越．男

營業中

休息中

📍 越．男 Cóm Bánh Mì by Chef Phuc Dat Bich📍 灣仔 𝗪𝗮𝗻𝗰𝗵𝗮𝗶 • 大王東街28號地舖〔 Follow me on instagram @sikbaobaola ! ^^ 〕-A small diner serving quality Vietnamese food at reasonable prices. Fast and convenient especially for people who work around the area!A set with a main and a drink would cost $80, and you may add $20 for a snack too. The banh mi that we had was so crispy and with all the fillings it was so flavorful and had a nice crunch! Oh and if you're a chicken wing person, be sure to try their garlic

經過灣仔嘅橫街，見到唔少東南亞菜式嘅小店，呢間小店叫「越·男」，一聽個名就知係食越南嘢，平時都好多人幫襯㗎！店舖唔算好大，成間舖頭以湖水綠色為主色調，有一幅好靚嘅壁畫可以打卡，好友越南風味，保留會安小食店裝修風格，幾有特色！菜式除咗湯河撈檬之外，仲有好幾款越式法包可以揀。主食除咗脆豬腩之外，其他單叫都係$60，加多$20轉套餐，可以配埋小食同飲品～------------------------------🐂◖會安生牛肉湯河（套餐）◗ $80有好多牛肉，用越式嘅湯底浸熟啲生牛肉，熟嘅程度啱啱好～牛肉片有肉味，肉質軟腍；湯河軟滑，索晒個湯頭，食落甜甜地～🥖◖香茅豬扒法包（套餐）◗ $80法包烘得香脆，夾住啲螃蟹醬、沙律醬、醃蘿蔔、香茅、檬粉嗰啲，爽脆酸微微咁，好開胃！佢嘅豬扒拍咗一層薄薄嘅炸粉，輕微炸過之後，肉質唔乾柴有啲脆口，切成一條條細條夾喺法包裏面一齊食，好貼心！🦐◖鮮蝦扎肉米紙卷◗ 跟餐+$30 跟餐有兩件，份量唔算特別多呢～米紙煙韌，包住檬粉、生菜、扎肉同埋幾隻鮮蝦。味道正常，食落爽脆，好清新！🥥◖椰青水◗ 跟餐🌟Encore指數：8.5/10

路經灣仔的囍帖街看看有什麼好吃，就在附近發現有間越南小店「越. 男」，裝潢頗有地道風味，就決定試試。店內的長洲手繪壁畫好吸睛Combo $80 主食+飲品，價錢經濟檸檬特飲，有香茅香味，炎熱夏天飲相當解渴追加小食$20， 牛油雞翼2隻牛油香味濃郁，外皮十分香脆，內裡肉質仍是嫩滑。海南雞湯河雞件份量適中，做到皮脆肉嫩的質感很不錯。香茅豬扒法包個法包超級鬆脆的質感，豬扒肉厚嫩滑，有洋蔥、酸蘿蔔條、紅蘿蔔絲等豐富配料。

前排天氣開始熱熱地，好想食啲越南野，經過灣仔見到呢滿滿深綠色嘅裝修，聽個名就知係專食越南野嘅餐廳——🌟越．男🌟就想試下。佢餐廳入面嘅牆身係手畫嘅畫，畫得好靚😍而且綠色亦係我鐘意嘅顏色💚每張枱亦放齊曬調味醬汁，可以自由添加，好好👍🏻._.🌟🌟🌟 / 脆燒腩套餐 $90 / 🌟🌟🌟🐖｜香茅豬頸肉撈檬｜🐖見到脆燒腩有得配撈檬覺得幾特別，又好想食撈檬，燒腩肉數量都算，外皮香脆，整得好香，撈檬嘅汁唔會話好酸，好似係自家溝咗啲魚露，好食👍🏻·/ 小食 /🦐｜鮮蝦扎肉紙米卷｜🦐呢個紙米卷材料豐富，大大舊，裏面配料好fresh🌿仲有我最愛嘅蝦配搭🦐·🐥｜香蒜牛油雞翼｜🐥好邪惡，炸到好香脆，雞翼肉質嫩滑腍身·/ 飲品 /🍋｜檸檬特飲｜🍋酸酸地 好開胃解渴·💚｜熱香茅青檸水｜💚無得揀凍飲，只有熱飲，熱水令到味道更，開頭甘苦嘅香味再配返青檸嘅香澀，再用少材甜味中和返，我覺得幾好飲💕._.

越. 男 @大王東街👉🏻越式雞絲法包係用好脆身嘅法包夾住，入面有嫩滑雞絲，扎肉，酸瓜同蘿蔔絲 。雞絲好香麻油味，夾落法包入面啲蔬菜令口感更加豐富。最重要係佢哋嘅特製豬潤醬汁， 好惹味，同雞絲嘅味道好相配。👉🏻香蒜牛油雞翼就更加吸引啦！雞翼炸得剛剛好，肉質好彈牙，牛油香蒜味濃郁👍🏻👉🏻最後嘅西柚汁好fresh，味道唔會太甜，冇冰的正正。餐廳環境裝飾都好有特色👍🏻下次一定會嚟試試佢哋嘅其他菜式🩷

之前喺呢間越南餐廳買過外賣，叫咗燒腩肉越南法包。法包夠脆，入面又夠料，燒腩牛夠脆好味。但今次決定堂食，試吓生牛肉河粉，結果超級失望，河粉好「鞋」，生牛肉唔滑，又細塊，得三小塊，湯又唔夠熱，溫溫吞吞，湯頭又唔香又唔甜，總之好差，絕對唔建議叫生牛肉河呀！下次都係叫返法包！同埋都係外賣好啲，因為地方坐得唔舒服，又窄又成日有昆蟲飛來飛去，食得好唔自在，所以下次都係買返外賣法包！

喺大王東街有唔少東南亞菜餐廳，今次就嚟食越南菜 - 越·男。有常見嘅生牛肉湯河、撈檬之外，仲有好幾款越式法包可以揀。主食除咗脆脆豬（燒豬）外，其他單叫都係$60，加多廿蚊可以食埋小食同飲品。食咗：▪️越式雞絲法包+香蒜牛油雞翼+越式煉奶凍咖啡 $80越式法包似潛艇堡，外脆內軟，比起正宗法包更易咬開。雖然賣相唔算非常澎湃，不過材料都幾多，味道豐富有層次。越式法包夾內雞絲、札肉、白紅蘿蔔絲酸菜、芫荽、沙律醬、豬膶醬等。有咁多材料同加咗沙律醬，一路食都無為意原來個包有豬膶醬，成咗一大半先留意到佢。**平時唔食豬膶嘅人就要留意**-小食嘅香蒜牛油雞翼炸得卜卜脆，趁熱食最好味。（有確確聲🤣）飲埋杯冰凍嘅越南咖啡，消暑。-呢度係先落單再坐返埋位等，開放式廚房可以望到大廚點整😎

今日去咗大王東街呢一邊食越南嘢，呢一間舖頭已經經過幾次，但係都冇機會入去試吓，佢嘅午市套餐，其實都算幾抵，$80有一個小食一個主食同埋一杯飲品 今日就決定午餐嘅時候同同事嚟試吓比較推介嘅，有佢嘅牛油雞翼，牛油雞翼每一隻都有好重嘅牛油同埋蒜蓉嘅香味，而且食落去第一啖非常熱辣辣，即炸出黎非常新鮮 牛油味非常濃郁，有喜出望外嘅感覺 豬頸肉飯亦都做得非常好食，豬頸肉嘅份量好多，而且唔會好油膩，配埋酸菜同埋飯食配搭非常一流 朱槿肉嘅調味都非常特別，個面有少少燒焦嘅感覺，咬落去特別脆香！飲品就揀咗西柚汁不過不失

灣仔越男餐廳是一家位於香港灣仔區的越南餐廳，以其道地的越南美食和寬敞舒適的環境受到顧客的歡迎。其中，越南香茅豬扒撈檬是這家餐廳的招牌菜之一。越南香茅豬扒撈檬，是以豬扒為主料，配以香茅、檸檬和其他調味料製成的一道越南美食。這道菜品以豬肉柔嫩、鮮嫩多汁、口感豐富為特色，搭配清新的香茅和酸爽的檸檬，味道獨特、清新怡人，讓人回味無窮。在越男餐廳，越南香茅豬扒撈檬的做法非常地道。豬扒經過特殊處理後，先用香茅和其他調味料醃製，再經過煎烤，使得豬肉外脆內嫩，口感更加美味。最後，檸檬汁的加入使得整道菜品更加清新、爽口，讓人一試難忘。除了越南香茅豬扒撈檬外，越男餐廳還提供了其他傳統越南美食，如越南河粉、越南春卷等，每道菜品都是由越南籍廚師親手製作，保證道地美味。總之，越南香茅豬扒撈檬是灣仔越男餐廳的招牌菜之一，其豬扒鮮嫩多汁、香茅清新、檸檬酸爽的味道讓人回味無窮。如果您想品嚐道地的越南美食，越男餐廳是您不容錯過的好去處。

今次係我第三次叫哩間既外賣自取，之前兩次都係叫生牛河，第二次既份量小得可憐，幾啖就食完 完全唔夠飽，但味道絕對ok. 今次再比機會佢，驚唔飽所以叫左豬頸肉飯，去鋪頭拎既時候，員工唔協助比外賣我覺得唔緊要，自己拎完發現無餐具，想自己拎餐具，佢又覺得我阻住佢出餐咁。哩個員工唔知係咪個老闆娘，對住佢有小小勞氣！我都唔想同佢講野！豬頸肉飯味道都ok,但一如既往 都係份量太小，完全唔夠飽！雖然味道可以，但唔會再食了

灣仔一向集合多國美食(oﾟvﾟ)喺利東街附近有呢間望落幾骨緻嘅越菜 店內有幅好𝘤𝘰𝘭𝘰𝘶𝘳𝘧𝘶𝘭嘅打卡壁畫 有越南街頭小店嘅感覺🇻🇳𝐌𝐞𝐧𝐮以越式粉麵、法包同飯類為主～𝐂𝐨𝐦𝐛𝐨 𝐬𝐞𝐭包主食、小食、飲品 晚市都係$𝟷𝟶𝟶左右 港島區來講唔算貴(¬‿¬)♡ 香茅豬扒越式法包熱辣辣又夠脆🥖仲好大個 餡料塞到滿滿的(o´ω`o)ﾉ豬扒軟稔 而且香口 佢嘅肝醬比較濃味 但唔會太鹹太搶味 夾埋蘿蔔絲同其他配菜好𝚋𝚊𝚕𝚊𝚗𝚌𝚎.♡ 香茅豬頸肉撈檬豬頸肉雖然未到燶邊嗰種脆度 但依然幾香 肥瘦適中夠哂爽口 特別要提撈檬質感幾特別 似幼身同彈牙版嘅米線 撈埋秘製魚露好開胃～.♡ 小食｜青木瓜沙律 // 鮮蝦扎肉米紙卷越南菜總係唔少得呢啲清新嘅小食🌿沙律好爽脆 酸甜度十足 米紙卷細細舊但幾足料 材料新鮮 實無出錯 ٩(ˊᗜˋ )

今日食lunch嚟到呢間係大王東街28號地舖嘅越南菜，食飯時間都唔係太多人，都唔使等位就可以自己Walk in，舖頭係採用先付款後上食物，所以如果睇啱嘅朋友先俾咗錢先唔好坐喺度呆等 我今日就叫左一個套餐，包一個主食，一個小食同埋飲品我就揀咗燒豬頸肉飯，兩件牛油雞翼，同埋熱檸茶，成個套餐$80，喺呢個地區來講都算合理燒豬頸肉飯比較推介，豬頸肉切得非常厚身，燒得都好香，份量嚟講都算比得幾多，豬頸肉未到食落都算爽口，唔會有好肥膩嘅感覺肉質都算幾香口，識落唔會有太硬嘅感覺 總括嚟講性價比幾高都值得推薦比大家

去到灣仔球場，想話搵下附近有咩好食，點知比我搵到有一家隱世越南菜，呢間餐廳幾有特色，牆上掛滿壁畫，好似真係去左越南咁🤣晚餐套餐主要就係主菜+飲品，款式選擇都算幾多，最後決定點左個香茅豬扒撈檬，估唔到檬粉可以咁爽口彈牙😜職員推薦我點一款醬，一見到以為是辣醬，點知加左之後一種酸酸甜甜的感覺，有點像是醋的味道，又幾過癮下，所以就加多d，差少少就變成一個湯底😂豬排方面搭配香茅的話真係無得頂，仲有一片九層塔，簡直就是香上加香，聞一聞九層塔的香味，再咬一口豬排，再喝一口椰青水，完美~🤞好味指數：8/10性價比指數：7/10餐廳名稱：越．男餐廳地址：灣仔大王東街28號地舖電話：25289131

位於灣仔小巷既越南餐廳店內牆壁上有畫滿壁畫 好有特色座位唔算多但都坐得舒服 💯而食物種類都算多 而價錢都幾合理👍🏻揀左套餐 有主菜+小食+飲品🌟會安生牛肉湯河越南菜都必嗌既生牛湯湯底濃郁鮮甜而不油膩帶牛骨同九層塔既芳香半熟既生牛肉夠嫩滑而河粉質地薄又通透帶有米香 真係整得不錯😋🌟香茅豬頸肉飯豬頸肉好爽脆而且焦香味十足仲帶香茅香氣 醃得夠入味加埋秘製醬汁食落特別惹味👍🏻🌟木瓜絲沙律清新爽脆既木瓜絲配上味道酸酸辣辣既醬汁食落非常開胃既前菜🌟鮮蝦扎肉米紙卷米紙卷既餡料非常足料包住蝦肉扎肉蘿蔔絲等口感非常豐富💯🌟檸檬特飲好岩食越南菜既時候飲 夠哂清爽解渴👍🏻

收工唔知食乜，遇著珠寶展度度都勁多人，見到呢間冇乜人排隊又好似好地道，價錢又吸引，就膽粗粗衝入去試下。店員似乎都係越南人，感覺都應該幾正宗。店面細細，要去cashier 落單。叫左個生牛肉河，香茅豬扒法包，追加小食牛油雞翼同越式春卷。食越南河最重要係個湯底。當年去越南食嗰個湯嘅味道我一直都無法忘懷！香港食過無數間就算都係越南人開嘅都食唔返嗰個味道。香港食到嘅，一係唔夠香，一係就濃味似味精湯，缺少嗰種肉嘅鮮甜味同清新感。呢個湯令我覺得似喇就係嗰種清甜味喇！至於法包，我一咬落去，咦？唔係硬「掘掘」嗰種法包喎！外面脆裏面軟軟的，口感好ok 喎！饀料唔係用生菜，係用醃蘿蔔絲，個汁好清新！可惜係豬扒冇乜咬口偏軟，亦缺少豬肉味。牛油雞翼個皮唔係脆咁簡單，係酥脆！越南春卷係有芋泥饀嗰種，我幾鍾意！配上兩塊BB 生菜。不過我覺得每樣野份量都有啲少，$90 湯河配飲品，$90 法包配飲品，兩件雞翼同兩件越南春卷各$20。食完有啲唔係好夠飽😂 下次要叫多啲小食先得