔥吸左蠔鮮味))7 咸魚蒸肉餅 (食落有家感覺)8 豉油皇炒面 (聽說是他們招牌菜之一)總括今餐晚飯沒有失望, 而且因新開張, 裝修整潔,最好就係有電視小朋友就唔會食飽嘈住晒,乖乖睇電視。

約了一班好友聚會，當然找個便大家地點，交通方便地方。行過銅鑼灣C 出口，銅鑼灣廣場2期行前少少，見有間商業大廈2樓3樓新開左間越華會，越華會食品好從不懷疑，所以決定呢間。上到二樓，地方整潔，舒服，還有卡位。前菜話梅車里茄，感覺超清新。主菜點了咕嚕蝦油條 (酸甜適中，脆口彈牙) 燒汁炒什菇 (炒得乾身無噏味) 蔥油雞 (雞肉嫩滑) 麻辣手撕雞 (最愛那種"麻"感覺)最後必食蜜糖蛋散，入口溶化又唔太甜。下次再要聚會，必選好地方。