越香風味

營業中

休息中

上次食左個豬頸肉飯，今次試下豬扒湯粉，價錢只係32蚊，仲送一條春卷，而且跟埋杯青檸水，但碗湯粉係河粉，有d失望，我以為係撈幪果款既粉麵，豬扒唔算差，但我覺得豬頸肉好食d。

哩間越式店，有好多款式，但我都只係食豬頸肉飯，因為好大碟，一定夠飽，食物質素不過不失，但30蚊黎講，有飯仲跟埋杯青檸水，性價比絕對值。我每次都食唔晒碟飯，係會有d浪費。

辣得來岩岩好，不過 d 牛肉好散好松，唔鮮等有時等好耐，有時就好快。態度一般，問佢d 菜用咩料，佢好唔耐煩話唔講雞濛見佢伸手入雪柜攞隻白切雞切幾塊俾你，無煮過下，我覺得唔係好接受到， 衛生俾低分d. 不過個虾湯粉就OK

生牛肉河🍜呢檔越南野性價比極高（個人認為）平平地三十幾蚊，份量都算多，仲有埋飲品送。簡簡單單咁樣又一餐。極平民既價錢，最重要既係佢既味道都唔差！即使係foodcourt入面有咁多間食店，我都係會忍唔住要幫襯呢間🤤令我回味無窮啊😍

慳家的歲月星期六食香茅豬扒飯$30蚊包涷青檸汁仲有好大片炒通菜完全抵食夾大件連醬汁都有質素只能講係極高CP值之選西九龍中心food court係值得推介雖然坐得唔舒服又多人但感受到高手在民間

這家越南美食不但經濟實惠，而且食物選擇繁多。如果你是第一次光顧這家店，一定會被眼前的餐牌嚇一跳，不知如何點餐。其實這家越南小食鋪所有食物都好吃，你衹要 go with your heart 來點餐便是了。當然最保險的就是點他們的套餐，$30一份還附上一杯充滿香味的青檸水。我經常都會另外點一份拼盤，裡面有炸春卷、豬頸肉春卷、炸蝦肉和炸雞翼。一份$52，非常經濟。以後如果想吃越南菜，來這裡便是了，不要去那些又貴又不好吃的越南餐廳。

已經好多好多年無去過西九龍中心，幫襯一下香港已經所剩無幾既美食廣場，食店眾多真係咩都有得食，價錢亦都非常經濟。花多眼亂，最終揀左呢間越式小店，繁忙時候都係得姐姐仔一腳踢搞掂，好快手就有得食講真，好耐無食過咁經濟既一餐，價錢平重要份量足，真係好難搵，$30個餐有飲品、有一條春卷、重有碗豬扒濛，真係唔知去邊搵大大碟炒通菜先$25，好過自己買返屋企煮，至於味道，當然不至於驚為天人咁，但都新鮮好味，所有炸物都係即炸熱辣辣。

西九龍8樓美食廣場有一間經常都大排長龍既越南小店，因為佢既套餐好掋食,只需30蚊，就有一大碗豬扒湯粉，一條越式炸春捲，一杯咸檸青水！份量好大份，午餐都足夠飽肚！所以有好多學生排隊味道也不錯，春捲炸得香脆！另外佢地既撈夢粉都幾好，酸酸地，仲有大量青瓜生菜，口感良好！價錢公道，所以經常再三幫襯

   星期六放工去西九龍中心FOOD COURT醫肚, 今次試吓8F15越香風味, 老闆係一個越南靚女姐姐, 我哋叫咗一個香芧豬扒湯粉,豬扒好入味,炸得外面香脆,而另一個香芧豬扒撈檬, 配料好多,有生菜絲,青瓜片等加埋檬粉酸酸甜甜,非常好味 個餐送青檸一杯同越南春卷一條,春卷人面係雜菜絲,蘿蔔絲,令春卷更加爽脆 . 下次多d人可以試埋個越香拼盤同香芧雞翼. 食飽之後, 行吓商場, 買定份禮物送比媽媽先, 母親節快樂!

如上篇帝家雞講,2-10-2014 (Thur)同男友o黎到西九食晏,見到越南風味呢間,男友都話可以試呢間,佢發辦買$29.00o既雞扒湯懞,飲青檸梳打,8分鐘後,呢個終於整好,但店方同男友講整錯o左做撈懞,男友唔介意下就冇換到.拎到埋o黎,杯青檸梳打好細杯,亦冇青檸o係o度,飲落,青檸味淡淡,唔太酸又唔係咁夠凍,一般.而雞扒撈懞呢,佢有一條春卷o係o度,雞件有四件,懞粉都幾多,食落,春卷都脆脆地;雞件都香口,香茅味清清地;而撈懞爽口,魚露落得好夠,好夠味.服務:由於我o地買o左幾多o野食,o係弄一篇o既講o既菠蘿蟹柳炒飯食唔晒但唔想o徙,於是食晒呢個後,就問店主攞個膠碗蓋冚住拎走,佢好好人肯俾,重俾個袋我o地.由於呢o度係food court,所以環境分唔計,味道係3.4分,抵食係2.5分

不想餐餐吃麥當奴、日本菜、車仔麵、中式飯粉麵…就試下這家越式豬扒春卷撈檬+青檸水。平時她會放了一些葉上去…我不喜歡這種葉味道。所以每次吃就叫她走葉,今次她不小心加了。她說加了少少、不過已拿走可能還有少少葉味道、笑著說不好意思,服務挺好。我就說不打緊。然後吃的也有少少葉味道…沒所謂。她做的春卷雖然只有一條切開兩個。豬扒也是一塊切開幾片但份量沒有覺得太小、然後拌了撈檬下面的酸汁整個開胃起上來。每次吃完再飲青檸水、簡簡單單我已經可以開心大半天。建議試-越式(雞扒/豬扒二選一)春卷撈檬+青檸水一共28元!真是好味!(豬頸肉撈檬沒春卷和青檸水也是28元)

今日24／4／2013，我去深水埗西九龍中心做嘢，因為要等，所以買份餐，因為想食湯粉，見呢間有個餐幾特別，「枕頭包+炒米缐+凍青檸水」（$22），只得一個女店員，我買嘅時候無曬米缐，所以轉咗湯河，個枕頭包炸得脆卜卜，裡面其實係同春卷一樣嘅餡，木耳粉絲紅蘿蔔絲，即叫即炸，點埋配埋嘅酸醋汁，好味，湯粉無餸，只有大量芽菜同蔥，湯底都清，唔算重味精，尤其我喜歡食芽菜，河粉亦都幾滑，連埋杯雪到起冰青檸水，今餐好滿足！雖然餐具全部係即用即棄！又係自助形式！以呢個價錢，超值！

行上8樓咁多次, 無一次知道原來有越南美食。 眼見唔係中式就日式, 再唔係就台式或海南雞飯......今次就決定慢慢逐間睇清楚喺賣乜野。這間賣的都是大路越南食物, 什麽什麽香茅豬扒, 什麽什麽湯粉撈檬, 店鋪旁邊甚至貼上與英皇歌手的合照。最初齋睇menu比較引我的是這味越香牛腩飯, 我問店員越香即是什麽味道, 她答我是「我們自己的汁」, 咁其實至少我想知道究竟是甜?酸?苦?辣?, 店員後來還告訴我「我地有落香茅吖！」廾多元還送一杯青檸水。 而味道對個人來說較淡, 入口濃濃的牛腩油脂味, 香茅味就不太覺得但黑椒味倒不少。 這嚿飯看似細但其實逼得好實, 我咁大食都吃不完 牛腩炆得既香也淋, 一層牛脂一層肉, 香香滿足