跑緣 (已搬遷) 新店位置

😅 小編依日好晏先食飯，諗起深水埗有間小店收六點，即刻趕去醫一醫肚，當食埋晚餐！😝🍽 飛毛腿 (無激素雞下髀) 配薑黃飯 😋😋😋😋因為雞髀🍗係即叫即焗製，所以等咗大半個鐘先上碟。薑黃飯好香，兩隻雞髀醃得好入味，有鹹香微甜嘅醃料同香草味，肉質嫩滑，同薑黃飯唔錯嘅配搭！😎🍹 黃起 - Ga Yau - 柚子梳打 😋😋😋😋柚子蜜加梳打，甜甜地，食到有微甘嘅柚子皮，飲落好爽！好解渴！😚晚餐 💵💵 約港幣$100/人💁🏻‍♀️ 小店除咗有餐飲，亦都有做連繫街坊同跑步朋友嘅社區工作。小店亦有內外場，一門之隔嘅內場仲放置咗好多懷舊香港物品！🙆🏻‍♀️ 最後，喜歡嘅話，歡迎follow @foodirectory.hk！

環境成間鋪以跑步來作為主題，裝修非常有特色，有唔少Vintage裝飾，包括以前嘅黑膠碟、枱同燈飾☺️呢間Cafe每個星期都有派飯俾街友，仲鼓勵加油一齊去做運動，令佢哋可以搵返啲生活目標，之前仲資助左五個街友去台灣跑馬拉松🏃🏻‍♀️🏃‍♂️🏃🏻‍♂️🏃🏻🏃🏻‍♂️！，經過Cafe嘅話，記得入去幫襯，多多支持！飛毛腿薑黃飯🍚🍗蜜糖雞髀係即叫即焗，蜜糖唔會過多，味道剛剛好，焗完出嚟之後香噴噴，聞到食慾大增。薑黃飯都係第一次食，薑黃味唔會好濃，其他地方都好少有得食，去到可以一試！☺️☺️

時間：2022年7月上旬，假日下午時段。環境：乾淨企理，感想：同女朋友深水埗去抱石，之前就想先食野。上網見到呢間會以跑步做主題cafe，而且食物都採用無激素食物所以想試一下。到場後餐廳裡面已滿客，但可以坐cafe bar枱。下單食物包括：1） 飛毛腿（無激素雞下髀）配黃薑飯2） 黑椒豚肉腸意粉3） 兩份甜品4）兩杯飲品超級驚喜係見到食身定價係“自由定價”，隨心奉獻，先知道係基督教有關cafe。食物質素有驚喜，而且份量絕無因自由定價而減少，我平時都食好多野但一個主菜加甜品份量非常滿足。豚肉意粉味道不過不失，但外面餐廳可能只會提供3分2份量。雞髀飯果然招牌菜，雖然要等20分鐘（即叫即做）, 但雞肉好滑好入味。飲品方面，點左一杯Cappuccino, 份量適中。服務態度好想讚一下，店員好熱情，因為岩岩係附近書店買左本行山書，佢地都會搵你傾計，而且因為坐bar枱佢地都會再執一下以便有更多空間可以存放袋。下次再到都會想黎多次支持下。

跑步主題餐廳 🏃🏾‍♂️ 聽說餐單都是以運動員的健康出發，因此可能份量也比較少，7成飽😛不過食物和飲品都高質、有特色點了招牌菜飛毛腿（生焗雞髀）配薑黃飯，嫩滑多汁👍🏽另外點了一個西班牙朱肋條薑黃飯，超級好味👍🏽飲品Ice Latte也很香濃，比其他餐廳好👍🏽

早排見到有報導呢間小店 店主經營理念幾好,搵到機會試下佢蜜糖飛毛腿黃薑飯 所有新鮮食品都係即時製作,等約15分鐘選用無激素雞下脾位可配蜜糖或香辣口味 單點又得,配飯或意粉又得 甜品仲有窩夫供應 特飲話梅桔仔冰都係最受歡迎既飲品即點即焗,個雞下脾個外皮好香脆 咬開啖啖肉又嫩滑 仲食到淡淡甜香蜜糖 配黃薑飯健康又好味每份飯都有沙律跟埋,賣相豐富又健康美味 話梅桔仔冰，酸酸甜甜，好開胃 上面粒冰仲要係玫瑰花造型夠曬心思評分8/10消費$150深水埗荔枝角道135號地舖

荔枝角道上有一間好突出的咖啡店 跑緣 Runners' Foods，自成一角已經換了好幾手，現在是用跑步為主題的簡餐咖啡店，入去招呼我的竟然係一位牧師，咖啡店後面仲有個好有特色的神秘房間，好有趣架。有時候行荔枝角道返屋企就會經過這個鋪位，我知道樓上之前係做青年旅舍，之前係比較文青的咖啡品牌。小店前前後後都無咩其他新店，遙遙可以望到有名的雷生春。外面有一個跑手造型的霓虹光管招牌，好有特色。入面座位得幾個，好容易就會客滿。店內空間完全係一眼望晒的感覺。設計小節都幾有心思。跑手們會將選手布和獎牌留在這裡，真的是主題咖啡店來著。因為係跑手可以放心吃的食物，所以全部都好健康，素食的話有兩款沙律，最特別仲可以轉印加果油，真係要識貨的健康人士先知道是甚麼。想吃得豐富一點，還有全日素早餐和黑松露炒蛋包之類。 Latte HK$40咖啡都算有水準。 煨邊蛋伴日式麻醬沙律菜 HK$65沙律是店內無澱粉輕食選擇，適合低碳水飲食人士。可能因為無人洗碗的關係，所以用錫紙盤。沙律份量唔算好多，個沙律汁都幾好食既。吃完要自己收拾餐具垃圾。鏡面門後面原來收藏了一個神秘空間！是不是好像進入電影世界一般？！空間內收集大量

食物是為生活而享受並不是為生存而食-Dino牧師跑步主題餐廳，食物用心製作，主打原型食物無添加，68歲老闆Dino，想教返人正確嘅飲食觀念，享受食物。舖面主題係「跑」，但係門後又另一個空間。入邊全部都係「古董」，很Chill，啱晒嚟打卡。上手係一個designer整嘅地方，係民宿嘅Common area ，係比Back packer住嘅，而家變成餐廳嘅一部份。🐰All Day Breakfast配Charcoal Baguette/棉花糖配朱古力曳仔鍾意三文魚炒蛋，Baguette外脆內軟。👮🏾‍♂️西班牙黑毛豬肋條配黃薑飯豬肋條好Juicy，有𡁻口，唔肥。🦖飛毛腿配黃薑飯/Espresso Tonic雞髀不得了，即叫即焗，皮薄少脂肪，好多肉汁。#RunnersFood #跑緣 #黃色是正嘢 #黑色是良豬#無荷爾蒙雞下脾 #LunchOfTheDay #曳仔 #獄長 #暴龍

因為教會小組活動，有機會嚟到「跑緣」，聽黃牧師嘅生命分享，一嚐「跑緣」的美食我哋一行10個人，叫咗團體套餐「跑緣盃10公里」。餐廳食物以健康為主線，精心挑選食材，烹調少油少鹽。特別推介佢哋嘅signature「特色飛毛腿」，雞鎚皮脆肉嫩，肉汁鎖在雞肉𥚃青口墨魚汁燴意粉都非常出色，青新感覺讓人一試難忘，喜歡海鮮嘅朋友不容錯過黃牧分享餐廳特別注重食物嘅質素，因此食材都精挑細選，作為食客我吃得出主廚嘅心思，這年頭小店能夠堅持選用高質素嘅食材，讓食客食得健康，真係值得支持「跑緣」係跑友嘅竭腳亭，離開時看見不少跑友相聚一堂，傾傾偈，喝杯咖啡☕️ 牆上亦看到牧師跑馬拉松嘅號碼布，亦都可以睇到「養生跑」嘅心得。就好似金庸小說，把心經口訣刻在牆上的英雄，各路跑友應該都會潮下聖除咗文青嘅裝潢，還有黃牧師的分享亦係呢間餐廳嘅signature。無論係對露宿者嘅承擔，福音餐廳嘅理念，宣教嘅堅持，跑步嘅熱情，抑或係營商嘅想法，都成就左呢間有人情味嘅小店。

跑緣應該係全港唯一一間以跑步為主題嘅 cafe，老闆係 68 歲嘅牧師 Dino。有宗教背景，可想而知 cafe 除咗做生意之外，亦都會參與社區服務，例如售賣飯券，派飯畀無家者等，可謂又黃有又有良知。既然以跑步為主題，店內嘅裝飾同擺設當然同呢個主題有關，例如：放咗一啲有關跑步嘅書籍供食客借閱讀；整咗一幅貼有跑手號碼布嘅牆，前面仲掛滿獎牌。除此之外，由於 Dino 亦有開班教授養生跑，所以店內有一幅牆畫咗佢嘅跑步四式心得，圖文並茂，資訊與趣味並重。叫咗個意式香辣蝦意粉，原先估計係茄醬同 Tabasco 味為主，點知上枱時先發現原來係creamy 嘅蕃茄醬汁。由於叫咗少辣，辣味真係一瞬即逝😂，不過整體嚟講，個意粉酸酸甜甜，配以洋蔥同蝦仁，再加上旁邊嘅沙律，味道係唔錯嘅。Dino 話大廚姨姨以前係社工，真係失敬失敬。再叫咗杯 Dirty (Dino 牧師 Special)，採用嘅係明治奶，奶味好濃，本來並唔係我鍾意嘅口味，不過由於咖啡味都好濃，成杯咖啡因而取得平衡，好飲👍。據 Dino 講，咖啡用咗哥倫比亞豆，份量又由 18 gram 增加到 21.6 gram，所以果酸味少咗，咖啡味濃咗。

夏日炎炎，路經跑緣入去試吓特飲「話梅桔仔冰」; 透心涼($39)。如果有時間，可以叫沙律、意粉餐; 桔仔冰就只是$25呢!識飲咖啡既你，可以试下Dirty coffee ; 聽聞剛入口有果香味，再飲第二口; 就濃濃咖啡味

今日從旺角行到太子，6點幾又未肚餓，本來打算行去黃竹街飲杯咖啡再買野食。行過雷生春堂附近見到呢間“跑緣”，有個跑手logo幾得意，落地玻璃門口又幾welcoming. 就入去打算叫杯咖啡打發時間。入到去原來店已經打烊，不過聽我想飲咖啡都照整。店主友善健談，第一次見面就覺得同佢傾計幾舒服。先講杯long black, 店主話係哥倫比亞washed, medium roasted. 飲落開頭微果酸，中尾段咖啡味都幾出。幾好。一間幾有趣既店，店主把他愛好 - 跑步為主題。店既後半部份又係另一風格。好chill。傾到一半廚房那邊話還可以做pasta, 那就黎一份辣腸意粉拎返屋企食。意粉煮得岩岩好Al dente, 味道都唔錯。

位於深水埗嘅跑緣 係一間結合跑步同基督教會概念嘅餐廳 近窗嘅位置好適合自己一個人放空飲咖啡 再行入啲餐廳就搖身一變進入左一個懷舊嘅香港 好多有香港特色嘅擺設 點左鴨胸沙律同埋香辣蝦意粉 味道都不錯 跟餐嘅係紙包飲品 如果想試特飲嘅話都可以加錢 今次我哋試咗杯「黃起」其實即係柚子梳打 有寓意而且味道清新 大家都可以約朋友喺度聚一聚 或者可以係度識到志同道合嘅新朋友添☕️